Kinderwunsch 2

duchty danke ha eifach hüt chli ruggeweh suscht gohts mir guet.. ha gest chli mensartigi schmerze gha wa hüt wieder guet iscv!!

wiä gohts den eu alne so??

So ich meld mich au wiedermol. Entschuldiged, dass ich nid alles gang go nocheläse.
Underdesse bin ich fast wieder gsund, defür min Maa ez nüm. Di Chli isch mol wieder voll am zahne und chunnt Schmerzzäpfli über, dass sie ide Nacht überhaupt schloft. Aber mit dene schloft sie zimli guet. Am Tag ischs sie grad biz asträngend, wil sie ez slaufe entdeckt hät und nonid frei cha. Aber zum Glück nur a eim Finger hebe, denn müend mir nid so gebückt laufe .

Süscht gnüssed mir eifach das schöne Wätter. Sind viel verusse, aber ich finds no rächt schwierig was me söll alege. Ihr au?

Hey ladies,
schön immer vo euch zläse, han immer wieder inegluegt.

Danke für eui Glückwünsch und eui mitfühlende Wort, ihr sind de Hammer!!! Mir sind sit em Samstig wieder diheim und händ eus scho tiptop igläbt. De Chli isch meeeega pflegeliecht und en ächte Goldschatz und de Gross meisteret das alles sehr guet, het sehr Freud a sim Brüederli und umsorgt en. Häd hüt sogar gmeint, ds Mami heg immer no en grosse Buuch (grrrr ), da seg sicher no einisch es Baby drin, ihm würd no es Baby meh gfalle.

Mini Geburt isch bitz traumatisch gsi, aber min FA und au d Hebamme findet isch heg das guet weggsteckt und ich weiss ja au, dass ich so öppis nie meh mues erläbe. Scho ds Bluet gä am Morge isch voll id Hose und si händ mi verstoche. Denn hät ds iileite nid so klappet wie plant. Denn isch aber am Mittwuch Nacht glich scho losgange, am morge am 3 isch Fruchtblase platzt. Denn isch de Muettermund nid uf, will er so vernarbt isch vor OP und ich han im Minutetakt Wehe gha. Denn hani Schmärzmittel wölle, aber denn isch de Katether ir Hand verstopft gsi. Am Donnstig Morge am halb Sibni hani denn mim Ma aglüte er söll cho. Chum isch er do gsi, isch de Muettermund innerhalb vore Stund 6 cm uf und mich händ die Wehe fascht verrrisse. Da hani e PDA welle, aber im ganze Spital hets niemer gha, wo hät Zyt gha, mir e neui Infusion stecke. Und e Liter Flüssigkeit hätti au zerst müesse ha, wills susch PDA nid chönnet mache. Denn isch min FA ufbote worde aber statt am 8i isch er erscht am halb zähni cho und ich han ständig Presswehe gha, aber de Chli wieder nid usebracht. Schliesslich hät de FA mit de chline Suugglogge naghulfe, ich han fascht nüm möge. Schliesslich hanen denn mit Hilf chönne usepresse. Es isch wieder es Stärnguckerli gsi und er het mir vor Gebärmuetter a die ganz Scheide ufgrisse, inkl. Dammschnitt und Riss gäge vore. Han ziemli Bluet verlore und bi fascht e Stund zämegneiht worde...Aber euse chli Schatz isch ändli do gsi... er het bim usepresse immer wieder schlächti Herztön gha, will er d Nabelschnuer ume Hals gha het und die ihn gwürgt het.

Aber schlussändli han ich mich schnäll erholt, gueti Betreuig und gueti Gspröch gha, drum händ mir nach zwei Tag au scho hei dörfe. Jetzt hani eifach no zwei Wuche strängi Rueh und dörf nöd lupfe, dass alles chann verheile.

Wünsch eu ganz en schöne Tag. Jetzt hani denn wieder meh Zyt zum Schriebe.

