Sommer 2010 kinder

Hallo Zämme
So schafes au wider mol zum schribe!
Mir hend im März 2012 unser zweits kind krieget. Isch am afang echt megga astrengend gsih aber nid umbedingt weg der grosse sondern eher well unser Sohn eifach e echt astrengends Baby gsih isch, wo megga viel gschraue und sehr wenig gschloffe hed.

Jo sie hed sich d zähn ganz blöd agschlage und mir sind den notfalmässig zum zahnarzt. Aber isch i dem alter megga schwer öpis mache würd nume mit volnarkose goh, das hend mir nid für nötig gfunde, sind jo zum glück die erschte zähn. und wemmers nid weiss falts gar nid so gross uf (isch nid so e grosse ecke)

Ha grad müesse lache die 2010li sind sich glaub no ehnlich! Mini hed au immer no pampers ah. Sie god au immer am morge und obig ufs wc und sunscht will sie nid. geschter hed sie zum erschte mol am morge kai pampers wölle alege, i bin voll begeistered gsih und han sie andauernd gfrogt öb sie ufs wc mues. Eimol heds super klapt, plötzlich kunt sie aber hüllend zu mir und sait mami i will wider pampers alege. D hose isch nass gsih. han grad kli grinse müese. Naja ihri motivation isch etzt glaub wider vorbi...

De nuggi hed sie sich selber vor ca 6 monat abgwöhnt. Sie hed in ame obig hässig zum bett usgschmisse, i han in den eifach uf d site glegt und sie hed ohni gschlofe. Han am negschte tag ihre gseit well sie ohni nuggi gschlofe heig dörfi sie sich etzt es gschenkli ussueche. Am obig hed sie den gfunde mamai papi und de Lian (de Brueder) bruched kai nuggi sie brüchi etzt au kain meh!
bin echt erschtunt gsih wie super das klapt hed sie hed nie me danach gfrogt oder ein wölle....

So etzt ischs grad kli en roman worde!

Wünsche eu en schöne obig
LG Dialla

guete morge

gohts eu guet? Hender e schöns wuchenend gha?

Lion.. Super händer wieder en erfolg gha! Jo därzt händ gseit si empfehled mir di 2.op zmache zums wider verbinde.. Hetets gseit me chans versueche aber chance sind chli de würis nöd mache.. Wiä du seisch me cha au mit nume einere site schwanger werde!

Dialla.. Genau min sohn het au mol so erlebnis gha., het an bode bislet und isch so verschrocke ab dem het fast brüelet.. Ha ihm zwar gseit das keis problem isch aber sit do immer am umeschreie wen mern ohni windle lönd!
Super hät dini tochter da gmacht mitem nuggi!

Am samstig het min snhn kei mitagsschlof gmacht.. Und isch am nomi ohni windle umeglofe.. Wc/hafe wil er nöd.. Het den uf sin spielteppich bislet! Naja.. Am obig isch er den scho 20.30 ipfused.. Es wunder! Am so hämer den da wider so mache wölle.. Kei chance.. Sofort am mitag ipfused.. Und am obig bis sicher 23.00 im bett am rede!

