Kinderwunsch 2

sascha.. Wa les i den do? Unglaublich endli hets igschlage.. I freu mi so fest für eu! Und immer positiv bliebe es wird als guet go! Gratuliere eu vo herze!
Da mit dinere fründin tuet mir echt leid i hoffe si heg gnueg understützig!

Sterndli.. I denke sind chli viel verschiedeni gfühl uf eimol gsi.. Mängisch gohts eifach mit eim dure! I hoffe aber dinere chline gohts beßer? Danke aber im moment bruchi keini kuecherezept.. Bi nöd so en kuecheeßer und i mue säge i cha bis jetzt recht guet uf da süeße züg verzichte! Und riese respekt fürs gleitschirm.. Wür mi da niä getraue! Aber du hesch vollkomme recht! Jetzt fehlts no ade umsetzig..

WOW SASCHA... GRATULIERE!!! VOLL COOL!!!
jetzt eifach locker bliibe... nid verchrampfe!! das verhebet dasmal ganz sicher!!!
und für dini fründin ganz vill chraft!!!

ja, melone... ich bin bitz es crazy chick... gleitschirmle isch mis ein und alles gsi... halt nid en 0815sport, aber super schön... im flüüger sitze isch grad langwielig...
und hey, das mit dem diabetes chunnt scho guet!! du findsch din weg, wies dir am ringschte gaht.. und so öpis dörf eim am afang au bitz de bode under de füess furt zieh... isch ganz normal...

ja, mini chliini hets gschafft... sie het chrank sii öpe gliich gern wie ich... nämli gar nid... und sie het sich ufgregt, dass sie chum het möge ufstah... mega herzig, sones motzends chliises chäferli... aber jetzt isch sie wider fascht die alti... no bitz augeringli, aber die verschwinded au ganz langsam wider...

sterndli, du bisch guet.. Gleitschirmle isch wohl würkli alles anderi als 0815.. Und sicher au nöd günstig!? Wiä oft hesch di getraut? Hesch ufghört weg de chline oder machsch e längeri pause und wirsch irgendwen doch wieder springe? Sorry dasi soviel froge! Muesch nu antworte wen du möchtisch.. Ha no niä öper kenneglernt mit somene intreßante hobby!

Bi hüt bi de husärztin gsi und si wird mi jetzt bi de ernährigs und diabetikberotig amelde.. Weg kiwu hemer au gredet.. Und si meint das au wegem zucker si cha das nonig klapet het.. Drum chöntet diä tablette wo i ha au helfe.. Bi jetzt wider viel positiver igstellt und i hoffe eifach das bald klapet und guet goht.. I hoffe das es bi ùs alne bald klappet bezw scho klappet het!

ah, usem flüüger bini nie... isch aber mis nögschte projekt... ich bin amigs berge uegstige und denn gstartet... aber ide luft hani das ewige gradus flüüge doof gfunde und han under aleitig immer u vill seich gmacht... en absturz simuliert und so... no cool...
ja, sicher machi derigs irgendwenn wider... wenn chind dusse sind... so mit 50gi... derigs lahni mir nid für immer furt neh... chlettere tueni scho wider, aber immer gsicheret... vorher hani au ungsicheret tah... aber ich han jetzt e riese verantwortig und denn liged derig sache halt nüm dinne...

freut mi, dasses dir besser gaht!!! im ershcte moment sind derig sache mega negativ, aber weme sich nid gah laht, gits ganz vill sache, wo gar nid so schlimm sind, wieme zerscht gmeint het...

ja, hoffe au, dasses bi eus allne gli klappet... wär schön!!! ich ha mim maa gseit, nögschte monet gits en stopp... ich ha im februar geburtstag und denn wetti nid im spital lige... aber sicher bini mir nonig... wenns d'natur so wett, ligi halt a mim geburtstag im spital... de errechnet termin für de nögscht monet wär 9. februar 2014... das wär de 25. todestag vo mim grossvater... wär ja au no schön...

sterndli.. Ha au nöd usem flüger gmeint gha.. Du redisch jo vo gleitschirm und nöd vo fallschirm springe.. Aber muesch jo au springe! I findes guet bisch jetzt vorsichtiger.. Dini tochter brucht di vieli johre!
Da stimt mue dezue säge dasi vorer zumene ushilfsarzt ha müeß wo mega mit vorurteil gredet het und mi als doof agluegt het! Jetzt bini binere andere wo mer au rede cha und da au als krankheit aluegt ohni vorwürf!
Jo da wär au herzig mit dim großvater.. Aber verstohne wötsch nöd a dim geburi im spital si! Min sohn isch au nume 3wuche noch mir uf dwelt cho.. Nögst johr wär jo din 29. De wär jo nöd so tragisch zum verpaße und 2015 hesch din 30. Und grad de 1.geburi vom baby.. Wär au no speziell!
Dörfi froge us welem egge du chunsch?

