Möcht gärn euri Meinig zumnä Namä wüssä :)

Was haltet ihr vom Name Bjarki für än Schwiizer Bueb?
Mi maa und ich siit beidi mega island agfrese und miär händ dä Name uf www.vornamen.ch gfunde unter isländische Nämä.

Min Maa isch jetzt mega begeischtered vo dem Name, ich finden ja vom klang her au no schön, han aber chli Angst dass vieli äs paar ahläuf brüchtet bidä ussprach, min maa häts zärsch sälbär nöd chönä ussprächä... und ich find au äs lieht eim nöd so eifach ufdä Zungä....

Weiss au nöd so recht ob er zu eusem typisch Schwiizerische Nachnamä passt.
Allerdings würs mär zwar no gfalle wänn mi d'Lüt wühred frägä: Was isch das für än Name, und ich chönt sägä: "isch än isländische Name"

Was meinet ihr?

Wenn dr chlii Bjarki nit au so si Nochname muess buechstabiere, wieso nit?
Mir hend jetzt z.B. bewusst e Name gwählt, wo die Chlii kei Schwierigkeite miter Ussproch ha wird, da unse Nochname scho immer falsch usgsproche und nit verstande wird

I find es chunnt immer chli ufe Nochname ah. Wenner nit all zu Bünzlihaft isch findi Bjarki toll Isch speziell und het nit jede.

Euse Nachnamä isch halt eine vode hüfigere Schwiizer Nachnämä...
Das wür ja scho für än sältänä Name sprächä oder?
Min maa hät än hüfigä vornamä und äs git im Schwiizer Telefonbuech scho mindeschtens 40 wo de glich vor und Nachnamä händ wiä är, är hät au scho mal ä betriebig kriegt wo eigentli het ah einä söllä gah wo genau glich heisst wiä är...

Mir gfallt dä Name! Isch öppis mega speziells, wo süscht niä würsch ghöre idä Schwiiz! Und mit eurem Nochname wo so "normal" isch passt en spezielle Vorname scho no! Und übrigens au min Nochname muesi amigs buechstabiere...
Gits demfall en Bueb *neugier*?

Toller Name!

Ich mues ehrlich säge im erschte Moment hät mir dä Name gar nöd gfalle, aber wenn mer ihn chli öfters wiederholt und sozsäge uf sich würke laat, find ich ihn doch plötzlich schön.
Isch halt scho speziell und es git sicher nöd mängi i dä Schwyz wo so heissed.

Was ich aber bedenke würdi. Wohnsch imene Kanton, wome es rollends R usspricht? Denn find ich tönts schön (ich gah jetzt vo dem us, dass mers so würdi usspreche, miteme rollende R)
Aber wenn du usere Gegend bisch wo mer halt äs "französchische R" usspricht, findi tönts nöd würklich schön, sondern ziemlich holperig. Wenn denn jede muesch korrigiere, wie mer dä Name sötti usspreche, häts Chind vermuetli au kei Freud dra.

@ Zoe, hihi ich glaub mim maa gahts glich wie diär, am erschte tag het ihm de Name nöd gfalle, aber jetzt findet er en voll herzig.
Mier wonet im Kanton Züri, ich bin aber öper wo die beide r nöd würkli unterscheide chan.... Ich weiss au nöd aber ich Han voll keiss ghör für das ...

Ich finde wichtig dass mä de name cha ussprächä und nit ds erscht muss frage wie mes usspricht. Und wenn öper z.B. Huber oder öpis "nurmal" schwizerisches zum nachname het, denn dörf de vorname nit allzu exotsich sii. Mier gfallts halt au nit wenn schwizer so änglischi nämä hend we z.B. Jason und denn heisst er Jason Arnold. Aber das isch mi persönlich gschmack.
Mier gfallt bjarki nit so und ich finde es isch au eine wome villicht vergisst wemä nä nit kännt. Also me fragt sich denn villicht "we heisst er jetzt scho wieder..."

Ysi Chind hend au eher spezielli nämä, also döttig wo nit so vill hend, aber doch eifach sind zum ussprächä und zume schwizer nachname passet.

Ich find de Name muess jo euch gfalle und schust nimmerem. Mini Kollegin het ihrer Tochter au en Isländische Name geh. Amea heisst sie er isch mega schön und ihre Brüder heisst Leuc isch aber eher französisch glaub.
Schust gäbts no alternative wie zum Biespiel Björn oder i würds I am schluss wegloh und ihn Bjark rüfe. Solang er chli isch chönd ihr en immer no Bjarki rüfe aber chind werdet irgendwen gross und irgendwie find ich Bjark Männlicher. Bjark Müller oder Bjark Maier.

Ich muss mini chind au immer spezielli Näme geh, do min Ma Pakistaner isch. Grüssli

Hehe, ja gsesch, das mitem rollende R isch jetzt zumindescht klärt. Züri isch rollend

Isch halt scho mängmal blöd, wenn mer allne dä Name zerscht mues richtig biibringe. Min Sohn heisst David und recht vieli säged Dafid, was mich mega ufregt. Mer seit ja schliesslich au nöd Fiktoria für Viktoria....tja, das isch halt mängmal sone Sach!
Aber euen Sohn hetti denn zumindescht än spezielle Name und ich denke nöd, dass das eine wird si womer vergisst. Im Gegeteil. Sicher, mer wird frage, wie heissisch du jetzt scho wieder, aber denn blibts eim und nöd wenen Markus oder Thomas etc.

Ufen Art findi ebe au en schwiizerische Name wür besser passe zum Nachname.
Allerdings sölled ja au nöd Vor- und Nachname langwiilig si... und ich möcht scho uf kein Fall dasses mim Sohn denn glich gaht wie mim Maa mitem Name und s dauernd verwächslige git. Aber es git ja au selteni Nämmä wo chli schwiizerischer tönnet.... Naja mier Händ ja no es paar mönät ziit....