Sommer 2010 kinder

Liebi Melone

Jo, es isch scho ok, aber halt eifach chli eisitig mitem Gmües. Was är z.B. au gar nit isst isch Chäs! Usser Kiri Chäsli! Aber Popcorn findet är im Fall au toll! Hihi, d Oschterhase het är nur zum Spiele welle ha. Es wär ihm nie in Sinn cho, dass me die au chönt ässe.
Do chunt mr grad no ä luschtigi Gschicht in Sinn: Mir sin emol im Ikaufscenter gsi und denn hets dört ä Frau gha, wo Lindor Schoggikugele verteilt het zum probiere. Sie het mim Sohn natürlich au eini in d Hand druckt. Ich bi chli witter wäg gsi und has zerscht gar nit mitbecho. Was macht mi Sohn? Är packt die Schoggikugele sofort us und bringt se mir zum ässe! So härzig! Die Frau het riese Auge gmacht!
Du hesch völlig rächt mitem Baby. Für die chline (und au grosse) Schätzeli würd me jo alles mache und nimmt au s Ufstoh gärn in Kauf! Me cha jo denn au wieder schneller vom Bett ufstoh und muess nit so sitwärts rolle und denn langsam ufrichte! Uiui...jetzt sins no 9 Tag bis zum ET! Chas amigs glich nit so glaube, dass die SS jetzt denn scho vorbi isch!
Wie gohts dir eigentlich so? Dörfet ihr jetzt trotzdäm üebe, obwohl du ä bevorstehendi OP hesch? Chönt jo si, dass es mitem andere Eierstock klappt! Oder het me dir drvo abgrote?

Liebi Griessli, Lion

PS: Freuet ihr euch au so ufs schöne Wätter? Am Mäntig sölls jo sogar bis zu 24Grad wärde. Fascht scho übertriebe in die anderi Richtig! Was hän dr so vor mit eurne Kids?

jo lion i glaube da mitem gmües hend glaub di meiste kind so! I ha au fast nüt devo geße damals.. Hüt einiges me! Aber au i eß nöd als.. De chani doch chum vo mim sohn verlange das ers anderst macht! Min sohn ißt au nume kiri und feta!
Schoggieili.. Min sohn het au vom grosi übercho uf ostere.. Uspacke schmöcke evt abschlecke den zu mir.. Für dich.. Oh danke!
Da goht jo würkli nüm lang bis 2.schätzeli chund! Als gueti fürd geburt.. Hoffe haltisch üs ufem laufende!? Also bi grad gest bi de fa gsi.. Weni op mache wil mueni pille meh.. Cha au warte mite op und zerst paar mönet üebe.. Aber den verschiebt sich sganze mega will i noch de op warte mue bis sichs verheilt het suscht seg dgfohr füre eileiterschwangerschaft recht höch! I wöt jetzt eifach da thema op schnel hinder mi bringe!

I freu mi riesig uf di warme täg.. Endli fertig mit viel alege! mir werdet viel zit duße verbringe.. Schwimmbad, zoo, velo fahre, fueßball spiele.. Picknick! Da wird schön! Und ihr?

Guete Abe Zämä

Lion i hoffe die Nacht wird besser für di! Nachtschicht isch o nid mis u d Umstellig umä uf ds stah ihr Nacht isch mir o schwär gfauä! Aber wie d Melone scho gschribe het für di chlinä Knöpf macht mä aues.... Hei bi dir chönnts ja jede Moment losga! Bisch scho chli nervös? Wäg der Geburt meini...

Wow nüt süesses?????? Üsi chönnt nume vo Schoggi, Güezi, und so Gummischläckzüg lebe!!!!! Nach fasch jedem Esse fragt sie nachmä Dessert. I benutzes de aube chli aus Druckmittu ( weiß isch nid fair), aber so bringi sä aube derzue nö chli meh Gmües ds esse wenn sie no nid viu gno het....

I freue mi meeeeega uf das schöne Wetter, ou we der Wächsu grad umä eis extrem isch mir sie viu mitem Like-a-bike unterwegs, Spielplatz hei mir zum Glück o grad ihr nöchi, Bade tuet sie fürs Läbä gern und jetzt wes wermer wird bini ou öppe mitem Veloahänger unterwegs, das liebt sie. Haut eifach ume fasch der ganz Tag vorusse sie ( hei zum Glück e schöne Garte) ! Morn wird bi üs d Grillsaison eröffnet ......

Melone hesch de scho e Termin für dä OP? Cha guet verstah dass du das möglichst schnäu wettsch düreha!

So jetzt wünsche i euch ganz es schönes Wucheend, gniesseds
Liebe Gruess

hallo fraue

Snoopy nei ha no kein termin.. Fa mue als wieterleite an spezialist! Mol luege wiä schnel i en termin überchum bimene spezialist!

