Dezämberlis

Eröffnet am 25. März 2013 um 13:17 Uhr von bratpfanne, bisher 45 Antworten.


Beiträge zu diesem Thema (46 Beiträge)


Blueeyes86 schrieb:

So, 31. März 2013, 18:15
Vielen vielen Dank. Ich kann es noch gar nicht richtig realisieren. Mir war eben gestern ganz wenig übel. Dachte natürlich, dass das Einbildung ist. Aber auch heute ist mir ganz leicht übel. Kann von mir aus in der Stärke so bleiben. Ist so nämlich gut aushaltbar.

Lg

bratpfanne schrieb:

Di, 2. April 2013, 09:56
hallo zämä
merci für öii erfahrigsbrichte beträffend geburtshuus!! de wär mini fasch einzigi frag scho klärt, hehe... i luege itz eifach mau, wie die schwangerschaft verlouft, ha ja no chli zyt zum entscheide...

blueeyes: gratuliere :-) schön, hets klappet... wie isches mitem schlächt si? i ha i erschte schwangerschaft nie öbis gmerkt u itz ischs mr duur-übu... äääh, rächt müehsam so...
merksch du öbis wäg dr miuch? i ha z gfüeu, mi sohn trinkt fasch nüt meh... är sugt nume no churz u dr miuchspändereflex setzt gar nüm i... u i chane nüm asetze, är duet wie weiss nid was... ha grad chli schiss, dass d miuch no meh zruggeit... u schoppe wotti uf ke fau gä... aber chane nid hüfiger asetze, has itz äs paar tag probiert, aber är chätschtet nume uf dr bruscht ume u trinkt nid... hesch ä tipp? abwarte?

Blueeyes86 schrieb:

Di, 2. April 2013, 11:01
bratpfanne hat Folgendes geschrieben:
blueeyes: gratuliere :-) schön, hets klappet... wie isches mitem schlächt si? i ha i erschte schwangerschaft nie öbis gmerkt u itz ischs mr duur-übu... äääh, rächt müehsam so...
merksch du öbis wäg dr miuch? i ha z gfüeu, mi sohn trinkt fasch nüt meh... är sugt nume no churz u dr miuchspändereflex setzt gar nüm i... u i chane nüm asetze, är duet wie weiss nid was... ha grad chli schiss, dass d miuch no meh zruggeit... u schoppe wotti uf ke fau gä... aber chane nid hüfiger asetze, has itz äs paar tag probiert, aber är chätschtet nume uf dr bruscht ume u trinkt nid... hesch ä tipp? abwarte?

Hoi bratpfanne
Danke, danke. Mier si überglücklich, dass es grad im 2. ÜZ igschlage het.
Ir erschte SS isch mir eifach immer chli schlächt gsi, ha aber nie müsse erbreche.
Und jetzt isch mer scho mega früeh schlächt. Scho sit am Samschtig, aber nur ganz liecht und guet ushaltbar. Also bi 3 Wuche und 5 Täg schwanger. Tüecht mi mega früeh. Hoffe nit, dass es no viel schlimmer wird. Hüt isch es zwar wieder chli schwächer. Und ha eifach di ganz Ziit Hunger....
Wäge de Miuch merk i nüt. I gloube sowieso nit, dass si scho so früeh weniger wird. Ha mau gläse, dass das ersch im 6. Monet passiert und das ou nit bi allne Froue. Ha eifach ds Gfüu, dass d Miuch vorallem wäg der Angscht vor z wenig Miuch zrug geit. Wenn er nume uf der Bruscht umechätschet, denn het er sowieso ke Hunger, isch nume zum Plousch a de Bruscht, aber i würd guet luege, dass sie nit wund werdet. Und wenn es so sii sött, dass d Miuch zrug geit, de würd i eifach mit Biichoscht usgliche. Las uf di la zuecho isch mi Tipp. Me cha sich ou Problem sälber aschaffe.....

Liaba Gruess
Blueeyes86

caramella83 schrieb:

Di, 2. April 2013, 12:46
Hallo ihr Lieben

Wooowwww unglaublich, schon gibt's die ersten Dezemberlis #freue

Ich wünsch euch eine wunderbare Schwangerschaft, geniesst die Zeit in vollen Zügen, trotz Up's and Down's, es ist einfach ein Wunder, welches wir geniessen dürfen.

