Sommer 2010 kinder

oh je snoopy.. Cha dir leider au kei tips geh.. Mine und au i selber händs niä gha! Wünsche aber ganz gueti beßerig und das schnell verbi goht!

Mim sohn lauft hüt dnase wiä verruckt! Da mitem haue isch glaub wider verbi! Aber lauft im moment sehr schlecht.. Entweder dreit er üs de rugge zue, arme verschränkt und en böse blick oder er mue als(würkli als) aluege.. Cha a keinem schnegg eifach verbi laufe.. Am fr händ mir füren weg vo 30min.. 1 1/2std brucht!
Mitem hafe/wc sind mir au immerno am kämpfe.. Er lauft de hai fast nur ohni windle ume.. Windle stört ihn mitlerwile mega.. Rupft di ganz zit dra ume! Aber ufs wc will er eifach nöd! Gest obig isch er ufs sofa glege.. Bei am umegwagle und het di ganz zit noch de windle grüeft.. Ha no emol paar mol weg em wc gfrogt aber nei.. Also windle ghold und chum heters a macht er pipi.. Gspüre tuet ers also mit sicherheit!

Wünsch eu no en schöne obig!

Heieiei bi grad zu gar nüt cho die Wuche! Isch aber zum Glück scho viu besser. Jetzt isch aues verkrustet. Sie chnüblet leider sehr viu, hoffe es gäb nid wüesti Narbe. Jetzt heißts warte bises der Chli bechunnt mir gö morn in Ferien, hoffe das er's ersch dernah bechunnt...Aber i säge dir i bi nid gmacht für so viu Lüt ds packe:-( ha fasch di ganz Wuche brucht derzue Isch dim Chlinä sini Nase umä besser oder isch er gar krank worde? Ach je da würd i gloub überbisse weni so lang würd Bruche für dä Wäg! Du schiinsch sehr geduldig ds si hesches scho mau mitemnä Häfeli probiert? Es git da ja so lustigi Enteli oder süsch ganz härzigi Variantene. Ev würd ihn das chli motiviere?!? Uf au Fäu wünsch i dir viu Erfoug und e gueti Zyt! Mäude mi nach de Ferien umä..... Lg

Da isch ja grad sehr ruhig da inne wie geits euch aunä?

Melone: weni richtig grächnet ha het di Junior die Wuche Geburi, nid? Was machet dir jetzt? Hesch e Usflug planet?

Wünsche e schöne Abe

snoopy händer schöni feriä gha? Wo sinder gsi? Wiä gohts dine kind? Isch als wieder weg? Nei i bi au nöd bsunders geduldig.. Hanem eifach klar mache wölle das er laufe mue und i ihn nöd umeträge.. Irgendwen wirds jo de kind au zblöd und de laufets wieter.. Mitlerwile isch wieder viel beßer! Min sohn het da häfeli wo musig mache cha.. Sitzt gern druf wil aber kei gschäft mache! Jo genau am sunntig häter geburi.. Wüßed aber immernonig wa mache.. Händ fängs e torte bstellt..
Schöne obig no

Oh ja es isch eifach genial gsi!!!! Mir si in Frankreich gsi ufemnä Camping so imene Motorhome-Cottage. Totau uf Kind usgrichtet, Spielplatz, Pool, kei Autoverkehr, Pony reite, etc... Sogar es Minibadezimmer hets gha, so cool, sie het e riesä Freud gha u het nüm wöuä das mir mit ihre ufs WC chöme)Es het eifach aues gha. Ds Wetter isch super gsi, ab und zue chli fest gluftet die Chlinä heis totau gnosse. Bir Große verheiltes guet, sie het scho es paar "Löcher" woni denke dases Narbe git, aber es geit ihre guet u bi irgendwie froh het sie's düre! Der Chli het no nüt, bi ganz verwunderet. cha mir irgendwie fasch nid vorsteuä das er sich nid agsteckt het?!? Cha ja aber no cho, isch ja guet hets nid agfange ide Ferien. Ja gäu konsequent si isch ds a und o mit de Kind, i ha eifach mängisch Müh ruhig ds blibe..... Was gits für e Torte? Üsi het e pinki mit Zirkuszug übercho u sithär verzeut sie aunä sie sigi jetz scho drü u streckt d Finger ganz stouz id Höchi ds Wetter wott ja guet für am Suntig, das isch toll. Hesch endlich e Termin übercho für di OP? So mues mau ga pfuse.... Wünsche e gueti Nacht

guete obig
Da tönt jo würkli noch super ferie! Isch doch guet het ers nöd übercho, vielicht bliebt er jo ganz verschont!? I bliebe immer konsequent.. Min ma gar nöd und drum natürli e ganz guets teubeli/trotz opfer! I ha au mega mühe ruhig zbliebe.. Hüt au bim puzzle mache.. Er verstoht zwar das mer zerst de rand macht hät aber eifach nöd recht begriffe wöle das da teili au en rand het wo an rand mue! Oder den au mol bim letschte teili.. Hets irgendwiä nöd verstande wölle das ers dreie mue.. Hans zeiget gha und bi anderne sache verstoht er eigentli da wort dreie.. Aber irgendwiä isch er uf de leitig gstande und mi häts fast zur verzwiflig brocht! Mue amel würkli kurz zrugglehne und dureschnufe.. Wöt jo scho ruhig bliebe debi..
Also torte het damol e form vomene auto.. Er hät si selber usgsuecht gha! Man bi fast am verzwiefle wegemne gschenk.. Find eifach nüt gschieds.. Er hät scho so viel und wa ihm fehle chönti wäred größeri sache wo mir gar kei platz defür hend! Naja werd morn also no öpis uftriebe müeße..
Termin hani erst am 8.august! Danke fürd nofrog!

