Brei sälber mache

Hallo mitenand.
Ich würdi die Breis gäru sälber machu.
Heid ihär miär Tipps vär gueti Kochbiecher.
Danke

Hallo Schmelzi
Also ich han s'buech "Babybrei" vo Natalie Stadelmann kauft. De Istieg isch super beschriebe sowie die ganz Lebesmittelchund und es het geniali Rezept dinne Brei mache isch nöd so schwer, aber ich finds no guet das alles so genau Schritt für Schritt beschriebe wird. Kostet +/- 25 Franke bi Weltbild.ch. Liebe Gruess Ela

gib dir nid zviu mühe....
i ha der ganz tk vou mit brei....
är isst ke brei, wott so wie die grosse vom tisch....
jtz mache ig haut gen jogurt mit honig und öpfumuess zum dessär we i gest ha....
und der gmüesbrei.... mau luäge....
är het ca 1 bis 2 mönet brei gno den aber o lieber schoppe
eifach 2 drittu gmües u ei drittu härdöpfu oder so (sterchebilag)

berbi ha ig mi sooooooo gfröid druf....

Hallo Aemmitalerin
Danke vär du Tipp.
Soviel mach ich am Afang nid.
Ich ha viel Allergie und darum will ich ihm nid irgend än koifte Brei gä.
Schöne Tag

Hoi Aemmithalerin

Wie aut isch di Chlii? Bis jäärig sött me schiins kei Honig gää. Und je nach Veraalaagig für Alergiie wäär i au mit (Chue-)Müuchbrodukt voorsichtig.

Faus der Brei mit Härdöpfu iigfroore hesch, chönnt s au dranne ligge, as d Härdöpfu bim Ufweerme Bitterschdoffe frei setze und de hei s d Ching nümm gäärn.

Sorry, wott nid besserwüssere oder der drii rede, isch mer eifach ufgfaue und jetz chasch mit dere Info jo mache, was de wottsch. :o)

Liebe Gruess vu eire mit chli ämmithaaler Wuurzle.