Kinderwunsch 2

puenggeli mir findet irgendwiä eifach keine wo üs beidne gfallt.. da wow de isch es.. fehlt eifach!!

peyton danke für diä näme muess aber säge das diä gar nöd min gschmack sind!! zum teil zu speziell..

melone, in dämfall lieber "normali" Näme?

puenggeli, jo d Zähnli sin duse. Jetzt hämmer wieder dr alt rythmus.Bis es wieder los goht.
Den hoffe mit doch das d Melissa bald wieder ruhe het und die vier rasch use chöme.

Und was machet ihr die Wuche e so?

Guete morge mitenand,

Juhu,ts putzinstitut isch grad bi üs...nach monate vom umbou (fassade und balkön),isch das es richtigs highlight..d store und d fänschter si dermassä vermoret gsi das sis hei müesse la putze!ha richtig fröid...hätt sowiso nid gwüsst wenn dasi die fänschter sött putze

D anouk het ali vier backä zähn fasch glichzitig übercho...aber i gloub richtig schmärze het si nid gha...vilicht ischsi o eifach wahnsinnig hert im näh,aber si tuet würklich nid vil drgliche

Melone,vilicht chunt dä momänt vom "genau dä name isches" garnie...vilicht isches ä name wond di zersch chli muesch dra gwöhne?!
Aber chadi vollkomme verstah..sobald mir hei gwüsst dases es meitli isch,hani ihre welä ä name gäh...si isch dür das irgendwie zur person worde!
Aber zb.wo mini nichte isch ufd wäld cho,hei plötzlich mini schwöschter und ihre fründ ts gfüehl gha das dä name wo si hei usgsuecht songarnid zu däm baby passt irgendwie und de hetsi ä momänt ke name gha und iz heisst si alana
S git also nüt wos nid git!

peyton was heisst scho normal!?? ha jetzt gest obig grad no en name entdeckt wo i au no niä ghört ha.. mue en nocher mol mim ma vorschlo.. mim ma gfallt zbsp kevin mir gfallt levin und de name wär nevin.. vielicht chunts jo guet a!!

Hihi.. also mit normal meini näme wo me doch hi und da kört. wie grat zB kevin und levin. Nit falsch verstoh ich find se schön. Aber au Nevin isch toll. Ha ich au no nie kört. Wär doch e super alternative zu kevin und levin.

oh dutchy ha gar nöd gseh dasd au gschriebe gha hesch !!
uih wens fertig sind chasches gern zu mir schicke!!
da cha guet si das niä e richtigs wow git.. aber vielicht e chlises wo immer grösser wird.. ach maitli name.. heti echt es paar wo mir gfalle würdet..

peyton jo i dere hisicht ischs sicher en normale name.. naja leandro uf dinere liste gits jo au recht hüfig! de name mue halt eifach au guet ussprechbar si.. naja paar wuche hend mir jo no!!

Hallo zäme,
Ou mann die cheibe zähn, bi froh händ ihr das guet überstande!

Dutchy, chasch die nid au grad no zu mir schicke, ich hät au no sopaar sache zum putze

Melone, mir gfallt levin und nevin. Und denn nevio? Isch levin nid eher jüdisch? Gits denn kei arabische name wo für eus nöd zu exotisch tönt? Oder möchet ihr bewusst en "heimische" name?

Mir händ eus sehr guet igläbt, danke sterndli. Wie gahts bi dir mit de zwei meitli? De gross isch ganz en liebe zu sin brüederli und plötzlich viel selbständiger. Und dr chli isch sooo en gmüetliche. Schlaft ganz viel und isch immer zfriede. Meistens schlaft er vom obe am 9i bis am halb 5i am morge. D hebamme isch sehr zfriede mit eus. De chli het scho 200 gramm zuegnoh und ds mami isch bis uf eis kilo wieder ufem geburtsstartgwicht. Ich gniesses meeega mit mine zwei buebe und es isch nid halb so stressig wie ich gmeint han. Ideal zum mich nochli schone und erhole.

sascha schön laufts so guet bi eu und beruhigt mi grad echli das gar nöd so stressig isch oder evt nonig so astrengend isch..
wow scho wieder alles dune.. wiäviel hesch den zuegnoh gha??
nei en arabische name wöt i nöd.. isch au no niä en vorschlag vo mim ma cho.. min ma het au kein arabische name.. genau levin wär jüdisch wa für min ma de grund isch das de name nöd in frog chund.. söt also en katholische name si!!

Also ich finde nevin schön...passt doch,elias und nevin?!bi gspannt was di maa seit

Sascha,fröiemi mega für dich...du hesch das so öpis vo verdient
Super louft als eso guet

ach min ma.. e sehr schwierigs exemplar..
seg en komische name und gfallt ihm gar nöd.. spöter hani de elias gfrogt und er het gseit seg schön.. min ma het den no gmeint seg schwierig zum uf arabisch schriebe.. ha sgfühl übercho suecht scho noch usrede!!
werd de name sicher no öfters erwähne!!

dutchy finde ebe au das no passe würd !!

hallo fraue

wiä gohts eu??
sinder am schöne wetter gnüsse??

Hani ez au welle froge! Ganz schön ruhig worde!

Üs gohts guet. Di Chli isch sit es paar Täg wieder wiä usgwächslet es absoluts Schätzi! Sie wot ez immer laufe und a eim Finger no hebe. Mängisch loht sie au los und macht es paar Schritt. So härzig!

Wiä gohts dä andere?

puenggeli da isch schön.. findes so herzig wens afanget laufe.. so umetäppelet und umegwagglet.. eifach zuckersüess!!

Juhu

Sisch grad chli vil los gsi letscht wuche...schaffä und de heimer bsuech gha vo holland,mim maa sini schwöschter und ihre fründ si da gsi bis geschter!also si si imne hotel gsi,mir hei ihne zwar scho gseit das si bi üs chöi übernachte aber si hei gfunde es sig doch besser so...si wele zwüsch dri o ihri rueh!mues säge,sisch würkli super gsi eso!irgendwenn ume mittag ume si si cho und nachem znacht si si de wider zrug iz hotel!scho vil weniger hektisch weder weme ts ganze wuchenänd d wohnig voll lüt het

Sisch chli durchzoge mit däm mittagsschlaf,sisch schier 40 min.gange hüt bis si ändlich het gschlafä!si isch immerwider i mine arme iigschlafä aber sobald ig si ha welä iz bett lege ischsi wider erwachet
Hase de o chli la brüehle aber das bringt irgendwie o nüt....weni nid genau wüsst wie müed das si eigentlich isch,würdi die üebig grad wider abbrächä!
Naja,hoffe si gwöhnt sich de irgendwenn chli dra!

Puenggeli,iz geits nüm lang,när louft si ganz sälber!bir anouk isches o mega schnäll gange..vor ca.3 wuche het si o so agfange..2,3 schrittli sälber und de jede tag chli meh und immer chli wie besser!vorere wuche simer ga die erschte schüeli choufä...jööööh...und iz louft si scho dür die ganz wohnig..immerno chli wagelig und zimli breitbeinig aber si machts super

hallo

dutchy da tönt den super mit dim bsuech.. so würdis mir au wünsche.. aber diä wäred sicher total beleidigt wür mer nöd döte wohne oder si is hotel schicke..

so i freu mi ha hüt nomi wieder fa termin!