Kinderwunsch 2

Eröffnet am 25. März 2013 um 22:15 Uhr von binchen, bisher 1419 Antworten.


Beiträge zu diesem Thema (1420 Beiträge)


melone schrieb:

Sa, 27. April 2013, 16:16
jo gel sterndli.. Bi scho wahnsinnig worde nume vom zueluege! De chli di erste täg sofort devo glofe.. Am afang hendsen au dauernd füetere wöle da kennt er halt nöd vo de hai.. Min ma het sini fam recht zämegschiße bis ufhört hend.. Den hät dschwimu agfange under de teller und stuhel so e blatt wos im restaurant under teller tüend anezlege! Obwohl me jo trotzdem putze tuet! Also pingelig isch nüt degege! Si het e putzfrau müeßt also nöd mol selber putze! Naja.. Wen mer nüt beßers ztue het..
Hey vielicht gspürets da das mir momentan sehr afällig sind für so lüt unds nöd verliede möget!? Isch bi dir au so ufgfalle das immer nume fraue sind wo blöd lueget und reagieret? Obwohl mer meine chönti diä heget me verständnis! Eifach schräg!

sterndli85 schrieb:

So, 28. April 2013, 04:59
hallöchen... ja, es sind eigentlich nur fraue... vor allem sinds oft älteri... ich han aber au ds gfühl, das isch wels nüm so möged... aber du, sölleds... :) ich bin fang schlagfertig worde und gibe halt zrugg... so wieme in wald rüeft chunnts halt retour... das müends bi mir halt lerne... ich meine, eus het me immer astand biibracht, aber wenn mich eini so afahrt, denn gibi zrugg... vo mir muen niemert es guets bild ha... ich chan en chliine giftzwerg sii, weme zu mir nid fründlich isch... :)

ah, bi mir het mens agfange... ich han kein rhytmus meh, sit ich nach dr ss pille gnoh han... mal sinds 30tag, mal wie jetzt knapp 26... jetzt mueni mitem kinesiolog denn luege am do, dass er das wider bitz is lot bringt... de es chunnt immer so wies für 28-30 tag usgrechnet isch, aber mens fangt immer anders a... und d'luune isch au so schräg gsi... ha grad bitz kei nerve meh... ich han vo afang a gseit, die pille sig komisch... nei, es sig alles ok... ja, gsehtme ja jetzt... jetzt fieberi mitem binchen mit, dasses bi ihre klappet!!!! und mir versuecheds nögschte monet wider... und ebe, min kinesiolog gaht dem ufe und abe mal uf de grund mit minere luune... weisch, ich bin nid schlecht gluunet i dem sinn... es isch nid dr ganzi tag... bin eifach so afällig uf gwüssi sprüch oder verhaltenswiise... au bi mim maa... ich bin ab und zue froh, wenni die chliini ihm chan abgeh... mir hend e doppelstöckigi wohnig und das isch mit putze bitz doof, wel mir obe keis gitter chönd ane tue... denn gibi sie ihm e stund ab... und chum bini fertig, trüllt er sich ufem sofa um und schlaft... ich verstahne, dass ers streng het uf dr arbet zur ziit... aber mängisch hend d'manne so kei vorstellig, dass mami sii au en job isch... en schöne, aber ebe au astrengend... und jetzt ruum ich uf und die chliini wider us... wenni am morge putze gsehtmes am abig nüm... :) und dass das chan nerve verstaht er denn nid... isch doch gliich chunnt denn amigs... aber eigentlich isches wie weme em chef es mäppli mit dr fertige arbet abgit und er tuets denn in schredder... :)
jetzt mueni wider bitz lockerer werde... han mir hüt abig bimne feine dessert und emne kafi gschwore, dassi wider fascht so wirde, wie vorher... nid ganz so locker, aber bitz i die richtig... sind ihr ziitewiis au so agspannt? villicht isches eifach weg de letschte 2wuche... ha mi a jedem egge müesse rechtfertige... und das machi eh nid gern... werum lahsch sie nid vom tisch? wieso chunnsch nid a ds hochziit? wieso chasch sie chrank nid dim mami geh? nur so... und irgendwenn findi denn amigs: ich entscheide für ds wohl vo mim chind... wenn ich mich defür muen in hindergrund stelle, isch das ok... aber je länger, dassme mich dra erinneret, um so schlimmer wirds denn au für mich...
und denn no mini schwögerin, wo mir an chopf knallt, dasses bi ihre bi beidne grad bim erschte mal klappet het... und denn findt, muesch meh üebe... und denn findi amigs eifach: bäääh... und überängschtlichi mamis, wome ds eigete chind, wo würkli sehr fiin isch, muen die ganz ziit belehre... au wenn sie id auge langet, aber sogar das macht sie fiin... sie isch nid sonen ruech wo eifach patsch macht und denn hesch en finger im aug... sie gaht langsam ane... werum macht sie das bini gfroget worde... :) kei ahnig, wels luschtig isch... intressant... auge öpis schöns sind... und dergis wird mir amigs ds vill... duurend mueme en grund ha... es git bi chind mängisch eifach kein klar ersichtliche... und wenns so schiss hend, denn sölleds ihri chind nid ufne decki lege, mit chind wo im alter sind zum alles gnau aluege... denn sölleds ihres id höchi tue, in wage... aber duurend a de andere ume motze... für es normals verhalte... und das isch halt ide letschte ziit chli vill vor cho...