Ui Sascha, tönt würkli nid noch ere schöne Geburt! Isch chli viel schief gloffe!
Zum Glück gohts euch guet und ihr chönd euch ez guet erhole! Gnüss diä schön Ziit!
Din grosse Bueb isch ja würkli sehr charmant

Dutchy, Ich ha sie am 15. Aug.12 abgsetzt und mini Täg sin am 9. Sep. 12 cho. und den ebe bim nägste Eisprung bini ss worde. Und ich ha sit den scho mehr als 10 joor d Pille gno. Drum dänki hesch du sehr gueti chance das es nit lang muess go.
Ich still sie jo "nue" no Zobe und in dr Nacht. Obwohl das jo d helfti vom Tag isch vom 6i zobe bis ca 7i am Morge. Meinsch so lang ich no so viel still wird ich nit ss?
Zwar e Kollegin vo mir het au no gstillt und sie isch ss worde und die klei het den nüm welle vo ihre drinke do sie d Milch nüm gärn ka het, will sie sich veränderet het.

puenggeli, do chöne mir uns grat zämme tue, d Peyton isch au voll am zahne... Du sprichsch us miner Sehl.

Sascha, Oh man, das isch den schlimm. Ich ha grat Hiehnerhut becho wo ich di Bricht gläse ha. Ich bi jo kei Expärt aber wärs für euch nit besser und weniger stress gsi wens e Ks gä hätt? Oder hesch das gar nie in erwägig zoge?
Ich bi aber froh das es euch guet goht und so wie ich das liis bisch du e ganz e starki Frau. Huet ab!!

Juhuuuu...mini chlini macht ä mittagsschlaf...scho sit am 2i pennt si
Dir dänket iz sicher die spinnt !si het drum bis jetz nie im bettli gschlafä düre tag...zerscht im TT,denn im wägeli!has immer wider probiert aber sisch nüt als es theater gsi und de hanis wider la si us angscht si wott när am aabä o nüm iz bettli!tja jetzt het dr chinderwage ä plattä u drum hanis widermal probiert....ÄNDLICH!!

Sascha.wow..dasch ja dr horror!tuet mir mega leid,währ doch dir ts gönnä gsi sone troumgeburt
Weis nid so rächt was sägä...iz isches eso passiert,da chame nüm me dran schrube!
Schön bisch nächär so guet betröit worde und so guet ufghobe gsi....das isch so vil wärt!
Iz hoffeni das die wunde ganz schnäll heile und du das guet chasch verarbeite!
Peyton het rächt..du bisch ganz ä starchi frou!
Du hesches dopplet u drüfach verdient das dr chli leon sone pflegeliechte isch!!

Melone,ui mensartigi schmärzä?vo was chunt de das?luegsch guet zu dir gäll?!!

Peyton,bi 100 pro überzügt das du chasch schwanger wärdä...ha meh gmeint wägem regelmässige zyklus...gloub dä pändlet sich scho ersch i wend weniger oder garnüm stillisch!
Spannend das die chlini vo dire kollegin d milch nüm het welä...sisch eifach scho es wunder üse körper!

ohje sascha do hesch jo echt öpis mitmache müsse.. bi froh isch alles guet cho und eu gohts guet!!

dutchy i weiss halt au nöd wiso oder au wa diä menartige schmerze hetet sölle guet si..

SS chame au während em stille wärde. Me chas halt eifach nid plane, wil ja nid weisch wenn dä ES häsch. Ich han ä Kollegin wo am Schluss zwei Chinder gstillt hät. Ihre Chli wo grad uf dWält isch cho und dä Gross wo denn 2 gsi isch.

Das Zahne, ich bi denn froh wenn alli 20 Zäh do sind! 10 het sie ja wenigstens scho!

@dutchy: Super, gratuliere! Endlich häsch chli Ziit für dich! Und am Obig ischs sie guet is Bett? Aber säg mol, was häsch du denn für en KiWa, dass de en Platte hät?

Puenggeli,hihi..das hani mi o gfragt!sisch süsch eigentlich no ä guete kiwag,sone 3 rädrige!si si am umbouä bi üs uf dr ligeschaft,scho sit am herbscht,i dänke dasi irgendöpis ha iigfahre bi all däm müll wo umeligt...isch mega müehsam!
Sisch scho chli schwiriger gsi am aabä...aber irgendwenn isches de o gangä mit iischlafä!geschter hani gschaffet und mi maa isch daheim gsi..dä hets natürlich nid dürezoge und isch ga wägelä...grrr!iz weisi halt nid obs de hüt wider klappet

Wow.2i ufts mal stille isch ono speziell!chamers nidso vorstellä...ts nöigebornige brucht doch o ä anderi muettermilch weder ts 2jährige?
Aber het ja ahnschinend funktioniert?!
Hoffe es besseret gli mit zahnä bi dire chline!!

