Kinderwunsch 2

Dutchy tönt würkli guet mit dim Bsuech! Oh das mit em ischlofe ufem Arm und denn wach im Bett känn ich au. Seeeehr mühesam!!!

Jaja das laufe. Jede seit scho sit Monate ez gohts denn nümme lang . Gibe nüm so viel uf so Sprüch . Ha grad gluegt sit genau eim Monet lauft sie ez ade Hand ume und hebt eim teilwiis nüm würkli. Hüt Mittag ischs lustig gsi, ha sie vom Tripp Trapp usegnoh und sie angestellt. Denn lauft sie devo, noch es Paar Schritt blibt sie stoh und tuet noch es Paar Sekunde uf dChnü sinke. Ha würkli so usgseh, wiä sie überleit hät, hilfe was mach ich au do, schnell wieder uf dChnü abe .

Melone, din FA Bsuech guet gsi?

jo de fa termin isch guet gsi.. min chline isch jetzt 1,3kg..

wiä gohts den eu alne?

Schön wiä din Chline wachst Melone!

Ich wünsche euch allne ganz schöni Ostere!

danke puenggeli!! bi au froh isch als guet und voralem au no normal gross! fa wird mi aber ab 35. wuche is spitol fürd undersuechige schicke.. diä chönget sgwicht nochli gnauer berechne und denke au zum luege wiäs den mite geburt laufe söll..

ach mir isch grad chli langwilig.. es schneit bi üs!

wünsche eu au e ganz e schöni osterzit!!

Hallo hallo zäme
Ich mäld mi au wieder emol in däm Forum. Bi scho ewigs nüm do drin gsi, ha jetzt aber in de letschte Täg bitz euri Biträg noche gläse. Wow, do isch jo einiges glofe im vergangene Johr.
Mit einige vo euch hani au scho Kontakt gha.
@ Melone: Ich freu mi riesig für di, dass du bald di zweite Sohn dörfsch in de Arme halte. Ich cha mi no guet erinnere, wie du mir letscht Johr vo dinere Op verzellt hesch und dass dir no ä zweit bevorstoht. Das het jo super schnäll klappt! Toll!!!
@ Peyton: Jetzt isch dini chlini Muus au scho 9 Monet alt. Wie die Zyt doch vergoht! Cool, dass ihr mit ihre scho an ä FCB Matsch gange sind!
@ alli: Ich gratulier allne, wo bereits ihres zweite Schätzeli hän dörfe in d Arme schliesse (Sterndli, Sascha, Binchen...) und alli wo no druf hibbele ä gueti Wartezyt.
@Dutchy: Mir kenne uns jo usem April 2013 Forum. Jö, jetzt het dini chlini Muus denn au gli Geburi.
Mi Chline het vorgeschter si erschte Geburtstag dörfe fiere....und sit geschter lauft är quer durch die ganzi Stube!!!! Juhui!!!! Zwar no waggelig, aber är legt ä rächti Strecki zrugg bevor är wieder uf d Chnü abe goht!!!!
Liebi Griessli an alli, Lion

hallo lion

das isch den schön dasd wieder emol ine luegsch!! hend üs jo frühener im babyclub 2010 underhaltet gha! wiä gohts den dinere grosse? chund si au in kiga? weiss leider nüm wen si geburi het! dim chline nochträglich als gueti zum geburtstag!
danke dir! jo stimmt noch de 2te op hets echt schnell klappet gha.. ha richtig glück gha und jetzt no öpe 2mönet de chani ihn endli id arme schlüsse!!
schöne obig no

Guete morge

Puenggeli,hihi,dini chlini schint mir ganz ä vorsichtigi ts si..isch o härzig wie si dere gschicht mit loufä no nid ganz trout!bi sehr gspannt wenn das si sich drzue entschliesst!

