Kinderwunsch 2

Guete morge liebi frouä

Herzliche dank fürd infos melone...zum glück isch dr leon gsund und beidne geits sowit wohl guet!leider tönts nid grad nachere troumgeburt ...hoffe d sascha chas einigermasse verarbeite!mir wärde sicher ali da si und es offnigs ohr für si!
Ig hoffe si cha die erschti wunderschöni zit vom kennelehre trotzdäm gniesse...ganz härzlichi gratulation und willkomme leon finn

Melone,oje jetz hesches ono mit däm schissnärv zu all dene beschwärde wod süsch scho hesch...bisch bim arzt gsi?wünscheder gueti besserig!

Peyton,hihi..jetz si mir o im panini fieber..d anouk het vom nonno es heftli übercho..tja,jetz müessemers doch fasch füllü mit chläberli

Sterndli,yesss dr pirlo isch ganz ä geile spiler,da gibeni dir rächt!!mi vater und mi brüeder si 100% italie fan drum fiebere ig o chli frd azzuris
Hesch dr tragtuech kurs scho gmacht?chunsch chli zum schlafä??

Puenggeli,hoffe sisch wider chli ruhiger mit schaffä bi dir ?!

Wünsche alnä ä schöne tag

Hüt und morn müesst ich schaffe, aber dos im Gschäft dermasse ziet bini ez natürli voll verschnudderet und gange ez nid. Mega müehsam! Dä Schnudderi würd ja no goh, aber ich ha sooooo Chopfweh! Zum Glück gits Kopfwehtbl. Mues hüt mol id Apotheke öppis go hole. Has ez doch scho sit em Zischtig.

dutchy danke.. nei bi nonig zum arzt weg dem und mue grad ehrlich si ha überhaupt kei lust jetzt au no weg dem zum arzt renne!! mol luege..

puenggeli gueti besserig!!

oh,schön ischer da!!!gratuliere sascha!!!schaad isches nid traumhaft glofe,ich hoffe es isch suscht sowiit alles guet!
und ja,eh sind mir denn miteme offne ohr für sie da!e geburt an sich isch scho es schrägs und speziells erlebnis und wenns nid so toll lauft muemes los werde!und wer verstaht das besser als fraue,wo das au scho dure gmacht hend!!!

ja,dr pirlo isch super!

ou nei,melone du arms!isch mega müehsam!!!hoffe,das leit sich wider chli!!!

puenggeli,dir wünschi au ganz gueti besserig!!!

mini grossi het vom zischtig a ds 3tagesfieber dure gmacht...läck,uf ein schlag 40grad fieber...jetzt het sie de usschlag wos git am schluss!und sie isch chli müed no,aber suscht wider topfit! jetzt isch sie ja immun geg das!bin amigs immer u froh,wenn sie wider ume zickt,denn weissi es gaht ihre besser!

Guete morge ladys

Melone,chani verstah,di arzt "koller" ...hoffe es geit wider chli besser??

Puenggeli,oje,sone seich!has gseh wod anouk chrank isch worde..da hani o ä halbe tag nid chönne ga schaffä,geit eifach grad ä halbe ferietag drauf
Du schaffisch doch ir pfleg oder??isch doch sicher fürd bewohner o nid agnähm wes zieht??
Hoffe s geit dir o wider besser?!

Sterndli,wow..das isch ono heftig,hesch nid o angscht gha das sich die chlini o grad asteckt..isch doch no krass i däm alter??

Juhu,mini chräbsabstrich ergäbnis si normal usgfallä...bi mega froh
imne halbe jahr muesi wider id kontrolle..weni nid schwanger bi ;)
Jetz nimeni no das pillepack fertig und denn chas los gah

Schöns tagli

dutchy da sind jo super neuigkeite.. freu mi richtig für di!!
gspür min ischias schono wird bestimmt nöd eifach so weggo im moment..

sterndli hoffe dini gross het sich erholt??

Hallo zämme,

Ich hoff es goht euch allne guet? Und gohts sowit ganz guet. Peyton isch voll am Zahne und drum chli schlächt glund und ständig mied. Aber das goht zum Glück wieder verbii.

Das mit dr Sascha tönt wirglich nit toll. Au ich hoff das es euch beidne guet goht und das ihr euchi zyt chönet gniesse.
Aber au vo mir, ganz härzlichi Glückwünsch zu dim Leon Finn.

melone, du bisch wirglich e armi. das isch nit gerächt zerst die Diebetes und den das no. Miesst wirglich nit si.... Ich hoff das d SS glich no e bitz chasch gniesse und das am schluss alles wieder guet chunt.

Dutchy, so guet, den sind ihr jetzt au dra. Vielicht chame jo den die dopplete tüschle.
Mi Maa isch ganz klar für d Azzurri`s und ich für dr Shaqiri und Co. Aber ich ha so e dumpfi Voranig das es die Dütsche das mol mache... Uf jede fall freu ich mi scho sehr druf.
Juhuuu, ich freu mi mega für di das dr Test guet isch gsi. Wär no witzig wen mir öbe zur gliche Zyt würde ss wärde.

puenggeli, ich hoff es goht dir wieder guet?

