Sommer 2010 kinder

Hoi zäme
Euse chli isch im August 2010 uf welt cho!
Gits do no anderi mamis mit Sommer 2010 kinder?
Wie gots eu so?
Lg

Hoi binchen

Mini chli (so chli isch sie zwor au nüme) isch nid im august uf dwelt cho aber im november. Schriebe ez glich retour, het euen chline scho alli zäh übercho? Mini isch ez grad voll dra, hüt morge chli de durchfall gha , praktisch nüt gesse und immer finger im muul. Recht mühsam momentan ... Hoffe es goht nüme lang bis alli dusse sind. Bisch du vorher au im bc gsi?

Gruess
Missdi

Hoi Missdi
Klar chasch au schribe!
Mine hät jetzt all zäh, die letschte sind vor 1 monet cho! Hät lang brucht bis all da gsi sind!
Ja isch muesam wens am zahne sind, mine hät öpe die fieber gha vom zahne. Wie viel fehled den no?
Ich bin vorher au im BC gsi, du au?
Lg

Hallo
I han es März 2012 Kind und schrib jetzt trozdem au mol!
Ui wais gar nüm genau wen mini Tochter die letschte zähn kriegt hed, aber sie hed scho recht lang alli zähn und zum Glück au nie gross reagiert bim Zahne. Dafür hed sie sich de erscht ecke vom schufelzahn letschte herbscht bim velofahre usegschlage...
LG

Hoi Dialla
Ui, grad en ecke vom zah weg. Bisch zum zahni oder macht mer do no nüt?

hallo binchen und ali andere

I ha au e summerkind 2010..gnauer gseit im juli! Wiä isch den da bi eure kind mitem troche werde? Min sohn isch im herbst paar wuche ohni umeglofe wen er het müeße heter immer e mega theater gmacht bis i ihm halt windle agleit ha! Er wot eifach nöd ufs wc/hafe! Im moment schreit er sofort umenand weni ihn nackt laufe lo wil! De hilft au kei underhösli.. Hoffe fest das im summer chli fürschi goht! Wiä klappet da bi eu?

Hallo zäme mini muus esch im November uf wält Cho aber ech hoffe mer chönnt üs trotzdem gägesitig ustusche Liebs grüssli

Melone kenne mir eus us em bc oder?
Also min chli hät mit 18 mönet agfange intetessi zeige für töpfli/wc, hät den au gseit wen er gagi muen den hani ihn grad druf gsets hät aber ned immer erfolg gha wa ja ned wichtig isch! Bis im herbst isch interessi sehr gross gsi und teilwiss sogar gagi dri! Den hani ihn amigs am morge zum a lege und am obig zum pijama a lege uf wc gsetzt, meistens isch au öpis dri! Doch öpe im dez. hät er gar nüme wele druf und jetzt chunts langsam wieder, setzt in eifach wieder am morge und abig druf! Er seit wen er muen gagi mache und mängisch au bisle, aber weni ihn den fröge uf wc gho wot er den ned. Han denkt probiers den im sommer wieder me, da chönts ja guet blütle!

Nagellack ja sicher chasch au do mitschribe, wie gots eu so?

Lg binchen

guete morge

Jo genau binchen mir kenned üs vom bc! Super het din sohn scho es paar erfolg gha.. Mine seit immernonig wen er gaggi mue.. Chund erst go rüefe wen er scho duße isch! Naja.. Ha viel hoffnig das er eis vo dene kind isch wo über nacht troche werdet!

