Kinderwunsch 2

puenggeli.. da isch halt ebe scho öpis anders wen mer knapp im ss diabetes drin isch oder halt wiä i ganz klar diabetes ha(scho vor de ss) dezua ane reagiert min körper viel zwenig ufs insulin.. mue also recht viel sprütze und bi immerno zhöch mite wert!
ahjo din ma au am 7.7 isch halt scho e schöns datum! euri tochter het au e schöns datum!! recht hender wen ihr si nochli gnüssed bevors e zweits gäbt..

Guete Obe

Sie macht immer wieder mol e Schritt aber me gsehts ihre a das es ihre nit so geheuer isch. Sie nimmt den immer ganz schnäll wieder mini Hand. Aber das isch scho in Ordnig sie söll sich die Zyt nä. Düfür isch sie jetzt scho wieder am Zahne. dr 5 gseht me jetzt au scho wieder. Ich hoff dä chunnt chli schnäller als dr 4. an däm het sie lang ka.
Inere Wuche weissi meh öbi ss bi oder nit.

Guete Morge zäme
Dr Chlini isch grad am Schoppe trinke....het hüt bitz länger pfüselet und dr Grossi schloft no. Drum nützi d Situation grad us zum euch kurz schriebe.

Puenggeli, mir hän unsere Grosse au bitz länger chöne gniesse, wenns au nit so plant gsi isch, är isch 2 Johr und 10 Monet alt gsi, wo dr chlini Brueder uf d Wält cho isch.
Ich ha jo au eifach emol afo schriebe, do ich einigi vo euch kennt ha us de andere Fore.....grins.....und finds schön mi mit euch bi verschiedene Theme usztusche. Allerdings isches natürlich scho immer total spannend, wenn öper am hibble isch.....!!!!! Do bini grad voll am mitfiebere!

Ui Petyton und bi dir isches jetzt genau so ä Fall.....nur no ä Wuche und du weisch me! Finds so spannend und drugg dr fescht Dume!!!
Mini Fründin het mir grad geschter aglüte, dass sie ä positive Tescht in de Finger hebt....ich sig näb ihrem Maa die einzigi wos weiss. Ich ha jo sooooooo Freud gha, au dass sie mi ins Vertraue zoge het!
Sie het ebe vor zwei Monet ä Fehlgeburt gha und jetzt hets mega schnäll wieder igschlage!!!!!

Melone, bi sehr gspannt was du denn vo dim Grosse verzellsch, wenn är in KG chunt! Bi uns isch dr Stichtag das Johr erscht am 15.6., d.h. wär nochär Geburi het, wird bi uns im Kanton gar noni igschuelt. Und die Kids, wo bis zu 14 Tag vorhär Geburtstag hän, cha me no ä Johr zrugg bhalte. Und drum hän mr das grad usgnützt!
Bi dir isches toll, dass du denn grad dr ganzi Vormittag Zyt hesch für s Baby! Isch jo grad perfekt!

Euch allne ä sunnige Tag, Lion

PS: Mini Jungs wärde am Mäntig vo minere Muetter betreut und am Zyschtig vo mine Schwiegereltere, wo extra vo Bärn areise!!!

peyton druck der de dume!!

lion bi üs isch ebe de stichtag erst ende juli! kia und logopädin händ gfrogt gha öb mir ihn möchtet zrug bhalte ebe will er so knapp no dri chund.. aber mir hend denkt er söls versueche.. wird ihm sicher au guet tue under "grösseri" kind dsi!! und suscht chönd mir ihn immerno useneh!! finds ebe au nöd schlecht hani chli am morge zit für de chli..

Hoi zämä

Melone,cha di sehr guet verstah,hesch so bedänkä daser ä grossä chönt si!mini isch ja über 4kilo gsi und ehrlichgseit bini im nachhinein froh,esches ä sectio gsi...mag garnid drüber nachädänke wies süsch währ worde!mi macht sich doch eifach gedanke o wes nüt bringt!
Aber di maa het gloubs scho ä punkt,gloubä onid daser no so extrem zueleit ufem schlussspurt...drum positiv dänkä
Wieso machsch du dir de sorge daser gsundheitlichi problem het wener uf dr wält isch?wäg dire diabetis oder allgemein??

