Kinderwunsch 2

dutchy fa het eifach es ctg wölle das si mich mit alne infos ide klinik amelde cha.. nei ha nonig gfrogt wöt da würkli erst e fa im spitol froge..

puenggeli mir hend jo imprinzip ein name uf de liste.. würd mir eifach no es paar wieteri wünsche damit mer drüber rede cha wele de richtig isch.. ha chli angst me nimmt den eifach de name will mer kei anderi wahl hend..
nei zimmer isch au nonig gmacht.. min ma het hüt mol über sis vorgoh vom usrume gred.. er planets wohl.. mol luege wiäs den klappet..

Ja das verstandi mit em Name. Händ mir chli es ähnlichs Problem gha.
Immerhin häts din Maa ez mol vorgnoh

Oh Italie isch au sehr schön und Campe isch au immer toll. Wenn alles guet goht gömer im Herbst uf Sizilie zum mim Maa siner Nonna. Sizilie isch au e super Ort nur zum empfäle.

dutchy, mir hän zwei Chihuahuas Wibli und e Husky/Schäfer Mix Rüde. D Peyton liebt se egal ob die Chleine oder dr Gross. Sie sin au super fiin zu Peyton. Isch amigs herlich zum ihne zueluege wie sie mitenand umgöhn. Wo mir usem Spial zrug cho sin nach dr Geburt vo dr Peyton hämer sie im MaxiCosi ufs Sofa gstellt zum de Hünd sie zeige. Den isch dr Gross cho und s erst was er gmacht het isch ihre quer übers Gsicht gschlägt. Hät nie dänkt das er sie grat sooo super ufnimmt.
Ich ha mini Däg nunig becho und ich ha hüt am morge e Test gmacht. Viel schlauer bini nit do s ergäbnis Fäld ganz e lichte rote Strich ka het. es stoht jo zwar egal wie intensiv d Farb isch isch dr Test positiv do s uf d mängi vo de Hormon a chunnt. Ich lüt morn glaub am FA a und frog öbi cha e Bluettest mache. Oder was würdet ihr mache? Grat für e Kontrolle um die 8 SSW abmache?
Und wüsset ihr öb me s Resultat grat bechunnt? Den ich gang jo wie gseit negst Wucheänd ind Ferie und wär jo gar nit do.
weiss jetzt gar nit öb ich mi cha freue. :-(

Peyton,ig würd gloub morn am morge nomal ä tescht mache..es git doch o die mit dr digitale azeig,also es heisst nähr positiv oder negativ!si gloub nid gamz billig,aber drfür sehr zueverlässig hani mal gläsä!isch scho grad chli blöd..aber es tönt doch scho sehr nacheme positive tescht...fröi di doch vorsorglicheres mal

Wow dr mischlings rüd isch sicher ä schönheit??
Ig liebe hünd aber da mir momentan im 2.stock wohne,isches kes thema leider!mir si immer chli am umeluege fürne anderi wohnig aber das isch no schwirig i däm kaff und furtzüglä weimer onid umbedingt da mi ma so nach het zum ga schaffä!

Mir göh afangs juli id toscana mit minere familie!mi vater het sich das zum 60 gischte gwünscht..ä wuche ferie mit sine chind und familie!fröiemi mega..vo däm här ischsmer grad noso glich wens nid grad iischlat bis denn ,sischmer doch seeehr schlächt gsi am afang vor schwangerschaft!

Sascha,wie isch dr schlussuntersuech gange?als ok?

peyton i würs glich mache wiä dutchy seit.. nomol teste ines paar täg.. aber wend en bluettest mache wötsch und morn grad verbi gohsch langet dir zit bestimmt no!! warte jetzt no mit gratuliere!

so schön gönd ihr ali id feriä.. würd au gern.. verzichte aber au sehr gern weni defür min jüngste id arme schlüsse cha!!

wünsch eu no en schöne muettertag!!

Also ich ha nomol eine gmacht es het mer kei ruhe glo. und es eidütiger gsi. :-D
Ich dänk mol das söt jetzt eidütig si. Juhuuuu

peyton de gratulier i dir vo herze alles gueti!! isch jetzt echt schnell gange!! wünsch dir e schöni ss!!

Juhuuuu...ganz härzlichi gratulation zur schwangerschaft
Ig wünsche dir o vo härzä alls guete...hoffe es wird ä troumschwangerschaft und dismal ohni verchürztä mumu scho so früeh!!

