Dezember 2014, Januar und Februar Babys 2015

Hallo Mamis und wärdendi Mamis,

Isch öber ume wo im Dez 14 oder Jan und Feb 2015 es Baby erwarte?
Ich bi in dr 16 ssw und erwart mis zweite Schätzli im Januar.
Würd mi freue wenns no es paar Fraue hätt wo au ca glich witt sin und mir uns chli chönte usdusche.

Hallo. Mir bechöme üses zwöite schätzi im dezember. Ha bereits es töchterli. Sie isch 9 monet. Gohts dir sowiet guet? Lg

Hallo Würmil,

Gratuliere.
Oh du hesch sie den au noch uf e nand. Wir sicher e spannendi Sach.
Ich ha au e Tochter sie isch jetzt 13 Monet alt.

Danke mir gohts relativ guet. Leider hani zimmli Rucke weh und in gwüsse Situatione krapft dr Buch bereits. Das hani au scho bi dr erste SS ka. Morn hani dr nägst FA Termin und den wird ich gseh ob ich scho wieder muess luege das es nit schlimmer wird oder obs halt eifach normal isch. Das mitem Rucke isch sicher will ich die Klei halt no zum teil trage muess, obwohl sie scho lauft.

Wie gohts dir/euch?

Jo sie wärde rächt nöch ufnang si. Isch chli schnäller gange als ursprünglich dänkt. Aber egal, das wird scho go

Mir gohts süscht sowiet ai ganz guet. Oft halt sehr müed und es isch asträngend die chli immer z träge. Hoffe sie lauft de gli mou

Oh, hoffe für di das alles guet isch und du nid ständig muesch liege, wär jo für die chli au chli doof.

Aber die 2. SS goht halt scho nur so näbebi. Fingsch nid au? Bim erschte hanis irgendwie ganz anders empfunde.

Natürlich wird das go, me kennts jo den nit anderst und d Kinder wärte sobald sie mitenand chöne spiele viel dr vo ha.

Es isch alles guet gange bim Termin. Dr Muettermund isch zum glück no ganz zue. Das isch bir erste SS bi däm zytpunkt nüm dr fall gsi. Ha jetzt Magnesium becho und das söt jo au chli hälfe gäge d Krämpf. Leider het me nit gseh was es wird. S Kleine hets nit welle zeige. In vier Wuche hämer jo vielicht mehr Glück. hihihi... Ich würds drum gärn wüsse was es wird.

Du seisches, bi dr erste SS hets mi dungt hesch no viel chöne dra ume studiere und hesch die voll und ganz chöne druf igoloh. Jetzt findi bini eifach SS und es lauft wirglich so näbebi. Isch halt gäll s erste Kind brucht die ganz ufmerksamkeit. Düfür luegi dasi wen die Klei im Bett isch zobe das ich mi chli ufe Buch konzentrier.
Was ich au no find me macht sich natürlich wenn alles guet isch nüm so viel sorge do me jo jetzt scho weiss was uf eim zuechunt usw.

Schön isch bi dir alles guet.
Ig ha am 20. dr grossi untersuech. Hoffe me gsehts de denn bi mir au öp meitli oder bueb. Wetts das mou au wüsse. Bim erschte hemmers nid gwüsst gha.

Ig weiss mängisch nid, öps besser isch wenn me weiss was uf einem zuechunt oder öps besser gsi isch bir erschte ss wo me vorewäg gno hät

Hesch den e Wunsch was es söll gä oder ischs egal? Ich hät sehr gärn e Bueb, wär no toll zum wüsse wies isch wen me beides het. Aber ich sag natürlich au nit nei zumene Meidli. Es isch jo toll mit miner Tochter und so wärs au no spannen s gliche Gschlächt zha und z gseh wie verschide sie doch sin.

