Kinderwunsch 2

dutchy.. diä bemerkige sind nöd vo de fa cho sondern vo dem arzt wo i weg de diabetes gange!! ha no kein termin im spitol aber sicher bald..
wiä gohts am fingerli vo de anouk?? so öpis cha so schnell passiere!! min bueb het sich mol mit jöhrig de finger a de nachttischlampe verbrennt!! er isch immer zu dere lampe glofe und mir hend ihn döt eigentli immer weggnoh.. hend den züglet und sind am uspacke gsi.. hends den leider nöd gseh wiä er wieder zu dere lampe isch.. uih het recht schlimm usgseh.. ha den mit mandelölsalbi massiert und hüt gseht mer zum glück nüt me!!

jo gest het min ma am grosse erkläre wölle das mir sbüro bald eume anderst mached und den e bettli iästelled fürs baby wo bald us mim buch chund.. de grossi isch glaub recht verwirrt gsi und het den gseit nei isch am papi sis zimmer.. hmm i hoffe min ma verstoht jetzt das mirs so bald wiä mögli irichte müend das es au für de grossi realer wird und sich dra gwöhnt!!

wiä gohts eu alne so??

wünsch eu no en schöne tag!!

Pff, ich ha gester au no use müesse. Mini Chli isch sooo unruhig worde diheime, dass ich lieber no chli use bi. Fazit: Ich mues unbedingt go Gumistifel und Rägehose poste für di Chli!

Melone: Wenn sKispi nid wit wäg isch isch ja guet. Zur Sicherheit ischs sicher nid schlächt! Hoffe natürli au, dass ihr das gar nid bruched. Oh ja, das wird würkli langsam Ziit, dass ihr sBüro ruhmed. Auf für dä Gross!

Dutchy: Nid jedes Chind verbrännt sich dFingerli am erste Geburi

guete morge

gest hani wieder termin gha bi dem arzt wegem diabetes und er het mi wieder gfrogt.. öbi mir gedanke gmacht heg und de hani ihn gfrogt was nebst em underzucker suscht no für problem geh chönti.. de heter gmeint klar ide ss halt grössi und den halt wärend de geburt chönti er kreislauf problem ha und den halt au mitem atme.. was ebe de grund wär das er uf dneo müesst und fraueklinik heg grad e neo döte!! ufjedefal seg da ebe au de grund warum bi diabetes öfters grad vo afang a en ks planet.. aber ebe me chans au uf normalem weg versueche!!

Melone,wow,das hani nid gwüsst dases zu so komplikatione cha cho wäge diabetes!was haltisch du vomne plante ks?wie isch de d geburt vom elias gsi?isches schnäll und problemlos gange oder eher länger und müehsam?
Findes u ä schwirigi entscheidig..uf dr einte sitte wotme doch müglichscht normal gebäre aber ts wohl vom chind steit ja immer ar erschte stell drum wetme o kes risiko iigah!

Am fingerli vor anouk geits wider guet,sisch nid ä schlimmi verbrennig gsi zum glück!
Aber iz het si schowider höch fieber sit am mäntig aabä!scho ts zwöite mal innert zwöi wuche
Ha langsam aber sicher ts gfüehl dases wäge dene bavkäzähn isch...ig hoffes jedefals,isch doch scho ungwöhndlich so nach ufenand oder hets das oscho öper gha?
Mmmh..warte iz mal ab wie dases sich so entwicklet!am mäntig heimer de jahreskontrolle bim kia,bi grad froh!

Puenggeli,hihi..ja i dänke o das das nume mir passiert mitem fingerli verbrennä
Has o so mit üsere muus,die mues ir regel o jede tag chli use...findes o wichtig das si bi jedem wätter dusse si,o wes nume ä halb stund is isch!
Wie gsehts us mit loufä bider melissa?

melone: Gueti frog, was haltisch du vomene plante KS? Ich find diä entscheidig ob normal oder plant sehr schwierig uf Grund vo dä mögliche Komplikatione vo dim Sohn!

Dutchy: dMelissa chunnt praktisch niä Fieber über wäg dä Zäh. Aber sie hät ez alli 4 so zimli mitenand übercho. Vo dem her chas scho si das dAnouk halt bi jedem Zah mit Fieber reagiert. Diä armi! Gueti Besserig! Hüt wet ich no id Stadt go Rägeklamotte poste. Aber es schiiiiiiiiftet so fest im Moment. Zum Glück macht dMelissa no Mittagsschlof.

