Kinderwunsch 2

dutchy.. i gratuliere eu vo herze.. sind jo super news!! wünsche dir ganz e schöni und gueti ss!! freu mi wend üs au amel chli ufem laufende haltisch!!?

sascha schön macht din chline au so fortschritt und da tönt nochemne schöne ablick diä viele pirate uf eim hufe!!

peyton hoffe goht dir bald besser!!

also i ha scho denkt das wens nöd de hai mitenand bliebed mir im spitol versueched das zäme wartet und nume im schlimmste fall min ma halt glich dusse bliebt und defür mini muetter iä chund.. ihr kenned halt min grosse nöd.. de hanget sehr am papi und weiss jo den au öpis isch los und den chan er den also schono es theater mache!! mi beruhigts eifach zwüsse i werd nöd komplet eleige gloh!! werd eu also morn den informiere was meined.. werd also scho froge wegem fritig und wen da nüm goht und würkli erst am mäntig de würdi grad wegem mitwuch froge.. de chönti am dienstag doch no a alem teilneh!!

Danke öich für die liebe glückwünsch
Peyton,jetz simer tatsächlich nid wit usenand mit üsnä winterchind
Schön chöimer üs chli ustuschä dürd ss...natürlich o mit alne andere!!

Peyton,oje das tönt ja nid würklich luschtig!!weiss nüm genau aber mir isches zum teil o ganz himmeltrurig gange bir erschte ssw...gloubs solang dasd keni unterliebsschmärzä oder bluetige hesch,chas scho normal si...und chopfweh gits ja ono gärn!muesch vil trinkä,hoffe es geit gli verbi!!wünscheder gueti besserig!!
Jöööh..schön geits dim chline so guet..isch i däm fall es läbigs ?!

Melone,bi gspannt was si sägä morn!!

Juhuuuu duchty, i freue mi so für euch.!!! Hoffe erläbsch e gueti ss. Ha grad die längwiligsti sitzig aller zyte hinder mir und de darf i so öppis läse.

I hoffe sehr, du und peyton lönd üs chli a eure ss teiha.

Peyton gueti besserig, hoffe es isch "nur" e vercheltig und het nüt mit de ss ztue. Mi isch ss scho sehr afällig....leider....

Herzliche Glückwunsch Dutchy! Das sind denn gueti News!! Ganz e gueti SS! Gits ächt denn au es Februarli?

melone, das isch würkli ganz blöd mit dine Termine und dä Geburt. Versuechs irgendwiä easy znäh, ändere chaschs eh nid. Ich weiss blöde Spruch, aber versuechsch würkli. Bi mir hend dHebammene gseit sie heged no sälte so öpper gseh wiä mich wo sich eifach nid het loh stresse loh.

so ich als stilli mitläsärin, mäld mich au mal i däm Forum. obwoli ja nid am hibbele bin (hoffä äs isch für eu okey?) ich kännä Duchty und Lione usäm april2013 club. und duchty hätmi sozägä i gladä zum mal da inä schribä und mich zeigä

Also zerst mal härzlichä glückwunsch Dutchy und Peyton zu euere ss, hoffä ir chönds chli gnüssä nid das eu zfest schlächt isch.

huiuiui Melone das isch ja äs züg bi dir, ich hoffä dasäs für dich am schluss glich na "guät" us gaht, mer macht sich ja immer mega gedankä wän dä richtig ziitpunkt wär und wiämer dän muäs organisiärä und am schluss machäd eim diä buchbewohner än strich dur drächnig oder ebä bi dir au na d ärzt. aber mir alli da inä als vollprofi multitasking Mamis meistäräd doch alli situatione mit links und na mitämä lächlä

so chli öpis zu minere person. ich han ä 4järigi tochter wo jetzt dän in chinzgi chunt( Jeeeh ) und wiä scho gseit im april 13 isch eusi 2 tochter uf dwält cho. und si isch dämfall di ober fuuli under dä mädäls si lauft nämli nanig
ich bin grad 30gi wordä und mir wohnäd im zürcherwiiland.

Ich wünsch eu na än spannändä fuässball reläx abig

hallo calamita
schön schlüssisch di üsem chline grüppli a!! wen mirs gnau nehmet hibblet jo keine me zur zit.. höchstens uf dgeburt!!

oh schön hesch au e 4jährigs kind! wen hät si den geburtstag?? wür mi freue wen mir üs den chli über de kiga ustusched!! hät si scho dörfe go iä luege??

fraue es isch eifach unglaublich!! min ks termin hani scho morn morge!! mue am 6.15 wieder im spitol si!! bi total nervös!! chans nöd glaube bald hani mis schatzi im arm!!

