Dezämberlis

Eröffnet am 25. März 2013 um 13:17 Uhr von bratpfanne, bisher 45 Antworten.


Beiträge zu diesem Thema (46 Beiträge)


bratpfanne schrieb:

Mo, 25. März 2013, 13:17
Hallo zämä
gits scho öpper, wo ou positiv teschtet het? :) ach, i fröie mi soooo, äs isch üses 2. ching u i hät niie dänkt, dasses so schnäu wieder klappet, obwoui no am stiue bi :)

i fröie mi uf angeri wärdendi mamis, liebs grüessli

Blueeyes86 schrieb:

Mo, 25. März 2013, 15:04
(1 mal bearbeitet, zuletzt am 27. März 2013 um 17:34 Uhr von Blueeyes86)
Hallo Bratpfanne
Herzlichen Glückwunsch zur Schwangerschaft. Ich hoffe auch, dass ich am Samstag positiv testen kann. Dann gibts bei uns auch ein Dezämberli. Bin auch noch am stillen. Mein Sohn ist 23 Monate alt.
Lieber Gruss


bratpfanne schrieb:

Di, 26. März 2013, 09:17
de wünschi dir viu glück fürs teschte!! :) hesch de scho chli azeiche?

i ha bim erschte ching nid würk öbis gmerkt, respektiv im nachhinein hanis de scho chönne zueordne. ha eifach ke schnuuf meh gha, frag mi nid wieso, so früech (no vorem tescht) sött ja no nüt ufd lunge drücke :D uf jedefau isches itz wieder s gliche gsi... u wägem stiue merki auso bis itz gaaar nüt, s isch ender so, dassi wieder "meh" miuch ha oder de ma är weniger trinke... i gsehs de, ufhöre stiue dueni itz wäg dr schwangerschaft aber no nid grad :)

doris786 schrieb:

Di, 26. März 2013, 10:10
Hallo Dezember Mamis

Ich chum nochli zu eu. Mis chind chund zwar am 16 November aber leider hets no kei November Fraue. Und so viel wieter als die wo jetzt grad Testet hei bin ich jo au nid. Ich bin jetzt 6 SSW. In zwei Täg hani die zweiti Kontrolle. I ha drü Fehlgeburte gah drum wierdi jetzt chli engmaschiger überwacht. Bi so richtiig gspanne. Schöni SSW allne.

Blueeyes86 schrieb:

Di, 26. März 2013, 14:10
Aazeiche hani keni, Ussert dass i chli luunisch bin. Aber das chönt ja o pms sii.
Di erschti Schwangerschaft isch nit planet gsi. Drum isch es chli schwer z vergliche.
Abstille tuen i o nit. Das überlah i mim Sohn. I hoffe nume, dass i ke wundi Bruschtwarze überchume.

bratpfanne schrieb:

Di, 26. März 2013, 21:06
blueeyes, du heschmr no grad chli chopfzerbräche gmacht wäg dire verchürzte 2. zyklushäufti... wieso weisch du das?
i ha sit dr geburt zykle vo 34 oder 35 täg, itz bini gäng drvo usgange, dass dr eisprung 2 wuche vor dr mens isch, sprich mini 1. zyklushäufti wär länger... itz ischs aber so, dass scho 4 täg bevor d mens hät söue cho, ha teschtet u äs het scho denn azeigt, zwar nume weni, aber linie isch linie... u äs isch ä stinknormale migros-ss-test gsi... itz wäri nach mire berächnig bi 3+5, auso no ganz früsch... aber weni nach dr letschte mens ga de wäri scho ä wuche witer :) naja, eigentlech egau...

geit nume drum, ä termin bir fa abzmache, i wott dasmau nid so viu kontroue... s letscht mau ischsmr chli z viu gsi u itz wetti ersch bi 12 wuche ga u när bi 30 wuche wieder... die wird zwar nid begeischteret si, aber itze... i ha s vertroue i mi körper u is chline würmli :)

Blueeyes86 schrieb:

Do, 28. März 2013, 17:14
bratpfanne hat Folgendes geschrieben:
blueeyes, du heschmr no grad chli chopfzerbräche gmacht wäg dire verchürzte 2. zyklushäufti... wieso weisch du das?
i ha sit dr geburt zykle vo 34 oder 35 täg, itz bini gäng drvo usgange, dass dr eisprung 2 wuche vor dr mens isch, sprich mini 1. zyklushäufti wär länger... itz ischs aber so, dass scho 4 täg bevor d mens hät söue cho, ha teschtet u äs het scho denn azeigt, zwar nume weni, aber linie isch linie... u äs isch ä stinknormale migros-ss-test gsi... itz wäri nach mire berächnig bi 3+5, auso no ganz früsch... aber weni nach dr letschte mens ga de wäri scho ä wuche witer :) naja, eigentlech egau...

