Sommer 2010 kinder

Hallo zämä

Ich erkenne mini chli i eune biiträg mega lustig wie ebe glich alli glich sind.
Mini isch au so weni ihre d windle abziehe gits es riese gschrei bis ich ihre d windle wieder alege. Suscht het sie au kei interesse zum ufs töpfli go, setze sie immer mol wieder druf aber es chunt nüt. Denke aber au dasi im summer den voll mich uf das thema konzetrier den isch es au nid so en ufwand wen öpis denebet goht!

Mir bruchet de nuggi nur no zum schlofe und suscht nüme, mir hend en platz bestumme ( wo sie ellei nid ane chunt) weni sie wach wird darf sie en döt versorge und wen sie goht go schlofe darf sie en wieder go hole! Da goht super, sie het vorher de ganz tag en nuggi im muul gha! Sit eim monet hemers ez gschafft und ez verstoh ich die scho gar nüme wen sie red mit en nuggi im muul. Die erst wuche isch recht astrengend gsi zum 100 000 x sege chunsch en erst über went is bett gosch aber ez im nochhinein bini echt froh hemern weg.. Ich gib en im dezember im samichlaus mit de nuggi und den simer hoffentlich nuggi frei, das wer mol min plan !!

Gruess
Missdi

Salut zäme
Denn wünschi euch, Binchen & Melone, vo ganzem Härze, dass es bald klappt mit ere zweite SS und viel Spass bim Üebe!
Bi mir hets au nit grad klappt gha, ha zerscht no ä Fehlgeburt gha und denn isches nomol 5 Mönet gange. Es isch halt immer wieder ä riesigs Wunder, wenn so ä chline Mensch entstoht!

Hihi Missdi, gäll me erkennt zum Teil wirklich sis eigene Chind wieder. So witzig!
Zum Bischpil das mitem Nuggi han ich ganz ähnlich gmacht: Mi Sohn isch totale Zebrafan. Per Zuefall het är uf Wiehnachte vom Götti ä Holzzebra becho, wo me mit sine Lampibei cha uf dr Chaschte setzte. Dä sitzt jetzt dört obe und bewacht durch dr Tag s Schächteli mitem Nuggi drin, wo mr am Morge dört dri tüen und vorem Schlofe wieder use nähme! Es het ihn sehr motiviert, dass s Zebra jetzt uf si Nuggi ufpasst.
Das mitem Santichlaus find ich au ä gueti Idee!

Melone, är verbisst se au immer, was ich sehr müehsam find! Sie sin jo au nit eso billig, die Nuggis!

Mir hän au fescht agfange ohni Buggy unterwägs z'si. Als Üebig, wenn denn s Baby do isch! Klappt sehr guet und är mag sehr wit laufe. Ha jetzt aber glich no ä Buggyboard für an dr grossi Kinderwage kauft! Wenns denn emol zackig muess goh, isches eifacher!

Lg Lion

missdi den sind mir wohl öpe glich wiet mitem troche werde..

Lion.. Tuet mir leid weg de fehlgeburt.. Freu mi um so meh für di das wieder so schnell klappet gha het! I bi sit jan.2012 am üebe, ha vor 2wuche e buchspieglig gha und werd i 2-3monet nomol müeße operiere.. Au kein eifache weg.. Aber wird scho no emol klappe!

Ohje Melone...das tönt aber nit grad agnähm! Dörf ich froge, wieso du hesch müesse ä Buuchspiegelig mache, bzw. wieso du nomol muesch goh? Sorry, für mini offeni Frog!
Das tönt wirklich nit noch eme eifache Wäg. Jedi OP isch halt eifach ä Igriff! Vor minere erschte SS hani ebe au scho ä Fehlgeburt gha. Drum hani jetzt scho zwei Uskratzige mit Vollnarkose gha. Bähhh, es sin halt scho immer mir Fraue, wo denn müen ane hebe!!!
Aber wie du gsehsch, bin ich nochem erschte Igriff wieder schwanger worde und jetzt au noch dr zweite OP! Also d Hoffnig nit ufgäh! Ich drugg dr fescht Düme! Liebi Griessli, Lion

lion.. Oh je häsch da grad 2mol duremache müeße.. Da tuet mir wahnsinnig leid! Da isch s'schlimmste wos git! Also es isch so bi mir das i niä mini mens übercho ha und es het sich den e 8cm zyste bildet gha.. Bi de op zum da useneh händ gseh das sich diä zyste ganz um de eileiter gwicklet het.. Bim entwirre händs gseh das kei bluet me dur de eileiter het chöne und drum e stuck abgstorbe isch.. Da händs abgschnitte! Jetzt wänds ide 2.op da wieder herstelle! Bi eifach froh das wenigstens 1site als guet isch! I wöt dir danke fürs ufbaue und fürs muet zuespreche! Und danke für dini gschicht da zeigt mir dasi würkli niä ufgeh dörf!

Hallo Zusammen

Melde mich auch mal hier bei euch

Meine Tochter ist im Mai 2010 geboren. Und im September 2012 habe ich einen Sohn bekommen.