Jo isch no schwirig, klar du chaschs chli besser ischetze wens mol neume zwickt ob das normal isch oder nit. Wen mes uf d Geburt bezieht denn ischs wieder e anderi Sach. Bi erste hesch jo wirglich kei anig was uf die zue chunnt. Jetzt bim zweite... naja... Also ich ha jo e super Geburt hinter mir und wenn die zweit au so wird den freu ich mi scho fast druf, tönt sau blöd aber ha wirglich kei schlächti erinnerige user d Schmärze aber das überläbt me. Isch jo für e gueti Sach.

Es isch nid wichtig öp meitli oder bueb. Und glich wärs no schön e bueb damit mi maa doch nid nur e fraue hushalt hät. Aber es isch schlussändli egal. Hauptsach gsund - wie me so schön seit

Jo das mit dr geburt... wär froh wärs scho verbi

Geschter obe hemmers s bebe s erscht mou vo usse gspührt, wir sichs bewegt. Das isch scho es tolls gfühl

Oh jööö, uf dä momänt freu ich mi au scho. Ich gspürs ab und zue ganz licht aber das isch no kei verglich zu dene bewegige wo dis würmli macht.

Händ ihr scho e Name? Mir hätte für e Bueb definitiv scho ein und wens e Meitli git den hämer zwei wo mir uns den no einig miesste wärde. Aber hän jo no Zyt.
Isch bi dir dr Buech au viel schnäller sichtbar worde als no bi dr erste SS? Ich ha im dritte Monet scho s gfühl ka ich sich im fünfte. Wil bi dr erste SS het me rächt lang nit wirglich öbis gseh. Und ich bi doch zimmlich dünn.

D näme hei mir au scho parat. Sie üs relativ schnäll einig gsi.

Jo säges au nid. Ha scho gli u gfühl gha ig heig e mega buuch.

Hallo Würmli

Und wie isch di Fa Termin gester gsi. Hoff es isch alles guet?

Hallo. Danke, isch aues super. Leider häts nid welle zeige öp meitli oder bueb. Es hät d bei krützt gha und me häts nid genau gseh aber hauptsach es isch sowiet aues guet und wie gohts dir?

Heyho zäme

I bin ab mäntig in dr 21.ssw also afang 6. monat juhuuu hehe bi mir isch sowit alles guat und am 17. september wüssend mir den was es wird :3

Ps: Isch min ersta bebe <3

Hallo leider ist bi de Märzbabys ruhig, drum chum i zu eu ;)
Hend am Fr Ersttrimester-Test gha.. sowit au alles guet
Bi us de Umgebig Wil 1. Chind (3. Versuech 3 Sternli)
Aber das mal ist alles andersch <3

Willkomme Manja77 und MayAnn92, schön sind ihr dr zue cho.

Au an euch gratulation zur SS. MayAnn den sin mir jo glich wiit. Ich bi sit am Sunntig in dr 21 ssw. Huii das wird jo spannent.
Maja, dörf ich froge wie lang das mit dine Stärnli schwanger gsi bisch? Ich cha mir das gar nit vorstelle wie das muess si. So öbis wünsch ich niemerem. Um so schöner das jetzt alles guet isch und das es chasch gniesse.

Würmli weisch scho mehr was es chönnt wärde? Und möchtet ihrs au wüsse Maja und MayAnn?
Bi uns gits sehr worschinlich wieder e Meidli. Ich freu mi sehr uf e zweiti Prinzässin. Ha mi mit däm gedanke scho sehr agfründet obwohl ich jo gärn e Bueb ka hätt. Aber wer weiss viellicht gits jo den no e dritts. aber schön eins nachem andere muess jo jetzt zerst luege wie das so isch mit zwei.

Am 2.sep hätti wieder söte afo schaffe ( ha bis ändi Aug unbezahlte Urlaub gno ) aber do ich leider wieder so vorwehe ha und ich bim schaffe dr ganz Dag stoh ischs nit so gschigt, ha jetzt e lichte wehestoper becho. Mol luege wie dä so nützt und wenn alles ok isch gangi den ändi Sep go schaffe so lang das es goht. Isch scho chli e komischs gfühl gsi das am Chef miesse z sage...

Sind ihr alli am Schafe?