(Halb)-Milch-Getreide-Brei

I 2 mönet (ab 5. Lebensmonat) fanget mir mit de breili a und bin bereits mit hilf vom buech Babybrei alles chlie am istudiere wott alles selber choche und zuebereite und isch alles genial beschriebe und het super rezept dinne. Nur: de (Halb)Milch-Getreide-Brei (Ersatz vom Obig-Schoppe) wird mit pasteurisierti Vollmilch (50:50 mit Wasser, Getreide und Orangesaft) zuebereitet. Ich han immer gmeint dasmer Chuehmilch erscht ab em 8. monat chan ghe?? Wie machet Ihr das und ab wenn hend Ihr de ghe? Danke für Feedbacks Lg Ela

mir hetmä gseit, miuchprotukt vo afang a und miuch vo jährig.... da i dä miuchprodukte die pakteriä anders sii aus ir miuch.
i ha für am abe ouso o no äs glier. i ha guetnachtbrei vo nestle kouft. dä isst är sehr guet. und vo gries wot är nüd wüsse. i mache der mittags brei und früchte brei säuber zu mau är eh meh vo üsem täuer wot...

Hoi aemmiralerin
Danke für d'info jo fange au erscht mitem milchbrei a wenn sich alles andere mol ipendlet. Ebe gel? Für chuemilch isches wüki viel z'früeh.... Han de tipp becho frische milchbrei mit normale schoppemilch z'mache

Hallo zäme Milch isch no chli früh mit feuf Mönet da würd i no warte. Scho eher mit Pulvermilch. Schust hends de Durchfall. Am Afang esseds nid so viel. Ich ha mit Rüeblibrei agfange und de Kartoffle dri due mit de Zyt. GAng zur Mütterberaterin vo Ort die segt der alles wies mache muesch. Mit Orangensaft würd i au vorsichtig sie. Babies chömed es rotes Füdli devo über. Duet ihne de ame sehr weh. Übrigens wenn mal Zyt fählt zum selber choche de empfilich Bibosan Produkt. Die sie gut. Grüssli

Hoi doris danke für de tipp het din schatz vom rüebli verstopfig becho? Mir isch gseit worde (und lieses immer wieder) das mer lieber mit zucchetti, kürbis oder pastinake söll afange

Mi Schatz isch mittlerweile vier jährig und isst zum Glück alles vom Tisch. Also d Mütterberaterinne Rate zu Rübli. i mag mi nid erinnere das mi Tochter devo verstopfige becho het. Ebe Kartoffle isch sicher gute und au zugetti ja. pestinake da weiss i nid aber es isch jo ähnlich wie Rübli das Chasch sicher au bruche. am Afang esseds nur es paar Löffel nid meh. Me Dörfer kei Salz und nüt bruche im Fall.

mine het mega gärn rüebli mit süesshärdöpfu....

@doris
bimbosan, hesch du gen allei gä oder mit frucht oder gmüess gmixät?
i tues jtz afang chli i schoppe oder i frucht brei, hirsana oder riesschlimm.

und no ä frag.
i ha plastig löffeli und ha mire muetter o gä.
gibe ihm nur mit dene der brei.
mis mami het mi gfragt wiso....
has äbe nüm chonne säge.
nöime wäg de zähn?
weis das öper?

Ja mit Bimbosan chasch gut Sache dri mixe. Äpfel, Birne, Banane etc. Mini Tochter het das immer gern gah. Was mi Tochter au immer gern gah het isch da die Baby Biscuit vom Coop oder Migros oder chli Rieswaffle. Die Sache sind gäbig wes sie müend warte oder quängelig si.

Ich glaub au das Plastiklöffel d Pilgere vom Baby weniger düe Verletze, das machsch scho richtig. Hend doch au gut Platz im Muul. Grüssli us Solothurn

ja baby biscuit ha ig o scho gä. ha ig sogar gärn. ) aber mega tüüür....
was hesch schüsch ihre znacht gä?

merci, wäg am löffu.

Guet ich han halt lang gstillt. Am liebste het mini halt Mami Milch gah. De hani nid so viel müsse geh am Afang. I han glaub viel so griessbrei geh und es au mal babyyjoghurt. I ha natürlich au viel selber gemacht aber mängisch wes halt mal muess schnell gah sind die Fertigsache nid schlecht. I ha viel da die mit Frücht kauft Äpfel und Pfirsich glaub hets drin. Babies bruched nonig so viel abwechslig. Es isch besser öbis zgeh jede Tag wos gern het als wenn öpis usprobiersch und de wots kei einzig Löffel devo. . So ab nüne Mönet chasch se langsam vom Tisch esse lah. Chasch spirale mache und so finger Food. Sache wo guet chasch mit de Gable verdrucke. Mh chume selber grad hunger über.

Nöchst Johr wenn mi chli da isch muess I de au wieder luege was er isst. grüssli

aah, de bisch du ganz neu schwanger? gratuliäre!
du wirsch gseh, äs het meag viu gäntäret.
i gseh das nur i mire familie. mini mübe het gseit das ig michprotukt darf gä aber miuch nid... mini schwägerin het mi ganz quer agluägt.... o vo ort zu ort isch äs anders...
ouso nid böss gmeint

Ja ich bin in der 6ssw . I ha hüt Termin gah bim FA. geht soweit alles gut us. Geseh het mer nonig viel e Fruchthöli und Dottersack. I ha ebe drüh Fehlgeburte gah letst Johr, jetzt dörf i chli eher geh. S Problem mit Milchprodukt isch eifach das die Chilene empfindlich sie druf. Viel chömed Durchfall über. Muss me biz usprobiere. Grüssli

Hallo Ela

Mir hei au mit Rüeblbrei agfange u bisher no kei verstopfigsproblem ka. Ha no normali härdöpfeli dri ka. Sie isst de sehr gern.

Statt Babyguetzli gib i Microc, sind viel weniger süäss, gönd super zum esse und au no billiger.

Viel Spass

@ caramel
i meine nid güezi. i gibe ihm no nid güezi, gibe ihm o die microc.
das ding isch ä brei für uf tnacht vo nestle.
das heist baby bistcuit.

@ doris
i ha o eis vor 6e wuche, äs föteli, isch bi mir o chli spezieu gsi.
und merksch öpis?
isches anders aus bim erste mau?
chunnts guet, chame das scho säge?
isches dumm gseit wäg de kind gsi nid wäge die, die fäugeburte?

O ja i ha alles mögliche, brustspanne, unterleibschmerze, empfindliche Nase etc. Im Moment macht mr d Hüfte weh. Fa het gester gseit sie gseht e Herzschlag das stimmt mi scho Optimistisch. Bi de andere het sich kei Embryo chöne entwickle will ich irgendwie Problem mit de Blutgrinnig ha. Muss Medikament neh. Aspirin Cardio, acidum folicum und Utrogestan. Aber es ghat no es zytli bis i in der 12 wuche bi. Hoffe und bete meh cha i nid mache. Schöne Ostere. Grüssli