November Mamis 2013

Eröffnet am 25. März 2013 um 18:17 Uhr von doris786, bisher 34 Antworten.


Beiträge zu diesem Thema (35 Beiträge)


Cathinka schrieb:

Do, 11. April 2013, 21:52
Hallo zäme! Ich mälde mich au wieder mal, tue mich au gärn ustuusche und freue mich, wenn öpis lauft da, cha eifach bi de Fehlgeburte zum Glück nid mitrede..
Ich merke au mega, dass Brüscht wachsid, und minere Schwöschter isches au ufgfalle :-) Susch gads mer viel besser sid ich Medis gäge Schlächtsii und Erbräche nime...
Am Mittwuch hemmer de nächscht Termin bide FÄ, juhuii!
Hend ier scho zuegnu? Gsend ier scho chli e Buuch? liebi Grüess

katie schrieb:

Do, 11. April 2013, 23:05
Be ou no da... mir isch es grad glich gange wiä dir Cathinka- cha zum glück zu däm thema ou nid mitrede....

mini brüscht si so guet wiä nüt gwachse bis its. spanne düe si ou nüt.
derfür hani e meega bläibuuch :( .. me ahnt scho vo witem, dass eg schwanger be.und derbi hani eher no es kilo a gwicht verlore...
aber vom ne ächte babybuch bini no wit entfernt.
ha i mire erschte schwangerschaft e riese trummle gha ;)
aber i bi ja its ou ersch 7wuche schwanger.

ha geschter dr erscht ultraschall gha... isch eifach überwältigend so es wunder im buuch!!! <3...

@ cathinka: wünsche der veu spass bir fä! hoffe du chasch eues chline,grosse wunder lang bestuune!

Grüessli k

Zoe35 schrieb:

Fr, 12. April 2013, 16:57
Hallo zämme

Oh schön, dass sich die andere au meldet. Evtl. git’s ja mit dä Ziit doch na einigi meh.

Doris: Gratuliere Dir demfall, dass Tante worde bisch! So Babies sind halt scho mega schnüsig und bald dörfed mir hoffentlich au sone chlises Bündeli wieder i dä Arme ha.

Ich wohne au i dä nächi vo Winti und denn wird leider nüt mit mitenand öppis sportliches unterneh. Wäri suscht gern debi!

Du häsch halt scho au en körperlich strenge Job, kes Wunder chunsch so Ruggeweh über. Ich schaffe halt „nur“ im Büro und ha mini Wehwehli wo vom sitze chömmed :-)
Chan mir scho vorstelle, dass die Hebamme so einiges uf Lager händ, wo suscht nöd zghöre bechunnsch. Vermuetli bi dä 2. SS denkt FA vermuetli eh, das alles klar isch und denn nimmt sie sich vermuetli au nümm so viel Ziit.

Bi dä Geburt hät Hebamme s Gwicht vo mim Sohn gschätzt nur durchs alange vom Buch und isch bis uf 30 Gramm genau gläge und d’FA isch völlig denebed gsi zu minere Freud. Ha scho gmeint ich gebäre än über 4 kg Mocke.

Bis jetzt hani 1 kg zuegno dur mini Fressatacke, aber ich hoffe, das normalisiert sich langsam, will mir jetzt halt ziemlich schlecht wird. Ich ha am Abig au immer än mega Ranze, aber halt eher än Blähbuch als Babybuch :-) I minere 1 SS hani sage und schreibe 20 kg zuegno und alles erscht agfange Endi 5. Monat und das ganze ohni Wasseriilagerige. Han aber au alles schnell dunne gha zum Glück! Aber das mal la ich’s nöd so wiit cho – han ich mir zumindescht vorgna!

Tüend ihr eigetlich Nackenfalte etc. messe la? Bi dä 1 SS hani das gmacht inkl. Triple Test. Bi chli ängschtlich gsi will 2 Cousins vo dä Siite vo mim Fründ behindered sind, aber ich glaube nach 3 FG wett ich das Chind neh wies chunnt.

@Cathinka: I wellere Wuche bisch Du jetzt eigetli? Ha nur gmeint, will scho wieder demnächscht ä US häsch. Bisch nöd erscht vor churzem gsi? Ha gmeint dä 2. Termin wäri so i dä. 11/12 SSW.
Aber mer cha minere Meinig na nöd gnueg US ha. Isch halt scho mega schön sis Baby z’gseh! Mir chömmed amigs Träne vor rührig *snief“

Also Mädels, wünsch eu ä schöns relaxeds Wuchenend
Grüessli

doris786 schrieb:

Fr, 12. April 2013, 18:15
Hi

Also ich fände schön wenn me mer würdet. Ich han au nid welle das sich die andere usgschlosse fühlet. Aber für mich isches halt sehr wichtig worde übers Thema Fehlgeburt mit öderem chöne zrede. Das isch für d Verarbeitig sehr wichtig und es duet Ängst ab baue.

