Kinderwunsch 2

binchen da chani guet verstoh..i chönti da nöd.. Würs di ganz zit vergeße!

Guete isch de misst hormon wo brucht für de es und das de zerwixschleim optimal isch für schwümerli! So gsehni wenigstens ob da richtig tuet, da ich ja mini tr ned recht becho han die letschte 2 mal. Hans grätli äbe grad nebem wc, also.weni am morge muen den erinnerets mi grad!

i schlof ebe amel no so halbe weni serst mol ufs wc gange! Bruche es wili bis i amel wach bi! I ha sglück dasi de eisprung spüre so hets au bi mim sohn klappet gha.. Aber wens für di stimmt isch da guet!

hey melone... ich trucke dir fescht de dume, dass das denn nacher klappet!!! es jahr isch lang... :-(

mir hend es päärli kennt (sind leider jetzt nüm zäme) die hend 5jahr probiert... und ich han denn so es schlechts gwüsse gha, dass bi eus bim erschte mal klappet het... und mini ehemalig usbildnerin... die het gar keini chönne übercho und ich bin am afang so miteme beklemmende gfühl is gschäft gange... hüt isches anders... wenni gange dörf sie bäbele und füettere...

aber es tuet mir amigs so leid, dasses lüüt git, wo keini wend und denn es chind hend und nid so guet zuenem lueged. und denn gits derig wo so gern eis hetted und es klappet eifach nid... und das wäred die beschte eltere... mängisch schwer ds verstah...

@binchen: was hesch denn du fürnes grät? also de name... ich han mim maa ebe gseit, nacheme halbe jahr probiere ohni erfolg wetti au sones grätli... wel me denn eifach besser cha bestimme!

guete morge!

Sterndli.. danke.. Es johr isch scho lang söt jo aber normal si! Bi mim sohn isch au e johr gange..
Jo da isch würkli unfaire.. Oder wens den abtriebet nu wils zdoof gsi sind zum verhüete! So öpis regt mi amel chli uf! E kolegin vo mir isch au sofort schwanger worde im 6.monet isch sbaby tod gsi.. Und jetzt sinds sit me als 3johr am üebe! Da isch echt nöd faire!

ja, derigs isch mega grob... ich han au scho enere kollegin müesse säge, sie sig e doofi, wel sie pille danach isch go hole... bi u verruckt worde... ha gseit, sie heg chönne ...... also söll sie für d'folge au grad stah... ich han mir nie denkt, dass ich mal es chind han... und ich bin vo de erschte schwangerschaft au bitz überrollt worde... aber abtriebe wär mir nid einisch in sinn cho...

sterndli genau du seisches! Und suscht sölets doch da kindli öperem geh wo kei übercho cha und sich eis wünsche würed!

Ich han de claerbluemonitor, hani vo minere schwöster becho!
Ja säged nüt, mängisch isch scho ned fair! Bevori usbildig a gfange han dazmal, hani im spital uf gynekologie/wochebett es praktikum gmacht und da hani mängisch au müe gha, die einte händ verlore und paar zimmer witer hinde händs abtribe us gründ wo ich ned han chöne verstoh!
Mir sind au recht überrascht wurde bim erste, fast chli schnell gange und jetzt grad gägeteil!
Lg

oh je binchen wenigstens tüends diä fraue nöd no is gliche zimmer! Hmm.. Jetzt machi mir grad gedanke.. Wo i im spital gsi bi weg de buchspieglig isch min ma 2mol einere begegnet wo mir vom kafitreff kenned diä het mi mol mega blöd agfahre.. Naja.. Jetzt frogi mi grad no me warum si echt döte gsi isch!

besser, weme sich gar kei gedanke macht über derigs...
ich han immer gseit, es git nur ein einzige fall woni würd abtriebe... und de wär, wenns bi de nackefaltemessig klar isch, dass ds chind mitere behinderig uf d'welt chunnt... ich weiss, das tönt jetzt mega fies... aber ich han imne eigentlich guete behindertewohnheim gschaffet... aber das wo die det hend isch nid so lebenswert... duurend ussetzer mit haue, chratze und biesse... und denn eltere wo sie us schlechtem gwüsse jedes weekend chömed cho hole... und nachem weekend sinds voll verwirrt gsi... ich finde zueständ für mensche mitere behinderig nid optimal und wett das mim chind au nid welle atue... für deheime isches aber ds vill und drum hani gseit, wemes gseht lahnis weg mache... villicht verbesseret sich die situation ja denn irgendwenn, aber im moment isches echt no nid lebenswert... :-( tönt mega fies oder?!?

guete morge

Wiä gohts eu?

Sterndli i find nöd das da fies tönt! I wür mir da sicher au guet überlege! Wüßt aber nöd öbis den au chönti..

So hüt nomi hani endli fa termin.. Bi jo gspannt wa si so meint..

Hoi zäme

Ich wüst au ned wa ich wür mache, bim nico hämer gseit gha egal wa isch mi bhaltets! Aber bim zweite, wüssti ned wa ich mache wür weni wüsst es wär schwerst behinderet!

Melone bin au gspannt wa dini fa meint, hoffe positivs! Gisch bscheid!

Melni weisch meh? Wie gots dir?

Han mini fruchtbaretäg ab hüt, de monitor hät a zeigt das östrogen gstige isch! Bin froh das scho mal da normal funktioniert!

Lg

und?!? was het de fa gmeint?
bi mir au binchen!!! jetzt bini wider zitterig... aber das chunnt scho guet... oder ebe denn wenns ziit defür isch... min rechner seit grob zwüschem 12. und em 18.!

Sternli hämer genau die gliche fruchtbare täg, bi mir sinds au vom 12-18
Chömer mitenand zittere und hible!

Melone und wie isch gspröch gange?

Lg

den wünschi eu viel spaß bim herzle!

Also i stoh immerno nebet mir.. Zerst hät si mir no emol op erklärt und das wichtig isch das als guet verheilt! Weni jetzt sofort schwanger werde wür chönti e fg ha.. Noch de 2te op au gnueg zit lo wils suscht guet e eileiterschwangerschaft werde cha und de meint si das mir den so ab okt/nov luege chönd weg schwanger werde! Bi grad mega imne tüf..