Ja düreschnuufe und uf 10 zeuä faut mir äbä gar nid liecht.... Irgendwie wäri fasch chli enttäuscht weners nid bechiem, ha ghofft es sig de düre. Aber bi natürlich sehr froh het er's ide Ferien nid übercho... Wett umä mau der 5er u ds Weggli hesch es Gschänkli gfunde? Es tuet mir leid muesch no bis im Aug warte für d OP! Weisch de scho wie lang nächer no muesch warte zum umä chönne loslah zum probiere ss ds wärde? I wünsche dir u dire Familie morn ganz e schöne Tag! Hoffe dir chöits gniesse!!!!

dörfi froge tuesch du dini kind nöd impfe? Vielicht chunts jo de chli gar niä über! Wär doch au super! Wiä jung isch din chline schowieder? Mis gedächnis loht au langsam no! i weiß leider nonig wiä lang.. Mini fa het mol vo 3mönet gred aber i cha nöd so lang warte.. Ha e kei hoffnig dasi grad sofort schwanger werd.. I hoffe jetzt de arzt wo mi operiert gsehts nöd ganz so streng und erlaubts frühener! Wöt doch au so bald wiä mögli da 2.glück id arme schlüße chöne..
Danke jo mir händ öpis gfunde und er het au no selber öpis usgsuecht.. Ach da wird sicher wider sehr emotional morn..

Happy Birthday für di chli Ma Doch beidi nach Impfplan! Und du? Aber Windpocken empfäle si nume ds mache wesis bi 11i nid übercho hei! Laut mim KiA isches eigentlich wichtig das sie's düremache! Er isch knapp 10 Monate, Wahnsinn wie schnell d Zyt vergeit! cha verstah dass dir ds Warte schwer faut!! I hoffe ganz fest dass du nid 3 Monate muesch warte und de wünschi dir dases ganz schnäu o klappet!!! So jetz wünschi nomau ganz e schöne Tag u laa d Emotionen la fließe, isch doch schön

danke dir! doch mine isch au g'impft.. Demfal mueni au immerno demit rechne das ers übercho chönti.. Hihi er hät hüt morge ebe gar nöd mitmache wölle woni mine gfühl freie lo ha wölle.. Isch ihm chli zviel gsi!

Heit dir e schöne Tag gha? Ja gäu die Chline chöi das aube nid so verstah wenn ds Mami plötzlich so Gfühlsusbrüch het mir si im Europapark gsi und es het gfägt! Hei no mis Gottemeitli mitgno und die isch Mega happy gsi isch schön Kinderauge gseh lüchte! hei üsi het grad umä mau e Mega Trötzeliphase, grrrr... Bi auem u jedem e Kampf..... Es momentli isch besser gsi und jetz isch grad umä extrem! Bi hüt Abe mit dene 2 allei amnä Geburifestli gsi und de isch sie uuuu müed und macht aber aues nume nid wöuä ids Bett.... Weni de dernäbe no der Chli sött ids Bett tue de stressts mi aubä grad.....

guete obig!
Europapark so schön.. gang i au gern.. Aber isch nüt für min sohn.. De fahrt kei karussell.. Händs scho versuecht.. Git doch au so auto zum dri sitze wo für 1fr umegwagglet.. Min sohn fangt voll panisch a schreie sobalds afangt! Weiß nöd wiäni ihm diä angst neh söll! Au gireizle git e gschrei!
Oh jo kennes mitem teubele.. Mine hets au wider voll im tagesprogramm iplanet.. Komischerwies nur wen min ma ume isch.. Sicher astrengend wen den no e kind ume isch.. Wür da au gern kennelerne..

Gireizle isch das ritigampfä?? Üsi liebts! Zur Zyt gits nüt angers wosi wott ufem Spiuplatz, wünschti mir si würd umä mau ufnä Rutschbahn oder so... Das ewige agäh Woher bisch du eigentlich? Sie het die London-Taxis am beste gfunde, mir isches scho baud schlecht worde so mängisch wie sie het drauf wöuä sie isch immer i Träne usbroche weni mitem Gottemeitli wo 8i isch ufnä Bahn bi wo sie no nid het mitdörfe! Mi stressts eifach weni allei bi mit däne zwöi u mi Ma nid umä isch.. Wünsche dir vo härze dass du das "Problem" o scho gli wirsch ha häb e gueti Nacht

gireizle heißt schaukle! Ritigampfe het mine au no gern! Schön het dini so freud gha a de bahne! Wiä häts den dini mit klettere? Bi üs hets zbsp sproßewand zum uf drutschbahn ue zcho.. Mine tuet gar nöd gern klettere und er chans au gar nonig guet! I glaube dir das di streßt wend elei bisch und beid kind is bett bringe sötisch und den teubelet au no eis devo.. Hoffe hesch wenigstens e gueti nacht gha?

Achso, ja mini hets uuuu gern! Klettere tuet sie ou ziemlich, vorauem uf Leitere und i de chline Hüsli am liebste zum Fenster i und us..... Uf Stühl, Tische etc, isch mängisch fasch chli gfärlich! Und jetzt het sie grad agfange ufem Ritigampfi ufdsstah, grrrrr. Ja d Nacht isch de Super Gänge, eifach bis sie im Bett isch gsi! Wesi mau schlafe hei beidi zum Glück nid d Tendenz ufdswache.... Hoffe das bleibt so.... Wie hets dine eigentlich mittlerweile mitem Mittagsschlaf? Üsi het dä i de Ferien grad abgschafft... aber sie macht zum Glück glich es Stündli Pause i ihrem Zimmer.