Hallo zäme
Ich bi per Zuefall uf euri Biträg bezüglich "troche wärde" gstosse und ha dänkt, ich mäld mi au emol. Mi Sohn isch im Juni 2010 uf d Wält cho. Leider klappt das mit däm Häfeli ebe au noni! Wo ich öpe vor eme Johr drmit agfange ha, het är sogar no Angscht gha dört druf goh sitze. Mittlerwile sin mr sowit, dass är am Morge (nochem Milchschoppe) druf sitzt. Denn chunt au meischtens ä Bisi, scho zweimol het är au sis Gschäftli chöne mache. Aber normalerwies leg ich ihm denn d Windle a und denn fühlt är se! Är seit mir ebe au nit vorhär, wenn öpis unterwägs isch und zu allem Übel störts ihn au nit, wenn scho öpis drin isch. Denn hesch als Mami gar kei Argumänt!!!
Ha mir das Thema viel eifacher vorgstellt, finds aber rächt schwer, wenns Chind gar nit so mitmacht.

Und bi uns chunt ebe no öps anders drzue: In zwei e halb Wuche chunt si chline Brueder uf d Wält! Ich ha scho mehrmals ghört, dass sie denn eh wieder Rückschritt mache in dr Suberkeitserziehig!

Het denn öper no ä paar gueti Tipps? Und liebi Melone, wie meinsch das mitem Znacht troche wärde? Chunt das nit sowieso erscht spöter?

Liebi Griessli, Lion

Guete morge ond wie gohts euch? Üs gohts guet send euchi kender Au voll ide trotzphase? Mini groß goht eigentlech de ganzi Tag ufs töpfli aber mägisch het sie Au so täg wo sie wendle wett mech stört das net well plötzlech wents den gar kenni meh ond wenn de Sommer chonnt gohts den secher Au besser

lion.. Uih en lange schwere weg bis jetzt.. Glaub dir das angst häsch seg als umsuscht gsi.. Cha dir leider au kein tipp geh! I ha nöd gmeint troche werde ide nacht sondern über nacht, bezw vo eim tag uf de ander! Alles gueti den fürd geburt!

Nagellack super macht dini chli da scho!

Ach so, Melone....grins....jo also dere Hoffnig chan ich mi guet aschliesse!
Danke vielmol für dini Glückwünsch. Bi scho sehr gspannt, wie är ufs Baby wird reagiere!

Het denn öper vo euch scho ä zweits Chind becho sit 2010?

Oh ja, die Trotzphase kenn ich au!
Das brucht denn amigs Närve wie Drohtseili! Zum Glück passierts eher deheim und nit dusse. Aber d Lüt luege jo nur scho doof, wenn d Chinder chli lüter proteschtiere oder brüele. Mega müehsam, die Blick!
Wie hän dirs mit Nuggi abgwöhne?
Lg Lion

lion i ha leider no keis 2.kind..

Jo diä blick vo dene lüt amel.. Unbegriflich!

Wegem nuggi.. Isch grad au so e großes thema bi üs! Mine het eigentli langi zit nume zum ischlofe oder wens ihm nöd guet goht brucht.. Sit kurzem wöt er aber am liäbste de ganz tag eine! Leider verbißt er ali und mir händ en nuggi verschleiß vo 1-2nuggi pro wuche! I nimm de nuggi immer weg und tuenen ablenke.. Grad vorer sind mir umegrennt.. Er mir hineno wili mitem nuggi weggrennt bi.. Findet er aber luschtig.. Oder i säg ihm di ganz zit dasi ihn nöd verstoh wen er mitem nuggi im mul redet den nimmt er en selber use! Suscht weißi au nöd wa mache..

Hoi zäme

Ja, trotzphase kenni mir au sehr guet! Im januar/ februar ganz schlim gsi! De chli hät sich ganze gsicht verkratzt gha! Massivi wuetaffäl, bin sehr a mini grenze cho i de zit! Jetzt momentan besser, nur kurz und me chan ihn schnell beruhige!

Thema nuggi, min chli nimt ihn nur no zum schlafe! Susch versteck ich ihn de tag dure! Wür in susch nä wen er ume lige wür! Han denkt wen er den 3 wird im august den probiere mer de buggi ganz weg lo!

Lion alles gueti für dis 2! Mir sind am üebe für 2.

Lg