geit nume drum, ä termin bir fa abzmache, i wott dasmau nid so viu kontroue... s letscht mau ischsmr chli z viu gsi u itz wetti ersch bi 12 wuche ga u när bi 30 wuche wieder... die wird zwar nid begeischteret si, aber itze... i ha s vertroue i mi körper u is chline würmli :)

Hallo bratpfanne
I weiss das, will i scho e paar Jahr mit em Lady Comp verhüete. Dä zeigt mir a, wenn de Eisprung isch. I däm Monet isch er am 19 ZT. gsi. Trotzdem hani e Zyklus vo 29 Täg. Also isch die zwöiti Hälftig verchürzt.

Aber für di isch es ja nume wichtig zwüsse wenn dass der Eisprung isch gsi zum wüsse wie wiit du bisch. Hesch du dä bestumme?

I wirde SS Kontrollene bi de Hebamme mache. I wirde sie de o frage, ob US würklich notwendig isch. I denke eini am Afang vo de SS und eini am Schluss wird sicher länge...I wirde e Huusgeburt plane und chas würklich nit bruche, dass mir d FA verzellt wie gfährlich das das isch oder mier irgendein Medizinische Grund git wieso es nit möglich isch.

Gruess

bratpfanne schrieb:

Sa, 30. März 2013, 10:24
puuuh, i ha doch ke ahnig, wenn dass mi eisprung isch gsi :) i ha dä no nie bestumme u gspüre würdi ne o nie... u ehrlech gseit hani mi o no nie gachtet... eh, i rächne itz eifach nach mim gfüeu u de wär dr et de dr 5. dezämber...

uu, ä huusgeburt :) respäkt! i bi mir am überlege, obi ines geburtshuus wet, aber vorere huusgeburt hätti z fest respäkt. o we bi mire 1. geburt aues perfekt isch gloffe... aber ha ja itz no chli zyt u las uf mi la zue cho... bisch de du bim erschte im spitau gsi?

wie gsehts us? hoffe, d tante rosa het sech no nid la blicke?!

Blueeyes86 schrieb:

Sa, 30. März 2013, 12:57
Hallo bratpfanne

Me Cha ja das o hie im Babywelten la usrechne. Weisch de du dini durchschnittlichi Zykluslängi? De würdi eifach die iigäh. D Fa cha de mittels US o no Einisch ds Alter vo de Ss bestimme.
We me äbe weiss, wenn dass de Eisprung isch, weiss me ganz genau wie alt d SS isch. Das findi irgendwie beruhigend wägem "schiinbare" übertrage.

Ja, di ersch Geburt isch im Spital gsi und i ha immer z Gfühl ka, dass i mi vor Iigriff ha müesse wehre. Schlussendlich lat me sich eifach glich la überschnurre i dere Situation, will sie eim Angscht mache oder mit KS drohe. I ha sogar vo Afang a gseit, dass i Iigriff nume im Notfall wot. Also ke Beschleunigung vo de Geburt nume dass es schneller geit, will das Komplikatione cha verursache. Hami also insgesamt nit sicher gfühlt. Deheime mit ere vertraute Hebamme würdi mi aber sehr sicher fühle und mi o viel besser chönne entspanne. Die Hebammene mache das nit ersch sit geschter und bemerke früh gnueg, wenn e Verlegig is Spital nötig wär. Es git o Statistike wo belege, dass e Hausgeburt nit gfährlicher isch als e Spitalgeburt. Drum würd i säge. I findes muetig, wenn öpper im Spital wet gebäre, wo mehr vor Iigriff fascht nit verschont blibt und wo denn Komplikationen ersch lö la entstah. Bii enere Hausgeburt isch jedoch Chance d Geburt ohni Iigriff dörfe z erlebe sehr gross. Drum entsteideni mi für e Huusgeburt. Sorry für de Roman...

Ds Tanti isch no nit ds Bsuech cho zum Glück. I hoffe, dass sie no lang nit chunt.

