Sommer 2010 kinder

Wener de ohni Windle umelouft bislet er dir de nid a Bode?? Bi grad gester bire Fründin gsi wo mit ihrer Chline het in Physiotherapie söuä will sie mit Jährig no nid het chönne Schnagge..... Sie het sich gweigeret und irgendwenn het sie's de ou chönne....Ou das isch de mühsam, hoffe die mache mau vorwärts!
Kennt öpper es guets Backbuch? I meine so für lustigi Torte oder Muffins oder so fürs Geburifestli.... Hei jetzt wird üsi Prinzessin scho 3, unglaublich

E schöne Tag

nei er bislet selte uf de bode! Er mags lang verhebe.. Um de mitag ume rüeft er wegere windle und erst den macht er.. Er gspührts also scho! I kenne au kei buech.. Min sohn het i 6wuche und 2täg au geburtstag..man isch da schnell gange.. Händ bis jetzt immer e torte kauft gha aber fürd krippe würi au gern öpis mache.. Isch am tag nocher nu halb tag döte müeßt also en zmorge ha.. Kueche paßt wohl nöd ganz.. Bi offe für vorschläg!

Das isch doch scho mau e guete Afang das er's gspührt! Hmmmm de würd i äuä Brötli i Form vo Tierli backe.... So Müs oder Igel oder so.... U ev no es Schoggistängeli derzue oder so? Grrrr so wies usgseht wott d Madame hüt umä mau nid schlafe, derbi gö mir am Nami no zum Coiffeur, das wird ja lustig wesi de übermüedet isch....

danke da isch e gueti idee mite brötli.. Müeßti bald mol usprobiere öbi da cha! werd aber diä ide krippe no froge wa diä andere amel so bringet! Wen im mai het den dini chli geburi? oh je isch guet gange mitem coiffure? min sohn au fix und fertig gsi hüt .. Isch am nomi ide krippe gsi am mittag kei zit me gha zum schlofe.. Isch defür jetzt chli im bett! Oder au nöd er isch grad ufgstande! I ha würkli sgfühl das er sich nu no "überwinde" müeßt zum ufs wc zgo!

I bi leider gar nid kreativ, aber so Brötli hani o scho gschafft isch erstaunlich guet gange, sie het super häregha und isch jetzt ganz stouz uf ihri pinke Strähnli wo's het gä am 31, auso genau ire Wuche. Isch das für Di ou geng so e emotionale Tag? Ha die erste 2 mau immer es paar Tränli vergosse...

i bi ebe au nöd kreativ und ha scho lang kei brot me bache.. Müeßts also scho eimol vorer mache und en plan b bereit ha! hübsch gmacht für de geburtstag.. Herzig! Mine macht immer e mega theater wen min ma debi isch bricht ers amel ab wil er de chli nöd so brühele lo cha! Den mueni amel paar täg spöter nomol go.. Cha ihn amel nöd so umelaufe lo! Jo den sind üsi nume 5wuche usenand.. Mir chömed au immer träne und verdruck ihn amel fast mit minere liebi! Diä viele gfühl und gedanke wo i amel ha.. Geburt, serst lache, di erste schritt, serste mami, umarmige und küßli, und di schönste 4wörter ich liäbe dich mami! Wahnsinn! Und nögst johr chömets scho in kiga.. Chans mir no gar nöd vorstelle!

Das chunnt sicher guet mit dä Brötli, wenn i das gschafft ha chasch du das ou de sie die zwöi würkli nach binand ja du sie het der Coiffeuse sogar es Blüemli pflückt bevor mir abgfahre si, ha schön müesse lache. Sie machts erstaunlich guet, gloube sie het sich dert nid derfür schwierig ds tue... Aber so viu si mir o no nid gsi. Isch ja bimnä Meitli nid so tragisch wenn d Haar mau chli länger si Ohhh das machi ou, gloube mängisch i ersticke sä fasch mit mire Liebi und chas gar nid gloube dases scho 3 Jahr här isch sit sie da isch. Mängisch wünschi mir i chönnt d Zyt eifach ahaute.... Momentan seit sie mir jedes mau weni heichume Mama i ha di sooooo vermisst. Mues jedesmau d Träne zrüghaute.... E richtigi Heulsuse bini, hehe... U a Kindi mani no gar nid dänke.....schicksch du dine Chli i d Spiugruppe? Mir si grad am überlegä u chöi üs nid so richtig entscheide....

hallo

Und de hebet dini chli au schön ane das grad wird? Mir chönd kei frisur schnide.. Immer als mite maschine.. Anderst gar nöd möglich! Nei mir tüend ihn nöd id spielgruppe aber id krippe.. Gfallt ihm wahnsinnig guet! goht dini niergens? Irgendwo wür i persöndlich scho.. Au chli zum agwöhne das mer nöd nume am mami hange cha! Au wegem kindi..! Voll herzig wegem vermißt.. Wa mached ihr nun a ihrem geburi?

