Kinderwunsch 2

Genau, mir würded ide Stube mache. Wüssed scho wiä und so.
Eigentlich händ mir mol gseit, dass mir i dere Wohnig blibed bis... Aber min Maa findet dä Gedanke anes Eigeheim plötzlich toll. Am liebste würd ich das denn ha bevor dMelissa denn in Kiga chunnt. Zügle ide Schuelziit findi nid so toll. Mol luege.

Ja bis im August bisch hoffentlich wieder fit! Wiä gohts dir süscht so?

jo es eigeheim isch scho öpis aber do mue mer sich den ganz sicher si wiäviel kind mer au will suscht chöntis grad wieder zchli si..

danke suscht gohts mir momentan recht guet.. mag eifach langsam nüm so..

Gute tag ladys,

Mäldemi o widermal
Ha ts zahnweh überstande,es hetmi erstuhnt wie schnäll das das zuewachst im muul,hätti nid dänkt!
D rächnig isch drfür o saftig...iz hoffeni würklich dases de o guet isch jetz!!

Melone,cha verstah dasd langsam gnue hesch,iz isch ja würklich no dr ändspurt...das isch DI monet..juhu,schogli chasch dis schätzeli ide arme ha
Heter sich nüm zrugdräit bis jetz??
Super chunts iz dochno guet mitem zimmer!das isch doch für die ganzi familie ä vorfröid !
Jöööh,härzig wie sich dr elias fröit und so gärn am papi hilft!findes o schön vo dim maa das är sich jetz so müeh git!!

Mues sägä,ig wet iz nid umbedingt es eigeheim!mi ma und ich si beidi nid so "verwurzlet" ,währ weis wos üs no häreverschlat plötzlich ,abgsehdrvo isches o gäbig weme am vermieter cha alüte,we öpis sött gmacht wärde
Ha immer ts gfüehl gha es hüsli währ doch ts gröschte aber momentan bini guet usglaschtet mit üsere 4.5 zimmer wohnig
D rumufteilig isch optimal vo üsere wohnig drum würde sich äuä die zwöi am afang eis zimmer teile,sisch gross gnue!

Puenggeli,siter de scho am umeluege für öpis zum choufä oder isches nume afä ä idee?
Weit de dir gar kes zwöits chind oder weiter eifach nochli warte..sorry,isch vilech chline persöndlechi frag!?
Bi o dire meinig,finde wesi id schuel chöme de söttmä nüme gross umzieh,de bruche si ihres gwohnte umfäld!

dutchy super sind schmerze überstande!
jo e hüsli müessti au nöd unbedingt ha.. e eigeti wohnig würd mir au lange.. scho super wen mer als so mache chan wiä mer will!!

es het sich gest sehr viel bewegt und ha mi gfrogt öbs sichs echt grad dreit aber i glaube nöd.. werdets den am dunnstig gseh!!
du zauberisch mir es riesigs lächle is gsicht!! bald hani ihn im arm.. ganz en schöne gedanke!!

Mir möchted eh mindestens es 5.5 Zimmer Huus. Vo dem här häts denn scho no Platz für es 3. Chind falls mir das mol möchted. Aber ich glaube eher nid. Mir sind chli am umeluege und händ au es Land gfunde wo üs wür passe. Ez händ mir denn nöchst Wuche zwei Termine mit Architekte zum mol chli luege was es überhaupt würd choste. Ich bi imene eigete Huus ufgwachse, drum weiss ich scho was es heisst, es Eigeheim zha. Ob Mietwohnig oder Eigetum, es hät beides sini Vor- und Nochteil!

Dörfsch scho froge Dutchy wäg em Kinderwunsch. Mir händ vo Afang a gseit, bis üsi Chli zwei isch, chunnt für üs e neui SS nid i frog. Mich würs underdesse scho wieder gluste. Ich ha äbe nid so ä gueti SS gha, viel Ruggeweh und drum viel müesse umeliege diheime. Vo dem her wet ich eh, dass di Chli scho biz "sälbständiger" isch, falls es nomol so wär. Und wenn ez würkli das Projekt Huus chunnt, denn fanged mir eh erst wieder a hibble, wenn mir züglet sind. Ich wet nid ss zügle...

melone, wiä isch din Termin im Spital gsi? Hät sich dä Luusbueb wieder richtig dreiht? Ich hoffes gaaanz fest!

jo gest hani termin gha..
bi sehr lang i dem spitol gsi.. zerst e stund ctg was aber nöd recht klappet het wil de chli so zapplet het.. drum hani nochem us nomol e halbstund müesse.. nei de chlini liet nüm in steisslag sondern ganz quer.. so wärs unmöglich zum normal gebähre!! aber da er sich no soviel bewegt chöngis guet si das er sich no richtig dreiht!! dgrössi vom chline.. naja seg wohl eher en grosse.. ade obere grenze vom normale!! isch also scho 3,3kg!! mue nögste dunnstig wieder go und den mol luege wiäs wieter goht!!