Das mit dem trocken werden ist so ne Sache... Aber ich kann euch Mut machen, denn die Hoffnung über Nacht trocken zu werden ist berechtigt! Wir hatten dieses Glück Unsere Kleine hatte Anfang letzten Sommer eine Phase wo sie auf die Toilette ging. Dann plötzlich konnte sie irgendwie nicht mehr loslassen und klagte über Bauchweh. Da hab ich ihr ne Windel angezogen und es ging wieder. Danach kündigte sie immer an wenn sie musste, wollte aber gar nicht mehr aufs WC. Der KiArzt hat mir dann gesagt ich soll sie einfach lassen. Ich dachte wie Du Lion wenn der Kleine dann kommt geht's ja sowieso nicht mehr. Er ist ja dann im September geboren und anfangs November, nach einem Besuch vom Cousin der gerade dabei war zu lernen auf WC zu gehen, wollte sie auch wieder. Nach 2 Tagen immer trockener Windel hab ich ihr gesagt jetzt gehen wir Unterhosen kaufen und du darfst sie dir aussuchen. Am Abend war für mich dann klar jetzt ziehen wir eine Windel an, aber sie sagte: nein Mama ich will die Unterhose! Da dachte ich was soll's, dann lass ich sie mal eine Nacht und von da an ist sie Tag und Nacht trocken!!!! Unglaublich

@ Lion: wow dann bist du ja gerade im Endspurt, wünsche dir dafür alles Gute!

@ Melone: das tut mir sehr Leid! Ich hoffe sehr dass sie den Eileiter wieder herstellen können! Ich hatte im 2009 eine Eileiterss, der Eileiter konnte aber erhalten werden.

So nun wünsche ich euch allen einen schönen Abend
Lg

hallo snoopy

Super wiä dini tochter troche worde isch und sogar au ide nacht da haut mi um vor begeisterig.. So würis mir au wünsche wen mer wähle chönti..
Das du e eileiterschwangerschaft gha hesch tuet mir leid.. Zum glück ischs guet usecho.. Cha jo au richtig gföhrlich werde! Danke fürs guet zuerede!

Hoi snoopy
Hät ja super klapet mit troche werde bi diner tochter!
Wie isch es mit 2 kind? Stell mir da immer sehr streng vor!

Frage, wie gots bi eu mit schlafe?
Min sohn chond fast no jedi nacht zu eus übere, git fang so 1-2 nächt i de wuche wo er dureschlaft i sim bett! De mittagsschlaf macher er no sehr gern, weck ihn aber nach 1 1/2 stund spötistens susch wirds am abig spot bis er i schlaft.

Guet nacht!

guete morge

Binchen.. Schloft din sohn den grad wieter wen er zu eu chund?

Min sohn schloft eigentli immer dure i üsem familiebett.. Aber er brucht ewigs bis er ischloft! Mitagsschlof isch echt e problem sit fast 2mönet.. Er wöt nöd pfuse.. Wen mir den halt ohni use gönd wiä gest zbsp isch er fix und fertig und klammeret uf mim ma sim arm so fest bis er schloft.. Kei chance gha zum ihn devo abzlenke.. Oder den pfused er amel sofort scho im auto.. Oder wen er mol durehebt ohni pfuse und mir am 6 de hai sind goht er vo elei is bett und schloft sofort.. Und defür wil er den wieder am obig nöd is bett.. Eifach mühesam!

Hoi

Ja er schloft grad wieder i wen er zu eus übere chund! Er schloft so um di 20.30 i sim bett i und chunt den meistens zwüschet 23-2 Uhr zu eus übere!
Wie mached ihr den da mit bs? Wen de chli vo afang nacht bi eu schlaft! Weni froge dörf!
Bi eus isch da mängisch sehr stressig, also mir händ vo 21- 22.30 zit für bs nacher müend mir jeder zit demit rechne das de chli übere chont! Isch ned grad immer lustfördernd so!

O den händ ihr ja momentan sehr strengi nächt, da mit em mitzagsschlaf verweigere hämer au scho gha isch müesam! Nacher hät er immer so um die 18uhr gschlafe für e stund und nacher sehr spot i gschlofe um di 23uhr. Hoffe das da e kurzi phase bi eu isch und bald wieder gregleti schlafenszite händ!
Liebe gruess

Hallo zämä

Oh die schloferei isch echt mühsam, mini chli darf so spoth nüme here liege den gits wachhaltigsprogram vo mir. Ich due sie am 8 is bett den schloft sie dure bis ca. 7 und am mittag schloft sie nomol 2 stund. Ez pfüselet sie 2 1/2 stund mue sie go wecke! Ich ha sie immer no im gitterbett und zwei stäb sind duse über mittag i de nacht machi zue will sie suscht au uf wanderschaft goht und zu üs chunt. Mini kollegine findet ich sötts langsam weg loh, aber mir sind alli viel usgruhter und agnehmer wen mir chönd dure schloft statt all nächtlich sie wieder is bettli due! Was meinet ihr?
Ich cha sie eifach is bett lege und weg laufe sie schloft den i churzer ziit i da goht zum glück scho lang so... Am afang hani au müesse am bett bliebe und händli hebe...

