No irgendwer aktiv i dem Forum??

hallo gits eigentlich i dem ganze forum no aktivi lüüt?

hallo

ich luege amel no iä, aber lauft jo würkli gar nüt!!

hallo melone

i bi chli go dureläse, aber schiint als würd sit monate nüme gross was passiere. schad..

Hallo mitenand,
also ich bin au ersch sit kurzem doh und ha s gfühl,dasi de einzig mensch amel do drin bi :-(
Ich wünsch allne no es guets neus und blibet gsund liebi grüess

hallo ihr 2

wünsch eu au no ganz e guets neus johr!!

isch würkli schad das nüt me do inne lauft.. ha mi scho oft gfrogt wiso das gründer vo dere site das nonig gschlosse händ.. oder den halt chli werbig mache damits wieder chli mitglieder het.. mi würd das trurig mache weni gseh das nüt lauft.. chli akurble müesstets das.. verschwindet ali neue und alte mitglieder will jo keine schriebt!!

Gugus Melone,
danke,ich (mir) wünschet dir au ganz es guets neus johr.jo isch würkli schad..me chönt meine,me seg elai schwanger :-D hehehe
und schade isch au,dass de Schnee scho wieder verschwindet..wer gern mol no go schlittle gange..bi no voller tatedrang

liebi grüässli us mostindie

hallo

nei bisch sicher nöd di einzig schwangeri frau! muesch nur verrusse umeluege de gseht mer immer wieder eini!! chasch dene fraue jo mol das forum wieter empfehle!!
i bi halt au nüm schwanger.. min jüngst isch scho 6mönet und de gross 4 1/2johr!!
wiä wiet bisch du jetzt und isch es 1.??

scho verruckt gsi wiäviel schnee das gha het!! finds unglaublich schön zum aluege.. chan aber nüt demit afange deswege bini au nöd verruckt das wieder weg goht!!

Hoi Melone,
bi üs isch es s 1.chind und es Wunschkind.ich bin ez i ssw 23+4 und ha en miniaturbuuch weni mol öpertem seg,dasi schwanger bi,denn luegets mich verwunderet ah und froget,obi allerhögschtends grad so afangs 4te monet seg :D
weni amel nöd ei Disco im buuch het,würd ich amel vergesse,dasi schwanger bi,will ich irgendwie keinerlei Beschwerde han
dörf ich frecherwiis froge,wie alt du bisch? ;) mich nimmts amel immer wunder,wie "alt" d müettere so sind...findes schön,weme 2 chind het..dass sie amel en Kamerad zum spiele hend

Liebi grüässli,Martina

das isch doch super wens dir so guet goht! hoffe bliebt bis zum endi so!!

jo 2kind sind toll.. im moment chan de gross halt nonig wahnsinnig viel mitem chline afange.. will de chli jo nonig mobil isch!!

i nimm a es isch din johrgang 1983??
i ha 1985.. werd also 30gi im juni.. 6täg bevor min chli jöhrig wird und öpe 3wuche bevor de gross 5i wird!!

aaaah demfall no ganz es jungs mami finds amel immer so verwirrend,wenn älteri fraue mit chind umelaufet und denn chasch jo nöd froge,ob das s enkeli isch :D
bisch du nebetbii bruefstätig oder voll und ganz es mami?
isch scho verruckt,wie aktiv so es chlises blöterli im buuch isch (isch de Kosename für üses meiteli
nur find ichs amel sehr schaad,dass d papis nöd genau das selbe spürred,was i üs ine vorgoht

jo für mi stimmts eso dasi mit 25gi serst mol mami worde bi.. sind beidi absoluti wunschkinder gsi!!
findi au verwirrend oder ebe sandere gegeteil.. so jung das mer sich frogt öbs no dschwöster isch oder e babysitter wo mitem kind uf de spielplatz goht.. finde aber beides sehr intressant!
nei i ha ufghört schaffe vor de geburt vom grosse.. werd mir den aber au wieder öpis sueche wen de chli bitz grösser isch!
wiä wärdet ihr das mache??

blöterli das isch jo süess! wüsseder was wird oder wänders nöd wüsse? und wiä laufts mite namenssuechi? wen hesch eigentli de et?

jo das isch so, do chönd mir üs würkli glücklich schätze das mir diä schwangere sind und kindsbewegige gspüre dörfed.. dmänner sind defür sicher froh das si keini geburtsschmerze hend! naja gel me cha halt nöd als ha! und e geburt cha jo au wunderschön si!!

