Kinderwunsch 2

sascha din leon het aber au es anders startgwicht gha als mine und vo dem her heter jo nöd viel zuegnoh site geburt!! kia isch zfriede gsi.. er chöngi guet da gwicht ha für sini grössi gseht nöd noch zviel us!! sobalds jo afanget bewege wirds jo au nomol anderst si!!
wiä gross isch den din grosse jetzt? händer au bald 4johreskontrolle?? mine hets hinder sich und isch jetzt 105,5cm und 18kg!

min chline kötzlet au mega viel.. cha das en zämehang ha mite hitz?? kenn da so gar nöd vom grosse!! suscht gohts ihm glaub guet weg de hitz.. het hüt nomi bitz schneller durst gha aber suscht merki nöd viel.. er isch jetzt au länger wach am tag und de isch er chli ahänglich was jo völlig normal isch.. stille chani leider nöd.. abgseh devo das bw völlig bluetig gsi sind hani absolut zwenig milch gha!! min chli het jo so extrem abgnoh das mer nüm anderst als noschöppele het chöne und das nüm me worde isch mit minere milch und de chli nu no mini brüst abrüelet het hanis den wieder ufgeh!! isch für mi au ok!!

ach i finds so goldig wens versueched mitzrede.. diä tön wos vo sich gebet.. mine het au scho oh gseit.. eifach zum knutsche!!
und sascha hesch scho agfange breile??

Oh, bis froh het dine so es guets gwicht!!!

Mit em gross muess ich ersch im oktober id kobtrolle. Er isch öppe 103 cm und 17 kg. Was machets dört alles? Gits au no e impfig und wird chli sprach jnd motorik agluegt?

Ich han scho s gfühl er chötzlet meh wenns heiss isch. De gross get ebe uu viel da und dr chli viel weniger. Usser es isch heiss, denn trinkt er au hüfiger aber nur churz und chunnt sogar einisch ir nacht.

Schad häsch zwenig milch, hauptsach es stimmt für dich. De chli trink plötzlich kei pulver meh. Jetzt muess i für de samstig morge abpumpe. Isch mir chli zwider, mach das nöd gern und klappet au entsprechend. Findes halt gstolni zyt vom grosse..

ich han eigentlich mit 6 monet wölle starte nit brei, aber de chli luegt de gable immer so noh, viellicht probier ichs früehner. Ha ihn scho ame rüeblistück lo sugge...de gross het sich nie fürs ässe interessiert und het no hüt kei zyt defür und isst wie es vögeli...

Und wie gohts de ss under eus?

Ui melone, häsch du mir no en tipp. Mir händ gli bsuech vo öpperem wo diabetiker isch. Was choch i do hnd uf was muess ich luege?

sascha oktober isch jo au scho bald!!
also zerst heter müesse holzperle uffädle.. den knöpf ufmache amne etui döt hets e minniefigur drin gha.. si het den puppehus stuel und tisch vor ihn gstellt.. het si gseit minnie söll uf de tisch stoh nocher under de tisch go verstecke.. den hinder de stuhel stoh und de het si gseit er söll minnie so bim stuel anestelle das er si nüm gseht.. si aber scho.. da heter glaub nöd so ganz verstande(sletschte) drum het si den am schluss gseit das er ebe schono wieter id logo mue.. so di schwierige sätz verstoht er nonig immer so ganz! naja nocher hend zeichnet.. si het en kreis gmolet und den er au wiä au mit drüeck und viereck.. nocher heter de papi zeichne müesse.. also en kopf mit auge und mul und strich arme und bei! nocher hends e buech aglueget.. also jo si kontrollieret srede! nocher heter sich abzieh müesse.. den het si wölle das er uf eim bei stoht und hüpft.. heter nöd wölle mitmache.. ufem strich ischer den no glofe.. jo grobmotorik heg si halt nöd viel gseh.. den uf dwoog und gmesset.. den herzlose und buch abtaschte.. den het si hode und vorhut kontrolliert und fertig sind mir gsi!! nei impfig gits erst wieder mit 6i!! bi gspannt was dine alles muess!!

