Kinderwunsch 2

jo du 9täg.. macht mi grad chli nervös!!
naja mue nochli öpis in schrank rume und sbettli azieh.. de wär szimmer provisorisch parat.. mue no schoppe, milchpulver, nuggi und windle kaufe.. wird am wuchenend erledigt!!

Das tönt doch scho mol guet, dass ihr praktisch parat fürs Baby sind! Uh bi mega gspannt wiäs goht bi dir! Mit Geburt und nochher diheime mit dä zwei Buebe und wiä dini Termine denn gönd!

jo du do bini au scho mega gspannt druf.. morn hani wieder termin im spitol.. mol luege wiäs wieter go söll!!
jo dekomässig hani nüt im zimmer gseht drum so kahl us.. ha mi drum entschiede erst noch de ss öpis chli zbastle.. sobald es mir besser goht.. de hani gnueg zit..

wiä gohts eu alne??

peyton wiä gohts dir i dinere ss??

sterndli lang nüt me ghört wiä laufts mit dine 2mädels??

Gisch denn bscheid über din Termin im Spital. Bi gspanne!
Isch ä gueti Idee, nochher denn no chli zbastle. Und weisch ja au nid, wass no gschänkt überchunnsch!

also liet wieder ide steisslag mit sine 3,5kg! ha am dunnstig wieder kontrolle und de werdets sicher mol entscheide wegem ks.. nervt mi bitz das nöd jetzt scho provisorisch en termin gebet.. ha chli angst das zlang wartet unds den losgoht unds den imne nks endet.. stresst mi scho weni dra denke!!

Hi allersitz..ha chli vil gschaffet ir letschte zit!mir hei vollgas im gschäft und de isch mi maa ä tag meh daheim blibe plus dr samschtig woni no zuesätzlich bi gange...zum glück numeno die wuche und denn isches wider normal!mues sägä,i bewundere all die frouä wo meh weder ei tag schaffä ir wuche...chönt das gloub nid!

Melone,jesses iz isches also gli sowit..juhu,fröiemi mega für dich/öich,die ganzi familie
Ladi nid la verunsichere...no wens ender los geit,wird doch sicher nid grad ä sturtzgeburt gä und de hesch doch de no gnue zit obwohls ä ks wird gä!!
Relax und gniess die letschte täg no i volle züg !isch wahrschindlich liechter gseit weder gmacht,bisch o ä armi bi derä hitz und magsch doch sicher o süsch afä nüm so?!

Peyton,wie geits dir i dire ss?bi o sehr gspannt ufene feriebricht ...isch schön gsi und wie isch d reis gange??

Sit dir ali oso ganz im wm fieber??juhuu ändlich geits los..hami gfröit wines chlises chind

Mmmhh..bi mir wirds o langsam spannend..morn sis genau 5wuche sit ich ts letschte mal mini täg ha übercho!
Aber ha natürlich o kei ahnig wie läng mi zyklus isch!drum warti jetz mal no ab

All denä fuessbalbegeischterete wünscheni ä super eröffnigspielaabä

oh danke dutchy.. das sind genau di richtige wort!! vollkomme recht hesch.. chli zit heti wens losgoh würd.. wen mer halt e datum het chönti wenigstens plane wo de grossi den isch und i het no soviel termine mitem grosse und das ungewisse öbi echt teilneh cha und für min sohn do si cha nervt mi chli..

jo diä hitz het mi echt fertig gmacht.. hoffe kühelet jetzt mit dem gwitter endli chli ab!!

also i cha gar nüt afange mitem fuessball und zum glück au min ma nöd..

wen tuesch teste?? de bini aber sehr gspannt was usechund!! drucke dume!!

Guete Obe Ladys

Ich mäld mi wieder zrugg.
Kurz zu miner wenigkeit: Mir hän schöni Ferie ka. Has richtig chöne gniesse das dr Maa vier Wuche non stop bi uns gsi isch. Mir hän aber nit so miesse schwitze wie ihr, mir hän agnämi 18 - 20 Grad ka.
Leider het d Peyton in dr erste Wuche s drei Tage Fieber ka und hän drum nit viel chönne mache. Au isch mir immer sehr übel aber do jo dr Maa au do gsi isch het er mir d Peyton amigs chönne abnä und ich ha chönne go lige oder so. Das hani bi dr Peyton nit so fest ka, naja söt jo wieder verbi go. Am Zystig hani dr erst offiziel FA Termin. Freu mi scho risig s kleine Würmli dörfe zbewundere. Söt jo ca in dr 10 Ssw si und den gseht me doch scho chli öbis.
D Peyton het hüt vonere Wuche s erst mol mehr als nur ei Schrittli e lei gmacht. Und sitdäm isch sie jetzt flissig am "laufe" lehre. No sehr waggelig aber sie stoht ständig uf de Bei und macht ei Schritt nachem andere. Isch jo mega härzig wenn sie so ume gwaggle. Am schluss rennt sie no an ihrem Geburtstag ume. Hihi do würde d Lüt wo mir iglade hän schön luege. Has nämli unig gross ume verzellt.

Melone: wow jetzt gohts doch scho langsam los. Aber cha mir vorstelle das die Ungwüssheit zimlich ergerlich isch, wies jetzt söll witer go. Voralem wenn!
Versuech positiv z dännke, es wird alles so cho wies muess sie und du bisch ganz sicher in guete Händ und ihr wärdet euch für dr richtig Wäg entscheide. Ich drugg dir ganz fest d Düme!!

