Kinderwunsch 2

puenggeli nei bim grosse isch relativ frühe als parat gsi!

ha hüt fa termin gha.. isch jetzt 2300gr .. leider het er sich dreit und liet jetzt ide steisslag.. i hans fast vermuetet gha da i dbewegnige wiet une gspüre.. sogar mim ma isch ufgfalle das min buch gar nüm gwagglet vo de bewegige und wen er da merkt muen da echt öpis heisse!! naja jetzt hoffi er dreit sich nomol und suscht wirds wohl en ks geh!!

Oh nei melone, das isch ja fies! Hoffentlich dreiht er sich wieder zrugg! Het Fa no alternative ufzeigt zums dreihe fördere?
Chli bös gseit, bim erste Chind isch ja dVorberitig au no biz anders. Muesch ja viel meh ha usw.

nei si het suscht nüm viel dezue gseit gha! bi gspannt öbs sichs nomol dreit.. suscht wirds bestimmt sin grund ha!!

wiä gohts eu alne so??

Ja das isch so. Mini Chli isch au lang in BEL gsi und plötzlich isch sie dreiht gsi.

Üs gohts tiptop. Mir fiired hüt üse 3. Hochziitstag. Di Chli isch ez am pfüsele und nochher gönd mir is Seleger Moor. Bi scho ewig nüm det gsi. Mir mached jedes Johr es Foti und das wird denn is Hochziitsalbum kläbt. Und wiä gohts dir?

gratuliere zum hochzitstag puenggeli!! findi e mega schöni idee mitem foti jedes johr!! gnüssed euen tag!!

jo min chline isch grad anderst ume.. sicher scho ide 16.wuche richtig glege und erst jetzt heter sich dreit!!

mir gohts solala.. bi total verkältet..

Puenggeli,gratuliere zum hochzitstag...findes o ganz ä schöni idee mitem foti
Heiter es grosses hochzit gfiiret vor 3 jahr?
Zypere tönt sehr guet..gloubs mueses mal mim maa vorschlah als ferieziel
Was genau isch ts seleger moos fürne ort?

Melone,oje het sich doch dä bueb jetz träit!
Hoffe das är sichs nomal anders überleit...uf dr andere sitte nimmt är dir ä schwirigi entscheidig ab vo wägä ks oder nid!gsehs glich wie du,si hei ä grund warum si sich träie!

Es geit so...bi am mäntig bim zahnarzt gsi!ha ä rächt müehsami sach miteme zahn,iz het dr chirurg müesse ufschnide,dr zahn bis zude wurzle reinige und wider zuenäie...autsch
Dä isch so empfindlich gsi,daser zwöimal het müesse nachä sprütze bisis ändlich nüm ha gspührt,die volli dosis hani kassiert
Iz hani zahnweh und chopfweh und wet garnid wüsse was das de choschtet!müehsam!

Melone,wünscheder gueti besserig mit dr vercheltig..isch aber o kes wunder bi däm schisswätter!

ohje dutchy da tönt recht schmerzhaft.. hoffe goht dir bald besser!
jo das hani mir au denkt weg de entscheidig abneh!! aber i hets suscht scho uf normalem weg versuecht!!

Ounei melone, jetzt het sich dä bursch dreiht. Grad wie min chline luusbueb. Aber ich bin sicher dass da en grund het. Ich weiss mi het so en drang zum normal gebäre, aber wenns halt nöd söll si, denn keis risiko igah. Häsch denn viel fruchtwassr, han gmeint mit (ss)diabetes hat mer viel fruchtwasser. Viellicht hät dr chli eifach no viel platz. Druck dir dume dass alles guet chunnt. Ud wünsch dir gueti besserig.

Dutchy dir wünsch i au gueti besserig, das tönt sehr schmärzhaft. Ich han ja no nie öppis a de zähn gha, han sogar no en milchzahn

Puenggeli, alles gueti zum hochzytstag, schöni idee mit em foto. I das moor möcht i au scho lang mol, aber min manne-hushalt chann sich für mini bluemeliebi nid so begeistere.... ;-( aber zypern chani au sehr empfäle, isch mega schön, bin scho fast ùberall gsi, sogar scho go schiefahre.

Bi eus gahts super guet. Mir sind gester ir 2 monetskontrolle gsi, er isch jetzt 4700 gramm und 56 cm. Total im durchschnitt. Die erst impfig hät er problemlos weggsteckt. Und au susch isch er soooo em gmüetliche und ufgstellte. Er brüelet nur wenn er hunger het. Ds nachts schlaft er vo 8 bis halb 5, nimen um die 10i no mol zum stille ohni ihn gross wecke. Und er lächlet, jedesmal wenn er es gsicht gseht lächlet er, soooo härzig. Ich bin sooo es stolzes mami vo mine buebe, ich chönnt platze...