oh da verstohni tuesch nöd gern abpumpe! hani bim grosse viel gmacht und bim chline nu eimol! ha gseit i wöt das nüm.. isch eifach drum gange zum luege öb i würkli kei milch me drin ha will de chli nur 20gr übercho het vo mir.. jo und isch würkli nüt me cho.. es isch also gar nöd anderst möglich weder noschöppele.. er het jo viel abgnoh im spitol.. so das sich ali scho sorge gmacht hend!!

wiä klappet da eigentli inzwüsched mit dine jungs? het de gross immerno so viel verständnis dasd nöd immer grad springe chasch oder isch doch au mol es bitz iversucht ume??

weg diabetiker esse also öpis speziels muesch do nöd beachte.. me söll jo als esse! chund nume uf dmängi a!! würd eifach sicher salot oder gmües dezue mache und luege dasd light/zero getränk dehai hesch oder wasser!! will de schlimmst zucker isch im getränk.. da goht sofort is bluet!! und suscht wünschi eu en guete!!

Hey ladys,
Mäldemi ändlich o widermal!Mir si ide ferie gsi..mega schön gsi ir toscana!für d anouk isches o ts paradies gsi!mir si ja mit minere (fasch) gamze familie ufem camping gsi!vom morge bis am aabä verussä und mächtig vil lüt wo dr ganz tag mit ihre hei gspillt...si het rächt müeh gha letscht wuche sich wider a alltag,nume mit mir daheim ts geöhne,das arme chind het gjammeret und töibelet dases mir schochli het aafa am närv zieh ;)
Aber iz isch wider guet zum glück!

Jöh melone,doch oscho toll zuegleit di chli maa...isch doch super,bi ömu immer froh gsi het d anouk doch o es schöns gwicht gha,i finde de heisi o chli resärve we mal a grippe asteit oder so!
Und wie ischer so dr julian..ändlich wie dr elias isch gsi oder ganz anders??

Sascha,ja das abpumpe isch ober müehsam..has o ghasset...bsunders während am schaffä!
Aber chas scho nachevollzieh das si das pulver nid wei näh wesi d bruscht gwöhnt si!
Ha mit 5monet aafa breilä...hät aber gloubs im nachhinein guet no ä monet chönne warte,si isch so wahnsinnig verstopft gsi am afang!aber da isch doch o jedes chind verschide!

Ach sascha..wie geits mir..mir isch eländ,bi müed und ha permanänt ä schlächte luhn..chami sälber fasch nid ertrage!ha momentan sehr müeh mich für die ss ts motiviere
Bi ehrlich gseit chli überforderet mit denä schier nume negative gfüehl...das hani devinitiv nid gha bir erschte ss...mir isch no vil meh eländ gsi aber hami trotzdäm immer gfröit wie gstöhrt und es hetmer irgendwie garnüt usgmacht!tja..iz isches halt eso,geitmer chli besser iz wos grad nidso heiss isch...hoffe ts schlimmschte isch düre!am mäntig hani dr erscht fa termin,hoffe sehr dases de änderet weni das würmli ts erschte mal gseh!
Isches evt öperem o so gange?peyton,wie geits dir eso?

Denn het de elias das ja super gmeisteret!!! Bi de gspannt was mir müend mache.

Mit de zwei jungs klappet prima. Isch gar kei problem, au wenni am stille bi. De chli schloft ja no viel und denn machi nur mitem gross öppis. Er isch süsch eifach anders und fordernd. Er isch ja vorher es lämmli gsi, ruehig, lieb...jetzt isch er mängisch en richtige trotzchopf, isch luut, befiehlt, haut mi und bsunders de papi und hült wäg jedem bitzli grad los. Isch sicher chli verspäteti trotzphase, aber dänke isch au chli wägem chli....hoffe das wird sich gli lege, ich probier ihm immer alles erkläre, aber meistens muess ich schimpfe und verlüre au mal nerve, es isch ab und zu scho asträngend....

Oh dutchy, wie chan i dir nahfüehle. Mir isch 6 monet schlächt gsi. Paar sache händ chli ghulfe, aber i ha no hüt müeh mit eusne chüngeli. Zum si füettere hani mindestens drü mal kötzlet und es gruuset mi hüt no...hoffentlich besseret dini luune, isch müehsam wenn me so vo de hormon beherrscht wird. I welere wuche bisch jetzt?
Bi sicher du wirsch di gli uf das würmli chönne freue, isch doch sooo es wunder.