Ui melone, da glaub ich, dass do grad chli dur de wind bisch. Mir würd das au ds schnäll go.

Ich hoffe, du chasch dini gedanke no chli sortiere. Glaub eifach dra, dass dim ma für alles langt und du dr elias guet ufghobe weisch.

Ich dänke morn ganz fescht a dich und schicke dir jetzt scho e dicki umarmig. Heb dir sorg, erhol dich schnäll und gniess das chline wunder wo morn zu eu chunnt.

Freue mi bald vo dir zläse, wie alls erläbt hesch.

Hey Melone, jetzt chunnt doch no alles guet.
Alles alles gueti für morn, hoff chasch hüt no chli kraft tanke und morn nit all zu nervös ins spital go.
Ich wird au fest an di dängge.

Ich wünsche dir o vo härzä als guete...schön isches ändlich eso witt
Dänke o fescht a dich u fröiemi jetz scho über die schöne news

Ui melone, das goht ez plötzlich aber choge schnell! Dä 20.06.!!! Ganz e ruhigi Nacht und denn alles Gueti für din KS morn! Bi gspannt was üs denn zverzelle häsch!!!

Mini Chli hät mir hüt Obig versuchet Bäbi nocheschwätze. Das isch soooo süess gsi, ha grad Pipi ide Auge gha!

danke eu vielmol!! bi scho ganz nervös!! werde eu den bscheid geh sobald i cha.. evt halt erst weni wieder de hai bi!! werd diä täg sehr gnüsse mit viel kuschle..

Ui melone, ez bisch sicher scho zum zweite Mol Mami worde! Herzliche Glückwunsch! Ich hoffe es isch alles guet gange!

hallöchen zäme... bin au wider mal da inne... ha glese, sind zwei schwanger... alles guete au vo mir!!! am afang isches mir bi de zweite ss sehr schlecht gange... vo chopfweh über zieh bis zu erbreche de ganzi tag... solang kei bluetige hesch, sötts nid wiiter schlimm sii... muesch eifach bi dene temperature vill trinke...
ha mi ide letschte wuche nid so chönne melde, bin u vill dusse und au mit de beide girls recht usglaschtet... eusi chliini isch jetzt 3monet alt und findt drum lige en seich... jetzt mueme duurend luege, dass sie zmittst im züügs isch, demit sie zfride isch... und sie isch nach wie vor sehr ahänglich und bruucht mi vom morge am 5i bis am abig am 10i... wenn sie schlaft bini amigs total erliechteret!!!

da i dem forum reblets ja grad chli... sind no neui dezue cho hani gseh, au vo minere siite es herzlichs hallöchen!

wie gahts eu allne so?

Sterndli,schön vo dir ts ghöre !wow,das isch ja o ä rächti pressäntszit,vom 5i bis am 10i?!chani verstah dasd nidso zum schribe chunsch!jööh..isch si oscho 3 monet und wott scho ganz fescht im mittelpunkt si ;)... I gseh,mit ihre wirds dir sicher nid längwilig!wie geits eso mit dr grossä..ha drum chli angscht dasi de zweni zit ha we mal ts zwöite da isch..also das ig ihre nüm so cha grächt wärdä!

Uii..wie geits äch ar melone??bi sehr gspannt uf ihri news

Calamita,juhuu..schön schribsch jetz o hie mit
No ganz härzlichi gratulation zum 30gischte !!schön heiters eso guet gha ide ferie
Zum zahne..d anouk isch gloub o wider drannä...si isch hässig und brüehlet bi jedem chlintschtä und het die ganz zit dr finger im muul!es si die letschte vier backäzähn när heimers de!müehsam!!
Jööh,laht sich d loana zit mit loufä...die het doch rächt ;)

Puenggeli,ja mir erwarte...we als guet geit...o es februarli
Aber es wird mitti oder sogar ändi februar weni wider so vil überem termin bi wie bir anouk!

Jetz no churz zu mir...ich bi komplett ir ss aacho!zersch ts positive:es ischmer nid annähernd so übel wie ir erschte ss!
Drfür bini hässig,müed und ha chopfweh...so stimmigsschwankige hani nid kennt!bi irgendwie überhoubt nid motiviert für die ganzi gschicht!ha geschter mim maa gseit,das zwöi chind de gnueg sige...drbi hani immer vo 3gret!!sehr komisch!

Peyton,wie geits dir eso??