Aargau

Mamis oder werdende Mamis aus dem AG hier?

Wäre schön sich einwenig aus zu tauschen, evtl. Später ein treffen organisieren usw.

Würde mich sehr freuen.

Glg

Hallo

Bin au vom AG, han en 31 monate alte sohn und sind am üebe für 2 wunder!
Häsch au scho es kind oder in erwartig?
Lg

Hoi Binchen

ich han schu 2 kind. dä Gross isch 4,5 und s'meitlich wird im Juni 3.

mini 2 sind ebe 16 Mönet usenand...
isch bitz schnell gange... *g* aber ich würds wieder so mache.

woher usem AG bisch du?

Hallöchen

Ich, hier, Au Aargau mini Chli Bohne Esch gradmal 4e halb mönet....
Freu mi aber uf jegliche ustusch!!
Grüessli

Hoi
Bin us Rudolfstetten, nöchi Dietikon also grad a de grenze zu züri!
Und ihr?

Cubetto hät au vorteil wens en chline altersunderschied händ! Chunt de gross in kindergarte da jahr?

Sue, jeee no so chlini maus häsch! Wend ihr mal no es 2 wunder?

Lg

Hoi zäme!!

@binchen: in ruedistette hani bis im 2008 gwohnt jetzt sind mir in villnachern fascht dihei, isch bi Brugg. Mit fascht mein i, dass mir baue mir wohne schu da, und baue im gliiche Dorf.

De chli Alters Unterschied het sini vor und Nachteil, wie alles andere au. De gross chunnt in kiga genu und die chli chunnt nögstjahr in kiga. Git einiges a Umstellig, da ich no teilzyt schaffe, aber s chunnt guet :-D

Aber ich würds wieder so mache! <3

@sue: hoiii, und woher bisch du??? Jö so es chlii muus

hoi zämä

mier züglet au bald id nöchi, mier züglet i 10 tag uf zufikon, also ide nöchi fu dier binchen. Mr freuet ys sehr uf yses nüä dihäi!

Ysi Chind sind 22 moent (bueb) und 1 monet (meitli).

binchen, wartetr scho lang ufs 2te?

cubetto, ui 16 monet isch sicher teilwis sträng gsi? Aber sicher au schön. Ich finde de abstand fu 21 monet au sehr schön. Aber we du seisch, jede abstand het vor und nachteil.

Cubetto mir wohnet sit mai 2008 da in ruedistette! Wie lang händer do gwohnt?
Schön bauet ihr eu es hus!
Hoi lilii, jeee no so e chlini maus und scho bsld en 2 jährige bueb!
Mit sind sit em januar am üebe also jetzt im 4 üz, hoffet das bald es 2 wunder underwegs isch wil de chli wird im august scho 3.
Sicher no stressig nit 2 chline kind zügle! Händer e zügelfirma oder machet ihrs selber?

Lg

hoi binchen

Neinei, mier hend en zügelfirma. Das tönd mr ys nit aa. Mi Maa hasst zügle und er isch definitiv nit dr handwärker . Und ebe, mit 2 chline chind bruchsch fasch en zügelfirma. Mr sind sehr froh. Mier hends au guet organisiert. hend fründe wo hälfet chiste packe und am zügeltag luegt mi papi zum "grosse" und ich kümmere mich um di Chlii. Mis Mami und d schwiegermami tönt denn d Chuchi iirume. Also ich dänkä, es sötti alles guet cho. Bi gspannt we yse Sohn reagiert ufs nüä Dihäi.

Drucke dier Duume dass es bald klappt. Mier hend also au Glück gha dass es bim 2. mal so gli klappet het. Bi bide FA gsi will ich fasch kei mens gha ha sit de geburt und de het sie grad gse im US dass ich churz vorem ES bi... De hemmr das natirlich grad usgnutzt und voila, de hets klappet!

Hoi zäme!

