hallo zämme

Wie geits öiem ouguschtwunder.

Hallo Aemmitalerin,danke üsem klina Schatz gots tip top.Es isch so schön zua z luaga wia di kli jeda Tag epis neus ka und entdeckt.Im moment machts luut schreia voll spass,lachet amigs scho
Eifach nur en Traum
Und wia gots euch?
lg und schöni Ostra
vlinder

ou ja, schreie, das macht o üsem spass....
und zahne ersch......
aber mir hei würkli ganz ä liebe bueb, ganz ä verschmustä....

Hihi schreie? Am liebste dr ganz Tag.

bi uns isch plappere no hoch im kurs und natürlich lärm mache mit de spielsache aber isch richtig härzig zum zueluege wie sich unsere scho richtig fescht cha konzentriere bim spiele und usprobiere. chöne euri scho chrabble? unsere chas nonig, duet sich aber mit de händ und ärm im kreis umezieh. dr neuschti woner macht isch im tripptrapp ufstoh! hän jetzt grad dr stuehl miese ummontiere (brättli für d füess, witter abe do) damit är do nüm witter ume turnt

@chroettli
de sii üsi genau glich. im kreis und ufstah im tripp trapp.

was mir jtz de öuä o langsam müesse luäge isch wägem bettli, das abe la...
üse cha o no nid schnage.

chöi öii kind der päsetegrif?
ab wen isch das nöime?
mine cha ihn no nid, isch aber am üebe...

üse bueb het äs 3rad übercho zur ostäre. cha logisch no nid fahre, aber mir chöis stosse. är het mega fröid...

@chroettli,mini kau au no ned krabble,aber ma kunnt scho recht guat im kreis umi sie vesuacht amigs sich mit dä füess abzstossa.Gseht amigs zum lacha us wenn sie s Fudi id luft steckt

@aemmitalerin,cool es 3 Rad welli Marka wenn ich fraga darf?(bi eba au am überlega)

@ hallo vlinder
i ha das drürad, vo bärn-ost. das isch so ä regionau site, wo chli über t`region gschribe wird und äbe o inseret het.
äs isch ouso äs ogasio drürad, für nur 35.- isch aber no super zwäg. nur gseh ig niäne was für eis das äs isch.... sorry. isch ganz äs bunts, ouso ei stane rot die anderi blau und ume ä anderi grüen... weisch wie ig meine....
da mir uf äm buurehof sii, isch das mega genial. so cha ig jtz t`hofrundi am abe mit am drürad mache. ha ihn vorhär im babybjörn gha, wird langsam schwär.
jtz ha ig hüt no ä boby car kouft. o vo dere site. ä schwarze nur für 40 .-, wot schüsch über 100.- zausch.....
isch ja evt nid jedermans sache, ogasion sache zkoufe....

weni scho bim gwicht bi.
wie schwär sii öii babys afang?
heit dir o so äs mökli?
üse isch über 10 kilo....

Auso mini rütsch itz sit paar Tag hingerschi, de legi sä uf Krabbeldecki u de geits nid lang u Sie ligt amänä angere Ort. Hüt isch grad extrem gsi wie si isch umegrütscht. Muess langsam aues i Kindersicher mache.
Was isch das für ä Grif? päsetegrif?

Auso mini isch vor 3 Wuche 6965 gsi, auso de isch Sie itz öpä um die 7300 gr. u 65/66 cm

@aemmitalerin, wie schwär ischer de bir Geburt gsi? Mini isch drum nur 2750 gr. gsi

hey eui ou scho zklatsche entdeckt? üsi machts sit mitti März, isch so härzig.

@aemmitalerin
danke viel mal für dini uskunft,ich find au das occasion nüd schlechts isch
Also mini isch 7,2 kg und 68,5 cm, d MüB seit immer sie dürft no kli me ha aber eba ich find hauptsach gsund
No a kurzi frag,hend ihr eueri klina Im Postiwägali scho im Sitzli dina?
lg

@vlinder
nei hami no nid getraut da Sie no nid ganz sicher sitzt, im Triptrap hani ou no ä Decki rundumg das Sie stabiler isch.

@jessi80, ja ha eba au s glich denkt,mir isch dia sach au no z unsicher.

@aemmitalerin
jo dä pänsetegriff macht unsere scho. är duet aber au sunscht scho lang d sache vo dr einte in die anderi hand. dr kia het das bim 6 monet untersuech welle teschte und är hets so schnäll gmacht dass sies grad verpasst het
unsere ghört au zu de grössere. är isch jetzt voreme monet bi 70cm und 8,1 kg gsi. ha aber sgfühl är het scho wieder e riese schub gmacht, bi jetzt mol gspannt uf negscht wuche wenn mir termin bi dr mübe hän.
ajo wägem sitzli im ikaufswage. mir hän ihn scho e zytli dört inne. am afang het me no chli miese stütze aber jetzt goht das ohni problem elei. är findet das super so ume luege und es isch au eifacher wie immer mit em babybjörn.
@jessi80
klatsche chanär nonig aber är findets mega luschtig wenn ich ihm das vor mach. au winke findet är toll machts aber au nonig. hän euri das scho usegfunde?

ha grad no e anderi frog. sit e paar dag het unsere so mieh zum ischlofe. är isch zwar richtig übermiedet will aber eifach nid schlofe. bi jetzt nid sicher ob das wieder an de zähn liegt oder sunscht an dr verchältig. hän euri das au?

der päsetegriff isch mit zwene finger öpis ufnä, z b äs ärbsli oder so.

vo eirä zur andäre hand macht üse o scho rächt guet.

klatsche tuät üse nid, so wie o winke nid.

mir hei üse bueb scho rächt lang ir sportversion im kinderwage. am afang chli schreg, itz meh zum hocke. är het gen wöue luäge und vorauäm hasst das mi sohn ligä.... mi chönt ja no ischlafe derbi....

mir hei sit ca ei monet immer wider ä ampf zu ischlafe... mau geits super mau nüm... mau sis tferiä gsi, wo ihn dürenang bracht het und mau zahne. jtz isch äs ume äs zügs gsi, letscht wuche....bis uf gester, die nachthet är düre gschlafe!!!!!!!!!!!!!!!!!!!!!!!!!!!!!! wau!!!!!!!!!!!!!!!!! chumme mi so richtig usgschlafe vor.....