Hallo Zusammen

Ja mir hei sehr sehr guet gha mitem trochä werde! Wärde de öppe derfür bim 2te meh kämpfe es isch ihre ou scho 2,3 Mau passiert das öppis ab isch u de isches für sie der totau Weltungergang! Gloub das heisi einfach gar nid gern....Derfür hani absolut ke Chance ihre der Nuggi abdsgwöhne, es git jedesmau es Gschrei und Getobe weni nä o numä über Tag möchte verrume. Das mit der Nuggibox hani ou scho versuecht, ke Erfolg gha:-(
Ja es isch scho streng mit 2 Rackerlis, aber ou schön! Ganz am Afang nach der Geburt vom Klinä hanis eigentlich gar nid so streng gfunde, er het üs o sehr verwöhnt mitem Pfuse! Er isch immer nume 1x cho ihr Nacht und ou am Tag het er seeeehr viu pfuset! I ha meh ds Kämpfe gha mit der Große. Wo i mit ihm bi heicho het sie gar nüm wöuä ga schlafe, dänke sie het Angst gha öppis ds verpasse oder so. Vorher sie mir o mit ihre sehr verwöhnt gsi. Am Mittag sowie ou am Abe wach ids Bett u meistens ziemlich schnell ipfuset! Düregschlafe het sie ou immer guet. Sie het o nie bi üs im Bett pfuset. Und plötzlich es riiiese Theater. Sie isch totau übermüdetet gsi u trotzdäm nid wöuä schlafe..... Am Mittag hani de vo mire Hebamme der Tip übercho sie nid zum Pfuse schicke sondern sie mües jetzt e Pause ga mache. Am Afang isch sie de so 5-10 min im Zimmer blibe, aber scho ziemlich bald bis zu 45 min. Ha ihre de e CD mit Kinderliedli kauft und die darf sie immer lose u wie sie fertig isch umä usecho. Zu 95% schlaft sie aber nach kurz oder lang eh i u we nid de bleibt sie aber schön im Zimmer so hani glich chli Luft und ou sie het chli Ruhe. Wenn sie nid pfuset isch sie so ab dä 5i grantig, versuche sie de aber no wach ds bhaute u stecke se de e haub Std frücher id Bett.....mittlerwilä het sich das sehr guet ipändlet, der Chli schlaft sit er 8 Wuche isch o düre u seither geit o sie umä mehrheitlich ohni Theater ids Bett. Dänke scho dases für di Grossi isch es Problem gsi wenn ds Bebe no isch uf gsi u sie hält ids Bett söuä. Ou am Mittag hani de möglichst gli agfange die beide glichzytig untere ds tue, so isch viu besser gange und i ha ou mau kurz chli Ruhe
I ha aber extrem Müh gha dermit dasi immer ds Gfühl ha gha i wärdi keim vo beidnä meh grächt! Bi nid dä Typ Mami wo es Chind cha la gränne, aber mit 2 hani de sehr schnäu müesse merke dases i gwüssnä Situationen gar nid möglich isch. Das het mir fest Mühe gmacht u i ha geng ds Gfühl gha i längi eifach nid! U sit ca 2-3 Wuche merki jetzt dases mit 2 mängisch o einfacher geit! Der Chli düset jetzt scho mit sim "Taxi" dürd Wohnig u sie gniessts Mega wenn sie ihn cha umestosse oder ou haut mängisch chli ärgere,oder so.... Uf au Fäu gäbe sie sich immer meh mitenand ab, das git mir Glägeheit mau i Ruh ds Koche oder chli ds putze etc.

Missdi: i gseh absolut nid i wieso du das Gitterbett sötsch wegnäh wenns doch so guet louft mit Schlafe! La dir da ja nüt la dri rede, schließlich mueses für euch stimme!

Uiui das isch ja eh riesige Bricht worde, sorry

I wünsche euch aune e schöne Abe und e ruhige Nacht

Grüessli

Hallo zäme

@Snoopy78: Viele Dank für di usfüehrliche Bricht bezüglich eme zweite Chind. Isch für mi sehr spannend gsi zum läse! Ich hoff sehr, dass s Baby au so ä guete Schlöfer isch. Hoffe dörf me jo! Hihi!
Dr Gedanke isch mr ebe au scho cho, dass dr Grossi denn plötzlich nüm ins Bett will, wenns Baby no wach isch!

@Dialla86: Hmmm, me goht oft drvo us, dass s Ältere chli Problem wird mache, aber wie du schriebsch, es chönt jo au s Baby si. Wie hesch denn das gmeisteret mit zwei Chinder? Huet ab vor dir! Übrigens ä cooli Sach mitem Nuggi sälber abgwöhne, ghört me nit oft!

@Melone: Nit ufgäh...villicht brucht die Umstellig eifach no chli Zyt. Und je älter är wird, desto besser wirds goh ohni dr Mittagsschlof. Aber gäll, sie dure eim scho, wenn sie eifach soooo lang dr Schlof nit finde? Evt. chöntsch dr Mittagsschlof vo Tag zu Tag eifach immer chli mehr kürze, so dass är z.B. nur no ä halb Stund schloft. Oder het är denn schlächti Luune, wenn du ihn wecksch?

