Kinderreime

Kinderreime

Pumperniggel

I bi ne chline Pumperniggel,
i bi ne chline Bär.
So wie mi Gott erschaffe het,
so zottle ni derhär.

Stumpe

I bi en chline Stumpe
rund und dick.
I tschauppe in ne Glungge,
Hui, das sprützt!

Ringel, ringel Reie (und Varianten)

Ringel, ringel, Reie,
D'Chinde gönd i d'Meie,
D'Buebe gönd i d'Haselnuss,
Mached alli husch, husch, husch.

Ringel, Ringel, Reie,
's Chindli spielt im Freie,
's Vögeli schlüpft dur Baum und Busch,
Mached alli husch, husch, husch.

Ringel, Ringel, Rose,
schöni Aprikose,
Veieli und Vergissmeinnicht,
alli Chinde dreied sich.

Ringel, Ringel, Reie,
d Chinder sy im Freie,
si tanze um e Holderstock
u mached alli Bodehock.

Ringel, Ringel, Reie,
im Garte staat e Chräie,
spaziert im schwarze Sunntigsfrack
und hät kein Rappe Gäld im Sack,

Wenn etwas weh tut...

Heile, heile Säge,
drei Tag Räge,
drei Tag Schnee,
tuet em Chindli nümme weh.

---