äs dürenang

i ha bi mim sohn immer chönne druf ga, wen das är hunger het. ouso, den wo är der schoppe het gno. schön au drü std. jtz wo mir brei gäbe, chumme ig jrgendwie i ke rythmus inne. är isch jrgendwie immer am ässe. cha o zproblem sii, das ig allei am mittag bi. ouso üse tag gseht so us.
6i schoppe 205ml
8i jogurt oder zwiback
10i banane oder so mit chli schoppe ca 80ml
12i brei oder vom tisch
2i frucht mit chli schoppe ca 80ml
4 frucht oder zwiback
6i guetnacht brei
7i schoppe 250ml
u znacht no einisch
är isch jrgendwie immer am ässe...
är isch 7 mönet
ouso isch wie gseit nid gen so, mängisch ässe mir o scho am 11i zmittag...
wie heit dir das

Hallo,
wieviel Brei isst den Dein Kleiner? Ich könnte mir noch vorstellen, dass er pro Mahlzeit (noch) nicht genug isst, und deshalb immer wieder Hunger hat. Wie ist er denn vom Gewicht her?

LG

mi "närvt" eifach, wo är der schoppe het gha, isch är einisch ir nacht cho, am morge am 4i und het när no bis am 6 / 7 gschlafe.
jtz wo ig ihm brei gibe chunnt är 2mau ir nacht.
är nimt rächt viu ä aventbächer und vo mim täuer....
jtz ha ig glässe, das mir erwachsnegi ja o müh hei, mit vouem buch tschlafe....
jtz weiss i nid öp ig der brei am abe söu wäg la...
aber är isst und nimt der 250ml schoppe o no.
im gwicht u grössi isch är immer zoberst ir kurfe. l
etscht monet isch är 9,5 gsi mit 72cm.
mübe isch ersch i 14 tag ume, hase verpast...

Hoi Aemmitalerin

Wenn eg me rächt erinnere hani denn wo mi Sohn 6Mönet aut isch xi versuecht d Mahlzite uf 5am Tag ds reduziere. Är isch ou eine vo de grosse schwäre (xi) Diä bruche haut zum Teil ou chli meh wüu si so schnäu wachse. Mach der ke Sorge.

Trinkt di Sohn ou no Wasser oder nume Milch?

E has e so gmacht:

Am Morge ca. 6.00 e Schoppe 240ml=270ml
ca. 8.00/9.00 chli Brot oder Zwieback zum Zmorge (speter beides zur gliche Zit am Zmorgetisch)

Mittag: 12.00 Mittagsbrei oder vom Tisch (ha agfange mit ihm am Tisch ds ässe-ha vorhär oft gar kei dsMittag gässe)

Namittag zwüsche 15.00 und 16.00 Zvieri grafflete Öpfu mit chli Jogurth, chli Banane und e chli Zwieback (speter hani när chönne es Jogurth oder es Quarck gä)

Znacht ca. 6.00 entweder e halbe Gries oder Cerealiebrei oder vom Tisch
am 8.00 240ml=270ml Schoppe vorem is Bett ga

zu de Mahlzite u zwüschedüre hani immer Wasser abote. Sit is so mache schlaft är meischtens düre. wenn är verwachet überchunnt är eifach Wasser. ds Umstelle het haut e Momänt chli Geduld u Närve brucht..si müesse sech haut zersch a neu Rhythmus gwane.

guets Glinge bim Umsetze vo dine Vorstellige!

merci katie
ja är fad langsam a mit wasser trinke. dumm gseit isch mir no gar nid i sinn cho, "fix" ässeszyte mache. probiere das mau us.

hoi aemmitalerin

ha dänkt i fragi mau nache wiäs inzwüsche so geit mit de mahlzite?

liebs grüessli k

im fau gar nid mau sooo schlächt.
i probiäre sit die wuche ihn am morge o nüm go zligä ztuä.
das heist: är isch aube am 9i oder 10i müed gsi u da ha ig ihn häregleid oder bi mit ihm go ligä und nach ca 10min. isch är igschlafe, het aber mängisch o äs gschrei gä.
u da mir allei und früech zmittag ässe (wäg der bousteu überobe am 11i) isch das die wuche gut gane.
und wasse drinkt är wie ä grosse.
ha jtz ihm würkli zwüschinne nur wasser gä oder ä öpfuschnitz....
isch lieb das nache fragsch...
schönne sunne tag

das dönt ja richtig guet bi dir! freut mi, dass'erfolg hesch!
e ha d schlafenszite ou immer wider müesse apasse bi üsem büebu. isch hüt grad jährig worde :)

lgli