Jupiii melone, ab hüt häsch kei früehgeburt meh, jetzt gahts nüm lang und du häsch dis zweite schätzeli im arm. Ich channs gar nüm erwarte, bi sicher nervöser als du. Hoffe sehr er dreiht sich so wies für ihn richtig isch, denn wirsch au die richtig entscheidig fürd geburt träffe.

Puenggeli, hoffe ihr findet ds richtige huus oder grundstück. Ich würd euses huus nüm hergä. Eifach in garte sitze und chasch mache wie wotsch. Ich gniesse das mega....

Dutchy, hoffe din zahn isch wieder guet. Bi au bim zahnarzt gsi die wuche. Jetzt hät er s gfühl ich heg es loch, gsehts aber nid. Jetzt wott er mir de zahn ufbohre und luege. Da bi ich grad gar nid fan devo...

danke sascha da zauberet mir grad es lächle uf dlippe!! chans chum erwarte und vergisse immer chli wiä bald ichs doch gschaft ha.. chans gar nonig glaube dasi i 2wuche ihn im arm ha chönti..

wa mached ihr so i dere hitz??
mir sind ide badi gsi.. het echt guet tue den diä hitz magi echt nöd verträge..

Was ich bi dere Hitz mache?! Schaffe!

ohje du armi..

So, ez hani Ziit zum schriebe.
Hüt han ich zum Glück wieder frei, defür mues min Maa go schaffe. Aso gester Obig bini würkli ä Armi gsi bim schaffe. Üs isch dä Schweiss eifach nur no abegloffe! Ich ha glaub fast 2.5 Liter Wasser trunke. Unglaublich für mich! Di best isch aber e Bewohnerin gsi (ich schaffe imene Pflegheim). Het sie glüte wo sie im Bett gsi isch und hät gmeint, Schwöster ich ha warm.

Uh melone, 37+1. Es gits es termingeborenigs Baby! Hoffentlich macht er sich gli ufe Wäg und du häsch dis Schätzi endlich ide Arme! Aha, ez lit er quer!? Wird er mol Artist wenn er gross isch . Isch er nid mol eher en fiine gsi?

Sascha, danke, das hoffed mir au! Guet, dä Garte händ mir ez scho i üsere Mietwohnig. Mir gnüssed das au mega! Das mit em Zah ufbore würd ich aso au nid mache. Ich würd ä 2. Meinig go ihole. Oder häsch Schmerze?

würkli het si au warm gha? unglaublich!!

jo jetzt söt er ebe besser warte wen er so falsch liet suscht gits no en nks!!
jo da mite grössi het mi au gschockt.. irgendöper wird falsch gmesse ha.. im spitol hends gmeint seged 2verschiedeni ärzt mit verschiedene aparat am messe gsi und au no verschiedeni lage vom baby.. naja am dunnstig werde mer gseh was den usechund und im algemeine gohts jo nüm lang de werdet mir sergebnis ide hand halte!!

jo sascha hani ganz vergesse zfroge.. wiä chund er den druf das es loch het wen er gar nüt gseht?? würd glaub au zerst e 2.meinig ihole.. tönt sehr schmerzhaft und kostspielig en zah go ufschniede!!

Bewegt er sich denn immerno sooo viel? Viellicht dreiht er sich ja denn wieder abe. Wer weiss!
Stimmt natürli scho, me cha nüm so guet mässe und viellicht wenn er quer lit gohts wieder besser. Mini FA hät mini Chli uf öppe 3300g gschätzt gha. Im Spital händ alli gfunde, jö händ sie es chlises Baby im Buuch. Ha au es chlises Büchli gha. Schlussendlich händs im Spital rächt gha 2870g isch sie gsi.

jo bewegt sich sehr fliessig.. i denke er versuechts zum dreihe aber klappet nöd..
intressant mite grössi.. bi mir wärs jo grad umgekehrt.. naja lang gohts jo jetzt nüm.. im spitol hends gseit das 1wuche vorem et ks mache würed.. da wär am 22. aber das sunntig isch vermueti macheds nöd grad planti ks.. drum denki mir evt so am 20. was jo au scho nögst wuche wär!!

Muesch hoffe, denn dreiht er sich evt wieder richtig! Ui, dä 20. das wär ja scho i 9 Täg! Bisch grad chli nervös worde? Sind ihr underdesse sowiit parat?