Gruess

bratpfanne schrieb:

Sa, 30. März 2013, 14:04
jap, mini zykle dure 34 oder 35 täg u das sit 6 wuche nach der geburt seeehr regumässig ;) drum hanis itz für mi so usgrächnet gha u woni vori das hie druf ha usgrächnet, isch ou dr 5. dezämber usecho :D

tönt nid grad super, so wies bi dir im spitau isch gsi... i ha irgendwie z glück gha, ä suuuper hebamme verwütscht zha. mir si mit null vorstellige gange... wo de d geburt ändgüutig losgange isch, hani eifach gseit, i wöug keni medikament!!! i möcht das säuber chönne... u sie isch sone pflanze-frou, isch irgendwie ou vou gäge medis... sie het üs eifach la mache u mi nur mit wort ungerstützt, so wieni mir das gwünscht ha... ha aber itz scho mängisch ghört, dass es gäng grad medis gäb oder äbe ufene ks drängt wird, wes nid vorwärts geit... drum mini überlegig wägem geburtshuus... daheime chönntis nid, i chönt mi gloub zweni entspanne, frag mi nid wieso :)

mini einzigi komplikation isch ä damm- u vaginalriss gsi, wobi i absolut nüüüüt ha vorbereitet! säuber tschuud... aber wie wär de das deheime? d hebamme cha ja de nid näie? sorry für die frag... das isch o no ä grund, wieso i nid sicher bi, obi ines geburtshuus wett... dert isches ja sgliche... mä würd hurti verleit wärde oder de chiem ä arzt, das weissi no nid so genau :)

Blueeyes86 schrieb:

Sa, 30. März 2013, 17:45
Wenn i äbe de Geburtstermin anhand vom Eisprung berechne chumeni uf e 10. Dezember und wenn i ne anhand vo de letschte Mens berechne chumeni uf e 6. Dezember.

Hey, de Hesch aber vou Glück gha so e Hebamme z verwütsche. I finde de Nachteil im Spital isch ou, dass du vorher nit weisch, welli Hebamme dass d Geburt betreut und dass es guet möglich isch, dass me d Hebamme no nie gseh het. Vo daher isch e Geburt im Geburtshuus viel persönlicher und hüslicher, will me jedi Hebamme scho vorher cha kennelehre.

Wäg em Dammriss. E Dammriss chöi di meischte Huusgeburtshebamme ou näie. Müesst me halt vorher mit ihre abkläre. Dammriss sind aber bi Huusgeburte seltener zum Glück will de Frau und em Gweb gnueg Ziit gä wird zum sich dehne under de Geburt. Ha im Spital e Dammriss gha will de Arzt sich uf mi Buch gstürzt het um mis Chind use z stosse. Da wunderets mi nit, dass er grisse isch.
Wie das im Gebursthuus isch weiss i nit. Da müesstisch di erkundige.

BooBlack schrieb:

Sa, 30. März 2013, 20:56
Hoi zäme, chume zwat kes Dezemberli über, klinke mi glich hurti i :)

@bratpfanne
Han mini Tochter im Juli 12 imne Geburtshuus becho, bim 2te giengi sofort wieder i eis!!! So persönlich, heimelig heschs glaubs i kein Spital. Mit vorbereitig chasch vaginal-/dammriss au vorbüge (mini isch cho mit 51cm/3'930gr/KU 35.5 und ich han nüd gha) sus chönds au hebammene nähie. Sus chasch da hurti im spital gah mache, ner wieder zrug, alles kei riese sach.

Blueeyes86 schrieb:

So, 31. März 2013, 09:23
Hallo zusammen
Hab heute morgen getestet. Zwei Striche...Gibt bei uns also ein Dezemberli. Juhuuuiii!!! Wir freuen uns so sehr, dass es so schnell geklappt hat... mein Mann ist ganz stolz auf sich und seine Schwimmerli...

Liebe Grüsse

BooBlack schrieb:

So, 31. März 2013, 12:05
@blueeyes
So toll, freue mich riesig für euch!!!
*.*

Spaboo schrieb:

So, 31. März 2013, 12:59
Hoi zäme
Gratuliere zur ss!
Ich han mis dezämberli scho =) han nur wele säge dasi au im geburtshuus xi bin und wird bim 2te au wider det ane gah! Es isch sehr familiär und so heimelig igrichtet alles, eifach zum wohlfüle! Die meischte hebamme düend näihe, was bi mir aber ned nötig xi isch..ich han geburtsvorbereitendi akupunktur gha, bin so zimli di ganz geburt im wasser xi..und mini bohne isch ned grad chli xi, 4090g/53cm/ku 36cm.
Liebi grüess