Denn het de elias das ja super gmeisteret!!! Bi de gspannt was mir müend mache.

Mit de zwei jungs klappet prima. Isch gar kei problem, au wenni am stille bi. De chli schloft ja no viel und denn machi nur mitem gross öppis. Er isch süsch eifach anders und fordernd. Er isch ja vorher es lämmli gsi, ruehig, lieb...jetzt isch er mängisch en richtige trotzchopf, isch luut, befiehlt, haut mi und bsunders de papi und hült wäg jedem bitzli grad los. Isch sicher chli verspäteti trotzphase, aber dänke isch au chli wägem chli....hoffe das wird sich gli lege, ich probier ihm immer alles erkläre, aber meistens muess ich schimpfe und verlüre au mal nerve, es isch ab und zu scho asträngend....

Oh dutchy, wie chan i dir nahfüehle. Mir isch 6 monet schlächt gsi. Paar sache händ chli ghulfe, aber i ha no hüt müeh mit eusne chüngeli. Zum si füettere hani mindestens drü mal kötzlet und es gruuset mi hüt no...hoffentlich besseret dini luune, isch müehsam wenn me so vo de hormon beherrscht wird. I welere wuche bisch jetzt?
Bi sicher du wirsch di gli uf das würmli chönne freue, isch doch sooo es wunder.

dutchy herzlich willkomme zrugg!! schön henders gnüsse chöne!
jo isch mir au lieber wen er eher zviel als zwenig uf de rippe het!!
i cha di au guet verstoh.. mir ischs ode 2.ss au einiges schlechter gange und hans chum chöne gnüsse.. ha oft chli angst i würd irgendwen bereue das eifach so a mir verbi gange isch.. aber i tue jetzt viel bewusster de chli gnüsse den si wachsed so schnell!! i hoffe du chasches frühener nochli gnüsse dini ss!!

hmm no schwierig zum beurteile wiä verschiede(oder au nöd) si sind.. zeiget jo no keini intresse.. aber er schloft glaub scho einiges besser als de grossi damals aber genau chanis nüm säge den i erinnere mi nüm dra! er isst aber viel regelmässiger als de grossi und er kötzlet was de grossi nöd gmacht het.. und de chli het scho 2mol mehreri stund ufem buch gschlofe da heti de grossi au niä gmacht!!

sascha chund mir vor als würdisch min grosse beschriebe den au er isch so druf.. di ganz zit am umeschreie.. am haue(richtig mite fust).. und brüelet usem nüt! es git täg do würden am liebste id feriä schicke!

Melone, wie gsehts bi eu us mitem räge. Sind ihr au betroffe vo de überschwemmige?

Mir sind zum glück nid betroffe, aber dä räge hani langsam gseh. Vorallem isch mir bi dem uf und ab ständig schwindlig, schĺächt und han viel chopfweh...

Ändlich hani en rückbildigskurs gfunde wo ich mit de stillzyte und de termine vo mim ma chan veribare. Han d hoffnig scho ufgä gha. Faht i 14 tag a und ich freue mich chli zyt nur für mich. Häsch au scho öppis melone?

Euse chli probiert sit paar täg sich vom rugge ufe buuch dräihe. Fählt nüm viel und es glingt ihm. I dem alter hät de gross nid mal gwüsst dass da git

Wie gohts eu allne so?

nei mir sind zum glück au nöd betroffe.. aber echt schlimm diä überschwemmige wos het.. bi echt au chli depri druf mit dem wetter.. wo isch au blos de summer bliebe?!? het no so gern einiges erlebe wölle mitem grosse bevor de kiga afangt..

super macht das din chline!! wieter so!!

oh super hesch en kurs gfunde!! schriebsch den wiäs isch?? i ha erlich gseit no gar nöd gluegt wegemne kurs.. möchts aber scho au no mache..

Hallo Zämme

So bi au wieder mol do. Das Wätter isch jo zum dr vo laufe.... :-( Mir sin zum Glück au nit vo däm Hochwasser betroffe. Aber für alli die wos verwütscht het wünsch ich ganz viel Kraft und durchhaltigs vermöge.

Ich hoff es goht euch allne einewäg guet?