Ja das laufe... Mir sind immerno glich wiit. Ade Hand lauft sie super guet und sogar wiit. Gange ez amigs ohni KiWa eifach chli mit ihre dusse go spaziere. Sie hät sooo freud dra. Aber elei, vergiss es! Min Maa und ich jaged sie amigs zwüsched üs ume und det lauft sie sicher. Naja, ich ha dHoffnig nonid ufgäh, dass sie irgendwenn sälber lauft

duchty wehe hani bim grosse 7 1/2 stund gha.. 30min devo sind presswehe gsi.. also relativ schnell.. het au kei problem geh oder sowas!! plante ks möchti ebe eigentli nume mache wen würkli so risike bestönd.. werd den mol no mitere fa im spitol rede wa diä mained.. sguete amne plante ks isch halt au das mer plane cha wegem grosse und natürli das i mir nöd so sorge mache müesst um de chli.. het jo scho angst wens wärend de geburt am chline nüm guet go würd unds den doch no ufen ks ende würd.. aber mue zerst mite fa drüber rede wiä gross würkli srisiko isch und den werdi au mit mim ma drüber rede..

gueti besserig dinere chline.. min sohn het au mol 5täg fieber gha und den paar täg oder e wuche spöter wieder 2täg.. wird vermuetli eifach nonig recht de" virus dusse gsi si.. aber cha natürli guet si das es bi eu wegem zahne isch..

puenggeli genau so gsehnis ebe au.. und keine chan mir natürli jetzt säge öb als guet cho würd oder nöd.. i erster linie isch mir eifach gsundheit vom chline wichtig.. egal wiä i den schlussendli gebähre müesst!! dfrog isch eifach sölis versueche oder uf nr sicher go.. schwierig!!

Es isch würkli es abwäge. Aber ich würd zerst mol warte was dä FA im Spital meint. Diä händ ja no besserig Erfahrig als din FA.

wiä gseit das isch vom arzt cho wo i weg de diabetes gange.. mini fa het no niä erwähnt das soviel risiko geh chönti.. werd also ganz sicher no abwarte.. ha au mim ma nüt verzelt.. wöt ihm nöd unnötigi sorge mache..

Ach so, das isch dä Diabetologe (oder wiä dä au immer heisst) gsi. Ja denn würd ich mir au nonid so viel Sorge mache. FA im Spital sind do denn sicher diä bessere Informante.

me chönti jo scho maine das en arzt wo sich ide diabetes uskennt au weiss was für uswirkige ufes baby ha cha.. hend jo au viel ss fraue döte!!
aber ebe über geburt redi besser mitere fa!!

Söttsch eigentlich scho meine. Uf di ander Siite schickt din FA dich au zumeme spezielle Arzt wäg em Diabetes. Din FA hät au gnueg mit Diabetes ztue.

Melone,die ärzt tüe doch eifach informiere!isch bi mir o so gsi wo mi chräbsabstrich uffällig isch gsi hani o ts gfüehl gha,mann früecher oder speter überchumeni chräbs,isch doch klar!d fa het mi de ganz erstuhnt agluegt woni mi schlussändlich ha gwagt ts frage wielang dasme da no eifach nüt cha mache!si hetmer nör erklährt das das überhoubt nid heisst das ig chräbs überchume sondern dasmes beobachtet!
Es git halt frouä wo vo afang a sägä si wellä a ks drum heter dir das warschindlich eso gseit!würdmi nid la verunsichere,bis jetz isch ja als guet und entscheide muesch ja das izgrad nonid!

Pff ar anouk geits zum glück wider besser!hetmer schonid so gfallä,am tsischtig aabä hani 40.6 gmässä!
Hetmi schochli beruihgt het das dr elias oscho gha so chrz ufenand!

Puenggeli,hesch dini rägechleider chönne boschtä?gits überhoubt so chlini gummistifeli??

Lion,bisch guet gstartet i dim job??

Peyton,und hesch teschtet??

Ah wasi no ha welä sägä,melone,i dänke we di chli maa nid alzu schwär isch und är richtig im becki ligt und d geburt ume termin ume los geit,de sött doch are normale geburt nüt im wäg stah?!sicher hesch es räscht risiko aber d chance isch doch relativ gross dases wider sone problemlosi und zackigi gebrt wird das bim elias ja oscho so isch gsi!

duchty i danke dir würkli für dini wort.. hesch bestimmt recht!! i denke au dasis versueche werd wen nüt uffällig isch bis den!! muess versueche dem ganze vertraue schenke..

super gohts de anouk wieder besser.. so höchs fiäber isch amel echt nüm lustig..

Puh so höch Fieber, diä armi Anouk und du Armi! Aber zum Glück gohts ez wieder besser!

Ja du, diä Rägekleider... Isch gar nid so eifach zum poste. Bini im Manor gsi, hät kei. De im C&A. dUswahl isch grandios gsi. Entweder Buebe oder Meitlifarb. Aso han ich mich für dMeitlifarb entschiede . Gummistiefeli hani im Migros gfunde. Hät ab Schuehgrössi 20 gha. Aber ich ha 21 brucht. Hät ächt no ä grossi Uswahl a Gummistiefeli gha. Bi erstuhnt gsi. De sind mir grad vom Migros heigloffe ide neue Stiefeli. 50 Minute händ mir gha, statt 15 Minute .