Kinderreime

Jahreszeiten & Wetter

Räge Räge Tröpfli

Räge Räge Tröpfli,
es rägnet uf mis Chöpfli.
Es rägnet abe-n-is grüene Gras,
da wärdet mini Füessli nass. d'Chatz, die lauft im Schnee.
Und wänn sie wieder hei chunt, tüend ere d'Tätzli weh.

Es schneielet

Es schneielet, es beieilet,
es gaht en chüele Wind.
D'Meitli leged Händsche-n-a,
und d'Buebe laufed gschwind.

A, b, c

A, b, c, d'Chatz lauft im Schnee,
Chunt sie wieder hei,
het sie wissi Bei.

Frühling

Chumm, mir wänd in Garte gah,
wänd go Blüemli bschaue.
Alli müend jetzt Wasser ha,
die rote und die blaue.
's Sünneli schint,
's Vögeli grint,
's Spinnli uf em Lädeli,
's spinnt e langs, langs Fädeli.

Sommer

Roti Rösli im Garte,
Meierisli im Wald.
O wie schön isch's im Summer
Und im Winter wie chalt.

Wandere

Chumm, mer wend go wandere,
Vo einer Stadt zur andere.
Ri, ra, rum.
Jetz chered mer wider um.