Dutchy: Ich hoff dir gohts wieder besser? Und das di jetzt uf die SS chasch freue. Wie isch die erst Termin bim FA gsi?

Melone und Sascha, man wie die Zyt vergoht, jetzt sin euchi Würmli scho so richtig am gedeiie. Schön z köhre das es euchne Buebe so guet goht.

Mir und dr Peyton gohts ganz guet ha zwar sit ca drei dag immer wieder mol lichti krämpf im Buch. Ich hoff nit das es wieder s gliche isch wie bi dr erste SS ( dört ha ich jo scho frieh Wehe ka und ha miesse kürzer trätte. ) weiss nit wie das söt go mit dr Peyton. Sie isch flissig am Laufe und dr vo "renne". Inere Wuche hani dr negst FA Termin und wens Buschi guet ligt chöne mer luege was es git. Bi scho ganz gspannt.

hallo peyton schön gohts eu guet!! wow jetzt bisch scho so wiet das mers gseh chönti was wird.. isch das schnell gange!! bi gspannt was use chund!! händer scho agfange mite namenssuechi(besser ihr als ich )??

Hey,
Jo sags nit, d Zyt lauft bi jetzt 15+3 ss und weni dr Termin ha 16+5.
Mit dr Namens suechi hän mir zum Glück kei problem, dr Buebe Name stoht scho fest und bim Meidli miesste mir uns nur no us zweine entscheide. Aber das het jo no chli zyt und ich hoff jo das es e Bueb wird.

wow ihr gäbet jo gas.. echt super wen mer sich so schnell einig isch.. de bini jo gspannt was geh wird..

Hey, ändlich hämmer wieder so e richtig schöne Dag.

Ha hüt dr nägst FA Termin ka. Mitem Würmli isch alles guet, het aber nit welle zeige was es wird. So wart ich halt nomol vier Wuche und hoff uf dr nägst US.
Sowit gohts mir guet user dasi alls wie mehr Ruggeweh ha und dr Buch amigs krampft. Ha jetzt Magnesium becho. Und d FA het gseit das es so Buchbänder git wo me cha alege das tuet s Gwicht besser uf d Hüft verteile und tuet so dr mitt dr Rugge und Buch chli entlaschte. Het höber so eins ka und was sin so euchi erfahrige drmit?

Ich hoff es goht allne guet und das die kleine gsund und munter sin.

Hey ladys..mäldemi o ändlich widermal!
Ha ächt ke motivation für irgendwas gha die letschte wuche,isch ächt deprimierend gsi und immer wie meh worde!aber jetz geits mir doch scho sit par tag eidütig besser!ts erschte triemester is h düre und ig bi zueversichtlich dasi vo jetz a mini ss dochno cha gniesse
Dr erscht fa termin isch o düre,sisch als ok gsi aber da ts würmli no ts chlii isch gsi fürd nackefalte ts mässä,hani nachere wuche nomal chönnä ga!wahnsinnig wie das isch gwachse innert are wuche,scho faszinierend !es gseht als sowit guet us,mol jetz fröiemi würklich druf,bi richtig erliechteret

Peyton,schön isch als guet bi öich!leider hani o ke erfahrig mit so buchbänder..ghöre das zum erschte mal dases das git!tönt schmärzhaft,du armi..hoffentlich hilft de das tuech!!
Hesch du dä bluettest gmacht,vo wäge behinderige?
Hihi..dä schlingu het also nid welä zeige wases isch!und de muesme o wider ä ganze monet warte ;)
Wie het sich dis so verhalte bim ultraschall?üses het bewegt wie gstöhrt,es het usgsehals würds sich mit dä füessli abstosse..richtig umegspickt isches!das wirdmer no ä wirbelwind gäh ;)
Wiegeots ar peyton?ischsi am drvospringe die ganz zit ;)?sisch es süesses alter gäll?!also ig ha riise fröid ar anouk!!

Melone,wie loufts mit dine jungs?chunsch zum schlafä?heiter eigentlich nähr dr namr gno woder heit gha oder ischne h julian plötzlich no i sinn cho??
Mir heis drum iz chli glich mitem buebename..mir hei einä aber irgendwie heimer glich ts gfüehl villicht chunt üs de no ä bessere i sinn!

So mues ga luege,bis gli