Kinderwunsch 2

hallo ihr liebe

wiä händ ihrs so??

üsen julian isch am fritig am 9.20 uf dwelt cho!! mi sind total happy gohts ihm so guet und mir gohts au vo tag zu tag besser!!

also i bi am fritig morge döte acho und ha grad das schicke hemd alege müesse.. de hends es ctg mache wölle.. aber irgendwiä hends de herzschlag nöd recht troffe.. ha den no warte müesse wils no en nks gha hend!! den sind mir in op und min ma sich go umzieh.. pda übercho(recht schmerzhaft).. wo als taub und ales bereit het min ma iä chöne.. er het den chli idi ander richtig gluegt.. wos den de chli am userisse gsi sind het min ma mich gstrichlet.. isch so unagnehm gsi.. si hend den de chli sofort usebrocht und beatmet.. er seg so verknorkst dine glege das zerst hend wölle sicher go das ihm au guet goht.. beatmig nume zur sicherheit.. min ma isch den au use und i ha mi so gsorgt.. min ma isch den chli hi und her und het mir viel verzelt wiäs ihm goht und wiä er usgseht(wiä de grossi).. den hets e phase geh wärend em zämenaihe wos mir richtig schlecht gange isch.. ha sicher 20min lang gwürgt.. wos mir besser gange isch hends den endli de chli zu mir brocht.. träne sind mir abeglofe.. nocher sinds ziemli schnell fertig gsi.. er isch jo uf 3800 gschätzt worde und isch den 4325gr und 52cm gsi!! würds also niä empfehle zum freiwillig en ks zmache!!

Härzliche Glückwunsch melone! Gfallt mir sehr guet dä Name! Ui, do hesch sicher au en schreck gha wenns kei Herztön findet und dä Chli no beatmet wird! Zum Glück isch alles guet. En rächte Mocke! Mit em Bluetzucker isch alles io bi euch?
Gueti Besserig dir und dim Grosse!

danke dir!!
herztön händs bim ctg nöd gfunde gha wil er schräg drinn glege isch.. das ihm guet goht hät mer jo per us und bewegige scho gwüsst gha bezw vermuetet!! beatmet händs eifach eso.. wär nöd notwendig gsi!
ha zum glück en guete narkosearzt nebet mir gha de het immer viel verzelt was am mache sind und was bim chline mached..
jo mitem zucker isch alles super!!
er wiegt jetzt 400gr weniger als bide geburt.. und gseht au nöd us wiä en mocke! i mine auge halt perfekt!! typisch mami!

Liebi Melone

Au ich gratulier dir vo Härze zu euchem Julian. Bi froh isch doch alles relativ guet gange. Ich chas mir dänke das me so öbis nie freiwilig möcht erläbe obwohls vo dene gnueg git.
Ich hoff du hesch di scho wieder guet chöne erhole und das and infostund hesch chöne vom Kika?
Wie het dr Elias vo sis Briederli reagiert? Isch sicher ganz stolz.

Dutchy, imfall das ha ich au gseit das es die letscht ss wird si. Obwohl ich au drei dänkt ha... Finds momentan nit so toll, also nit falsch verstoh klar freu ich mi ufs Würmil mega sogar aber das ewige übel sii chönnt langsam höre.
Wie gohts dir so unterdese?
Am Mändig isch jo d Peyton ein worde und mir hän e ganz e tolle Dag im Zooli ka. Het richtig spass gmacht und dr Peyton hets au gfalle. Am Samstig chöme den no Familie und Fründe am nomittag mol luege wie sie do druf reagiert. Obwohls nit s erste Familiefest isch. Aber halt no nie bi uns dehei.

danke peyton
ah jo das hani no gar nöd erwähnt.. min grosse het sitem sunntig windpocke.. hend mi also nüme bsueche chöne im spitol und natürli het mer de kiga go bsueche vergesse chöne! söled üs aber melde wens dure isch de chönd mir doch no verbi go luege und kennelerne.. nume leider halt ohni di andere kind!

min grosse het sehr viel freud am chline.. will ihn au immer hebe und überal mithelfe.. muess au jedem
immer ganz stolz verzelle das da sis brüederli isch!

verstohne eu au sehr guet.. goht mir genau glich.. chönti mir echt au 3-4 kind vorstelle aber noch de letschte ss und au dem ks weissi also nonig öb i da doch no wölle würd..