@all: Es tuet mir übrigens mega guet zläse, dass alli Mamis mit ihrne 2010erlis mit de ähnliche Problem zkämpfe hän. Finds sehr wärtvoll, dass ich mi mit euch bitz ustusche cha!

Lg Lion

hallo

Lion.. Jo isch im moment würkli chli astrengend.. Hüt het er au wider spot mitagsschlof gmacht.. De hanen würkli 45min brucht zum wecke.. Ha sanft agfange mit kuschle strichle und rede.. Irgendwen hani liächt gmacht und grüttlet und de hanen eifach ufgnoh und ufs sofa gsetzt.. Versuecht beschäftige aber er schloft di ganz zit wieter! En rechte kampf.. Und jo er isch mega südderig wen is mol gschaft ha zum wecke! I hoffe mir findet bald de richtig weg..

Findes au super chönd mir üs do ustusche!

Findes au guet zum lese wiäs bi eu mit 2kind lauft.. Natürli wirds bi mir bitz anderst si da min sohn jo nögst johr scho in kindergarte goht..

Hallo liebi Fraue

Ha hüt grad ä saublöde Morge/Mittag mit mim Sohn und sinere dumme Luune müesse verbringe. Do är suscht eigentlich ziemlich usgliche isch, isches für mi sehr ungwohnt gsi! Scho dr ganzi Morge isch är quängelig gsi, het zu allem Nei gseit, het nit welle folge und wenn ichs stränger gseit ha, denn het är nur no brüelt. Isch wirklich obermüehsam gsi! Denn han ich extra öpis guets Zmittag kocht, ha mr mega Müeh gäh und was macht är.....verweigert s Ässe und sogar s Trinke total! Isch abe vo sim Stuehl und het nüm welle zrugg cho. Irgendwenn isch mir denn dr Geduldsfade grisse...ha eifach nüm möge und dr Buuch het afo weh mache...und ha ihn ufe ins Zimmer treit und ins Bett do. Ich ha ihm gseit, dass ich fescht enttüscht bi und mir s Nomitagsprogramm absage. Us luter Fruscht sin mir denn au Träne cho...wahrschinlich mini Hormon! Das het bi im aber grad dr Schalter umglegt. Het ufghört mit Brüele und isch sich bi mir cho entschuldige. Dr ganzi Nomitag hani s liebschte Chind deheime gha. Bi aber konsequänt bliebe und ha mine Kolleginne abgseit, obwohl ich mi sälber au gstroft ha!
Hän dir au scho so fruschtrierendi Momänt erläbt?

Lg Lion

guete morge lion

Ohje.. Astrengend wens so sind.. Min sohn het au sone phase gha wo er ohni grund brühelt het! Isch den au mega hàßig gsi und is zimmer, bäng türe zue! Zum glück gönd so phasene au wider verbi! Da wegem eße verweigere kenni au sehr guet.. Grad am mäntig heter au kei zmittag geße.. Het glueget was git.. Wäh grüsig.. Obwohl er suscht da au immer geße gha het.. Wen mer als koch sich extra viel mühe git und au länger ide kuchi stoht nervts eim natürli umsomeh! Min sohn isch e mega heikel.. Eis dörfsch nöd vergeße.. Es goht au andere müetere so.. Bisch nöd elei! Und so hochschwanger verliedet mer sicher nochli weniger wens nöd lose wänd!

Schöne tag no.. Hoffe lauft hüt wieder als beßer!

Liebi Melone

Viele Dank für dini liebe Wort. Es tuet eim immer wieder guet, wenn me ghört, dass me nit ellei isch! Aber wie du seisch....so hochschwanger vertreit mes eifach no weniger.
Hüt isch mi Sohnemaa wieder s liebschte Chind, höcklet scho ewigs an sim Tischli und tuet knäte. Allerliebscht!
Zum Glück überwiege die positive Momänt um "ein vieles", denn suscht hät glaub niemerts Chinder!