Guete Morge

Ich bi hüt bim FA gsi,dr Pipitest het au dört positiv a gä. Den hämmer grat no e US gmacht zum luege öb me scho öbis gseht. Do ich aber jo erst in dr 5 Wuche bi het mes nonig gseh. Also d Gebärmuetter het sich so veränderet das es drufhi dütet. Aber will ich jo jetzt fast e Monet wäg gang muessi am fritig nomol zum go l uege obs sich am richtige Ort ignischtet het, nit das es den no e Eileiterss isch. Was mir natürlich nit hoffe und au nit dänke.
Es goht jo scho spannet los, haha, das wird no öbis.
Aber jetzt freu ich mi und bi ganz positiv igstellt das alles guet chunnt.

Händ ihr dr Muettertag chli chöne gniese und sinder verwöhnt worde?

Ig fröiemi sehr für dich/öich,das isch jetz würkli schnäll gange...schön !
Hihi..spannend isches scho,ig hoffe es wird dir nid alzu eländ si,isch süsch chli schad fürd ferie und sehr müehsam für dich!
Jöööö es januarli...hesch dr termin scho zsgrächnet??
Ganz liebi grüess und als guete!das würmli isch doch sicher am richtige platz !!

Juhuuuu, gratuliere vo Härz zur SS! Hoffe chasch es gnüsse und dass dir nid viel schlächt isch.
Wünsche eu ganz schöni Ferie.

Guete Obe zäme

Müend entschuldige, dass ich mi so lang nit gmäldet ha. Ha in de letschte drei Wuche Stress pur gha ....aber me drzue spöter.
Denn was lies ich do für super cooli News??? D Peyton isch schwanger.....sooooo genial! Das isch jo jetzt mega schnäll gange! Ganz ohni grosse Stress und Monet um Monet bange...! Freu mi riesig für euch!
Dutchy, läck mir du hesch denn ä guets Gedächtnis. Nit schlächt, dass du no weisch, wohär mini Schwiegereltere chöme!!! Schafft denn di Maa in dr Nestlé? Sorry, dass ich dir nit zum erschte Geburi vo dr Anouk gratuliert ha.....nochträglich vo Härze alles alles Gueti dr chline Muus!
Bisch chli enttüscht gsi, dass d Mens jetzt glich cho isch? Bi also jetzt scho gspannt, wenns denn ischlot bi euch! Schaffsch du eigentlich au wieder?

Sascha, wow euri Ferie töne total toll. Vieli Lüt hän s Gfühl, dass me mit eme chline Baby nit cha goh reise. Ich ha au super Erfahrige gmacht. Mit unserem Grosse sin mir nach 7 Wuche uf Venedig und mit em Chline nach 9 Wuche uf Mallorca. Isch beides Mol total unkompliziert gsi!!!

Puenggeli, gratulier euch vo Härze zu däm Meilestei! Ich finds so ä prägende Momänt, wenn sich die Chline plötzlich vo eim löse und uf ihrne chline Beinli ellei d Wält erkunde. Isch glaub für beidi Site ä grosse Schritt: Für d Eltere isches ä erschts Loslo und für d Kids ä erschte Schritt in d Sälbstständigkeit!

Wet euch no kurz ä Zämefassig vo mine drei letschte Wuche verzelle:
Am Sunntig bevor ich ha afo schaffe, hani mini Eltere müesse ins Spital bringe.....ha gmeint bi im falsche Film: Beidi Eltereteil teile sich ä Doppelzimmer im Spital! Mi Vater mit mega starke Darmkolike/Durchfall und mini Muetter mit ere starke Magewandentzündig!
Ha denn kurzfrischtig mini Schwiegereltere müesse afroge, ob sie au grad zwei Tag chöne hüete. Das isch zum Glück gange! Ha denn guet afo schaffe, bi trotz eme Johr Pause grad wieder drin gsi!
Mini Eltere hän denn am Fritig heim dörfe....deheime ume gmuderet und vor ere Wuche han ich se wieder ins Spital brocht. Hüt hän sie heim dörfe! Isch ä mega Stess, sowohl us Sorg wie aber au hüetetechnisch!!!!

Exgüse, ha grad chli viel gschaffet, de magi amigs nid no an PC sitze!

Peyton, herzliche Glückwunsch zur SS! Gits demfall es Januarbaby?! Ganz en gueti Schwangerschaft und au no ganz tolli Ferie!

Ui Lion, was mached au dini Eltere! Gueti Besserig wiiterhin! Diä Ziit stell ich mir au grad sehr stresssig vor! Süscht ischs din Start bim schaffe wieder guet gange?

oh lion.. vo wa gits den da? komisch hend grad beidi problem!! hoffe goht ihne wieder guet?? sicher stressig gsi für di..