oje, scho wider sonen roman... ich han eifach bitz ds vill erlebt ide letschte paar wuche... und ich chans denn amigs u lang eifach no chli verstecke und denn machts zack und es chunnt alles uf einisch... sorry...

binchen schrieb:

So, 28. April 2013, 13:11
Hoi zäme

Melni wie gots dir?

Schad sterndli, auf in nächste monet!
Klar isch mer entüscht aber ich muen mir amigs au säge wens ned klapet hät das mir ja noni so lang am üebe sind und ganz normal isch chli länger warte uf wunder!

Wird mit jedem tag ungeduldiger, mis gfühl und min körper( sympthom) säged ja es hät klapet aber äbe.....

Lg

sterndli85 schrieb:

So, 28. April 2013, 15:06
ja, mich stressts nur, dass es so unregelmässig chunnt uf einisch... jetzt sinds 3monet immer 30tag gsi und jetzt... 26... bravo... :(

ich hoffe fescht, dasses bi dir klappet!!! muesch denn grad schriebe wenns weisch!!! ich fiebere jetzt mit allne andere mit, denn vergissi mich es bitzeli... :)

sterndli85 schrieb:

So, 28. April 2013, 18:14
@melone: hihi, dis schwiegermami findi luschtig... :) mis stiefmami isch au so pingelig... obwohl au sie nid muen putze... jetzt het sie ihre es lätzli kauft, wo alles uffange sött... aber ebe.. sött... tuets aber nid, wel die chliini ja scho selber isst und dur das ds brot amigs nid überem lätzli het, sondern überem bode... sie gaht amigs grad mitem wüscherli go alles zäme neh... :) ich lache sie amigs us... :) me chan au ds vill mache... ich hans gern suuber, aber ich wär de ganz tag nur demit beschäftigt mim chind nache ds wüsche und ds ruume... und ich chan mir echt lässigers vorstelle, als de ganz tag mitem bese ume ds renne... :) aber sie lerneds au no und suscht hends halt en namitag mega de stress... isch ja denn nid euses problem... sölleds putze und wüsche... :)

melone schrieb:

Mo, 29. April 2013, 09:43
guete morge

Sterndli i find dini romän sehr intreßant und cha würkli mega guet nofühle! Mir gohts au so! Isch mir jo egal wen dschwimu ganz tag putzet isch halt eifach sit i nüm schaffe s'problem das min ma sgfühl het i müeß au so si.. Aber i bi i erster linie muetter und den husfrau und wiä erwähnt husfrau und kei putzfrau! En riese underschied! Rume sicher nöd mim ma hinenoh!
Hey wenigstens weisch jetzt was sache isch de monet! Auf in nögste zyklus!