Wünsch eu schöni uffahrt. Mir sind ufem tennisplatz, de papi und biedi göttis vo de buebe händ turnier...

danke sascha.. schön vo dir zlese..
i werd kei risiko igo das versprechi dir und i hoffe würkli wens problem binere normale geburt geh würd er besser so bliebt.. ha chli angst chönti mir so wiä dir ergoh! nei fruchtwasser hani nöd me als normal!! weiss es echt nöd wieso er sich no dreiht het!!

oh jöö schön wiä du vo dinere familie redisch und wiä stolz uf dini jungs bisch.. schön klappet als so guet!! wünsch dim ma als gueti fürs tunier!!

mir händ hüt serste fürs baby kauft.. e neui wickel underlag fürd wickelkomode! ha mi echt gfreut!! min maa het au agfange sgstell im büro usrume.. min bueb voller freud am helfe gsi.. jo morn gohts wieter! freu mi chunds doch no guet!!
am sunntig gönd mir uf züri ane erst kommunion.. mue säge ha gar kei lust no e stund auto fahre.. hoffe mir bliebet nöd zlang..

Danke euch allne! Mir händ en schöne Hochziitstag gha. Mir hend vor 3 Johr standesamtlich ghürote inere chline Kapelle. Hend es richtigs Hochziitsfest gha wiä wenn mir ide Chile ghürote hätted. Isch en wunderschöne Tag gsi!
Seleger moor isch so e Botanische Garte würdi ez mol säge. Mit ganz viel Rohodendre und Azaleä. De häts no Teich mit meeega viel Frösch und Seerose dinne. Mega schön! Isch uh schön gsi, vorallem hät dMelissa eifach chönne laufe. Ussert bi dä Seeä natürli.

melone, isch dini Vercheltig wieder biz besser worde? Oh schön melone, endlich gohts vorwärts mit em Babyzimmer! So härzig, dass din Gross grad mithilft!

Dutchy, wiä gohts dim Zah? Tönt sehr schmärzhaft!

Sascha, ja diä Manne, sind halt nid so Bluemig . Muesch mol dis Mami oder sSchwiegermami mitnäh. Diä händ sicher freud dra . Go Skifahre bini in Zypere no niä. Nur dur dä Schnee gloffe! Wow, din chline Maa schloft ja super. So schön!

puenggeli danke es goht mir scho viel besser!!

gstell und bürotisch sind jetzt usem zimmer.. sind no s'paar wenigi sache zum useneh, de hometrainer au.. und den chan mer scho bald afange mit kinderzimmer ufstelle..

us termin im spitol hani au übercho.. cha nögst dunnstig verbi go!!

bscheid wegem kiga hend mir au übercho.. am 17.juni händ mir no eltereobig und am 24.juni e schnupperstund im kiga.. i hoffe das i den nöd no kurz vorer gebore ha damit i den au fit bi defür.. wöt jo so gern min grosse sohn uf dem weg begleite chöne.. bi jetzt scho ganz emotional!!

Schön gohts dir wieder besser melone!

Wo mached ihr ez euches Büro? Mir händ üs diä Gedanke äbe au scho mol gmacht...

Das glaubi, dass gern wetsch debi si wenn dä KiGa afangt, aber ebe, me weiss es ja niä...

sbüro hend mir i üses schlofzimmer gstellt.. isch natürli nüt für immer aber momentan kei anderi lösig.. irgendwen wirds e grösseri wohnig geh! kinderzimmer sind ebe au zchli zum zäme tue!!

afange tuet jo de kiga nonig am 24.juni.. isch au nume füre stund.. aber min grosse gsehts den serst mol und au kigärtnerin und jo.. als neu halt.. fals ebe en ks git werdet da jo so wiä i vo de meiste ghöre 10täg vorem et mache und da wär den um de 20.juni und de weissi halt nöd öbi den scho fit wär..

Diä cheibe Wohnige... I üses Schlofzimmer würd sBüro nid mol passe. Hend au rächt chlini Zimmer, defür ä riese Stube und Chuchi. Isch au schön, aber ha scho paar Mol gseit, diä hätted gschieder eifach jedes Zimmer bizeli grösser gmacht. Sind ihr denn scho chli am umeluege für ä grösseri Wohnig?

Ah äbe, ha scho dänkt, dass dä Chindsgi so früeh afoht isch chli komisch. Aber ja, verstand ich vollkomme, dass a dem grosse Tag wetsch debi si! Es chunnt wiäs chunnt!

jo do frogt mer sich was sich diä lüt denkt hend bi de wohnigsiteilig! vielicht hesch jo den es plätzli im wohnzimmer??
mir händ e wili lang gsuecht aber jetzt wieder uf iis gleit.. jetzt söll er de kiga mache und de luegemer das mer evt öpis findet zwüsched em wechsel vom kiga id schuel..

nei de kiga fangt am 11.aug a bis den bini sicher wieder chli fiter...

wiä gohts eu eso??