S Thema Ässe und "schnäderfresig",bzw. heikel si, find ich au ä spannends Thema!
Wie lauft das bi euch mitem Gmües ässe oder öpis Neus probiere?

Liebi Griessli, Lion

gmüeß wa isch das? Mue jetzt echt grad überlege weles er ißt.. Rahmspinat, Peperoni, zugetti, tomate und gurke.. Rohi rüebli.. Ich glaube das ischs gsi.. Und neui sache probiere.. Meh als selte.. Und wiä ischs bi dir? Mine isch echt heikel.. Het langi zit kei brot geße.. Und den uf eimol doch und jetzt scho wieder e wili nüm.. Min sohn ißt kei teigware(ußert spaghetti) kei risotto oder milchris.. Kei polenta.. Kei uflauf oder gratin.. Kei pouletbrust, kalb oder rindfleisch.. Jo mue mi jede tag froge.. Wa bliebt den no übrig? Nüm viel..
Wiä isch da bi eu?

Güte Abe mitenand

Ohje Lion i kenne das nur zu gut! Die chlina Cheibli, mängisch möchti i dä Kopf chönne ineluege. Und de hani aube ds Gfühl sie merkts so richtig wie mini Geduld immer weniger wird und macht glich weiter bises mi vertätscht..... Grad hüt ume, am Morge e regurächte Engu und nachdem mir am Nami si dusse gsi het sie partout nid wöuä inecho... U de schreit sie die ganz Nachbarschaft zäme aus hält i ihre es Messer i Rügge gstosse....u zwar solang bisi d Geduld verlüre und ihres heissgeliebte Guetnachtgschichtli ha gstriche..... U wie d Melone scho gseit het, schwanger mamä eifach weniger verliide! I bi denn o immer grad dä Träne nöch gsi....das mitem Schlafe wenn es Gschwüsterti chunnt isch gloub eifach e schwierige Umstellig fürs Ältere.... Wobi das mues ja bi euch nid so sie. Mir hei de am Afang mängisch der Chli o eifach i sis Bettli gleit, mit der Große bi ihm es Guetnachtliedli gsunge usw, uns sobald sie de isch im Bett gsi hei mir ihn umä ufgno het natürlich nid immer funktionniert, aber mängisch hets ghoufe

Melone i hoffe ou das sich das mitem Mittagsschlaf gli ipändlet bi euch! U das cha sich ja mängisch schnäu umä ändere... Wie i ja scho gschribe ha es zytli het sie sich totau gwehrt u isch när totau übermüedet gsi und plötzlich geits eifach wider....

Esse isch es spannends Thema üsi isch scho immer ke grossi Esserin gsi! Immer nume ds Minimum.... Lang het sie aber ziemlich querbeet aues chli probiert. Und plötzlich het sich das gänderet. Und zwar ohni richtige Plan. Ei Tag isst sie numä Reis u zwöi Täg später heißts wähhhhh. Denn drü später verlangt sie ume derena. Am Sa het sie sich am Mittag nume vo Rüebli ernährt und gester kes einzigs gno.... Auso bi üs isch momentan chli Lotterie agseit ds einzige woni weis zur zyt darf nüt grüens ids Teller usser Gurken. Nid mau es Krütli oder so.... Hehe Melone, frage mi würklich grad was steusch ihm de uf???

Lg u e Güte Abe aune

hihi.. Lotterie da kenni.. I mue ebe jetzt wieder afange neui sache versueche..
Er het spaghetti sehr gern carbonara und bolognes.. Linse mit natur jogurt.. Herdöpfelstock mit ghackets.. Fisch.. Curryris.. Ect.. Git scho paar menüs.. Wa chund den bi eune kids guet a??

