Summerbabys

Eröffnet am 4. Dezember 2013 um 09:10 Uhr von Lisa, bisher 17 Antworten.


Beiträge zu diesem Thema (18 Beiträge)


Lisa schrieb:

Mi, 4. Dezember 2013, 09:10
Ich wundere mich, wer becunnt denn sis Baby im nöchschte Summer?

Bi mega gspannt. Und wie gohts Dir?
Lisa, Community-Managerin

Carrys schrieb:

Do, 5. Dezember 2013, 11:31
Ich söts afangs August becho. Wird mis zweite Baby. Bi sinnlos ufgregt, do di letztscht SS doch scho 9Johr her isch :-)

Lisa schrieb:

Do, 5. Dezember 2013, 14:23
(1 mal bearbeitet, zuletzt am 5. Dezember 2013 um 14:33 Uhr von Lisa)
Gratuliere!

Wow, das tönt mega spannend. Vor allem, will Du ufgret bisch, obwohls doch scho dis zweite isch. Isch sletzschte Mal alles guet gange?

Wänn isch de ET?
Lisa, Community-Managerin

Dutchy schrieb:

Sa, 7. Dezember 2013, 10:57
Hoi lisa,
Ig überchume zwar keis summer baby...aber du i däm fall ?? #freud

Lisa schrieb:

Sa, 7. Dezember 2013, 11:01
Hallo Duchty

schön wärs. Würd gärn nomol es Baby ha... :( aber ich freue mich für alli, die eis überchämmet! Und ich hoffe, dass sich all die Schwangere do wieder träffet...

Wänn chunnt denn dis Baby?

E ganz schöns Weekend!
Lisa, Community-Managerin

Dutchy schrieb:

Sa, 7. Dezember 2013, 16:23
Ach...ja gäll mir frouä würde doch immerwider no eis meh näh ;-) !?
I däm fall isch d familieplanig bi dir / öich abgschlossä?
Mis chline isch letscht april ufd wält cho...momentan gniessemer si i volle züg und wärde gloub nid grad wider schwanger ;-)

Danke,dir o ganz es schöns weekend,
Liebi grüess

Lisa schrieb:

Mo, 9. Dezember 2013, 09:35
Hallo Dutchy

ja, leider isch bi mir d Familieplanig abgschlosse - vom Alter her. Ich bi 43zgi gsii,, wo min chline uff d Welt cho isch - do cha nümme viil nochecho....:(

Aber drum schaffi jetzt für Babywelte, so "überchumme" ich immer wieder Babys :-) Drum hani au do gschriibe - es giit sicher viili Fraue, wo jetzt im Summer es Baby überchämmet. Ich ha ghoffet, sie findet sich so und chönnt sich ustusche :-)

Wie gohts dim Chline? Jetzt foht doch denn s Krabble aa - und täglich öppis nois entdecke? Das isch total spannend! Wünsche Dir e gueti Wuche! #???
Lisa, Community-Managerin

Papercut88 schrieb:

So, 15. Dezember 2013, 20:21
Guguseli i bi nöi hie agmäudet u chume mis erste baby im juli 2014 über ;0)

Lisa schrieb:

Mo, 16. Dezember 2013, 09:03
Hallo Papercut

gratuliere zur Schwangerschaft! Freut mich sehr. Wie gohts Dir?
Lisa, Community-Managerin

Papercut88 schrieb:

Di, 17. Dezember 2013, 20:40
Hallo lisa
Danke mir geits ganz guet;0) mängisch so guet dasi angscht ha das öpis mitem chliine nid guet isch.aber i vertroue druf das aues guet chunt!;0) wie geits dir?

Lisa schrieb:

Sa, 21. Dezember 2013, 08:38
Ich glaub, do muesch kei Angscht ha: Wännd nüd gsprüsch isch meischtens alles in Ordnig!
ich han währet minere Schwangerschaft au nie Beschwerde gha. Ich galub, denn chammer sich würkli glücklich schätze.

I wellere Wuche bisch denn?
Lisa, Community-Managerin

Papercut88 schrieb:

Sa, 28. Dezember 2013, 10:11
Hoi lisa, hesch schöni wiehnachte gha? Vo wo bisch du eigentlich? Hüt fot grad mini 14.wuche ah,auso ssw 13...;-)

Lisa schrieb:

Do, 16. Januar 2014, 14:23
Hallo Papercut

uih, Wienachte isch scho wieder lang verbii, du bisch sicher jetzt scho i ssw 16, oder? Wie gohts dir? Wie sind dFeschtäg gsii?

Dis erscht Baby? Also di erschte Wienachte wo mer weiss, dass mer bald e Familie isch?

Ich bi us de Zentralschwiiz und du?

Versuche snöchschti Mal schneller zschriibe! :-)
Lisa, Community-Managerin

Summerbaby schrieb:

Di, 11. Februar 2014, 00:56
Hallo zämme
Bin neu da inne. Chume mis Baby anfangs August über.
Liebe Gruess

Aemmitalerin schrieb:

Mi, 12. Februar 2014, 11:55
hallo zämme
i bi mit mim zwöite schwanger u ha der et mittu juli!
hoffe äs fad ume afa läbe hie inne!!!