zewi decke

het öper ä zewi decki?
schlafe öi kind i dene?
oder heit dir ganz öpis anders?

bi üs dahei isch üse bueb im schlafsack und im kinderbett mit gitter.
bi mim mami dahei isch eifach äs normaus bett und sie wot lieber ä zewi-decki aus äs gitter vor zbett.
i dänke aber das är so nid schlaft....
oder was heit dir für erfahrige?

öise pfused sider ca 7 mt isch inere zewidecki(mittlerwile 3o mt).zerst au im schlafsack.woner agfange het sich ufezieh im gitterbett mit schlafsack isch ebe de therorr losgange.x mal heter brüellet ide nacht und jedesmal ischer gstannde.han den e zewidecki machle lah fürs bettli.leider heter au mit dere chöne ufstah.die zewideckene sind nie so eng wie vieli ahnemed.schlussendlich hemeren nur mit de matraze ufem bode pfuse lah ide zewidecki und vo do a isch rueh gsi.hend den mit 10 mt uf die gross matraze gwechslet mit zewidecki.
ich finds super.mir werdet bald probiere ohni zewidecki z schlafe.über de mittag pfusder immer ohni.hans 2 mal probiert ide nacht..den ischer eifach am morge am 5.30 scho ufgsatande woner de schoppe het wele.han den zewidecki wieder anegmacht.er schlaft gern drin.wener wil chan er sie au selber ufmache.de nachteil a soeinere isch das sie halt tür isch.im ricardo gits günstigi.

Ich find s'bescht wär alwäg wänner au uswärts so chönnt schlofe wiener sichs bi Eu gwöhnt isch unds ihm wohl isch. Und wännerem für dini Muetter au ä Gitterbettli chaufed? Gäb ja günstigi i dä Ikea. Lohnt sich ja aber nu wänner regelmössig bi ihre schloft.

Mir hei für Unterwegs es Reisebettli. So het sie uswärts immer s'gliche Bett bi sich u het bisher immer super gschlafe. Mis Mami het bi sich genau s'gliche bettli kauft u dört schlaft sie au super. Mis Schwiegermami het es anders wölle chaufe, sie het i dem vo Geburt a nid länger als ä Stund am Stück gschlafe. Siit i mis mitnimm u dört ufstelle het sie de normal schlafrythmus.

i darf das fasch nid schribe... miner eutäre hei äs kinderbett, eis vo stocke.... aber wüu ar äs paarmau gschroue het i däm bett wei sie das nüm.... mini eutere sie da düre e chli spezieu... aber das isch äs anders thema.
mi schissts äbe a, ä türi zewidechi koufä när schlaft är so nid. ha äbe o zgfühu, das är so söt schlafe wie dahei....
merci für öii antworte

Hoi Aemmitalerin

Hesch alläfalls än Kollegin, wo zersch än Zewidechi chöntisch uslehnä?

Ich ha das so chönnä machä und bin unheimlich froh gsi. Sie hed mich vorgwarnt, dass ich 3 Nächt müäss durähebä, är müäss sich zersch chönnä dra gwöhnä. Und wo isch es au gsi. Diä erscht Nacht hed är schlächt gschlafä, diä zweit Nacht isch immer no nid wirklich guet gsi und nach drü Nächt hed är i derä Dechä gschlafä, als wärs normal.
Aschliässend ha ich denn au eini kauft. Jetzt isch es super, ch ihn mit derä Dechi i jedäs Bett leggä. Super Sach, würd nümä druf verzichtä wellä...

Ich ha sie relativ locker druf gmacht. D.h. är cha sich umcherä wiä är wott und cha sogar ufstah im Bett. Chönt aber niä usäghiä, und um das gahts ja vorallem.

Viel Erfolg
Reanda