üebe fürs Baby nr. 1

Bi inopharm.ch gits Evial Schwangerschafttest 3 Strips für 8,50 Fr. Ha se am nächschte Tag scho im Briefchaschte gha.

Ja würdi au mal im Internet luege,dät gits würkli ganz günschtigi...

Merci fürd tipps. Aber lieber spät aus nie isch mi lohn doch no itrudlet bi mer hüt nomi ä tescht go hole iz muessis de nume no dürezieh.

Super isch dä Lohn doch no cho und das du en test kauft häsch und wie ischer usgange??? *daumen drück*

bi mir gseht däfür alles nach Tante Rosa us :-( han ganz liecht rötlich gfärbte usfluss :-(((( wet doch au........

Huhu. Ha gester morge testet. Und äs isch positiv gsi!!!!!!!! Drücke o dir d düme.

Ohh so schön, herzlichi gratulation freu mich mega für eu und drucke fest dDüme, dass alles guet gaht!!
Lg
Xenia

Merci biu mou. Bi gäng no ganz ufgregt. Mi schatz het gmeint mi buch gseht scho runder us aus süsch! U bi dir isch di roti tante verbi cho?

jööö scho es Büüchli die tante rosa dut chli schwierig und wet nöd recht cho, suscht nur am tag vorher schmierbluetig und hüt nomal, naja aber morn dän. sorry für dBeschriebig

Kes problem. Ha scho vo natur us zimli viu buch u mi düecht ni das sech scho öppis veränderet het. Sbrr villech cha ärs o besser säge aus i.... wär weiss villech ischs jo nid di doofi tante!?!?

ja dManne gsehnd so sache immer gschneller hmm weri ja zu schön, denke aber nöd und wet mir kei hoffnige mache...

Chani guet nachvouzie das dr nid z grossi hoffnige wosch mache. O we das gar nid so eifach isch gäu!

tr isch definitiv hüt zbsuech cho... auf in ein neues... wünsche dir uf all fäll alles gueti mit dinere Schwangerschaft und das alles guet gha mag.
Lg
Xenia

Das wünschi dr o. Merci viu mou.

Hallo xenia. Wi geits dr so?

Hoi Himugüegeli. so wiit so guet. nur das mini Täg wieder im a marsch sind. han kein es gha dä monet und bin Z22 und düte uf dTäg ah. han jetzt dä clear blue bstellt gha und hoffe mit dem wirds chli besser zum "time". wie gahts dir? Bisch scho idä erste kontrolle gsi?