Hallo zäme

hi, hi, sterndli du bisch ja wirklich es crazy chick! Muess es tolls Gfühl si übers Land flüge - aber für mich - nie im Leben....

Melone, bi so froh, so positivi Wort ghöre. Super hesch e gueti Ärztin wo alles chasch aspräche. Git nüt schlimmers als Ärzt wo meinet si sege die einzige Gschiede. Jetzt müesse all dini Frage chönne beantwortet wärde und so schnäll wie müglich Lösige ufe Tisch.

Han hüt min erste Vorsorgetermin abgmacht. D Sprächstundehilf het sich mega gfreut. Sie isch so e liebi, het am gliche Tag Geburtstag wie euse Chli und fragt immer nach ihm. Wenn alles guet chunnt, wird ich das Silvester im Spital verbringe, au nid der Hit. Aber nach ein Jahr üebe, isch mir das au egal.

wünsch eu schöne Abe

sascha i freu mi au mega für di! Hey de häsch dän a silverster grad öpis rechts zum fiere! Git doch nüt schöners als e baby! I hoffe dini schwangerschaft isch asteckend und das jetzt ei frau nochem andere do ine de "virus" verwütscht!
I bi würkli viel positiver igstellt.. Fühl mi viel erliächteret... Mue au säge diä zit wo i pille mue neh het mi au wider viel me ruhiger gmacht.. Gsehne alles viel lockerer!

agglomeration züri... limmattal... also, dietike... und du?

ja, me muen au springe, das stimmt... u vill verwechselts ebe... ha dir die verwechslig nid wele unterstelle... ich bin no im alte muschter...

ja, ärzt chönd mit so sache en riesige unterschied bedüte... ha mi letscht jahr müesse enere operation underzieh... sportverletzig vom klettere wo plötzlich e chnochewucherig hervorgruefe het... bi denn ide balgrist klinik gsi... herrlich... die sind ehrlich und sie göhnd uf ds eigne temperament i... ich han die chliini knapp 3wuche gha, han sie dörfe mitneh, sie hend u guet glueget... und ich han kei krücke welle... die hani denn aber en monet gha, fascht 2... aber er het mir gseit, ich merkis denn scho, obs ohni gieng oder nid, han lauftraining gha und au nachbehandlig super und ich han die chliini überall dörfe mitneh... a anderne ort, muesch drum bettle und det isches keis thema gsi...

phu, ich han zur ziit e luune... min rugge tuet weh, ich bin müed und ich chume nienets ane... es isch so schön dusse, aber irgendwie... ha denn gester en früehtest gmacht und de isch negativ gsi... jetzt mueni en andere grund für mini super-luune sueche... aber erkläre chanis mir nonig, villicht chunnt hüt mini erlüüchtig und ich erkenne de grund...

hend ihr das ab und zue au? oder sind ihr immer ganz klar, werums eu nid so passt?!? dummi frog, ich weiss... aber es nimmt mi so wunder...

@sascha: jaaaaaaa, flüüge isch hammer... es git nur dich und de schirm... es spricht di niemer a, es lüütet niemer a... me isch für sich ganz eleige... mängisch no ganz schön... ich han i dere ziit binere modefirma gschaffet und det isch de ganzi tag es riese gschnurr gsi... telefon det, telefon da... französisch, ds nögschte englisch... eis züüg... und denn am weekend flüüge... herrrrlich... isch en usgliich gsi zum arbetslebe... start isch astrengend und sobald ide luft bisch, ruhe pur...
ich bin ebe au suscht bitz es hibbeli... und drum bruuchi derig sache zum mi abe fahre... denn hani mini zackig art amigs wider under kontrolle...

oh sterndli da isch sicher e wahnsinns gfühl..
Da isch super wens so verständnis händ im spital! Min sohn isch 6wuche alt gsi wo i galleblase entfernt ha und ha e einzelzimmer übercho das mir üsi ruhe händ.. Eifach super!
Oh i verstoh da mit dinere lune.. Do cha der min ma sache verzelle.. di chlinste sache händ mi uf palme brocht gha.. Und am liäbe ines musloch verchrüche.. Bi mir isch unbewußt wegem kiwu gsi.. Ha mir so en druck gmacht wegem altersunderschied vo de kind.. Jetzt bini wieder viel glöster! Sterndli vielicht isch din tescht gester doch chli frühe gsi!? Druck dir witerhin dume! I bi vo sg!