Melone,fröitmi isch als ok mit dim chline maa!uiii jetz geits langsam i ändspurt ..bi scho ganz gspannt...o ufe name
Ja säg nüt,bi üs isch o als wiss gsi,schochli ä schock nach denä schöne tage!aber hüt isch zum glück wider besser!
D anouk isch chrank gsi und drbi hani mi so gföit uf die oschtertage
Ga schaffä hani o nid chönne,s faht irgendwie immer ir nacht vorhär a,wie verhäxt!
Isch scho mega asträngend wesi so nid zwäg si...und ir nacht het si widermal nume mich akzeptiert!
Janu,iz isch ja wider besser und mir gniesse iz halt no dr räschte vode fiirtäg!
Was heit dir ali so gmacht die tage?

Willkomme lion,schön widermal vo dir ts läsä
Jööh,iz louft di chli maa also o dürd stube
Ehm...du hesch doch zwöi buebe oder tüschenimi??sorry weni öpis vertuschä
Säg nüt,geit mega schnäll..scho es jahr düre!mir fiire nächscht sam ar anouk ihre geburi!
Wie heit dir eso gfiiret?
Mir si am hibble für ts zwöite..bi gspannt wenn dases de iischlat
Wie hesch du das jahr mit zwöi chind so erläbt?bisch oft a dini gränze cho oder hesches i volle züg chönne gniesse?

Ig wünsche alne schöni oschtere

dutchy hihi.. au i bi gspannt uf de name!!
gueti besserig dinere chline!!

@melone: Meinsch din Chline wird würkli zu schwär und gross? Isch din erste Bueb denn au scho zgross gsi?

@Lion: Herzliche Glückwunsch dim Bueb zum erste Geburi! Wiä händ ihr gfiiret?

@me: Jaja, das laufe... Mir sind immerno glich wiit. Mol luege ob sie das Johr no lauft oder nid

@Dutchy: Dini Chli isch wieder zwäg? Händ ihr glich no schöni Ostere gha?

puenggeli.. i weisses würkli nöd.. also min ma denkt eher nöd wil er jo 2,7kg innerhalb vo 10wuche zueneh müesst zum 4kg erreiche.. wa jo würkli viel isch!! aber me weiss es halt nöd.. nei min grosse isch durchschnitt gsi.. 3570gr aber ha jo damals au no kei diabetes gha!! mol luege wiäs wieter goht.. ha i 2wuche wieder fa termin!!

Hallo Zämme

Ich hoff es än alli schöni Däg ka? Und das alli wieder gsund sin.
Mir hän es paar schöni Däg ka. Und am Fritig het d Peyton s erst mol ohni irgent e hilf e Schrittli gmacht und kurz drufabe grat nomol. Mi Maa und ich hän natürlich e schiss freud ka.

Lion, gäll es isch wansinig wie die Zyt vergoht. Jetzt wird morn d Peyton scho 10 Monet alt...
Ich weiss no ganz guet wie ihr so lieb mit mir mit gfieberet händ.
Wie laufts bi dir e so?

melone, glaub do het di Maa rächt, es wär jo extrem wen die chli schatz no so viel würd zue lege. Ich ha amigs s gfühl d Ärzt übertriebes amigs chli. Ich mein es isch jo guet wenn sie luege und mach und tien. Aber amigs zu viel. Loh dir eifach kei angst mache, ich dänk das chunt alles guet. Ich nimm a das dis Buchgfühl das au seit? Klar macht me sich sorge das isch jo ganz normal und me will jo das es am Buschi guet goht.Und me sölls jo scho nit uf die licht Schulteren nä, aber d Natur richtets meischtens jo scho so ii das es stimmt.

Dutchy, ich hoff das ihr noch chli hänt chöne zämme sie ohni das d Anouk gross het miesse liede.
Hesch dini Däg scho becho??

peyton so schön het si di erste schritt gmacht.. en unvergessliche moment!!
me liest halt öfters vo grosse babys und den chund mer halt scho angst über s'chönt eim au so ergoh!! aber me angst macht mir er chönti gsundheitlichi problem ha wen er uf de welt isch..

Hallo zäme
Merci für die viele Willkommensgrüess....ha mi sehr gfreut, dass sich doch no ä paar an mi erinnere!