Sterndli, au bi dir hoffi das es dim schatz wieder huet goht.
Du hesch mol verzellt das du Gäld wirdsch beatrage für dass das du uf dini Kinder luegsch. Ehm, weisch du wie das genau heisst und chönne das im Kanton ZH alli wo Kinder hän beatrage?

Peyton,oje die cheibe zähn..isch o müehsam!armi muus!hesch o dä zahngel gägä d schmärzä?dä dünktmi no guet!wievil zähn het si de jetz scho?
Ja genau..tüemer doch de die dopplete tuschä
Währ würkli no witzig wemer so ca glichzitig chugelirund wärdä ;)
Aber i gloube das geit ä momänt...ha no pille bis nächscht wuche u de mues sich de zerschtmal dä zyklus wider iistellä!ha ja bi derä pille o nie ä periode gha!wasi so ha gläsä im internet,cha das scho ä momänt ga...luegemer mal!
Hesch de du dini periode immer no nid??

Melone,jööh..schön fröisch di so für mich
Gang doch glich zum Arzt...isch doch besser weder die schmärzä erlide?!bisch o ä armi!!!

duchy natürli freu i mi für di!! isch doch echt super wend gsund bisch!!

peyton viel kraft für diä zit wo diä zäh chömed.. isch nöd immer eifach..

sascha sinder guet de hai acho??

sterndli wiä lauft sigwöhne??

Dutchy, sie het bis jetzt drei und dr viert isch am cho. Ich gib ihre zobe befor sie ins Bett goht Viburcol Zäpfli. Die sin Homöopathisch und sin wirglich super. So cha sie zimlich guet ischlofe und het au e paar stund ruhe. Me cha sie au dr Tag dure gä. Aber d Peyton het zobe am meiste mie und in dr nacht halt... s Gel schlägt sie mir befor ich überhaupt zum Zahnfleisch chum ab.
Nimsch du d Ceracette oder wie sie heisst? Ich ha die vor dr SS scho gno ka wil ich die andere nit vertrag und do hesch jo dini Täg nit oder wie ich so all zwei monet vielicht e mol. Ich ha sie abgsetzt ka und den mini Täg becho und bim nägste Eisprung schwanger worde. Falls die nimmsch muess es nit sie das lang muesch warte.
Ich ha mini Täg immer nunig... Was mir aber die letschte drei Monet ufgfalle isch das ich immer ume 25. e usfluss ha. Jetzt weissi nit öb das mini "Täg" sin oder nit!?!

Melone, danke und du seischs es isch nit immer eifach. Und was mi dungt bi jedem Zahn reagiere sie anderst.
Ich das bi dir au so gsi? Also bim Elias meini.

peyton,wär doch schön,wenn schwanger wärsch!!!trucke dume!!!
melone,es lebt sich u guet!!!bi mit de kiddies u vill dusse,sie gniesseds fescht!mitem huushalt chumi au ds schlag,springe halt jetzt neu im drü-egg ume,schoppe det,nuggi da,abwäsche nebetdra... aber es gaht guet,lahne mi nid zur rueh us bringe und han am abig immer erledigt,was muen erledigt sii!hetti nid denkt,aber fägt! ha aber au am sunntig es tattoo mache lah und han i dere ziit d'chind abgeh!het guet tah,gseht guet us!villicht bini au darum so tüüfe-entspannt!

sterndli da tönt jo super hesch als so im griff!!

peyton da chani dir gar nüm so gnau beantworte.. isch aber scho bi de erste paar am schlimmste gsi.. voalem dnächt oder wens um de mittagsschlof gange wär.. het viel geduld und nerve brucht..

peyton,wegem zahne...mini het bi de erschte zäh fascht nüt reagiert...defür itz bi de eggzäh...ich empfinde au jede zah anders,als wärs no tagesform-abhängig!!! ich han mit de globuli vo similasan sehr gueti erfahrige gmacht und vom götti het sie es bernstei-chetteli übercho!!!das osa-gel het sie au eher gschluckt,wels so fein gsi isch! und ebe,meh wie für die zwergli da sii chasch fascht nid...bruuched eim denn halt scho fescht!!!

Guete morge frouä

Peyton,ja genau die cerazette nimeni...wow das isch ja würkli schnäll gange bi dir!das stimmt mi grad sehr zueversichtlich ;)
Wielang isches de gange bisd d periode hesch übercho nachdämd pille hesch abgsetzt?
Mmh,ha o ke erfahrig...cha scho si das sich di zyklus langsam wider iipändlet...hoffes sehr für dich!het sicher drmit ts tüe wild si immerno so vil asetzisch...parmal weniger im tag oder besser nacht,när überchunsch de sicher grad wider bluetige!

Melone,ja da hesch rächt..gsundheit isch ts wichtigschte!!wie geits dir hüt??

Sterndli,schön dases eso guet louft...magi dir vo härzä gönä!!was hesch de für es tattoo la stächä?

Luschtig wie verschide das si si..mini het richtig schön härä weni ihre dä zahngel iimassiere!ha bi ihre aber o sältä ts gfüehl gha das si wahnsinnig schmärzä het...es het si meh gstöhrt und ihr nacht heimer nie problem gha!i gloub da heimer rächt glück gha bis jetz!
Peyton,hoffe s geit gli wider verbi bi dire muus!