Auto chindersitz

Han mal e frag zum Auto chindersitz, het öpper vo euch versucht en maxi cosi mitem gurt z'befestige?

Staht ja so druf, aber entweder sind mier eifach z'dumm oder das isch mega unstabil... also ich muess sägä ich han da irgendwie keis guets gfühl....

wie sind euri erfahrige?

(bin nonig mami, aber sött hoffentli nüme länger als 3 wuche duure)

Also ich weiss nöd gnau wie dini Frag lutet? Aber eigentlich isch es keis Problem dä Maxi Cosi mit em Gurt z fixiere! Ich han au en alte Maxi Cosi ohni Isofix und Cha dä relativ guet befestige.... Du muesch eifach dä kurz Teil vom Gurt überem chind sini Beine ade Schale ischlaufe denn iklicke und dä lang Teil chunnt hinde bim Kopfteil vo dä Schale dure( het det meistens e klammere zum befestige). S chind luegt mit em Kopf zum Sitz.

Mini frog isch eher hett öper Efahrig mit dä Chindersitz 9- 36 kg?
Wett nöd unbedingt 3 Chindersitz chaufe? Welli Marke sind die beste?

Merci, muesses nomal probiere...
Bis jetzt hend nur immer alli gseit Sie heiged dass no nie probiert de chindersitz ohni Isofix zmontiere aber demfall müässts ja gah....
Weiss nöd genau was min maa gmacht aber irgendwie hets wagglig usgeh...
Han mi Grad zdick gfühlt ;), aber muess wohl drüber hinwegluege und die sach selber usprobiere...

Hmm hans nomal usprobiert, aber nachwievor chame de Sitz in richtig lähni klappe Wenns mitem gurt befestigt isch...
Isch das würkli sicher, klappts denn de binere vollbremsi nöd eventuell hindere?

Nei da Chan nüt passiere und suscht hesch ja dä Tragebügel wo nu abbremst....