Puenggeli,mini chlini het morn geburtstag
Isch scho speziell...hüt isch grad es chärtli cho vom spital mit glückwünsch zum 1.geburi und d hebamme wo am schluss het dienscht gha het unterschribe!has mega guet chönne mit ihre und irgendwie isch die ganzi geburt wider sehr presänt!
Hihi..drum hei mir niemer zum znacht iiglade...ha ts gfüehl sisch gnue we am nami rambazamba isch
Fröiemi o dr aabä nächär mit mim maa ts verbringe...sisch ja o für üs als paar ä ganz ä spezielle momänt gsi

Lion,wünscheder de ganz ä guete start am mäntig!da heiter ja ä super lösig gfunde zum hüete!isch de schön chömesi äxtra vo grosshöchstettä
Its fragschdi sicher warum das ig weiss wohär das die chömä...hihi..du hesch mal gschribe das di maa vo dert chunt,daschmer blibe..chume drum vo konolfinge,das isch ja grad näbä dran
Was schaffisch de du?
Ig bi grad scho im 2.üebigs monet schwanger worde,also rächt schnäll...aber das mues ja bim 2.nüt heisse!
Heit de dir solang güebt für ts zwöite?

Peyton,wow,dini muus isch o ganz ä schnäui...scho louffä??fräch
Ja gäu...sisch super süess wesi die erschte schrittli machä...ha gloubs o eis,zwöi trändli vertrückt
Nei ha mini periode no nid übercho,ha d pille genau vor 2wuche abgsetzt!geschter hani dänkt dasi sä überchume aber sisch glich nüt gsi!
Mi körper füehlt sich eh a wie ufere achterbahn,am morge ischsmer vil übel und de hani die ganz zit sone blähbuch dasi d hose nid cha zuetue...seeeehr komisch!entweder bini scho grad wider schwanger oder de het mi körper müeh dasi die pille ha abgsetzt!
Wie hesch du das denn erläbt wod d cerazette hesch absetzt?
Uiii...bi mega gspannt u fiebere mit dir mit,währ schön wes schograd klappet het

Schöne tag öich alnä

Dutchy bi chli verrutscht mit em Datum, exgüse . Mir händ au niemer zum Znacht iglade a ihrem Geburi. Alli sind um di 5i hei gange... :-(

Ui und dini chlini het trotzdäm das ali si gange so müeh gha mit schlafä??

dutchy also wird er über 4kg si werdi mir da echt au überlege mitem ks.. bewundere jedi frau wo das ane bringt!!
jo wegem zucker.. jetzt chund er jo de zucker vo mir über und das zhöch isch mue sin körper au chli me schaffe zum da abbaue.. noch de geburt chund er jo min zucker nüm über und wen den sin körper immerno me schaffed chönti er underzuckeret si.. dezue ane het de arzt wo i gang wegem diabetes mi gfrogt wo i gebähre wöt.. wo i gseit ha im spitol hetter gseit findet er guet will mer jo nöd weiss öb er evt uf dneo mue weg de atmig.. weiss natürli nöd öb er im algemeine so denk oder öb da au chönti e folge si wegem zucker.. werd da den im spitol nofroge weni den e undersuechig ha!! er het mi au gfrogt öbi scho über en ks nodenkt heg.. bi chli verwunderet gsi de hetter gmeint das vo sinere site us au normal gängt.. frog mi wieso er mi den gfrogt het.. da sind halt gründ warum i mir halt gedanke mache..

Dutchy, ich wünsch dr Anouk alles alles gueti zum Geburtstag.
Ich hoff ihr händ ihn so richtig chönne gniese. Wie het sie so reagiert ufs Kerzli usw?
OMG Dutchy... Ich ha nach däm ich d Pille abgsetzt ha jo ebe ei mol mini Däg ka und den es paar Dag bevor ich sie wieder hät söt becho hani e mega ufbleite Buch becho, das hani no nie vorhär ka und wie du seisch ischs mir nit so wohl gsi. Möglich wärs jo das es scho klappt hät.

duchty i gratuliere de anouk au vo herze zum geburtstag.. au eu eltere!! isch en sehr emotionale tag für ali!!

hallo Fraue, mäld mi au wieder mal.

duchty, ich gratuliere de Anouk ganz herzlich zu ihrem 1. Geburtstag. Händer au alles wieder Revue passiere la, die ganz Geburt und die erste Augeblick? Ich ghöre no hüt d Stimm vo mim Ma, wo er gseit het "Lug üse Büebu isch da" und ihm sind Träne über Backe grollt. Und dann händs mir das dunkelrote Würmli uf de Buch gleit. ..Unvergässlich....
Jetzt hoff ich mir chönd hibble mit dir und du chasch gli positiv teste.....

