Kinderwunsch 2

hallo zäme
mir sind au am hibble für üses 2. wunder. sind etz im 1. üz sit ich abgstillt han. mini tr sött nächst do nöd cho. bin ja gspannt. weiss au gar nöd ob mini zyklus scho wieder regelmässig isch. mir lönd üs überrasche.
druck eu allne duume! liebe gruess

Hoi greenbird
Herzlich willkomme!
Wie alt isch dis erste?
Druck dir dumme das tr ned chunt!
Lg

hej binchen
üseri chlii isch etz 8mt alt. die eine finded das sicher z früeh für es 2., aber me weiss ja eh nie wie lang dass s nächste wunder uf sich warte laht. und mir fühled üs bereit dezue. usserdem möchted mir ev. 3 chind wenn möglich und ich bin au "scho" 32.
danke fürs duume drucke!
wie alt isch denn dis 1.?

Min chli isch scho 31 mönet alt, händ bewust nochli gwartet, findet en altersabstand vo 3-4 jahr ideal! Aber chan au verstoh wen mer en chline abstand wöt, hät beides vorteil!
Mir händ höt hochzitstag, 3 jahr! Wie die zit vergoht!
Grüessli

Hey sali Sascha, schön bisch au da! Nei, mir wüssed nonig woher dasses söll gah. Am liebste noimet woni mi au mal cha uusklinke und go tauche. Wett aber nid zwiit weg. Bi eh en grosse Fan vom Tauche im Mittelmeer... mal luege.

Greenbird: ich finde das gar nid zfrüeh. Mir händ au nach 6 Mönet ernsthaft aafange üebe, ha denn aber au zerst no müesse "teil-abstille", bises klappet gha hät. Mir hettet denn 17 Mönet Altersunterschiid gha - perfekt, hani gfunde. Aber ebe... s isch halt ebe nid bliibe :-(

hej binchen, gratuliere zum hochziitstag!

hallo chraebby, tuet mir leid was hesch müese erlebe! wünsche das niemerem. chan mir nöd vorstelle wie schmerzhaft dass das isch. wend ihr denn glii wieder probiere? wie alt isch dis 1.?

Hallo zäme...ha grad im "alte" Forum gseh, dass ihr gwächslet hend
Wenns rächt isch, würd i mi au wieder zu eu gselle. I ha jetzt es Wiili eifach mol Abstand bruucht vom "Kinderkriegewölle" zum d'FG echli voarbeite. I ha jetzt wieder mit Folsüüri aagfange u denn startet mir im Mai noch de Heuschnupfeziit mitme wiitere Vosuech. Lg an alli

Hoi hupfdigugel
Schön bisch au zu eus gstose! Sicher isch es recht!
Ou häsch au Heuschnupfe!? Bi mir isch es amigs au schlim, vo märz bis mai. Letscht ss hani zum glück kei becho! Aber jahr spöter wieder komplete programm!
Wa nimsch den dagege?
Lg

Sali Hupfdigugel, schön bisch au da! Wie lang häsch der Ziit lah? Bi drum grad au echli i dere Situation...

@greenbird: Mini Tochter isch jetz mittlerwiile 10ehalb Mönet alt. Ja, ich wünsch das au niemertem. Isch vor allem au e riiiise Entdüschig und momentan hani eifach e riise Wuet uf min Körper. Realistisch gseh, weiss ja, dass das vill vorchunnt i dene ominöse 12 Wuche, aber irgendwie hätt mer gliich immer s Gfühl "mir passiert das sicher nid"... Ha überhaupt nid demit grächnet gha...

Wett aber trotzdem mini Angst und s fehlende Vertraue in Körper rasch chönne überwinde und wiieder aafange üebe. Zurziit hani aber eh no kein Zyklus und au gar kei Lust uf settigi Nöchi vo mim Maa.

@binchen: I mues Antihistaminika neh, well i süss Asthma während dere Ziit überchumm. U die Medis wött i eifach nöd im erste Trimester iineh. So schön, dass kei Symptom während de SS ghaa häsch - do lohnt sich jo schwanger si dopplet!

@chraebby: I ha Mitte Nov e FG ghaa. I ha bis jetzt eifach mol alles mit Kinderwunsch uf d'Siite gschobe u bereite mi jetzt im Denke uf e wiiteri, gsundi SS vor. I bi au enttüscht vo mim Körper gsii, bi de erste SS isch alles so problemlos gange u i ha gar nöd dra denkt, dass i e FG chönnti ha.

Hey ihr, wie gohts eui? Gits bi öberem scho news? I chans bi mir irgendwie nid i ordne....han recht es zieh im unterbuch! Mengmol denki mol es hett igschlage und mengmol denki nei i chum sicher mini TR über.... Mol luege was das wuchenend so bringt....

Hoi zäme

Melni i druck dir dume! Ja isch schwirig zum i ordne das zie im ul, han da amigs au bevor tr chunt aber chan ja au öpis anders bedüte....))
Ich warte au, spötistens am mäntig söt tr cho bi jetzt bi tag 27.
Lg

Hallo zämä

Melni ich drucke dir ganz fest dume das dini mens nid chunt und dis zihe im ul es guets zeiche isch!

Mir sind au am üebe fürs zweite wunder bis ez hets aber leider nonig igschlage! Hoffe es goht damol nid so lang wie es erste mol! De monet weiss ich das nid igschlage het, naja neue monet neus glück...
Was nemet ihr für folsüritablette? Ich wet nid extra weg dene zum fa go, gits da au im gosshandel gueti ??

Allne viel glück und spass bim üebe

Missdi ich nehme andreafol, die bechumi i de apothek. Muen bald wieder es pack holle scgo eis gleert.
Lg