I wünsche eu en wunderschöne sunnige sunntig!

lion.. Es großes herzlichs willkomme uf de welt für de lenny! Alles alles gueti wünschi eu! Und e schöni kennelernzit! Freu mi riesig für eu und bi richtig gspannt wiä de großi ufs chline reagiert!? Erholed eu guet!

Guete Abe

Hei das si ja tolli News Lion!!!! Ganz härzliche Gratulation zur Geburt vo euem Strahlemann hoffe dir sit beidi zwäg u wünsche gueti Erholig, schönes Kennelehre und e guete Start im Familienleben ds viert!!!!

Melone ohje, Cha mir vorsteuä dass plangisch ufnä baldige Termin?!? I hoffe für di das nid lang muesch warte! Hesch ds Wetter chli chönne gniesse hüt ? I ha gschaffet, het mi grad chli agschnägglet bi däm Wetter!

Wie isch das bi euch, schaffet dir oder sit dir Vollzeitmami? I schaffe no 1 Tag ihr Wuche u gniesse die Abwächslig no-

Lg und e schöne Abe

hallo snoopy

Danke jo ha versuecht zum gnüße sind no go summerschue kaufe für de chli.. Häsch du wenigsten swuchenend gnüße chöne?

Also i schaff momentan nöd..

Wiä isch da bi eu mit eune männer und em thema erziähig? Sinder einere meinig?

Mir strittet fast täglich.. Min ma macht als nur nöd uf mi lose! Er haltet sich a kei grenze oder regle wo i ufstell.. Min sohn bestimmt ihm gegeüber wa er wil!

Ja du ds WE hani i volle Züg gnosse! Ei Tag ihr Wuche isch ja nid viu, hätt hüt eifach grad lieber chli d Sunne gnosse mit minä 2 Schätzis schön schaffisch nid, nachem SSU hets mi Mega hert gha umä adsfah, da wäri am liebste o nüm gange

Ou ja du, si üs o gar nid immer einig was d Erziehig ageit!!!! U er laht o viu meh düre aus ig.... U versteit aubä nid dasi "so hert" bi. Sie müesse ja schließlich o nid der ganz Tag die Chlinä im Griff ha.... Mir Stritte ou viu desswäge.... I ha für mi jetzt mittlerwilä e Lösig gfunde... U zwar we er da isch u ds Gfühl het das isch doch jetzt nid schlimm u das darf sie doch u gibt ihre der Wille de sägi ihm eifach ok, aber jetzt bisch du zuständig u de machi nüt meh sprich er mues de ds Chaos oder der Dreck besitige oder sie ids Bett bringe etc.... Die Chlini het mittlerwilä scho gmerkt dases bi mir chli anders louft aus bim Papa....u probiert's de ou usdsnütze... Und ou er gseht jetzt langsam i gwüssnä Regle vo mir e Grund

oh snoopy tuet mir leid das bi eu au problem geh het! Au weni froh bi gohts nöd nur üs so!
Min ma het zbsp de chli immer ume trägt.. Kiwa isch immer leer gsi.. I ha immer gseit da isch falsch und er wird ihn bis 5 umeträge! Bi mir isch guet.. Er verstoht kiwa oder laufe.. Und i ha recht mue ihn immer wider umeträge.. Jetzt motzt er amel weg sim rugge! Selberschuld! Oder au am obig immer glichzitig is bett isch au laaang es thema gsi! Am wuchenend hani au min ma gfrogt warum er ihm wider e cola kauft het! Er het eis wöle isch sini antwort gsi! Super! Mir händ würkli grad e langi teubeli phase hinder üs.. Bi mir en engel und wen de papi hei cho isch heter nu no brühelt.. Egal öb er en grund gha het oder nöd.. Im moment isch er en engel.. Mitem schlofe klappets au wider super!

Hallo Melone

Es freut mi dases umä besser klappet mit Pfuse! schläft er de umä am Mittag oder maners besser düreha bis am Abe?