Liebe Grüsse von einer Mai Mami 2013 #freue

Caramella83


bratpfanne schrieb:

Di, 2. April 2013, 13:13
i gloub, i ha itz ä angere grund, dasser nid so ma trinke :) är het mit knapp 10 monet no ke zahn, aber ha itz grad gmerkt, dasser dr brei nume no chaut nimmt u o süsch ds ässe lieber chaut aus no chlii warm... viellech liegts am zahne, dasser o nid "warmi" miuch wott... plus är hanget nume no am hosebei, cha ke schritt wäg mache... itz ischer dr haub morge im tragtuech gsi, de geits guet, hehe...

eh ja, hesch rächt... i las uf mi la zuecho... ha eifach meh chlei z gfüeu, dasser miuch/miuchprodukt brucht. ha itz aber hüt morge mau chli naturejoghurt mit banane zmorge gä, är hets im nu dunger gha... u itz ire wuche ischer 10 monet, de chanim ja de meh oder weniger eh aues gä usser miuch u de chunts scho guet :D ässe dueter äbä eigentlech uuu viu, praktisch aues vom tisch, solangers säuber darf häbe, süsch passts ihm gar nid...

gäu, du kennsch di mit windelfrei us? kennsch du d rita messmer?

Blueeyes86 schrieb:

Di, 2. April 2013, 14:39
Mine het bim Zahne o viel gstillt. D Milch chunt bi de Zähn gar nit a (Drum git stille o ke Karies). Wird direkt abegschluckt. Si dü meh stille um sich z beruhige vom Schmerz, dadebi wende si e suugtechnik a sodass fasch ke Milch chunt. Das chönt scho no si dass er zahnet. Drum isch er o so ahänglich.
Ja, i ha mi scho viel mit Windelfrei beschäftigt und mis 2. wird uf jede Fau windelfrei sii.
Vo de Rita Messmer hani es Buech. Has aber nonit fertig gläse.
Und du?

bratpfanne schrieb:

Mi, 3. April 2013, 15:43
ahh ok, de hani scho wieder öbis glehrt... ä zahn isch aber gäng no nid cho :-)) viellech heter eifach süsch irgend ä schub u brucht grad nöchi. de darfer die doch ha...

ä kollegin möcht bi ihrem 2. o windelfrei mache u de isch sie äbä uf die rita messmer gstosse. was hautisch vom buech?

schöne nami no, i ga itz no chli ad sunne... ääääändlech wieder mau nid nume grusigs wätter........... #sonne

Blueeyes86 schrieb:

Mi, 3. April 2013, 16:30
bratpfanne hat Folgendes geschrieben:
ä kollegin möcht bi ihrem 2. o windelfrei mache u de isch sie äbä uf die rita messmer gstosse. was hautisch vom buech?

I ha ds Buech "Ihr Baby kann's". Da geits nit um windelfrei. Aber i cha der ds Buech vo de Lini Lindmayer empfähle: "Windelfrei? So geht's"

himugüegeli schrieb:

Sa, 6. April 2013, 11:53
Hallo zäme!!!! Ha gester positiv testet u do hani dänkt i schliesse mi doch o de dezämberlis a. Lg

bratpfanne schrieb:

Sa, 6. April 2013, 13:43
blueeyes, has witergleitet wägem buech, merci! wie geits dir?

himugüegeli, soo schön :) gratuliere!! isches ds erschte? bisch ou ä bärnere/solothurnere/friburgere? am dialäkt a? s schlat äuä hie ume grad guet i ;-)

schöns wucheänd #sonne

himugüegeli schrieb:

Sa, 6. April 2013, 14:30
Merci viu mou. Jo bi bärner und es isch üses erste mir fröie üs wahnsinnig.

Blueeyes86 schrieb:

Sa, 6. April 2013, 15:24
Hoi Bratpfanne
Ja, mir geits guet. Isch mer nur sälte schlächt. Und wie geits dir?

Himugüegeli i gratuliere dir. Wetsch di o i d ET Lischte iitrage?

Liebi Grüess

himugüegeli schrieb:

Do, 11. April 2013, 13:54
Hallo zuekünftigi dezämber mamis. Wi geits öich so?

Libi schrieb:

Mo, 22. Juli 2013, 10:45
Hoi zusammen,
ich bin in der 21.Woche schwanger und spüre es langsam.

himugüegeli schrieb:

Mo, 22. Juli 2013, 17:37
Hallo libi. Schön bisch o do villech geit iz de wider chli öppis hie inne ;-) bi iz wuche 20+3 u i dänke o dasis ab und zue gspüre. Hehe isch äbe gar nid so eifach das z definiere!! Ha am friti wider mou termin u fröie mi huere druf üses chliine ändlech wider mou z gseh!!! Und wi isches bi dir? Du hesch gloub no rächt mit übukeit z kämpfe gha.... Hetsech das afang chli besseret bi dir? Lg