Gruess

missdi.. Isch doch super wen dini chli so guet schloft! Wiso sölsch den jetzt öpis ändere wens doch für ali optimal isch? I wür wieter so mache wiä bisher! Wa für wachhaltetricks häsch den du? Im moment chan mern uf de kopf stelle und er wür trotzdem ischlofe!

Binchen.. Guet wen er grad wieter schloft.. Wird sicher au irgendwen es end ha das er zu eu chund! Bs.. Wird halt eifach immer so si das mer demit rechne mue das si ine platzed! Da wird sich wohl erst ändere wens uszoge sind! Im moment händ mir e wenig bs.. Da min ma am 4ri uf mue und min sohn spot schloft.. Schloft min ma amel vorem chline! Am wuchenend nutzed mir halt au mol de mittagsschlof oder ide heiße phase dörfi ihn wecke wen de chli schloft.. Und da de chli i üsem bett schloft mue mer halt e anders örtli sueche.. Zbsp händ mir au e bett im büro! Alles nöd bsunders romantisch aber me mue halt sbest us de situation mache!

Jo ebe gell irgendwie isch me glich verunsicheret wen den alli es gliche seget! Ich los so bis üs oder de chline nüme passt den suechemer en neue weg! Wen sie müed isch und nid darf schlofe den gangi entweder nomol use mit ihre , due sie bade, knete, mole usw. Eifach ablenke, isch mengmol mega astrengend will wens so müed sind gheiets über ihri eigne füess und e brüelletei weg jedem seich! Ich luege dasi immer um die gliche ziite esse gib und is bett due den chasch alles guet schiebe bis de richtig rhytmus gfunde hesch....

hallo missdi..
Jo genau uf zit tueni au immer luege.. Aber ebe sit fast 2mönet klappet de mitagsschlof nüm.. Und i ha echt scho ali ablenkige versuecht.. Wen er schlofe wil den macht er da! Und am obig liet er lang eifach im bett und verzelt am papi jenstes.. Findet eifach de schlof nöd.. Naja.. Wird sicher au wieder verbi go!

Guete Morge zäme

Hüt nochem Ufstoh isch mi Sohn ohni ä Gstürm ufs Häfi gange und het denn schön alles chöne "erledige"! Het sälber mega Freud gha unds ganz stolz im Papi müesse präsentiere!
Ich hoff das bliebt jetzt eso und är seits irgendwenn emol sälber, bevor öpis chunt!

S Schlofe het bi uns vo Afang a ganz guet klappt! Är isch au zum Glück ä richtige Schlofbär, wo vom 7i Zobe bis am 8i/halb 9i am Morge dure schloft. Sin in dere Hisicht sehr verwöhnt!
Bis letschte Herbscht het är no sis Mittagsschlöfli gmacht. Aber denn isch är vom 8i bis am 9i Zobe wach in sim Bettli gläge und het nit chöne ischlofe. Zwar zfriede, aber är het uns glich leid do. Also han ich dr Mittagsschlof zerscht afo chürze und schliesslich ganz wägloh. Är macht jetzt eifach no Siesta, d.h. är liegt uf sim Bett und lost ä Gschichtli. Noch ere Stund rüeft är mir denn! Drfür mach ich ihn denn aber scho am 7i ins Bett und denn schloft är noch 2Min. i!
Bi jetzt scho sehr gspannt wie das wird, wenn denn s Baby do isch! Verwacht är denn au in dr Nacht? Will är nit ins Bett goh, wills Baby no wach isch! Uiui, es wird spannend!

Snoopy78, was hesch du do für Erfahrige gmacht bezüglich schlofe? Übrigens toll, dass es trotz Baby so guet klappt het mitem Troche wärde. Das macht mr grossi Hoffnig!
Danke für d Wünsch, ich fühl mi sehr guet und chas amigs gar nit glaube, dass es nur no zwei Wuche goht!

Danke für di Bricht, Melone. Bisch also wirklich ä Armi. Finds aber mega, dass sie in ere zweite OP versueche dr Eileiter wieder härzstelle. Das hani no nie ghört! Ich wünsch dr sehr, dass alles guet chunt und dänk an di! Übrigens han ich zwei Kolleginne, wo ei Eileiter hän müesse entfärne lo. Die Einti hets Baby im Sept.12 becho und die Anderi bechunts im Juli 13! Also d Hoffnig nit verliere!

Missdi, das mitem Gitterbettli isch doch völlig ok, wenn die Chlini sich no wohl fühlt. Meischtens isch jo s Problem, dass d Kinder nüm wänn "igsperrt" si! Unsere schloft zwar im grosse Bett (mit eme Rahme drum), drfür immer no im Schlofsack. Är hät au ä Decki, will aber immer in Schlofsack ine. Ich ha im jetzt für dr Früehlig (wenn är denn mol chunt) ä 130cm Schlofsack kauft! Är wär au immer no in sim Gitterbettli bliebe, aber ich ha ihn ans neue Bett welle gwöhne, bevor s Baby do isch. Drum hän mr gwächslet! Lo di nit verunsichere!

Ui, sorry für mi Roman! Liebi Griessli, Lion