Wach in der Nacht

Mini ChlI isch letscht Nacht scho s'zweitemal nach em Stille am 2 Hellwach, resp. sie wottnid schlafe. Wär zwar müäd aber kämpft mit allne Mittel gägä s'schlafe. Sobald sie churz vor em ischlafe isch hört sie uf trinke u s'theater geit los. Uf kei Fall still liege, kein Nuggi is muul u ja nid gstrichlet, umedreiht oder so öppis. Aber de brüällt sie immer meh will sie glich müäd isch u laht sich nid beruhige. Weder vo mir noch vom Papi. Irgedwenn zwüsche 5-6 schlaft sie de erschöpft i. Am morge am 7.30 isch sie de zwar wieder wach. Aber unusgschlafe, schlecht gluunt u müäd.

Kennt das öpper?

Ui du Armi, gell das bringt eim zum Wahnsinn! Mini Tochter het phasewiis ou z Gfüehl gha, si müess no chli umechäsperle znacht, zwar nie solang wi dini, aber mir hett scho e Stung glängt und ig hätt se fasch der Nachbarin vor d Türe gleit im Baschtchörbli
Und bi öich im Bett ha nützt ou nüt? Würd si de äch so wieder frücher ischlafe?
Heschs mau mit Viburcol-Zäpfli versuecht? I ha denn ou no Schlafchügeli vo Similisan ider Apothek übercho, und plötzlech isch denn wieder besser gange. Isch haut ou sone Phase gsi. Ig hoffe, dir heigitse ou gli düre!

Mir hei sie bi üs im bett ka, u dört het sie mega theater gmacht. Irgedwenn bi i denn sauer gsi u ha sie i ihres bettli tue. Dört isch sie de au igschlafe. Ha eifach s'gfühl ka jetzt isch fertig.
I ha au gseit sie chönn froh si das i sie so liebe, süsch würd i sie in es storchefenster bringe. ;)

Jetzt ha i nomal gstillt u gange bald is bett. Nume zum vorsorge.