Dutchy: Guet gmacht gester Obe.
Ich bi au im WM Fieber und freu mi das es jetzt los gange isch.
Hey weisch wie toll wenns doch scho klapt hät, den wäre mir gar nit soo wiit usenander mit dr Ss.
D Reis isch ganz guet gange, hän bi dr Heimfahr s erst mol dr Autozug vo amburg nach Lörrach gno und hän so nit ganz Dütschland miesse durchfahre. Bi dr heim Reis bini kei grossi hilf gsi für mi Maa dos mir ebe jo nit so toll goht.

danke peyton! schön bisch wieder do!! de bini sehr gspannt uf din fa termin!! sicher süess dini chli am umegwaggle!! goht jo au nüm lang bis zu ihrem geburi!!

lueget ihr den jede match oder nume diä für eu wichtige?? also jenochdem wer spielt..

Jo morn inere Wuche ischs so wiit. Ihre erst Geburtstag. :-D
Wie die Zyt vergoht...

Nei nit ganz jede Match do es paar au am drei am morge laufe und wenns nit grat e wichtige match für mi isch den luegen nit. Aber schunst isch egal was lauft. Hüt am 6i spielt d Schwiiz das isch natürlich dr wichtigst für mi. Aber au Italie wägem Maa.

Jo morn inere Wuche ischs so wiit. Ihre erst Geburtstag. :-D
Wie die Zyt vergoht...

Nei nit ganz jede Match do es paar au am drei am morge laufe und wenns nit grat e wichtige match für mi isch den luegen nit. Aber schunst isch egal was lauft. Hüt am 6i spielt d Schwiiz das isch natürlich dr wichtigst für mi. Aber au Italie wägem Maa.

Hey melone, nachträglich alles liebi zum geburtstag!!!
Wünsche dir es spannend, erläbnisrichs neus läbensjahr.

Schön bisch wieder da peyton.

Wünsch eu allne e schöne sunntig. Min ma isch ufem tennisplatz und mir mache mit em grosi es usflügli und dörfet denn zu ihre go grilliere.

danke vielmol sascha!!

wünsch eu alne no en schöne sunntig!!

I däm fall hesch du grad ersch geburi gha melone?!
HAPPY BIRTHDAY
Ig hoffe du hesch trotz chugelirundem buuch schön chönne fiire mit dine liebe
Wünscheder vo härze als guete!ig hoffe das wird es super jahr für dich mit dr geburt vom nöie familiemitglied!!
Wow dir heit ja würkli grad ali nachenand geburi..het di maa ono grad nächschtens?

Peyton,schön bisch wider da..ha no öpe a dich dänkt und ghoffet es sig als guet gange!!
Wie het d peyton reagiert uf die längi reis?gueti idee mitem zug dür dütschland!
Oje,kennes nume zu guet wies tuet wes eim soooo schlächt isch...tuetmer leid,muesch iz das o erläbä!hesches i däm fall nid so gha wond mit dr peyton bisch schwanger gsi?!das laht mich hoffe dases vilicht iz bi mir de nüm so schlimm wird si bim zwöite...das zeigt doch das äbä ke ss glich isch
Aber du hesch rächt..bi mir hets jedefalls üfghört so ca.13,14 wuche!!es geit also würklich verbi
Jööö,d peyton isch also o ts fuess ungerwägs inzwüsche...was fürne meilestei
Bi gspannt ufe tsischtig i däm fall...ich ha dr erscht us als dr emotionalscht erläbt,weis no genau wie ich mich ha gfüehlt woni das winzige ding ha gseh und das härzli wo schlaht wie gstöhrt..ä unvergässliche momänt!!

Melone,ach ja genau,du hesch doch no kindsgi schnuppertag mitem elia...isch ja schochli blöd ... Wenn isch de dä und geit süsch di maa mit ihm??das isch doch ono schön...die zwe manne zämä,nid??
Fröidi uf dä donschtig und gniess die räschtliche tage mit dim grossä bueb!!
Sisch genau so wied peyton seit..natürlich luegtme nid alli mätschä...aber die wo wichtig si probiertme natürlich scho ts gseh!bi geschter früeh ga schlafä für dasi um mitternacht italie ha chönne luege
Wägem ss tescht,hani mi jetz entschide dasi warte bis am fritig...isch schochli masochistisch aber wie gseit,weiss ja onid genau wielang das mi zyklus geit!

Sascha,dir ganz es schöns brätlä hüt mit dine jungs und am grosi !!

dutchy jo i ha gest geburtstag gha! danke dir!! bi jetzt au scho 29johr jung!! i fiere nöd geburtstag.. für mi en tag wiä jede ander au!! nei min ma het im april scho geburtstag gha!! und bald wird de chlini en geburtstag übercho und de grossi het jo au scho bald(7.7) also würkli ali chli mitenand!! wird den chli stressig mit geburi fiere wen dkind so nöch hinderenand händ!!
jo in kiga dörf er am 24. go iä luege und am 25. wär es abschlussfestli ide krippe.. jo min ma würd scho elei mitem in kiga aber id krippe wöt er den au nöd go was i eifach unglaublich schad finde würd und i wöt doch au gern debi si!! isch halt so das gseit hend de ks spötistens am 22. aber den isch sunntig! nögste sunntig!! also ha i uf de 20. ghofft.. de würdis evt au schaffe zum mitgoh! aber da i erst de nögst termin am 19. am nomitag ha glaubi jo nöd dasi grad am nögste tag no dra chum!! und somit wohl eher doch erst am 23.!?! was echt blöd wär! abgseh devo dasi nöd mitchönti heti au niämer wo für de gross luegt und somit wür min ma au mi nöd begleite chöne.. müesst no versueche dkrippe überrede usnahmswies ihn zneh a dem tag.. eifach en blöde zitpunkt wo sich min chline usgsuecht het zum uf dwelt cho!! grad als ufeimol..