Stimmt genau Dutchy, ich ghör au zum Club vo de Buebemamis....
Melone, mi Grosse wird im Juni scho vier Johr alt...puh, wie die Zyt doch verfliegt! Är wär eigentlich au in KG cho, aber wenn d Kids 14 Tag vor oder nach em aktuelle Stichtag Geburi hän, denn cha me se no ä Johr zrugg bhalte. Und das hän mr jetzt au eso gmacht!

Oh Dutchy, jetzt gohts nüm lang bis ihr chönet Geburi fiere! Isch jo scho ganz öpis speziells, dr erschti Geburtstag!
Uns isches drum au wichtig gsi, dass mrs genau am Geburi sälber fiere, au wenn das halt unter dr Wuche gsi isch. Ab de 3i het me chöne itrudle (Grosseltere, Gotti und Götti mit Familie), denn hets Kueche und Dessert gäh, nochär Päckli uspacke und am Obe hets denn no ä feins Znacht gäh!
Puenggeli, wenn het dini Chlini scho wieder dr erschti Geburi gfiert? Wie hän dirs gmacht?

Dutchy, sin dir denn jetzt scho am üebe für ä zweits Chind? Wie schnäll hets bi dir bim erschte Mol igschlage? Wie gsehts bi euch us, Puenggeli?
Peyton, bi dir chönts jo au scho bald emol sowit si, oder? Wow, dini Chlini isch aber au ä schnälli Muus!

Ich ha mis Johr total gnosse mit mine zwei Jungs.....eifach viel Zyt für se ha, im zweite Halbjohr hani mitem Grosse s MuKi Turne agfange und sit em Januar goht är in d Spielgruppe. So hani au jewils bitz Zyt nur mit eim Chind chöne verbringe. Jetzt chunt wieder ä grosse Meilestei, do ich am Mäntig wieder fang afo schaffe!!! Uiui, bi scho chli ufgregt!

Melone, wie isch dis Wohlbefinde? Wenn hesch dr Geburtstermin....Afangs Juli?

lion ach schad tüendern zrugg bhalte de hettet mir üs ustusche chöne!.. mine wird jo am 7.7 vieri und er wirds eifach mol versueche im kiga..
min et isch am 29.6! hoffe aber das er wiä de gross au es paar täg frühener chund!!
mir gohts ok im moment.. min ischias plogt mi echli und ab und zue so mensartigi buchschmerze aber suscht ok!

@melone: Ich han viel mit dä Hebamme plauderet woni im Spital gsi bin und sie händ gseit wil dä nüchtern Wert abegsetzt worde isch, händ uf eimol viel meh Fraue SS-Diabetes. Diä meiste müned go dGeburt ileite und dChind sind nid so riese Babys. Glaube aso nid, dass dine so en riis wird! Und lang überträge wirsch ja eh nid. Hesch du eigentlich SS-Diabetes oder au süscht? Oh 07.07. hät min Maa au Geburi. Hoffentlich chömed diä zwei nid dä glich Geburtstermin über .

@Peyton: Wow so toll! Diä erste Schrittli! Macht sies underdesse immer mol wieder oder ischs eimalig gsi?

@Dutchy: Wenn hät dini Chli scho wieder Geburi? Grad hüt? Ich gratuliere uf jede Fall mol! Und hoffe ihr händ ganz en schöne erste Geburi chönne fiire!

@Lion: Mini Chli hät am 02.02. dä ersti Geburi gha. Mir händ Grosseltere, Götti und Onkel iglade und so gfiiret. Isch mega schön gsi, nur ischs ihre zviel gsi, am Obig de es meeeeeeega Theater gha bis sie im Bett gsi isch. Mir möchted no keis 2. Chind. Bi do am mitschriebe wils dä einzig Ort isch wo öppis lauft und ihr mich so lieb ufgnoh händ! Guete Start am Mäntig! Wird scho sehr komisch si! Aber me gwöhnt sich dra! Wiä viel Prozent schaffsch? Und wer luegt zu dä Jungs?