Dezemberlis 2012

Eröffnet am 26. März 2013 um 16:56 Uhr von Shamy, bisher 25 Antworten.

Beiträge zu diesem Thema (26 Beiträge)

Shamy schrieb:

Di, 26. März 2013, 16:56
(1 mal bearbeitet, zuletzt am 16. April 2013 um 20:09 Uhr von Lisa)
Wer isch nu da?
Mich nimmt mal so Wunder wies eu mit eue chline gaht?

Ela83 schrieb:

Di, 26. März 2013, 22:03
Hoi Shami
Ich bi no do ;-)) au Dezember 2012? ;-))

Shamy schrieb:

Do, 28. März 2013, 09:59
Hallo Ela 83
Wen isch dies Kind uf Welt chu. Wie heissets.
Schöne Tag

Ela83 schrieb:

Do, 28. März 2013, 22:23
Mini tochter isch am 20.12.2012 uf d'welt cgo und heisst zoe ;-)) und din schatz? ;-))

Shamy schrieb:

Sa, 30. März 2013, 00:14
Min Schatz heisst Luca und isch än chline Nikolaus.
Isch schad wie schnell die Zit vergaht aber es isch schön gseh wien är vo Tag zu Tag öpis meh chan.

Ela83 schrieb:

Sa, 30. März 2013, 07:06
Jo du seisches ziit goht uuuu schnell verbii leider, aber ich finds au schön das sie gross und stark werdet ;-)) Luca ganz schöne name ;-))

Shamy schrieb:

Sa, 30. März 2013, 18:44
Danke ich finde au Zoe schön nur isch der Name i euser Verwandschaft Tabu will vo miner Cousine Kind so heisst :-)
Hesch du wider agfange schaffe??
Schad das nid meh i der Gruppe sind!!

Ela83 schrieb:

So, 31. März 2013, 10:13
Hoi shamy
Jo ich fange am zischtig wieder a schaffe, aber nur 30%, schiesst mi chlie a weg minere muus, aber ich freu mi wieder emol bitzeli öpis zmache und chlie unter de lüüt z'cho.. Han als modeberoterin e stell gfunde imene ichaufszentrum darum freu mi mega, chan s'lädele grad ahänke :-)) hehe du fangsch au wieder a schaffe oder hesch verlängeret? Seg nünt sind scho chlie wenig, aber werdet sicher no es paar lüüt dezuecho ;-))

Spaboo schrieb:

So, 31. März 2013, 16:07
Guguseli bin au dezue cho...isch no chli e umstellig, xeht scho anders us als im bc! Bin im bc au scho im dezemberclub xi, aber under lilyboo...falls sich öper a die biiträg erinneret..=)

jasi85 schrieb:

So, 31. März 2013, 16:32
Hallo ich bin auh da
Eusi chlih Mus isch am 18 Januar per Kaiserschnitt uf dwelt choh und heisst Alina.

Ela83 schrieb:

So, 31. März 2013, 17:32
Jo demfall hoi zäme simmer grad chlie meh ;-)) jaaa lilyboo doch weissi no chunt mir bekannt vor ;-))

Shamy schrieb:

So, 31. März 2013, 19:46
Hallo zäme
Schön das miär jetz meh sie :-)

Shamy schrieb:

So, 31. März 2013, 19:50
Hallo Ella 83
Ich han mitti März wider agfange schaffe.
Schaffe aber nur 1 mal i der Wuche vom 20:00 bis Mitternacht.
Im Momänt find ich das gnueg han jetz scho mueh ga!!
Abem Mai han ich de am Fr immer Witerbildig weiss aber nu nid obis wirklich mache,
die Trennig vo mim chline Schatz isch für mich nid so liecht und das merkt er.

Ela83 schrieb:

So, 31. März 2013, 21:12
Hoi shamy
Oh jo chani mir grad vorstelle ;-(( ich merks amel nur wenni schnell ohni mini prinzessin gang go poschte;-(( am zischtig bini sogar de ganz tag anere ischuelig.. Bin no nie so lang vo ihre trennt gsi han chlie angscht das sie de ganz tag denn brüellt, hoffe chunt alles guet.. Isches bi dir guet gange wo s'erscht mol bisch go schaffe?

Shamy schrieb:

Mo, 1. April 2013, 09:15
Hallo Ela 83
Da ich am Abend schaffe und er den scho schlaft gahts guet!
Wen er den verwachet will er Hunger het han ich immer Milch abpumpet.
Han aber an eim Tag 2h Kurs gha und mis Mami het ihm glueget (miär sie viel bi ihre)
isch aber leider nid so super gange het 20 Min nur durch bruellet!
Wenn er mit 2h so macht weissi nid wies der ganz Tag soll gah.
Bi also nu ganz fest am hin und her uberlege ob ich der Kurs wirklich mache soll.
Muetterbiratig het gseit sige besser we mes jetz macht als imme halbe Jahr da fremde sie meh, aber wen sie de nur so bruellent tuet miär Herz weh und han schlechts gwisse!