Kinderwunsch 2

Guete morge frouä..mann das wätter schisst scho langsam chli a,hoffe würklich es besseret gli
Lion,wow das isch ono ä krassä start zum ga schaffä,sone seich!hoffe o ganz fescht dases dine eltere wider besser geit!heisi de öpis schlächts gässä??
Schön bisch so schnäll grad wider drin gsi im job...es tuet nämlich scho guet,mueses zuegäh
Ja ig schaffä ei tag ir wuche bi mim vater ir druckerei ts konolfinge!mi ma het im luzärnische ä job gfunde,drum simer im 2012 züglet,vorhär heimer es jahr ts konolfinge gwohnt!iz fahreni halt ä gueti stund,aber mir chöi bi mim mami übernachte de chöimer scho am tag vorhär areise u de isches guet machbar plus mini ganzi familie gseht d anouk regelmässig einisch ir wuche,das isch super!

Ach,ja mi isch doch immer chli entüscht we d periode chunt und mi isch am hibble
Aber grundsätzlich bini froh het sich mi zyklus grad wider so guet iigstellt nachdäm ig die cerazette abgsetzt ha!und mir göh afangs juli id ferie und de ischsmer eigentlich ono rächt weni no nid grad schwanger bi!bir anouk ischsmer am afang dermassä eländ gsi und de wärs doch o chli schad fürd ferie....drum,mir hei ke stress

Melone,chadi guet verstah,mir si letscht jahr o nid id ferie!
Wie geits dir afang?und wenn hesch termin im spital?iz geits würklich nüm lang...bi scho fasch chli ufgregt

ach duchty mir sind no niä mitenand id feriä.. immer nume zu de schwiegis aber da isch alles anderi als feriä.. klar i mue döte nüt mache(si hend e putzfrau) aber me het den glich niä nume zit für üs.. bi also au nöd trurig wen mir nöd gönd!!

ha no kein termin im spitol!!
sit paar täg bewegt sich de chli ganz wit une also würkli so kopfhöchi und so es steche ide mumu.. ha au so en druck.. fühlt sich mängisch a als würd de chli nu no im underbuch liege.. so richtig schwer.. isch nöd so agnehm..
bi au scho nervös.. freu mi so uf diä zit zvierte.. chans chum erwarte!!

Oje,dir sit würklich no garnie zämä als familie ide ferie gsi??
Also da verstahni di fruscht ganz guet,das isch doch öpis wome sich ab und zue mal mues gönnä?!
Und zude schwiegis isch eifach nid ts gliche,da hetme weniger zit fürenand weder im alltag..erschrächt weme d sprach nideso versteit!geit de di ma so ungärn id ferie??

Aha...heisst das das är sich scho iz becki sänkt?isch das nid nochli früeh??chami garnüm eso guet erinnere wie das bi mir isch gsi..ungloublich wie schnäll dasme vergisst!
Chamer aber guet vorstelä wie unagnähm das das muess si...du armi!vilicht chunter ja o chli früecher!?
Jöö,schön wied di fröisch druf !!sisch doch eifach öpis wunderschöns

nei min ma goht gar nöd gern id feriä.. vielicht gönd mir mol uf abu dhabi sin brüeder lebt döte aber ebe da isch wieder familie bsuech.. werd halt suscht mol mite kind elei go wens gnueg alt sind..

i weiss nöd öb er sich gsenkt het oder evt eifach bitz anderst liet oder so..
i weiss au nume no das i ide erste ss niä irgendwiä öpis gha ha..