Binchen bi ganz gspannt am dume drucke!

sterndli85 schrieb:

Mo, 29. April 2013, 10:58
min maa het das au gmeint... :) ich ha ihn denn immer bitz meh eleige glah mit de chliine... au mal amne samschtig... bini mit de kollegin go pöschtele... er het müesse d'lebensmittel poschte und für die chliini luege... und denn bini nacher hei cho und ha gfroget: werum ligt die windle no da? wieso sind d'spielsache überall verteilt, sie schlaft doch jetzt, hetsch ziit... hets dir nid glanget zum abwäsche? :) det dure bini ebe mega fies... und denn het er mir zur antwort geh: die chliini het mi die ganz ziit bruucht und jetzt hani eifach rasch müesse ziit für mich ha... ha ja sitem 8i kei pause gha... :) und denn hani ihn nur müesse alache... :) sit det isch er ganz zahm!!! :) ich gibe ds beschte im huushalt, aber es git halt eifach mängisch ziite, wo zu nüt chunnsch... mini chliini isch zur ziit grenzgängerin... überall wo sie nid sött sii oder nid dörf dra umefingerle, muen sies nacheme nei nomal usprobiere... wenn nid duurend luegsch, göhnd sache kaputt oder sie tuet sich weh... me muen als mami überall sii und ab und zue chame sich nur uf öpis konzentriere... und ebe, pause wär denn wenn sie schlaft, aber det ruumi meischtens ihres puff wider uf... und chum hesch en kafi use glah isch sie wider wach... pause ade... :) und das het min maa erscht verstande, woni ihn eleige glah han... sit det frogt er nur no, isches en strenge tag gsi? :) und a schöne täg machi us prinzip nur ds nötigschte und de rescht vom tag verbringi ufem spielplatz oder ide badi...
vor allem erklär mal emne maa, was für dich als mami wuchenend isch... :) sie verstöhnds nid... ich han nur no tag... weekend isch sit über emne jahr 2normali tag ide wuche... ich stahne uf, han verantwortig... en 7tag-job... mit 24stund pikett-dienscht... und am beschte verstöhnd sies erscht, wenn sies müend erlebe... :) muesch mal usprobiere... ;)

ja, nögschte monet denn... tuene em kinesiolog mal säge, dass das komisch isch... dem sini nödeli (woni eigetnlich gar nid gern han!!!) würked wunder... ha migräne gha und sit ich in behandlig bin, isch sie furt... :) villicht chan er au da chli luege, dass de zyklus wider normal wird...

melone schrieb:

Mo, 29. April 2013, 12:32
sterndli findi guet dasd dim ma zeigsch das me arbeit isch als mer meint.. Min ma het au grad erst im märz merke müeße das de chli überal debi si mue.. Sogar weni koche holt er en stuel und wil helfe.. Spiele tuet er au wenig elei.. Mache oft de hushalt über nacht.. Als wäred heinzelmänndli verbi cho! Aber den hani wenigstens mini ruhe! I verlange nöd das er de hushalt macht i wöt eifach das er da versorget wo er füre gnoh het zb wen er brot schnidet loht ers offe umeliege.. Wen er e spiel mitem chline macht ischs im ganze zimmer verbreitet.. Oder sis gschirr, ufem bürotisch stönd schnell 3taße ume.. Mir händ en gschirrspüheler wär also kei großi sach! Git no viel me bispiel.. Dwindle versorge heter au zerst lerne müeße! Min ma het au mega blöd tue wo i usem spital cho bi(ha no chum laufe chöne) heter gmeint i mach grad als wider und am nögste tag ha i so schmerze gha de heter gmeint öbi ferie heg! Er hät feriä wo er gnüße und chli sini ruhe wöt! Also diä männer händ scho no komischi vorstellige!

sterndli85 schrieb:

Mo, 29. April 2013, 12:57
ihihihi.. mine au... ich han wuchenend... ich wetts gniesse... :) hani gseit, dumm glofe, du hesch es chind... :) das kennt no kei wuchenend... :) aber ds mami kennts und die muen das mängisch au ha... nid nur de papi... :) du, es muen sich iipendle... min maa het gmerkt, dass er ds wenig da isch, wo sie brüelet het und sich nur vo mir het lah tröschte... :( das tuet denn en moment weh... aber so het ers gmerkt... und wenni nid da bin, muen er alles mache... und das tuet ihn denn wider uf de bode vo de tatsache zrugg hole... :) ich bin doch kei maschine wo nur funktioniert... ich bin wie alli andere au en mensch und bruuche zwüschetdure mini rueh... :)

melone schrieb:

Mo, 29. April 2013, 14:48
oh je, jetzt ha i e gfühlschaos! Min sohn cha ab jetzt 2täg id krippe.. Mue am mitwuch verbi zum bespreche wiäs mite igwöhnig laufe söll.. I weiß er wird viel spaß döte ha und i ha zit für mi.. Aber i ha grad chli mühe mit dem! Ha ihn no niä abgeh! :-(

sterndli85 schrieb:

Mo, 29. April 2013, 18:52
au nid über nacht? ich bin i de gliiche situation... :( ich gange mit mim maa anes hochziit im august... und jetzt i 2wuche föhnd mir a bitz trainiere... ich han bammel devor... verstahne di u guet! me het n engi verbindig zum chind und denn mueme sich löse... isch chli doof und schwirig!!! aber hey, du schaffsch das!!!

Sascha35 schrieb:

Mo, 29. April 2013, 21:13
Hallo zäme,
hui ihr sind ja flissig gsi mit schriebe!

chraebby, ich han de ET am 29. Dezember, wenn aber so isch wie bir letschte ss, gits viellicht ganz es jungs 2014erli.Hoffe nur mir sind denn nid die erste im neue Jahr, de chunnt mr hie ir Tageszitig. Het scho sletscht Johr öpper vom Dorf hie breicht...Mal luege was min FA seit, ha am 14. Mai min erste Termin. Mini Gfüel pändlet grad zwüsche mega Freud und Panik pur, hoffe das leit sich denn bits.

melone, wieso hesch dich den entschiede din Büebel id Chrippe gäh? Chani verstah, isch schlimmer fürs Mami als fürs Chind. Gib mine ja au ab wenn i schaffe, aber vermisse ihn immer sehr. Ha ihn jetzt no agmäldet für ein Vormittag Spielgruppe, weiss aber nid ob er en Platz überchunnt. Er spielt ebe gärn mit andere Chind und ich finde es würd ihm guet tue chli lerne mit andere umgah. Mir händ hier ebe kei Spielplatz und ich gang andere Müettere chli uswäg, genau us dene Gründ wo ihr da scho diskutiert händ. Ich bi chli empfindlich uf Kritik, jedi Muetter meints doch nur guet, wäge dem gib ich no lang keini Ratschleg und bruche au keini Belehrige.

Drück eu wieterhin Dumme, dass alles so chunnt wie ihr euch da vorstellet.

melone schrieb:

Mo, 29. April 2013, 21:13
nei mir hend ihn würkli no niä ane 3.person abgeh.. Sind au scho ane riese party hochzit mit ihm(2mönet)! Schön wen ihr di chli langsam dra gwönne wänd.. Isch au min plan gsi weni den mol schwanger wär weg de geburt!

binchen schrieb:

Mo, 29. April 2013, 21:32
Hoi zäme
Immer no am warte......bis jetzt no kei tr in sicht, hoffe es blibt eso!
Min chli got 1 mal pro woche i krippe wil i no schafe, momentan no 50% ab em juli reduzieri uf 30%. Mir lönd de chli no bis endi jahr i de krippe und nacher nüme. Ab em summer cham er au 1 morge i spielgruppe, freut sich scho sehr druf!
Sascha hasch scho irgendwelchi sympthom?
Vilicht gits den no es christchindli!

Lg

melone schrieb:

Mo, 29. April 2013, 21:33
oh sascha jetzt sind mir grad glichzitig gsi..
Mir händ üs us mehrere gründ defür entschide.. Kinder spiele, teile lerne, mit kinder verständige, bastle und zmitag eße mit andere kind evt wird er den chli vielfältiger! Spielgruppe isch nume 2mol 2stund ide wuche wa mir als zwenig empfindet! Nögst johr chund er jo scho in kindergarte!