Aber i du mich jetzt positivere themä zu wende versprochen.

Ah zoe du bisch vo winti. Mi schöster wohnt im Buch am Irchel und ich mini Gotte wohnt au in Winti. Sie heisst Barbara Gürtler und sie het zwei Chind Susanne und Christoph. Vieleicht kennsch se ja. Jo zum Sport zäme mache isch scho chli wiet. Nächst Wuche bsuch i mi Schwöster.

Das mit de Nackefalte lass i mache aber meh us egoistische Gründ. Isch nämlich e Gelegeheit sies chind wieder zsgeh. So weiss i au was uf mich zu chund. grüssli

katie schrieb:

Fr, 12. April 2013, 19:42
@ doris: e ha vous verständnis! würdi mir ou so ga. ha haut ou nid weue störe...
e ha scho nume lang brucht für mini erschti geburt ds verarbeite. wo leider het müesse e notkaiserschnitt gmacht wärde...
u di wuche bini wäge liechte schmierbluetige bir fä xi.. hät süsch no gar ke termin gha.
e wott mir gar nid usmale was xi wär wenn i üse chli ungebornig schatz hät müesse verlüre...

mir duets ou sehr leid was dir und ou dr zoi het müesse passiere!- mir geit das sehr nach...
hoffe, dass dasmau aues e so geit u louft wis muess si u dir im nov. es xungs baby döft i de arme ha!

@ cathinka: nackefalte lani ou la mässe aber süsch nüt zuesätzlechs.

ooh, 20 kg. das isch feiechli veu- hesch da no möge gha? e ha nume 10kg zue gno gha, aber 12 tag übertreit- und schlussändlech e über 4 kilo schwäre bueb i de arme gha.

Cathinka schrieb:

Sa, 13. April 2013, 13:33
Hallo
Has au überhaupt nid so gmeint mit de FG! Cha das au verstah, dass es mega schlimm isch und eim das sehr beschäftigt.. ha de eifach au nid welle driifunke...
@ zoe: ich bi jetz ide 9. wuche und ha etz de de termin woni as erschts abgmacht ha, aso ide 10. SSW. letscht mal bini "nur" gsi wils mer soo schlächt gsi isch immer.. und denn hed sie grad en US gmacht. Weiss gar nid öbs das mal au eine gid.. hoffes eifach:-)
@ nackefalte: wird ich nid mache. mier hend üs entschide für das baby und nämids so wies chund❤
@ buuch: ich han äbe au immer am abig sone blähbuuch, aber babybuuch isches glaub scho nu nid so...:-) ich ha etz ca. 2 kg wieder zuegnu, nachdem i zersch öpe 1 abgnu ha vom erbräche.. ha au wieder vill meh appetit :-)
lg

Zoe35 schrieb:

Do, 18. April 2013, 16:27
Hallo Ladies

Wie gaht's eu so bi dem schöne Wetter? Ich find's zwar mega schön, isch es mal chli wärmer aber glichziitig gaht d'Horrorziit bi mir los mit Heuschnupfe. Das mal isch irgendwie mega deftig. Ha jetzt vo dä FA än Cortison-Nasenspray verschriebe becho und hoffe es wird bald besser. Ha zwar zerscht gmeint, ich will die erschte 12 Wuche kei Medis neh, aber irgendwie schaff ich's doch nöd ganz ohni. Und das sötti gem. FA nöd schade.

Ich ha jetzt fäng erscht aglüte wegeme 1. Termin und dä han ich denn erscht Endi April i dä 10 SSW. Bis det ane heisst's na bange chli bange. Aber minere Übelkeit nach urteile, chan das hoffentlich nur guets bedüte!

Isch mega komisch zur Ziit im Gschäft. Uh viel Lüt chömmed i dä letschte Täg und lönd irgendwelchi Sprüch ab, ob ich wieder schwanger bi... eini, will sie längeri Ferie im Dez. bueche will und denn fragt sie, chan ich gah, bisch Du denn na da??? usw. Ha zwar nie äs Gheimnis drus gmacht, das ich na ä 2 Chinds wett, aber ha immer gseit, erscht wenn min Chline mal dureschlaft - und das isch leider immer nanig dä Fall... aber isch scho chli gspässig. Ha nöd s'Gfüehl, das ich mich irgendwie komisch verhalte oder so und mir händ au ke Aperos gha, wo ich Alk hetti müese ablehne.