Tja mit Fleischkügeli u Härdöpfustock isch fasch geng der Hit. Teigwaren isst sie eigentlich o gern. Hackfleisch mit irgendem nä Gmües drin. De Wienerli und Fleischkäse si ou beliebt. Lustiggerwiis steit sie momentan uf Suppe.... Cha sich aber schnäu ändere....Hüfig machi chli Salat derzue, Rüebli oder Gurke isst sie meistens chli. Mängisch si ou dämpfti Peperoni guet, cha de aber ou grad guet sie dass sie sä lat la stah.... Hei das eui ou? Wenn sie öppis nid gern het de mues das sofort aues usem Teller use, unmöglich dass sie's eifach nid isst, nei es mues sofort usä.... das regt mi de aubä uf wesi mers de eifach ufä Tisch usä tischelet, grrrr..... Oder besser no grad ufe Bode....

snoopy.. Nei da macht mine eigentli nöd! Scho no intreßant!

Hallo zäme

Wie gohts euch allne eso? Ich ha hüt mega schlächt gschlofe. Bini überhaupt nit gwöhnt, do ich jo suscht ä totale Schlofbär bi und ohni Unterbruch dure schlof. In dere Nacht bini aber schweissbadet ufgwacht und es isch mr schlächt gsi. Bi denn chli im Bad ghöcklet und ha öpis trunke. Und denn bini ä Ewigkeit wach gläge und ha eifach nüm chöne ischlofe. Zum Glück isch hüt Samschtig und mi Maa cha sich um unsere Sohn kümmere! Ich bi ziemlich gräderet! Uiui, wie wird das, wenn denn s Baby do isch? Bi mir die Nachtschichte gar nüm gwöhnt!

Ha also wirklich müesse schmunzle, wo ich euri Biträg wägem Ässe gläse ha. Mi Sohn isch zwar vo Afang a ä guete Schlöfer gsi, drfür isch är noch dr Breizyt plötzlich sehr wählerisch worde. Är läbt bitz nochem Motto: Was der Bauer nicht kennt.....! Das heisst es isch sehr schwer, ihn für öpis Unbekannts z begeischtere. Bim Gmües isst är mit Vorliebi Gurke. Und das in rohe Mänge (immerhin), denn no Erbsli und Zucchetti. D Rüebli nur, wenn sie ganz fien grasplet sin und versteckt im ene "Eintopf"! Tja, nit grad viel! Drfür isst är alli Bilage, wie Riis, Risotto, Härdöpfel in alle Variane (dr Hit isch im Momänt Härdöpfelstock mit eme Seeli), Gries, Ebly, Teigware etc. Und s Fleisch goht natürlich au immer!
Eifach das Gmies.....! Ohje! Was är au total liebt isch Mais, ob natur oder als Salat. Frücht isst är zum Glück viel besser, aber au dört nit alles! Es isch ä ewigi Lotterie! Finds aber sooooo spannend, dass ihr euch mit de ähnliche Sache ume schlönd.
Ah öpis guets hets no bi mim Sohn: Do är jo nüt Neus probiert, isst är au überhaupt keini Süessigkeite. Ich cha näbedra tonnewies Schoggi und Dessert ässe, es interessiert ihn nit! Wenigstens isch är konsequänt! Hihi!

Bis bald, Lion

PS: Snoopy, dä Trick mit em Baby glichzytig ins Bett tue und denn wieder ufnäh, wenn dr Grossi im Bett isch, probier ich also denn au emol!

hallo

Lion da tönt doch gar nöd so schlecht wiä/wa din sohn ißt.. Ufjedefal beßer als mine und echt genial das ihn da süeße züg nöd intreßiert! Mine het gern kinder pinguin smarties schoggi kueche oder roulade und popcorn und chips! Und sit neustem fahrt er voll uf schoggi cornet ab! Aber sin schoggihase stoht immer no unberührt ume.. Ah jo er liäbt diä kinder überraschigs eier uspacke.. Schoggi selber ißt er selte!
Und i wöt dir säge weg de nächt wod den wieder ufstoh wirsch müeße.. Dv bisch jo den au nüm schwanger den het din körper au wieder me kraft und energie.. Und i denke für sis baby tuet mer doch am liäbste ufstoh(wens halt si mue)!