Ja erstunlicherwys , die letschte zwöi mau het sie sogar chönne chli Stufe schnide machsch dämfau Millimeterschnitt? Nei momentan geit sie niene. A däm Tag woni schaffe luege die beidä Grosis abwächsligswys. Isch sehr praktisch, aber äbä wie du scho gseit hesch wärs sicher guet wenn sie sich langsam chli würdi dra gwöhne mau süsch nöime ds si! Irgendwie gurkt mi das "Bundesii" chli a. Aber i weiß dases für sie sicher guet wär. Ha jetzt mau Unterlage ghout u luege die verschiedene Möglichkeite mau a. Irgendwie würdi Waldspielgruppe no schön finde, weiß eifach nid ob das chli ds viu isch so bi jedem Wind und Wetter. Sie wär ja de grad bide Jüngste.... Tja eigentlich hani uf chli besseres Wetter ghoffet dasmer chli hätte chönne im Garte fiire...aber so wies usgseht wird's der ganz Tag rägne... Wird sicher ou so schön. D Grosseltere, Götti, Gotte und es paar Gspänli hei mir iglade....da wird sicher öppis ga hesch du ou scho planet?

jo 12 oder 9mm.. Also nöd skürziste und wachsd jo so schnell wider no.. Jo da isch sicher am beste wend mol ali möglichkeite aluegsch.. Findsch sicher öpis! Da doofe wetter nervt mi so richtig.. Aber hesch recht wen ihr sbest drus machet! Mir händ no kei plän.. Ha jo no 5wuche zit und hoffe swerd doch mol no summer! I wünsche dinere tochter ganz en schöne geburtstag! Happy birthday!

Merci viu mau fürd Glückwünsch! Mir heis trotz Dauerrege super schön gha. Das isch der erst Geburi gsi wosi so richtig begriffe het um wases würklich geit! Und sie isch mega glücklich und stolz gsi! Soooo herzig. Und vor lauter Freud das so viu Lüt wäg ihre si cho het sie gar kei Zyt gfunde zum Gschänkli uspacke has schön gfunde dass das für sie no nid ds Wichtigste gsi isch! Und au die Kind hei so schön zäme gespielt, ds Hus het am Abe zwar usgseh aus hält e Bombe igschlage, aber sie hei richtig der Plausch gha. Ha e Tischbombe kauft u die isch der absolut Renner gsi die het die Kline grad e Stund lang beschäftiget.... Ja gäu das Wetter! Bi so froh isch endlich chli besser!!! Mir hei hüt grad e Pool ufgsteut u beidi hei Freud gha endlich mau chönne ds choslä. Gester hani Usgang gha, isch schön gsi! Aber der Schlafmangu am nächste Tag isch eifach weniger toll.....

hallo

Schön henders so gnüße chöne trotz schlechtem wetter! Mir wüßed immernonig wa mir mache werdet und sind jo nu no 3wuche.. Würed gern en usflug mache aber me weiß jo nöd wa für wetter isch..

Min sohn goht jo sit paar wuche id krippe und het jetzt wider agfange haue gingge und schupfe.. Und voralem mim ma gegeüber isch er mega frech worde.. Schreit ihn mega a wen er will das de papi go spiele chund aber er grad no am eße oder so isch.. Gest heter au de papi ganz viel ghaue.. Cha da echt si das chli mite krippe ztue het? Jetzt isch er jo 1kind vo vielne und will sich chli me duresetze bi alne.. Aber ide krippe isch er meh oder weniger en liäbe.. Oder isch da echt wieder e phase?

Melone min chli got ja scho sit er 4 mönet alt gsi isch i krippe und er hät au so phase gha wo er ghaue hät, er isch au i de krippe u en liebe wie din sohn.
Wenn er amigs den dihei isch nach de krippe, isch er meistens voller energie und trotzt den oft. Händ scho viel rise theater gha! Warschindlich sind i de krippe eifach lieb, das enspricht den ned ihrem nsturel und den muen da nacher dihei use! Und da mit em papi, kenne mir au! De nico isch recht uf mi fixiert, wen ich ume bin dört de papi ihn ned dusche/ bade, is bett bringe etc.
Schla tuet er min ma au, finds amigs luschtig!
Lg

binchen nei uf mi isch er no niä fixiert gsi.. Aber uf min ma aber da isch im moment nöd.. Dusche/bade tuet meistens min ma de chli! Min ma springt au immer grad sofort wen de chli rüeft.. I reagiere nöd wen er nöd aständig frogt öbi chum.. Drum tuet bi mir selte teubele.. Er weiß jo mit dem ereicht er nüt bi mir! Jo da isch bestimt so das er weg zviel energie de hai amel en vogel het(bi schlechtem wetter).. Aber wens schön isch sinds jo au ide krippe viel mite kind duße.. Und weni ihn hole gönd mir au uf de spielplatz und döte schupft haut und gingget er dkind.. Ok gest isch er en liebe gsi.. Hmm.. I hoffe es pendlet sich bald alles wider i und er benimmt sich wieder! Im lade springt er sit neustem au so mega umenand müendem hineno springe suscht verlüremern no.. Schlimm

Hei sit dir das schöne Wetter ou so am gniesse? Sone Phase het mini im Fau o gha u sie isch ja nie id Krippe. Auso eifach ghoue wenn ihre öppis nid passt het. Aber das mitem frech si chönnt i mir no vorsteuä das er das ev eim Kind wo o ihr Krippe isch abgluegt het!?! Üsi het d Spitzen Blattere übercho, ohje sie tuuret mi so. Der Kopf und Haus isch vou u es bisst sä wie verruckt. Würd ihre sogern meh gä aus die Tröpfli.... Weiß aber nid wasi no chönnt. Hetsä eis vo euchnä ou scho gha? Wie lang isch gange bises besseret het mit däm blöde bisse? Sie kratzt sich ständig u i ha Angst wäg der Narbebildig!