Gest hani e frau ufem spielplatz zämegschiße.. Si het en hund debi gha.. Frei umeglofe und hät di chline kind zämegschiße und ane umezoge damits ihren hund in ruhe lönd! Wieso nimmt si den en hund ufen spielplatz mit wo mind. 30kind umerenned? Finde sowiso das hünd nöd uf de spielplatz ghöred!

ihihihi, die isch ja ds vill.. hünd ghöred denn zu chind, wenns demit chönd umgah... aber suscht nid... de kolleg het eine... dem chönds a de ohre zieh die chliine chasch druf setze... de macht kein wank... und tier sind chindermagnet.. wenns ds tier nid mag verliide, muens diheime bliibe oder me muen nid uf de spielplatz... vorallem renned det alli umenand... also für de hund spielzüüg... ufen spielplatz unagleint ghört en hund nid... bi eus dörfsch sie nid mitneh... mir hend sonen spielplatz mit streichelzoo... det sinds verbote...

ja, mini luune... jetzt hani de staubsuuger vüre gnoh und bin dur d'wohnig gflitzt... gaht mir besser, weli scho öpis gschafft han...

isch ebe sonen früehtescht gsi... de chame nach 10tag mache... aber mit all dene gfühlsdinger... machts eim halt unsicher... aber du, wenni mens nid überchume chani dem denn tschuld geh... und suscht mached mir fliessig wiiter... nögschte monet hend mir nämlich schön ziit... han gseit, es isch mir gliich... wenns d'natur so will, denn chunnt ds chind im februar, wenn nid, chunnts spöter... ich muens jetzt ganz locker gseh, bringt ja nüt... ich han ebe au nid en ds grosse altersunterschied zu minere schwe und das hani i de pubertät bsunders guet gfunde, wel me sich het chönne ustuusche...

Hey sali zäme,

Ha au mal wiider inneglueget - i de Krimi wo da lauft
GRATULIERE ganz HERZLICH Sascha! Soooo cool! Freu mi mega mit dir und hoffe sehr, dass damal alles guet lauft!

jo genau sterndli.. Wen mer en hund uf de spielplatz bringt mue mer sich echt nöd wundere das 5chlichind um de hund tänzlet und alange wänd! De hund selber hät nüt degliche tue! So agreßiv uf kind los go isch eifach es no go! Und de het si mir erziähigstipps geh wöle me mue de kind säge das da nöd dörfed.. Si hets nöd begrife wöle das kind chli sind und da nonig verstönd! Ihres weiß es jo au.. Klar wens mitemne hund ufwachsd.. Man het diä mi ufgregt gha!
Guet wen dir kei druck machsch.. I het mir au en underschied vo höchstens 3johr gwünscht.. Min sohn wird im juli 3 und i dörf im moment jo nöd mol üebe.. Het halt eifach nöd si söle.. Naja.. I denke jede underschied hend sini vorteil.. Und öb kind sich verstönd het sicher au viel mitem charakter ztue und min sohn isch sehr sozial!

Chraebby wiä gohts au dir?

Hallo zäme

jöööö, Chraebby, danke, schön vo dir zläse. Wie gohts dir? Hesch alles chli chönne verarbeite und fassisch langsam wieder Muet zum afange üebe? Und wie goht's ar Chline?

Ha hüt grad vernoh, dass i ein vo de Neubaute obe a üs en Kolleg vom EHC vo mim Ma iziehnd. Ihre Sohn i es halbs Johr elter als euse, im September gits Nachwuchs - Zwillinge. Freue mi mega.

Melone, ich und mi Schwöster sind 6 Jahr usenand und isch immer cool gsi mit ihre. Mi kenn halt nüt anders. Denke aber au, dass de Charakter e grossi Rolle spielt ob sich zwei Chind verstönd, egal gross de Altersunterschied isch.

sterndli zu dire Frog. Ich mag mir oft gar nid überlege, warum ich näb de Spur bin. Muess allerdings säge, das ich sälte schlächti Lune han. Aber grad Schmärze (han all Tag Ruggeweh) bringet mich mängisch scho chli a Gränze. Wenn ich Müeh han, mich sälber alege und der Chli merkts den halt au... Viellicht chasch ja is es paar Täg positiv teste!

Binchen, wie goht's dir, hesch scho chönne teste?