@binchend: vu 2006 bis 2008 hend mir dört gwohnt. Bin no ab und an dört da ich 2 Kolleginnen han, wo dört wohne. Ussertdem wohne mini schwiegies in dietikon

Drücke fest d Düne, dass wuche Wunsch gliiiii in Erfüllung gaht. Wie gahts dir?

@ lilli: ja das find ich au s best mit de zügelfirma... Einfach iipacke muesch du oder? Staht mir denn irgendwann au bevor... Isch für mich Horror. Aber denn zum letschte mal!!!
Am aafang isches schu bitz sträng gsi... Hesch ja eigentlich 2 Babies... Aber de gross het das au zimmli schnell akzeptiert. Wenn i dra dänke dass de gross im Summer in Kiga chunnt und die chli nögst Jahr.... Merklich wie die Zyt schnell umegaht! ...und doch macht mi grad chli stolz....

So ich sett mal chli hinder dr HH. Bis spöter

Cubetto danke, voll am hibble und hoffe das endli klapet hät. Afang mai weisi meh!
Min chli wots höt wüse, nur unfug im kopf und folge isch es fremdwort! Denk den immer woe sol ich den das mit zwei schafe wens so druf sind!

Lilii au dir danke, schön das bi eu so schnell klapet hät! Wie hät de gross uf chli schwösterli reagiert?

Lg

@binchen: mini 2 hend de ganz Tag gstritte! Sone Tag isch echt zum vergässe! Hoffe morn bessererts! Will doch mini freitäg mit de Kids gnüsse und nöd anduurend schimpfe!

Demfall fest ruume drucke und mithibble

Lg

guete morge

binchen, dr Gross het sis schwösterli fu afang a akzeptiert. Sie isch halt eifach plötzlich da gsi und das isch für ihn ok gsi. Er isch voll härzig zu ihre und tut sie streichlä und küsse und will sie halt au oft trägä, was natürlich nit gaht. Mängisch will er halt genau denn zu mier und treit wärde wenn ich sie grad stille oder im ergo ha... aber ich luege dass es au immer wieder mami-sohn-zittä git. Bi sehr dankbar dass er nit iversüchtig isch und dass är au sehr guet älläi cha spile.

Me het halt eifach sozägä gar kei zit meh fir sich mit 2 chline chind. Vermisse halt chli mi Fyrabig momentan, bis sie schlaft bini amal au so müed dassi ga ga schlafe.

cubetto, gäll zit gaht soo schnell! Dr Gross wird ja i 2 monet 2jährig! Scho so gross! irgendwie will mä gar nit dass sie so schnell gross wärdet und doch isch me so stolz und jedes alter het sini schöne sitä!

Lilli,weisch, sobald die chlii ihre Rhythmus het mit länger schlafe, gitz au für dich fyyrabig
Ich bin amigs froh wenn's 8i isch... Denn sind's nämmmli beid im Bett... Oder a so täg wie hüt wo's de ganz Tag verusse sind, au früher

Ich han mini uuszyte au Dur mi Job. Gnüss es richtig, au wenns amigs streng Chan sii.

Huiiii in 2 mönet 2 Jahr... Gitz en grossi Party? Mini chli wird in 2 mönet 3 Jahr alt

cubetto, wenn het denn dini gross geburi? Yse Sohn het am 17.6.

S wird öpe en ähnlichi Party gä we letzt jahr. Mier hend d Grosseltere, Götti und Gotti und 2 fründinne mit chind iglade und hend sind verusse gsi und hend grillet am abig. hoffe es wird wieder so wunderschöns wätter. Isch halt scho lässig wenns im Summer Geburi hend. Und ufe 2. Geburi bechunt er es Laufrad. Er wird usflippe vor Begeisterig, er isch voll Velo-Fan, er will immer allne d velos wägnä und flippt us wennr irgendwo eis gset.

Ich wirde das Jahr 30gi, mal luege was ich mache, ich wett das scho irgendwie gebührend fiire.

Ja gäll, das mim Fyrabig chunt scho au wieder, das weiss ich ja. Was schaffisch du?