@Doris. Du häsch doch jetzt din Termin gha? Hoffe isch alles i.O. und Du häsch ä pochends Herzli dörfe gseh?!
Ich kenne dini Gotte nöd. Ich wohne ebe au nöd direkt i dä Stadt sondern chli usserhalb.

Nimmt mich wunder, ob dä Buch dasmal schneller wachst als i dä 1 SS. Ich ha det ab dä. 12 Wuche äs Büchli gha, mer hetti aber au chönne denke, das ich halt eifach zviel gesse heg....so richtig losgange isch erscht so ab dä 19. Wuche.

@Katie: Mit mine 20 kg zuenahm isch mer irgendwie gar nöd so vorcho. Ich bi ebe au gross. 173 cm, denn verteilt sich das relativ guet :-) Am Schluss hani scho Müeh gha, aber vor allem will äs ganze Jahr vom Früehlig bis Herbscht so heiss gsi isch und das het mir am meischte z'schaffe gmacht. Du häsch nur 10 kg zuegna und denn doch sones "Bröckli" übercho. Das isch wohl eher genetisch bedingt als öppis anders, denk ich mir. Häsch Du kei Diabetes oder so gha? Wow und häsch es voll so lang usghalte, 12 Täg über ET. Bi mir isch es 8 Täg nach ET losgange und ha s'Gfühl gha es zieht sich ewig. Min Sohn isch denn mit nur 3370 gr. ufd Welt cho. FA hät ebe i dä 38. Wuche gschätzt uf 3800 gr. drum hani halt über 4 kg erwartet :-)

Katie, wie alt isch denn jetzt dis Chind?

Jetzt chömmer halt eusi SS nümm so voll "gnüsse" und entspanne wenn mer müed isch. Mer hät ja schliesslich na äs Chind nebeddra wo mer versorge mues.
Da häsch äs Du scho na schöner Cathinka, chasch es na voll und ganz gnüsse und ä chli entspannter neh. Aber das händ mir ja au alli mal dörfe erlebe! :-). Häsch mittlerwyle au din 2. FA Termin gha?

Also mached's guet und freu mi vo eu z'lese.
Liebi Grüess

doris786 schrieb:

Do, 18. April 2013, 16:58
(2 mal bearbeitet, zuletzt am 18. April 2013 um 17:27 Uhr von doris786)
Hallo Zoe Ja i Han Termin gah. Es isch fantastisch gsi. I ha e richtige Gummibär. D Ärztin hets Herz gseh schlah aber ich irgendwie nid so. Aber das ich immer no schwierig öbis zgseh uf some Ultraschall. Es isch 2,6 cm und i Han e Mutterpass becho. Et isch 16.11.2013. Morn du igs bim schaffe sege. I wot nid das i falsch du lupfe oder so und de passiert glich no öpis. Jo jetzt heisst langsam Gedanke mache Wege Wohnung i richte und Babysache und so. Jo isch ja glich nur no 6 Monat bis zur Geburt und dezwüsche chund no Chindergarte i tritt vor mindere Tochter da gaht de zackig.

Aktuelle Bilder findet ihr auf meinem Profil

Grüssli

Cathinka schrieb:

Do, 18. April 2013, 21:15
Hallo zäme
Jaaa, ich ha termin gha und es isch meeega gsi! S Baby isch inzwüsche 2.8 cm und alles isch guet! Und es hed mega zappled und gwunke und gstrampled... es isch eifach überwältigend gsi! Mier chömid fasch wieder träne wenni dra dänke...
Bluettescht und so isch alles in ornig, eifach toxoplasmose han ich no nid gha.. also leider kei salami meh für mich :-(
@ Zoe: das isch e seich mitm heuschnupfe! hoffe, das nützt etz wenigstens... und ja, ich chönnts nu gniesse ohni chind, aber mier hend etz grad nu zügled und bim schaffe isch rächt viel los, aso ich bi scho so zimlich am aaschlag... weiss nid, wieme das nacher mit chind nu schafft...:-)
@ Doris: Du hesch demfal 2 täg vo mier et..:-) ha mier vorgnu s nächscht wuche mal im büro z säge.. ha aber nu chli angst, wies reagierid... obwohl, mier hüratid im mai und es sind natürlich au scho jenschti sprüch gfalle, dass es ja denn sicher nümme lang gad mit nachwuchs... aber dass es etz sogar vorher nu klapped hed, erwartids glaub scho nid...:-)
schöne abig allersiits, ich gah go schlafe :-)

katie schrieb:

Fr, 19. April 2013, 07:33
hi mädels

so wird zit mi ou wider ds mäude...