Melone,hesch immerno so beschwärdä?

Ah ja, de wirsch wahrschindlich i öppis inegfahre si. Blöd! Wiä häsch das wieder gflickt?
Mh, doof, wenn di Maa nid am gliche Strick zieht! Hüt ischs wieder gange mit Mittagsschlof?

Eigentlich seit me ja, dass serste Chind denn ufhört stille, wenn szweite do isch, wil dMilch so anders schmöckt. Isch ja ufs Bedürfnis vom Neugeborigne umgstellt. Anschinend het das im Grosse aber nüt gmacht. Im Gägeteil, er isch wieder zum Voll Stillchind worde.

Ja soublöd isch das gsi...bi ines velogschäft und die heimers gflickt..gratis und ohni garantie,mega lieb !jetz hoffeni eifach dases hebt!

Tja,är hets meh chli us unsicherheit eso gmacht...är het ts gfüehl gha,die schlaft eh nid bi ihm...tja,si het när o im wägeli nid gschlafä,vo däm här häts nidemal ä ungerschid gmacht

Sisch seeeehr lang gange..aber iz schlaft si fridlich i ihrem bettli...chunt gloub scho guet

Luschtig...und wie lang het si de dr gross nächär no gstillet?bisch de du ono am stille?

Hihi, im Velolade go Kiwa flicke. Uf diä Idee muesch zerst cho! Mega lieb, dass es dir eifach gmacht händ.
Kinder, köstlich . Brucht halt mängisch scho chli öppis bis diä Chline schlofed. Mir händ um Wiehnachte/Silväster meeeega Problem gha mit em is Bett goh am Obig. Händ zimli sträng duregriffe und sit denn ischs wieder super. Bi mega froh!

So viel ich weiss stillt sie de Gross immerno. Im Juni wird er dä 3. Nei ich stille nümme. Ha ufghört bevor ich wieder bi go schaffe.

Ha halt dänkt das doch das öpe ähndlich isch wie bimne velo...schluch isch schluch

Ja säg nüt...sbrucht mängisch würkli vil!wenn geit de öii muus iz bett und wie schlaft si so düre tag?chunt si o no ir nacht?
Schön geits iz wider besser...wie meinsch hert düre griffe?la brüehlä?

Das isch ja mega lang...währ iz gloub nidso mis ding,solang stille!aber solangs für si stimmt?!

Melone,als ok bi dir??

Üsi Chli goht spötestens um 19.30 is Bett und schloft meistens bis noch dä 8.00. Sie brüelt mängisch und denn müend mir nur dä Nuggi inetue und denn schloft sie grad wieder. Mängisch zwei mol ide Nacht mängisch gar nid. Am Tag goht sie spötenstens am 12.00 go Mittagsschlöfli mache. 1 Stund -1.5. Wiä schloft dini? Wia alt isch sie scho wieder?
Ja sie het immer usem Bett welle und denn sind mir näbem Bett gsässe und sie so versuecht beruhige und sie het halt mega brüelt. Isch kei schöni Ziit gsi. Wenn sie usegnoh häsch, umetreit isch sie igschlofe und chum im Bett het sie wieder brüelt wiä nur öppis...

Mis Ding ischs au überhaupt nid so lang zstille. Aber das müend si wüsse was sie möchte mache.

Oje,das tönt schono heavy!de heiters eifach dürezoge und si probiert ts beruige vom bettrand us?und de isches plötzlich wider gange?

Si wird am 26.4. eis!si geit o spetischtens am halbi 8i iz bett...de isches unterschidlich,mängisch isches ruhig und mängisch müessemer im stundetakt dr nuggi wider ga gäh,aber si schlaft o immer wider grad i!irgendwenn nach mitternacht erwachet si richtig und de gani si ga hole und mir schlafä zämä im gäschtebett witer....letscht nacht hetsi zwar düregschlafä...das gits süsch nie
Am morge ca.7ni ischsi wach!am 10ni ligeni mit ihre härä,de schlaft si ä halb stund,stund!
Bis vor churzem hetsi im wägeli gschlafä.,,iz geit si am 2i iz bett und de schlaft si ca. ä stund!

Dir heit ä guete rhytmus findi!so heiter vorallem no öpis vom namittag...bi üs isch halt de meischtens jetz scho vieri bismer de use chöi oder so....aber mi maa chunt hei cho zmittag ässä und das isch o sehr vil wärt