Liebi Fraue dä Summer chunnt!!! Juhuuuuu!!! Ha hüt Morge so freud gha dä Melissa ändlich mol dFrüehligkleider alege wo mir scho lang mol kauft händ.

melone, das Problem mit dä Ferie känn ich au biz. Ich han au Verwandti im Usland wo irgendwiä immer "muesch" go bsueche. Und wenns denn halt no dEltere sind, verstand ich guet, dass ihr no niä neumet anders gsi sind. Was macht dis Baby? Söt ez ja scho nonid uf dWält cho! Zimmer chunnt langsam? Schön freusch dich so!

puenggeli eifach super da wetter!!
i verstohs jo scho au das mer halt gern fam wil go bsueche.. würd mir halt eifach wünsche das mer mol is hotel goht.. de chönti mer sich mol wenigstens e paar stund zrugg ziäh.. voralem den jetzt mit 2kind.. aber den wär jo dfam beleidigt..

so no 6wuche bis zum et!! tick tack.. zit lauft.. zimmer isch nonig gmacht.. min ma isch aber hüt mol im keller gsi go platz mache für sini sache.. mue jetzt aber glich mol betone das min ma nöd eifach nume umesitzt und nüt tuet.. er hilft mir suscht sehr viel im hushalt und beschäftigt sich mitem chline!!

Bi dem Wätter bin ich immer so unsicher was ich minere Chline ez söll alege... Müehsam .

Das isch so, wenn im Hotel bisch, hesch wenigstens chli Privatsphäre wo halt bi de Familie dihei nid häsch. Denn mit zwei Chind ischs keis Platzproblem bi dine Schwiegis?

Langsam nervös? Ja klar du, ich finds bewunderswärt wiä du so glasse bisch, dass sZimmer nonid parat isch. Ich würd amok laufe . Mir händ immer gseit Endi Dezember wänd mir sZimmer vo dä Melissa fertig ha (ET isch am 05.02. gsi). Endi November isch denn alles parat gsi .

jo da frogi mi amel au immerno wiä fest alege.. langet echt en pulli oder doch no e jagge.. nöd eifach.. voralem jetzt au wieder fürs baby.. weiss gar nüm wiäni da damals bim grosse gmacht ha..

jo da isch sone sach bi mine schwiegis.. si hend e 4 1/2zimmer wohnig.. mini 2 schwögerinne wohned au no döte.. im gliche zimmer.. di älter wird nögst johr 40gi!! aber isch jo bi dene normal das nöd usziähnd vor de hochzit! ufjedefall hend mir döte e zimmer mit 2better wo wiä ehebett zämestönd.. i denke scho das mir al drin platz hettet und suscht goht min ma amel gern uf de balkon go schlofe wens so heiss isch! suscht tagsüber sind jo niä all mitenand dehai..also goht scho irgendwiä..

nei nervös wiso au?!
uih glasse bini gar nöd.. bi au immer am usrüefe!! hend bim grosse au scho lang als frühener parat gha!!

Bi eigentlich no froh gsi, isch mini Chli im Februar uf dWält cho. De weisch eifach, dass sie warm muesch ipacke . Aber im Summer bimene Neugebornige wüsst ichs aso au nid. Wenn ich mit em KiWa underwägs bi ischs no praktisch, chasch Jagge und so eifach alles undedri schmeisse!

Das sind kulturelli Underschied wo mir gar nid chönd verstoh. Mit 40gi no dihei wohne. Und mir mötzled dass e 4.5 Zimmer Wohnig für e Familie mit 2 Chind scho fast zchli isch...

Hesch no chli öppis chönne go ichaufe für dä Chlin? Neue Kleider oder so?

Juhuu..ändlich schint d sunne

Puenggeli,ha grad ts gliche dänk...isch scho wahnsinnig wie verschide das das isch kulturmässig!mir si scho rächt verwöhnt hie ir schwiiz!
Wo wohne de dini verwandte im usland?göt de dir vil uf bsuech?
Ig ga eigentlich no gärn uf holland...es si gselligi lüt wos gärn luschtig hei!vor kultur här isches ja sehr ähndlich!übernachte tüemer meischtens bir schwigermuetter,si läbt alei imne huus,vo däm här chöi mir üs glich guet zrugzieh....was halt eifach immer chli stressig isch si die ganze verwandte bsüech vo dert us!bisme de alei het gseh und überall isch gsi,si meischtens d ferie scho düre!aber ig findes halt wichtig,d anouk söll schliesslich ä bezug ha zu däm land und mim maa sire familie!