Ja genau, säuber Schuld! Irgendwenn gseht er's de viellicht ou i.... Das mit dä Süessgetränk isch bi üs o geng es leidigs Thema:-( üsi het immer numä Wasser trunke u nie reklamiert. Er hingäge nume so Grapefruit, citron, etc.... I ha ihm immer gseit, wenn du das ir Bude trinksch isch mir das egal, aber nid daheime. Irgendwenn merkt sie dass du öppis anders trinksch und de wott sie ou. Er het natürlich nid glost und jetzt simer sowit das sie fasch ke Wasser meh nimmt, nume no dä süess Seich, grrrrr... Ha jetzt agfange beidnä (ar Chline und am Ma) am Afang es Glas häre ds steuä u säge es git nüt anders bevor dir das nid ustrunke heit, Punkt langsam het sich das jetzt ipändlet u klappt ganz guet.... O das mitem trage isch bi üs ds gliche, isch für mi meeeega mühsam gsi, vorauem denn woni ss bi gsi.... Mir hei aber grad gester Abe es sehr guets Gspräch gha u abgemacht mir müesse eifach konsequenter am gliche Strick zieh, hoffe das klappet, mau luege. Wünsche dir sehr dass das mit dim Ma ou gli besser wird! Wie du scho gschribe hesch es tuet guet ds ghöre das anderi mit genau dä gliche Problem kämpfe, ou wemes natürlich niemerem wünscht.......

heilend.. Ha grad en ganze text gschriebe de hauts mi eifach use! Naja.. Auf ein neues!

Guete morge!

Snoopy da findi super wiä du dini familie im griff häsch! Mach wieter so! mir händ eigentli kei süeßgetränk de hai nume sirup aber de gits nume wäßrig! Wen mir im lade sind wil de chli e cola mitneh.. Aber bitte nöd jede tag! Mi regt amel eifach diä ussag vo mim ma uf.. Er het wölle.. Als het er kei möglichkeit gha zum nei säge!
Doch min sohn macht mitagsschlof.. 7.30 tagwach 13/13.30 bis spötistens 15.00 mitagsschlof (versueche grad zum kürze) 21.30 is bett wird wen de mitagsschlof kürzer isch hoffentli au frühener si(30min hani scho gschaft)

Wa undernehmet ihr so mite kids wens so grusig regnet?

Ohhh liebi Melone merci fürd Lorbeere aber i bi auso wiiiit weg dervo mini Family im Griff ds ha . I versueche eifach mit mim stuure Kopf mini Regle düredsboxe

Ja die Ussag vo dim Ma isch toll.... Mängisch hani ds Gfühl we si da si die Vättere de weisi ja nid die böse si.... Leider geits viunä vo mine Fründinne genau glich wie üs.... Ha mim scho mängisch gseit, warum mues i geng die böse si??? U aus wo du eifach so düre lasch macht mir ds Läbe unter der Wuche schwerer....

Hei isch doch toll mitem Mittagsschlaf! Hoffe dir chöit am Abe gli o ume frücher Fiirabe mache.... Bi üs verschiebt sich d Schlafenszyt am Abe momentan o grad geng chli nach hindere.... Derbi wecki sä spätischtens nach 1 h am Mittag....

Boah isch ja grad ume mega chaut u grusig!!! Hmm gester hani ds Nachbarmeitschi bi üs gha, isch immer e gueti Unterhaltig süsch gani öppe ids Hallebad oder mir hei hie ihr nöchi e Indoorspielplatz. I nutze die gruusige Täg meistens zum chli Hushaute u ga de no chli mitem Velöli use oder so.... U du?

Glich e schöne Suntig trotz Huduwetter

hallo snoopy

Da stimmt immer müend mir di böse si.. Min ma schaft früheschicht und isch jede tag 15.30 de hai! Wür er hai cho kurz bevor de chli is bett goht verstohnis no eher das nöd no de bös spiele wend.. Aber bi 6stund bis de chli is bett goht dürft er würkli au mol de part überneh!

Schön hender e kind woner zum spiele ilade chönd! Mir gönd au ab und zue inen indoorspielhalle! Luege viel usem fenster.. Bhalte swetter im aug.. Sobald nüm grad katzehaglet gohni chli mitem chline use.. Suscht muenen ebe dine beschäftige aber den wird er nöd so richtig müed und liet am obig bis 2stund im bett am rede bevor er schloft!

Hallo Melone und Snoopy78
Ich chum au ändlich emol drzue euch z schriebe. Härzliche Dank für euri Glückwünsch. Ich ha mi sehr drüber gfreut!
Mir sin sit em Fritig deheime und gniesse die Zyt zu viert zum uns kenne z lerne! Zum Glück isch mi Maa no ä Zytli deheime, das entlaschtet mi sehr. Mi Grosse machts wirklich ganz super und het dr Lenny sofort als Familiemitglied akzeptiert! Är git ihm Schmützli und zeigt....bis jetzt....no kei Iversucht! Wenn s Baby brüelt, denn seit är: Lenny im Mami bringe zum Trinke! Hihi!
S Stille brucht halt eifach sehr viel Zyt, drum bini sehr froh, dass sich mi Maa rüehrend um unsere grosse Schatz kümmeret! Suscht wärs also scho no schwer! Isch mr au no ä Rätsel wie das denn wird wenn mi Maa wieder goht goh schaffe!!!

Lg Lion