Melone,ganz härzlichi gratulation zur geburt vom julian 2
Dir erläbet sicher grad ä asträngendi aber unheimlich schöni zit als familie!bi froh isch als einigermasse guet gange und dir und am chline maa geits guet
Jööö schön ts läsä wie fescht sich dr elias fröitüber sis brüederli,das isch so vil wärt!
Tuet mir leid,isch das mitem ks nid eifacher gsi...sisch würkli nüt schöns uf däm schragä ts lige und ts warte bis si eim das chind zum liib us schrissä...aber wes mues si de isches halt glich die beschti variante!und schlussändlich ischme froh,isch das chline gschöpfli gsund und munter und unändlich glücklich dasmes cha id arme schliesse!hoffe d narbe verheilt gli und guet!
Gueti besserig am elias...oje,es nöigebornigs und es chranks chind im huus..hoffe chunsch glich chli zur rueh??!het di maa chli frei chönne näh?wielang hesch müesse im spital si?

Peyton,juhu...happy birthday dire chline muus
Ou i zooli..isch de super!würd doch o so gärn mal ga mit dr anouk aber mit däm mittagsschlaf wosi macht rändierts de fasch nid vo üs us!!
Jetz ischsi sicher oscho fasch am drvo spring??

Ui..mues ga,,,

danke dutchy!!
use schrissä isch würkli di richtig beschriebig! er het jo würkli festgsteckt.. ärzt händ gseit seg nöd eifach gsi!!
oh jo dnächt sind nöd ohne.. di letschti isch di strengsti gsi.. vom halb 2- 5 bini am "kämpfe" gsi mit ihm.. het den bi mir nocher gschlofe! bi jetzt eifach fix und foxi!
jo sguete isch das i no im spitol gsi bi wo min grosse no am jömmerle gsi isch.. goht ihm aber wieder echt guet und mitlerwile sind au ali uströchnet..
jo min ma het no 2wuche feriä! im spitol bini vom fritig bis zistig gsi!

am mitwuch chan er de kiga go aluege und vorer mueni no zum kia de chli go zeige(wäge).. und am dunnstig het min grosse de letscht tag i de krippe!!

@melone: ich gratuliere dir au nomal recht herzlich! freue mi, dasser da isch unds eu guet gaht! glaubi, dass dr ks nid so toll gsi isch! isch ja au en vorgang wo vo de natur ja nid so plant isch... aber für ds wohl vom chind nimmt me so vill uf sich gäll?!?

@dutchy: ja, ich han ganz klar weniger ziit für die grossi.. es chliises baby bruucht so vill ufmerksamkeit... und wel sie so vill wach isch sowieso... die grossi het am afang gar kei problem gha, aber sie isch halt im toibeli- alter... und mini nerve sind fang recht überstrapaziert... han jetzt au mal e nacht uswärts gschlafe, demit ich mal wider richtig tüüf cha schlafe... das het wunderbar klappet, aber chum bini dehei gsi isches wider los gange... bin froh, wenn das toibele und d'ifersucht wider weg sind, denn hanis wider chli ruhiger... aber ich hans ja bewusst so welle, demit die beide spöter chli meh mitenand chönd afange... mini schwe und ich hend 2,5 jahr unterschied und hends au ide pubertät super gha zäme, wel mmir eus immer öpe im gliiche stadium befunde hend...