@ zoe: Ja weisch, eigentlech weiss i ou nid wiso mir so e grosse sohn hei- e bi nid gross (1,64) u mi maa isch ou nume 1,78... u mir si beide eigentlech schlank...
vor der ss mit üsem bueb bi ni 51 kg xi....

nei, e ha nüm möge warte, aber d ärzt hei immer xeit es sigi aues io. und i cha zuewarte- u so hani ghoffet, dass ds baby vo ne leini chunnt.
isch de aues ganz angers cho- ha müesse iileite- u am schluss hei si e sectio sekundär müesse mache, wüu si chopf nid dür mis becki passt het...
mi buebu isch mitlerwile jährig u gäng no sehr gross u chreftig ;)

e hoffe, dass für de dä früehlig schnäu düre geit, dass nümm so muesch plaget si!

e be eigentlech nume 1 bis 2 mau im monet am schaffe- u vo däm här chani ou mini 2 ss gniässe- we nume di sorge nid wäre... e ha ersch im mai wider kontrolle zure nackefaltemässig, e la diä zwar la mache- aber mir wei ds ching ou so oder so bhalte.

wägem buch, e cha miner normale hose scho nüm zue tue- ha zum glück no es paar ds grossi jeans deheim gha :)

löt ir euch la überrasche bezüglech em gchlächt vom baby? hei üs bim erschte la überrasche- its si mer üs no nid schlüssig öb mers wei wüsse.

häbet e schöne tag! grüessli k

Zoe35 schrieb:

So, 21. April 2013, 10:45
Hallo zämme

@Doris: das freut mi aber das alles guet isch sowiit... es isch scho wahnsinnig, was mer da scho alles chan gseh! eifach faszinierend jedes Mal. Hät denn dini FA ä alts US Grät, dass du das nöd so recht chasch gseh? Bi minere findi, isch es immer relativ klar. Logisch, wenn sie denn afat, d'Organ usw. aluege und so, chunnt mir au alles ziemlich wirr vor - aber solang sie ja selber druschunnt, denn isch es ja beschtens! :-). Wenn i dim Job so viel muesch lupfe und so, denn isch es wohl besser, dass es seisch, nöd dass denn die andere s'Gfühl händ du drucksch dich vor dä Arbet. Wenn mer jetzt bedenkt, dass nur na 6 Mt. gaht chunnts eim doch mega schnell vor! Häsch denn Du nümm gross Sache vo dinere Tochter oder muesch alles neu aschaffe?

@Cathinka: Da häsch es ja doch recht streng mit zügle, und wenn so viel schaffe muesch. Aber lieber, dass das jetzt alles hinter dich bringsch, als wenn denn hochschwanger bisch, oder sogar äs Baby da isch. Denn findis uh schlimm und bewundere die, wo das alles so schaffed. Denn hüratisch voll na im Mai. Das isch ja demfall au gli. Mached ihr denn ä grosses Fescht oder eher im chline Rahme?
Verstah Dich, dass Schiss häsch, bim schaffe säge, isch mir au so gange, aber schlussendlich reagiereds doch meischtens positiv. Wettisch denn nachher wiiter schaffe, oder ufhöre? Wegem Toxoplasmose test, macht das d'FA bi dir routinemässig oder häsch du das verlangt? Bi mir isch dä nöd gmacht worde und es isch mir immer relativ schwer gfalle uf mini geliebti Salami und Rohschinke z'verzichte! :-) Evtl. bin ich ja immun, wil mir händ ä Chatz dihei....