Melone,cha di guet verstah,ig hätt o extrem müeh uf so ängem ruum mit so vil lüt!und vo dim maa hesch sicher o nid vil we dir dert sit was ja o verständlich isch da sini familie ihn ja onid eso vil gseht!
Aber abu dahbi tönt doch no guet?finde sisch schono ä unterschied ob brüeder oder schwigereltere,däm chöiter doch sicher o säge we dir mal öpis für öich weit machä?
Jööö,findes schön wie är dich entlaschtet und dir hilft,isch doch o wichtiger weder das das zimmer 100% parat isch...mues zwar ehrlich zuegäh,mich würds scho o chli stöhre ...aber simer ehrlich,vil meh weder ä guete schlafplatz brucht ja dis schätzi am afang no nid
Fröit sich dr elias uf ts brüederli?

Puenggeli,findes o super wesi im winter ufd wält chöme!chaschsä eifach schön warm iipackä und mueschder o ke gedanke machä wägä dr sunne und dr hitz!
Also ig bi letscht summer houbtsächlich daheim blibe mit üsere muus,ha ts gfüehl gha das passt am beschte!

genau puenggeli da isch würkli de vorteil amne winterbaby!! alerdings bini doch froh hani summerbabys eifach au wegem geburtstagsfestli in zuekunft..
jo da isch würkli kulturel bedingt.. da stimmt weg de 2kind.. mue dezue säge das jo min ma und sind brüeder vorer jo au no döte gwohnt hend!! si hend aber au no es hüsli imne dorf wo ali ufgwachse sind..
nei ha würkli no nüt kauft für de chlini.. ha aber paar sache wo i no vonere kolegin uslehne cha und de fehlt au nüm soviel..

duchty.. i findes ebe au mega wichtig das en bezug zum land hend! min ma goht jo scho niergens ane ohni mi.. bi nöd gern mit sine lüt elei weni mi nöd verständige cha!! aber leider tuet er au nöd gern übersetzte so das i bitz mitlose chönti was redet.. oder au wen bsuech ume isch.. chum mir halt oft vor wiä usgschlosse..jo abu dhabi wärs echt mol.. klar wärs au kei problem zum öpis eleige underneh.. wärs au nöd bide schwiegis wen mir e auto hettet.. ohni auto chunsch echt niergens ane..
jo klar 100% müessts au nöd parat si.. aber wenigstens grösste teil.. ha grad hüt mi gfrogt wiä echt da usgseht wen eini verbi chund im wuchebett und szimmer isch ganz kahl und leer!!
freue isch schwierig.. ha scho bitz sgfühl wen mir drüber redet.. aber ebe me gseht jo no nüt ide wohnig devo das da baby würkli scho bald chund!! weiss drum nöd öb ihm da so klar isch..

Juhu endlich Summer! Oder ämel Frühelig! Sind ihrs au so am gnüsse? Melone, chaschs du no gnüsse? Oder ischs dir zheiss worde?

Dutchy, mini Verandte wohned in Zypere. Ide Schuelziit bini jedes Johr ei bis zwei Mol det gsi, aber sit ich halt nüm so viel Ferie ha und min Maa nid jedes Mol det ane han welle schleppe, sind mir denn bald nur no all 2 Johr gsi. Das Johr händ mir wieder welle goh, aber usgrächnet denn het sie scho bsuech und ez chönd mir nid goh :-(.

Mir hätted au gern es Summerbaby gha, aber dMelissa hät schneller zu üs welle cho . Au grad wäg de Geburifästli hätted mir es Summerbaby welle. Aber egal, hauptsach mir händ es Baby übercho wo gsund isch!