huhu Melone
bi üs isch das eso,dasi bis öpe en monet vor de Geburt wird schaffe (50%) und nochher wird ich vollziitmami si.das isch min wunsch.susch bruch ich au kei chinde,wenis irgendwo here abstelle.vor allem i de erste paar jöhrli. üses blöterli git e Zoé Lynn und sött am 28.4 zur welt cho hüt obig Hemer nomol en Ultraschall und ich freu mich ez scho riesig druf zum sie wieder z gseh <3
bisch du verhürotet oder eifach mit em kindsvater zäme?isch jo hützutags nüme üblich,dasme verhürotet isch und trotzdem chind zeme het.isch amel din schatz au mitcho zu jedem arzttermin?find das irgendwie sehr wichtig,dass d manne au gsehnd,was im buuch inne vor goht.
mini schwöster isch mit ihrem erste fründ es paar mönet zeme gsi und ungewollt schwanger worde und dem wers also nie in sinn cho,zum sie nur eis einzigs mol z begleite.mit dem isch sie ez no zäme und sie isch mittlerwiile 33gi und bis hüt het er eifach zu de chinde keis vater-chind Verhältnis und unternimmt amne w-end au nie öpis mit ihne.immer sinds mit üs unterwegs und ich glaub eifach,dases für es chind unbewussti folgeschäde im alter het,wenn de papi so abwisend isch
aber gell,muess jede selber wüsse......

ah schön es töchterli.. wiä isch de termin gsi??
jo doch mir sind im märz 9johr ghürote! ihr? was haltet dini schwöster den immerno a dem ma?? wiä alt isch den jetzt ihres kind? findes schön mached ihr öpis mit ihne.. si wird sicher sehr is grüble cho wen si den din ma erlebt wiä er am lebe teilnimmt!! skind tuet mir leid.. dini schwöster nöd so.. si isch di einzig wos ändere chönti!!
wär nüt für mi so ein.. min ma isch immer mitcho! voralem bim grosse hani kein termin mache dörfe ohni ihn.. bim chli isch halt chli komplizierter gsi! das jo würkli langwilig isch für min gross bis 1 1/2stund im wartezimmer warte isch min ma amel mitem uf de spielplatz.. bi wichtige kontrolle isch er aber immer debi gsi!! min ma hilft immer mite kind und chund jede tag mitene use uf de spielplatz oder wo au immer.. lütet immer ufem haiweg vom schaffe a und frogt wo mir sind und chund den au!! dezue ane isch min gross es absoluts papikind und es het phase geh de heter de ganz tag am papi ghanget.. i ha fast chli feriä gha!! tuet amene mamiherz au chli weh!!

uii das tönt noch me traum-vater alle Achtung!! wow 9 johre ghürote!?wenn hend ihr eu denn kenne glernt?tönt fascht so,als wers e sandkaste gschicht wome sich noch vielne johre wieder inenand verliebt het :D hehehe nei Schmarre
mir sind sit em 31.10.12014 ersch ghürote und sind 2 johre zäme.aber mir hend beidi vo afang ah grad s Thema chind besproche.für üs isch es sehr wichtig,dass de ander au irgendwenn hürote und chinde möchte.susch hets kein sinn,weme sich kenne lernt,verliebt und merkt,dasme doch absolut nöd die selbe vorstellige het.
zum test: leider hets kein Ultraschall geh--defür aber d herztöönli--jesses nei wie herzig :D und am 16. dörf ich de bluetzuckertest go mache..Gott sei dank han ich vo mine gottekinde de Gameboy dörfe uslehne..susch würd ich eifach 2h versürrle
mini schwöster het 2 chinde..s meitli wird das johr 14ni und de bueb isch grad 11 worde und sind 2 so zuckersüässi chinde..wie mini eigne.han au es sehr guets Verhältnis zu ihne.und ganz ehrliche?-mini schwö würd sich glaubs niemols vo ihrem fründ trenne.es isch de erst fründ und sie het nie en vergliich gha,wie nett en maa cha si. "sie het sich mit de johre mit dere Situation abgfunde" würd ich behaupte.und zum glück sind mir mensche jo so verschiede.DU hetsch ihn scho lang zum tüüfel gjagt :D

guete morge

oh guet de bini de gspannt ufs resultat bim nögste mol!!

neinei sandkaste scho nöd würkli.. nei mir händ üs im okt. 2005 kenne und liäbe glernt und im märz2006 händ mir ghürote.. isch chli schnell gange bi üs! min ma hät au sofort vo kind gred.. er isch 8johr älter als ich.. i ha mi den aber mit 20gi doch nochli zjung gfühlt gha.. somit im 2008 agfange üebe.. 2009 schwanger worde und am 7.7.2010 isch de üsen gross uf dwelt cho!! 20.6.14 den üsen chline schatz!!
traum vater.. jo chan mer scho so säge wen de papi immer als erlaubt und nogit.. de muess i immer di bös si wo mol grenze setzt.. kei schöni ufgob und au immer wieder en stritt punkt bi üs!! min ma isch halt eifach innere andere kultur ufgwachse.. vieli anderi asichte obwohl er jetzt au sini fehler merkt.. drum nimmt er sich chli zrugg bim chline!! het halt gmerkt das au i ab und zue mol recht ha chönti!