danke sterndli
i mue und bi scho sehr dankbar das ks git und so erfolgrich endet.. uf natürlichem weg hetis min chline niä überlebt!! chans nume nöd novollzieh wiso das sich da fraue atüend wens nöd medizinisch notwendig isch.. aber ebe mue jo jede selber wüsse!!

i glaube nöd das da öpis mitem alters underschied ztue het öb mer sich verstoht oder nöd.. isch doch charaktersach.. git jo au zwilling wo sich nöd usstoh chönd.. und min ma zbsp het e älteri schwö(2johr) wo er sich niä guet verstande het aber defür umso besser mit der jüngere(4johr) und em brüeder(8johr).. also uf de alters underschied chan mer echt nöd go!!

sterndli hoffe seg bald verbi diä teubeli phase.. weiss wiä astrengend es si cha!!

hallo sind ihr ali ide feriä??

fraue wiä gohts eu??

mir recht guet.. abgseh vom wenige schlofe.. aber suscht isch als super.. nochdem min chline nu no ade brust brüelet het hani abgstillt und das isch au ok für mich!

hüt isch min grosse 4ri worde.. isch en schöne tag gsi! am mitwuch het er den 4johreskontrolle bi gspannt was als glueget wird..

Hallo melone, zerst mal härzlichä glückwunsch zu dim Julian, jetzt bisch würkli dhännä im stall
so härzig heti grad au namal lust zum schwanger wärdä...hoffä du häsch dich au guät chöne erhollä vo dä strapazä und kei nachvollge beschwärdä gha häsch? gits glaub na oft na ks, oder? also au so uh feste babyblues und so.
eusi gross hät am 17.2.10 geburi, dim Elias(gäll?) alläs alläs guät zum geburtstag. hätsäm gfallä im chinzgi und freud er sich? Mir händän au scho chönä go aluägä und dmilena isch mega häppy, si find au dchinzgigärtnerin ä mega schöni und sie freud sich in chinzgi zgah. hoffä das isch dän au na so wäns sowit isch und si au jedä morgä muäs ufstah. ich han ebä chli zwei langschläfer meitlis.

aja Duchty, ich glaubä fast dloana hät au langsam usägfundä das dbei chäntäd zum laufä da sii...jetzt gahts nümä lang und dän lauft si dän hoffändlich ä lei umä. a einere hand hämmer hüt schliäslich 45minutä gha für öpä 200meter

schönä abig

calamita danke dir!! ouh nei babyblues hani nöd mir gohts würkli guet!!
danke jo er freud sich au uf de chindsgi.. hoffe bliebt so!! i hoffe eifach das di chindergärtlerin e gueti isch und au bereit zum helfe.. min isch jo no ide logo und i hoffe fest si tuet den au guet mit üs zämeschaffe..

isch no irgendöper awesend??
wen jo, wiä gohts??

mir händ scho 1monatskontrolle gha hüt.. goht da schnell.. er isch jetzt 4670gr und 53,5kg! kia isch sehr zfriede!!

schöne obig wünschi eu no!!

Jööhh melone, häsch du em wonnepropen!!! Euse chli isch mit 4 wuche e halbs kilo liechter gsi.

Gahts eu guet? Händ er scho in alltag gfunde? Isch es es ruehigs chind und bisch am stille?

Eus gahts guet. Dr leon isch sehr pflegeliecht und immer am lache und probiert z lafere. Die hitz macht ihm chli zschaffe. Er trinkt immer nur churz und chötzlet viel. Und er schwitzt viel wie sin papi und de brüetsch.

Jööhh melone, häsch du em wonnepropen!!! Euse chli isch mit 4 wuche e halbs kilo liechter gsi.

Gahts eu guet? Händ er scho in alltag gfunde? Isch es es ruehigs chind und bisch am stille?

Eus gahts guet. Dr leon isch sehr pflegeliecht und immer am lache und probiert z lafere. Die hitz macht ihm chli zschaffe. Er trinkt immer nur churz und chötzlet viel. Und er schwitzt viel wie sin papi und de brüetsch.