Jaaa..sisch dr hammer das wätter..richtig schön
Wow,zypere isch sicher mega schön?dert bini nonie gsi,isches ts empfählä?
Oje,de heiters grad schlächt troffe mitem datum das jahr!was heiter de jetz im sinn?göter süsch nöime härä?
Was isst d melissa eigentlich so?und überchunt si am morge und am aabä ä schoppä?

Ach melone,irgendwie chunt die ganzi vorbereitig bi öich nidso iz rolle,drbi isches doch sone schöne teil vom ganzä!und wend de du halt allei chli afasch mit disem und jenem?
Villich geisch mal chli ga schoppe umd nimsch dr elias mit?villicht hets ja ä börse ir nechi,de muesch o nid vil usgäh?!mir hei ä super gueti im nachbars dorf,die nämä würklich nume schöni sachä!
Und machder keni gedanke was anderi lüt chönnte dänkä...isch doch scheissegal was die hebamme dänkt...houbtsach für dich und dini familie stimmts!!!
Das mitem nid übersetzä kenneni guet...das macht mi maa o nie!isch mängisch schochli müehsam!

Das stimmt,isch natürlich scho super wend ts geburifeschtli im summer chasch machä
Es het doch als vor und nachteile,ig bi halt schochli ä wintermönsch,natürlich gniesseni dr summer o aber wens de ts heiss wird isches müehsam!
Drum,es winterbaby wär super...aber ig ha nid ts gfüehl dases wider eso schnäll iischlat bim zwöite!
Und überhoubt,puenggeli hesch scho rächt,es gsunds chind isch ts gröschte gschänk!!

hihi puenggeli dochdoch cha da wetter no gnüsse.. bliebe eifach gern im schatte wen möglich..

jo au wens im summer geburi hend het mer jo trotzdem kei garantie das würkli schön isch!! ganz genau hauptsach es isch gsund!!

dutchy werd bestimmt no go schoppe mue eifach ebe no usefinde was mir genau fehlt abgseh vo de altägliche sache wiä windle und milchpulver, fläschli ect..

Zypere isch meeega schön. Mir gfallts sehr guet. Me cha so viel go aluege oder au "nur" am Strand si. sGäbige isch halt au, du chasch alles mit em Auto mache, sie fahred nid allzu kriminell und alli reded guet Englisch. Mir händ chli noch Alternative umegluegt, aber do mir erst im Oktober Ferie händ, wird halt au vielne Orte scho zchalt, z. B. Griecheland. Und ines Hotel händ mir nid welle. Wenn nur eis Zimmer häsch und di Chli schloft, was machsch de?! Mir gönd ez im Juli halt nur ei Wuche uf Italie ufen Campingplatz und hoffed dass im Oktober en wunderschöne Herbst git !

dMelissa und ässe... Easy, ussert Gmües öppe alles . Am Morge trinkt sie ca. 210 ml Vollmilch, denn ca. 10.00 tüend mir Brunche, aso Konfibrötli, Chäs, Ufschnitt und Frücht. De ca. 14.30 gits Zvieri. Frücht, Darvida zwüschedure mol en Quark. Ca. 17.30 Znacht. Teigware, Krokette, Riis, Spätzli mit mängisch Cipollata oder vo üsem Fleisch und Gmües. Gmües findet sie im Moment aber nid toll. Mais, Erbsli mit Rüebli und Rahmspinat hät sie würkli sehr gärn. Dä Räst chame ässe, wenn dä Täller läär isch und me no Hunger hät... Denn ca. 19.00 Uhr nomol Vollmilch. Das Variiert zimli zwüsche 70 ml und 210 ml. Im Moment aber eher 70. Wiä ischs bi euch?

Ja melone, euchi Vorbereitige chömed würkli nid in Gang. Isch das bim erste Chind au scho so gsi?