5 Hase

Di 5 Hase a minere Hand
Di händs luschtig mitenand:
Dä hüpft de Bärg duruf
Dä do juck ganz höch uf
Dä macht es Hasetänzli
Dä gwaggelet mit em Schwänzli
Und dr chlinscht sitzt hinter emne Baum und hett e wunderschöne Traum!

Dä goht uf Afrika

Dä goht uf Afrika
Dä luegt em truurig na
Dä seit uf Wiederseh
Dä winkt ade - ade und seitt pass uf am Nil:
Do hätts es grosses Krokodil!

Dä isch is Wasser gfalle

Dä isch is Wasser gfalle
Dä hätt en wieder usegholt
Dä hät en is Bett gleit
Dä hät en zudeckt
Und da chlini Schelm hät ihn wieder ufgweckt!

Über ds Wägli

Über ds Wägli springt es Häsli,
Dä het's gschosse,
Dä het's gschlachtet,
Dä het's brate,
Dä het ds Tischli teckt,
U ds chly Fingerli het alli Täller usgschläck

10 chlini Zappelmännli

(Mit allen 10 Fingern auf dem Körper des Kindes herumtanzen)

10 chlini Zappelmännli zapplet hin und här
10 chlini Zappelmännli findet das nöd schwär.
10 chlini Zappelmännli zapplet uf und ab
10 chlini Zappelmännli findet das sauglatt.
10 chlini Zappelmännli zapplet zringelum
10 chlini Zappelmännli findet das nöd dumm.

10 chlini Zappelmännli schlüfed is Versteck
10 chlini Zappelmännli sind uf eimal wäg! (Die Hände verstecken, zum Beispiel in den Haaren, in der Achselhöhle, hinter dem Rücken, unter dem Fuss etc.. )

10 chlini Zappelmännli rüfet luut HURRA
10 chlini Zappelmännli sind jetzt alli wieder da! (Alle Finder wieder zeigen... )


Artikel teilen:

Quellen:

  • Foto: © athomass - Fotolia.com