dreifach mamis

hallo zäme
hets do no meh froue wo drü chinder hend oder s dritte erwarte?
lg bailis

Hoi Liebs!

Ja ich! Und immerno am Warte! Ha morn de wieder Kontrolle und CTG, mal luege wies em chline Maa gaht und öp sich scho was in Richtig Geburt tuet... Wär en Wohltat für mini Energie und mis Wohlbefinde!

Dir gahts nach wie vor guet mit dine Mädels? Finde du machsch das im Fall supi, hoffe das ich de das au chann säge und ned nur am Jammere bin...

Ganz liebi Grüessli und hoffentlich bis gli mit de schöne News!

hallo zäme

ich bechume ou sdritte ching. die erste zweu si us erster ehe, si zwillings meitli und scho 10jährig. min ET isch am 12.5.

lanerah. und wenn isch es bi dir eso wiet? oder hesch s chline scho übercho?

lg

hallo twins

wow scho so grossi meitli hesch du,juhui de chani mir jo be dir ame chli rot hole,hihi! jetzt gohts jo be dir ou nüme so lang bis dis schätzli chunt, weisch öbs es meitli oder en bueb git? d lanerah hets baby becho,en stramme bueb mitem schöne name andrin thomas
ganz es liebs grüessli bailis

hoi bailis
ja das chasch du gärn mache. ja mir bechöme es meitli. e reine fraue hushaut.
bis ez het sech nüt me do bi mir. isch aus ruig u si närvös wenn das ändlich los goht. es sind eifach so wahnsinnig längi täg.

hei lanerah. ich gratuliere dir ganz härzlich zum junior. wünsch dr e schöni kennelern zyt

wünsche no en schöne obe

lg

Hallo zusammen,

auch ich bekomme mein drittes Kind. Bin heute ET+1 und werde immer ungeduldiger.
Ich habe daheim schon ein meitli 8 Jahre und ein Bub 3 Jahre. Beide sind ganz gespannt
aufs Baby. Es gibt diesmal wieder ein Bub.
Mal schauen in es bei mit noch ein April-Baby wird ;)

Wünsche euch ein schön Abend....

hallo katze.
uiuiui denn wünsch ich der ganz vel chraft und geduld fürd geburt wo bevor stoht. freu mi scho vo der zläse we dis schätzi do isch.
mir si im moment ou chli uf nodle. üse et isch am 12.5 und git weder es meitli.

wünsche no en schöne tag.

lg

hallo zäme

twins: so guet, de hemer jo beidi en drü mädles hushaut!!! isch doch genial!
hei jetzt isch hüt scho de 1 mai und scho gli darfsch dis schätzli in arm schliesse,so schön!!! vo wo chunsch du eigentli? i wohne im schöne kanton luzernin horw

katze: härzlich willkomme! hei wow,hesch di krümeli scho übercho? würd mi riesig freue wider vo dir z ghöre!

ganz en liebe gruess und en schöne tag

hoi bailis
ja säg nüt isch mega cool mit em wieber hushaut. ja mir plange scho rechtig druf dases ändlech los geit. ha immer weder wehe aber meistens nur am obe u er ir nacht und am tag isch den weder rue. und wehene sind ou nur unregelmässig. cha morn morge zum fa und den mau luege was er meint.
ich chume vo luthern. er nöchi vor bell ag.

ich wünsche no en schöne obe
lg

Hallo zusammen.

Ich bin seit dem 3.5.2013 stolze dreifach Mami.
Mein kleiner Mailo Kian kam mit 4400 g und 52cm zur Welt. Die Geburt war lang und sehr anstrengend und doch sind wir überglücklich.

Seit einer Woche sind wir jetzt daheim und es ist einfach toll. Meine anderen beiden sind von ihrem Bruder so begeistert und wollen ihn gar nicht alleine lassen.
Die Nächte sind mal kurz, mal lang, aber das spielt sich auch noch ein.

Liebe Grüsse Katze

hallo zäme

@katze
ganz härzlichi Gratulation zu dim chliine mailo kian! oje aber hesch di guet erholt vode Geburt? gäll es isch scho jedesmou wider es wunder und en ungloubliche Moment wennd nach dem riise chrampf ändlich das schätzeli im arm darfsch ha!

@ twins
hei wie gohts dir so? hesch dis schätzli scho dörfe in arm schliesse?

mini zwöi grosse sind vo gester zobe bis morn am obe be minere mueter und i gniesse die ziit mit minere chliiine Muus i volle züg!

lg bailis

Hoi Bailis!

So, ich versueche mich jetzt au grad wieder emal id Ussewält innezbringe... Isch gar ned so eifach, mal bitz Zit zfinde. D'Mia und de Andrin pfuset grad und Noémi turnet uf mim Pult ume und versuecht mich z'Nerve... Jaja, so gahts halt. Aber irgendeinisch wett mer ja ame au wieder emal öppis für sich mache. Und wenns nur 5 Minute sind, gäll. Wie machsch du das ame? Wenn öppis für dich wetsch mache?

Wie gahts dir mit de Mädels? Hei du, die Zit lauft au wieder. Dänke ame au, jetzt isch de Andrin morn scho 8 Wuche alt und mängisch chann ichs glich fascht nonig glaube, dass da im Stubewägeli inne min Sohn liit... Au wenns sträng isch, sie machet eim ja soooo viel Freud und ich versueche glich jedi Minute mit minere Rasselbandi z'gnüsse. Gli sinds grösser und de dänkt mer au wieder schön isch es doch gsi wos eso chli und knuddelig gsi sind.

De Andrin het jetzt richtig s'Lache entdeckt und er fangt jetzt au a brabble.. Isch voll herzig! Was chann/macht d'Leonie scho? Grifft sie scho nach Sache?

Und het d'Elena mal iversüchtig reagiert? Also d'Mia isch da nie gross gsi, sie het eifach Momänt wo sie unbedingt au uf min Arm wett cho und meishtens denne wenni de Andrin am Bädele bin oder er briegget... So merki ame scho dass sie ihre Plätzli tuet verteidige. Aber sie isch nie bös em Brüederli gägeüber worde, im Gägeteil, sie wett ne immer streichle und schätzele !

Und wie gahts de Sara? Isch sie ame au es 2. Mami und wett am liebschte scho hüete und wickle?

Ändi Juli gömmer de mal wieder en Tag id Innerschwiiz zu mine Eltere, wenn das guet gaht de wagis de sicher gäg de Herbscht mal wieder i dini Richtig, gell. Wür mi sehr freue dich wiederemal zgseh und au d'Leonie kenne zlerne!

So, jetzt mueni au scho wieder. D'Noémi gaht jetzt de id Spielgruppe und ich möcht gern no bitz go spatziere mit em Andrin und de Mia. Wünsche dir ganz en schöne Namittag und bis (hoffentli gli wieder!

Knuddeli