@Katie: Das tuet mer leid, dass denn ä KS häsch müese mache, aber schlussendlich isch hauptsach, dass es im Baby guet gaht! Vo wege, dass mer sich selber schlecht füehlt, dass me äs natürlichschte vo dä Welt nöd gschafft hät und so, das chan ich scho nachvollzieh. Aber es lauft nöd immer alles so riibigslos ab, wie's eigetlich sötti oder mers wetti. Mer dörf ja nöd vergesse, wieviel Fraue oder Babies früehner binere Geburt gstorbe sind, und die wäred froh gsi, hettets die Möglichkeite gha wie hüt!
A mini Geburt hani au kei schöni Erinnerige ehrlich gseit, es isch total traumatisch gsi für mich. Insgesamt 24 h. Ha aber am Afang gseit ich wett kei PDA und es isch ewigs gange, je länger das dured hät hani doch vo dä PDA afa rede und d'Hebi het gseit, zersch mached mer so und so und versueched dies und das, sie hät's mir versuecht chli uszrede und denn sind Presswehe cho und denn macheds eh kei PDA meh, aber am Schluss isch na Sugglocke zum Isatz cho, wil d'Herztön schlecht worde sind.
Ich ha mir gseit, ä 2. Chind nur na geplante KS, sone Tortur würdi nöd nomal überstah.... mittlerwyle hani das natürli scho vergesse, resp. verarbeitet, aber mal luege, ha ja na chli Ziit....
Was gahsch denn Du go schaffe, wenn nur so 1-2 Mal/Mt. gahsch? Mängmal isch ja scho schwierig so öppis z'finde. Das fändi au na schön, nur so sporadisch chli go schaffe. Obwohl ich finde, mitem Chind dihei dä ganzi Tag isch au nöd grad ohne. Mängmal isch für mich schaffe meh Erholig als dihei dä ganzi Tag ehrlich gseit! :-) Cha sich din Chline scho guet allei beschäftige? Mine wett immer, dass ich bi ihm bi und mit ihm spiele. Es bessered zwar langsam hani s Gfühl. So chumm ich fascht nöd dezue öppis z'erledige. Mache das meischtens wenn er pfused.

Wegem Gschlecht, ich finde es super, git's na Lüt, wo das ushaltet zum sich überrasche la! Mir händs welle wüsse und ich denke au dasmal wird's nöd andersch si!
Und na ä anderi Frag, ihr wo jetzt d'Nackefalte messe lönd. I wellere SSW händ ihr dä Termin becho? Wil ich ha ebe gmeint, äs beschte Ergebnis wäri i dä 12 SSW?!
Nimmt mich jetzt halt Wunder, wenn ich dä 1. Termin i dä 10 SSW ha ob ich denn scho churzi Ziit später wieder müssti gah....

Sorry, ich schribe immer sonen Roman. Chumme ebe nöd so viel dezue zum online si und wenn, denn richtig! :-)

Also wünsche eu allne än schöne Tag/Wuche trotz dere Chelti!
LG

doris786 schrieb:

So, 21. April 2013, 21:45
Hi Zoe. Du ich weiss au nid. Also s Baby het me scho gut gseh aber mer muss so seitlich luege und irgendwie hani vieliechht nid richtig herergluegt. Es het halt au geschlafe. Es gaht au immer biz schnell. Nöchst. mal ich sicher besser da es glaub nümm Vaginal ist. Doch doch ich ha schon no einiges vo minere Tochter Aber was wenns e Bub git? D Kinderwage isch mer leider gestohlen worde. Ich has mim Arbeitgeber gseit. Er het kei Problem gah dermit. allne e schöne Kugelzyt. Grüssli

katie schrieb:

Mo, 22. April 2013, 09:03
hoi zoe,
du dafsch mi nid fausch verstah, be sehr froh dass si hei chönne e sectio dürefüehre- mi maa wäri its süsch tatsächlech wittwer... e füehle mi ou nid schlächt, wüus nid uf natürlechem wäg klappet het. aber dr schock und d schmärze nächär und ou di längi narbe am buuch woni nid dermit grächnet ha-si für mi nid ohne (xi)....trotzdäm, natürlech überwiegt dankbarkeit.
eg persönlech würd nie freiwillig e sectio wöue... ha ou hennä lang brucht bis i mi einigermasse vo dere op erholt ha- i dere zit hani zum teil mi sohn nid mau möge lüpfe u träge. klar gits ou froue wo schneuer wider fit si- oder si hei sech besser ufne (müglechi) sectio vorbereitet... u glich mir fauts schwär ds verstah, dass es froue git wo ohni medizinische grund e sectio wünsche. zit nach em ks isch haut ou nid ds ungerschetse.
eg wirdes wenn müglech wider vaginal versueche.
e cha de guet verstah, dass isch ou e sehr längi geburt wo du hesch müesse dürestah- glogge stell i mir ou aues angere aus agnähm vor- isch sicher sehr schmärzhaft.
hoffe, dass dini 2 geburt de daf schöner wärde!

