Dezemberlis 2012

Hoi zäme
Ich han mini chlii bis jetz au no nie en ganze tag abgeh, eifach mal für 2h bi mim mami und natürli bi mim fründ 1 mal ide wuche, willi wider is yoga ga. Isch bis jetz no nie es problem xi..hoffe aber au immer das sie ned nur brüellt.
Shamy, villicht het er au ned grad de bescht tag gha und drum so müesse brüele, muess ja ned jedes mal so sii...aber ich chan natürli guet nahvollzieh das den grad chli schwiriger macht für dich! Di erschte paar mal woni mit de lily bi mim mami xi bin het si fasch die ganz ziit brüelled, da händ mir alli chli angscht gha dases immer so wird sii..jetz gahni 1mal pro wuche sie go bsueche und sie isch jetz immer ganz friedlich =)

Hallo Spaboo
Ich ga eismal i der Wuche zum Mami, eigentlich kennt er sie guet.
Was mich chli stutzig macht isch das er nu nie so fest und so lang bruellet het.
Sobald ich heim bi chu und ihn zu miär gnu han isch er wider zfriede gsi.
Han eifach Angst das ich mit dem Schade.
Lg

hoi shamy

het er dich grad rächt vermisst!
verstahni das der sorge machsch...probiersch es trotzdem nomal oder suechsch e anderi lösig?
liebe gruess

Hallo Spaboo
Mini Lösig wär gsi die Witerbildig eifach nid mache.
Aber mis Umfeld meint das ichs soll mache, miär heind jetz ja nun Monat zum übe.
Hoffe jetz mal das klappt.
Lasch du dini chli jetz länger bi dim Mami

Hoi shamy
Ah guet den hender ja no chli ziit!
Nei bis jetz hani sie eimal bi mim mami gha, aber ich wird sie sicher wider mal für paar stündlu abge..bi gwüssr termine ischs amig chli eifacher wenni elei bin.
I ca 2 mönet weti au wider 40% schaffe und bis dahi dueni mit minere schwöschter üebe, sie het au es 18mt alts chind und fangt jetz mitere 2sbildig a..mir werdet ois den gegesiitig chindli hüete!

Hoi mitenand
Also bin gester de ganz tag anere ischuelig gsi vom neue job und mini muus isch di hei gsi mit beidi omas. Han mich ufem weg is gschäft im bus mega müese beherrsche das ich nöd grad brüelle, aber zum glück isch alles guet gange, sie het nöd viel brüellt de ganz tag, und wo ich am obig hei bin het sie mich mega agstrahlt so herzig has so schön gfunde bin zwor mega müed gsi, aber han mit ihre sehr lang gspielt und ihre eifach verzellt wie min tag gsi isch und sie nur no glachet haha het uuuu guet tue!! Irgendwenn isch sie nochem letschte schoppe igschloffe und ich denn grad noch ihre

Hoi ela
Schön das es so guet gange isch!! Bin ja jetz ersch paar stund vo ihre trennt xi und chans kir gar noni vorstellä wies den isch en ganze tag! Isch sicher u es schöns gfühl wend hei chunsch und alles guet gange isch und so a gstraalet wirsch

Hoi spaboo
Oh jo es isch mega schön gsi hei cho und sie wieder id arme chöne z'schlüsse ich seg ihre immer (au wenn sie no viel z'chlie isch) das s'mami für immer für sie do isch, aber s'mami amel churz weg mues zum batzeli verdiene jo das tuet wüki guet das chunt scho guet wirsch gseh mach dir kei sorge.. Ich bi froh hets so guet klappet, morn schaffi nur en halbe tag und gange mitemene bessere gfühl go schaffe

Hihi ela das machi au, mängisch au weni churz usem ruum ga oder ebe is yoga oder so! Sie verstönd villicht wort ned, aber ich bin ganz sicher das sie das gfühl womer idem momänt het und usstraalt verstönd!

Ebe gel? Findi au du hesch genau richtig gschriebe: sie verstönd d'wörter nöd, aber irgendwie scho geil gohsch is yoga? ich würd au gern wieder is fitness, aber ich warte no 5 mönet bzw im fitness-center hets e chinderkripp für die ziit wo d'mamis trainieret, aber erscht wenns mind. 8 mönet alt sind.. Naja wartemer halt wiiteri 5 mönet oder nei jetzt sinds no 4 1/2 mönet ))

Hallo mitenand
Ich bi eu än Dezember Mama.
Ha mine chlei Schatz bis jetz eu nur afa mim Ma alleinzig gla.
Suscht brüchi eu nu Uberwindig.
Aber stimmt scho eu wensch nu so chlei sind schi verstehnt meh als das mu meint und sind extrem finfühlig.