Mir sind hüt vo eusne erste Ferie mit em Chli zruggcho. Ha scho chli Bedänke gha, scho mit 3 Wuche id Ferie, aber si si halt scho so igäh gsi und ganz ab de Wält sind mir ja au nid gsi. Aber ich muen säge, es isch perfekt gsi! Mir händ alles total uf de Gross abgstimmt gha. Schiff fahre, Stunde lang go laufe (er hät sis Ross debi und "ritet" de ganz Wäg), Zoo, Wildtierpark, Buurehof,....
und euses chline Bänzli isch so pflegeliecht, isch eifach immer debi gsi. Stille hani überall chönne und susch het er eifach gschlafe. Einisch hani sogar müesse go Milch uselah, will er soooo lang gschlafe hät, dass ich fasch en Milchstau becho han.
Mir händ e Feriewohnig gha. Mir händ alli i ein Zimmer schlofe. De Chli macht znacht wie es Kätzli wenn er hunger hät, keis brüele, nüt. So händ die andere zwei chönne dureschlafe und ich han irgendwenn zwüsche 3 und 5 gstillt und denn isch um di sibni de Gross cho Tagwach mache....ich hans sehr gnosse...

Melone, jetzt gahts bi dir endgültig in Schlussspurt. Ich hoffe, dass nach de Geburt nöd zu Komplikatione chunnt. Immer positiv dänke, denn chunnts scho guet....

danke sascha hesch bestimmt recht.. söt mir nöd soviel sorge mache! jo seg nüt.. nu no 9wuche bis zum et!! ha no nüt gmacht! büro isch nonig usgrumet, kleider nonig sotiert, no nüt kauft, und no kein name parat.. und im juni no soviel termine.. erst kommunion, 50ste geburi vo minere tante, info obig wegem kiga.. ect

sascha schön hender euri ferie gnüsse chöne! tönt würkli erholsam!! super chasch stille.. würd au so gern.. ha aber bim grosse eifach niä richtig milch übercho und weiss jetzt gar nöd öbs jetzt so gschied wär mitem diabetes!!

Bäh das Wätter! Mir händ eigentlich chli es Sächsilüüte welle. Aber so...

Dutchy: Ja mini Chli hät trotz alli so frühe gange sind so es Theater gmacht. Leider! Händ ihr en schöne Geburi gha? Wiä händ ihr gfiiret?

Melone: Weisch halt au nid was uf din Bueb zuechunnt, sobald er uf dä Wält isch. Abe wiäs ihm de goht und so. Gohsch demfall ines Spital wo grad no e Neo hät? Ja du melone, denn muesch mol langsam vorwärts mache .

Sascha: Euchi Ferie töned ja würkli sooo schön! Wo sind ihr denn gsi?

jo wens sichs vermiede loh würd i da wetter use zgo, würdi au dine bliebe.. aber min grosse mue no id logopädie..

puenggeli denke nöd das fraueklinik au grad no e neo het.. aber kisp isch nöd wiet devo entfernt!! aber jetzt hoffemer mol das au gar nöd brucht wird !!
bi di ganz zit min ma am stresse wegem büro usruhme aber er isch de mainig das dr für da nume en halbe tag brucht also no gnueg zit defür het.. mi regts langsam uf!!

Melone,oje..du tuesch mir chli leid!sötsch doch iz die räschtlichi zit vor schwangerschaft nochli chönne gniesse...wens nid so verdammt wit währ würdi dir grad cho hälfä mit dä chleidli (jöööööö ) und am büro natürlich o!
Verstahni dasd di ufregsch..s mues ja immer als ufe letscht drücker si bi denä manne
Mmmhh...findes chli plump vo dim fa so bemerkige ts mache...aber mini isch o so...die währ gschider veterinär worde!
Wenn hesch dr erscht termin im spital??würdmi dert guet la informiere...ig weis leider zweni über diabetes...aber gloubs stille sötsch doch scho chönne probiere?!bi üs im spital hetme o es hebammegspräch chönne ha vorgängig..dert chöntsch när in rueh all dini frage stelle?!

Alne härzliche dank für die liebe glückwünsch...sisch scho sehr speziell gsi dr 1.geburi
Ar anouk ires gotti und d familie si am namittag verbicho...eifach zum kafi!ha irgendwie dr aabä für üs welä und fürd anouk isches o meh als gnue gsi...mir heise sogar chli früecher iz bett ta!
Si het sich doch tatsächlich a däm einte cherzli dr finger verbrennt...mann,was fürne rabemuetter!
Es het mir mega leid ta..es het ä chlini blase gäh am chline fingerli...shame on me
Aber si het nid lang brüelet...dr schoggichueche het d öigli wider mache ts glänze

Peyton,uiiii...bi gspannt...wenn hesch im sinn ts teschte?
Hihi..es währ schochli verukt we das scho grad iigschlagä het bi mir

Sascha,das tönt würkli guet!vorallem wie problemlos das mitem chline gange isch...mega!!