i bi floristin u ha eifach ds glück gha, dass eg aagfragt worde be- und mir gfauts ou guet! mängisch würdi ou gärn meh ga schaffe. es isch für me ehrlech xeit ou e chline usglich zum alltag. mi bueb brucht wiä dine ou no zimlech viel ufmerksamkeit- mir geits genau glich wiä dir. hoffe, dass er bis zur geburt vom baby no chli sälbständiger wird.

nackefaltemässig isch bi mir 13ssw

grüessli

Zoe35 schrieb:

Do, 2. Mai 2013, 15:31
Hoi mitenand

Ich meld mi jetzt au mal wieder. Ich hoffe eu allne gaht’s guet?!
I dä Zwüschedziit hani au min 1. Termin gha und dasmal isch zum Glück alles in Ornig, so wie’s sii sötti. Ich bi so überglücklich, das ich das „Mini Menschli“ ha chönne bewundere. Es isch scho schön am strample gsi und isch momentan 2,6 cm gross. :-)

Ich werde aber glaub ersch i 3 Wuche, wenn ich min nächschte Termin ha, so richtig chönne ufatme. Ich la jetzt trotzdem au Nackefalte messe zum denn hoffentlich beruhigt chönne si. Denn wäri i dä 13 SSW. Ich bi jetzt scho 36gi und ghöre zu dä statistische „Risikoschwangere“.

Mit dä Übelkeit isch mittlerwyle au besser worde, wenn au na vorhande. Meischtens chum ich so riese Hungerattacke über und fühl mi so unterzuckered und mues denn ständig was knabbere. Bis jetzt hani aber na nüt zuegno – was sich vermuetlich bald ändere wird.

Ich ha sit 2 Täg so komischi Gfühl i dä Buchgegend. Als würded so „Cholesüri-Blöterli“ ufstige. Ich ha mir scho Gedanke gmacht, ob mer das Chind evtl. scho chan gspüre. Aber eigetli isch es ja viiiel z’früeh. Isch ja na viel z’chli. GM sitzt ja na mega tüf und das Gfühl hani scho wiiter obe chli unterm Buchnabel. Ha mir vorgstellt dass das evtl. eifach so Schwingige chönnted si wo mer halt wiiter obe merkt, dur d‘Bewegige vom Chind  Das wäri än schöne Gedanke, aber vermuetli isch es eh nur dä Darm . I minere 1 SSW hani scho geg Endi 17 SSW gspürt und bim 2. Mal sötts ja scho früehner si. Lömmer eus mal überrasche.

@katie: da häsch du ja au nöd grad än schöne Start gha, vor allem wenn’s doch so schlimm um dich gstande isch, dass din ma sogar hetti chönne Witwer si! Wenn mer denn na ä extra langi Narbe hät, isch es vermuetli schon nöd so eifach.
Natürli wett ich jetzt kein plante KS ha, das sind nur so mini Gedanke gsi einigi Ziit nach dä Geburt, will ich’s halt au so schlimm gfunde ha. Ha ebe au än ziemlich deftige Dammriss gha und dä hät mir au lang Problem gmacht und nur scho durch die ewig lange Presswehe han ich mich au gfühlt wie vomene Lastwage überfahre…. Ich tröste mich demit, dass die 2. Geburt i dä Regel viel schneller verlauft.
Weg eusne Chind, hoffed mer echt, das eusi Jungs ä chli selbständiger werded bis d’Babies da sind. Momentan isch mine echt astrengend und ä totals Mamatitti. Ich glaube da sind d’Meitli viel pflegeliechter – han ich zumindescht s’Gfühl wenn ich mich so im Bekanntekreis umeluege. Defür wird’s nachher viel eifacher si, wenn’s denn mal zämme spiele chönnd.

Da hät Doris scho Vorteil i dere Hisicht, wenn Tochter scho chli älter isch.

Also Ladies mached’s guet und freu mi vo eu z’ghöre/lese.
Grüessli

doris786 schrieb:

Mo, 6. Mai 2013, 16:53
Hallo Zoe und Mädels. Heute hatte ich auch Termin beim Frauenarzt und dem Baby geht's sehr gut. Es hat gestrampelt und geturnt. Es ist gerade mal 5.8 cm aber sieht schon aus wie ein kleines Menschlein. Mit Nase und alles. Leider hat sie noch ein Myom entdeckt aber gut sie hat gesagt es wird der Schwangerschaft nichts ausmachen. grüsse Doris