Sommer 2010 kinder

jo tisch, stühel, fernsehmöbel oder uf komode ue kletteret er au.. Bi dene hüsli usem fenster wür minem niä in sinn cho! Es het e schlange ufem spielplatz und di meiste kinder kletteret/gumpet drüber.. Mine springt rundum! Mittagsschlof funktioniert tip top! Er bruchts eifach und schloft suscht eifach irgendwen glich no i!

Bi üsem Spiuplatz ihr nöchi hets ziemlich viu älteri Kind, da luegt sie sehr viu ab....viu äbe leider gfährlichs Züg. Isch schön schlaft er no, mir fehlts fasch chli mau würklich chli Ruh über Tag! Derfür pfuset sie am Abe de sehr schnäu i....

jo du größeri kind häts bi üs au ufem spielplatz aber irgendwiä luegets liäber di schlechte sache ab! Jo bi würkli froh.. Aber isch do au schön für di wend diä zit nur für dini tochter nütze chasch, nöd?

Ja klar gniessi die Zyt mit ihre! Hase vorhär eifach geng guet chönne nutze zum chli Hushaute ändlich chunnt der August, di Termin rückt nöcher.... Bisch scho chli nervös? Bhautet dir der Junior uf am 1. Aug für Fürwerk luege? Grüessli

hoi snoopy
Jo am mäntig hani scho vorundersuechig und am dienstag den op! nervös nöd würkli.. Ha eifach angst das als umsuscht gsi isch! Es isch jo nöd sicher das es wieder herstelle chönd!
I glaub mir bliebed de hai.. Und lueged vom balkon us fürwerk.. I bi nöd so heiß uf da.. Min sohn mueni amel nöd extra wachhalte er isch jo leider sowiso no wach! Und ihr? Im moment isch wider ganz schlimm.. Und de schloft er am morge länger und wil spöter mitagsschlof mache und den wider am obig nöd is bett.. En Tüfelskreis!
Windle.. Er lauft immer ohni ume.. Wen er aber seit er wil eini den isch si sofort voll.. Macht aber niä uf de bode! Di letschti heter eimol währedem händwäsche is trögli bislet.. Unglaublich, aber ufs wc/hafe will er nöd.. Frog mi echt wiä lang da no go söll..
Wiä gohts eu so?

Hey melone
Dänk positiv! Klar isches nid sicher aber d Chance dases klappet isch ou da!!! Versuech di a däm fest ds haute. I drücke dir ganz ganz fest Düme!!! Wo hesch eigentlich di Junior während derä Zyt?

Üsi geit momentan so gäg di haubi 8i ids Bett u pfuset meistens sofort i. Ir Übergangszyt vo Mittagsschlaf zu kem hei mir genau ds gliche Problem gha! Am Abe isches immer später worde derfür am Mittag sofort ipfuset. E Tüfuskreis wie du seisch! Mir blibe morn ou dahei, Wärde sie aber wahrscheinlich ufbhaute damit sie no eis zwöi Raketli gseht. Letscht Jahr isch die haubi Nachbarschaft uf der Strass gstande u mir hei zäme no Zuckerstöck azündet, hoffe es wird ähnlich si.... Süsch geits üs guet. I ha die letste 2 Wuche je 3 Täg gschaffet wäge Ferienverträtig, somit isch süsch nid grad viu Zyt übrig blibe.... Der Chli isch momentan grad ziemlich astrengend, er wott eifach nume no umeloufe ar Hand! Und wemä ihm das nid ermöglicht isch er am jammere bi de froh weners allei schafft, obwohls ja no ziemlich früh isch derfür. Aber so chumi eifach grad zu gar nüt.
Hä ja die cheibä Windle. Der Chli vore Fründin het no a sim Geburi im Mai verkündet er wärdi sini Windle nie nie nie abgäh und hüt isch er ohni im Garte umegloffe u einisch ufs Häfi u einisch haut id Hose es wird o bi dim Sohn mau sowit si! Aber wemä druf wartet isches eifach mühsam, gäu! Vorauem wemä weis das er's ja genau gspührt, wie im Fau vo dim, gäu!

hoi soopy
Danke für dini wort! Min ma het extra fast 2wuche feriä gnoh zum am chline luege.. I hoffe klappet als guet wil de chli hät grad sone astrengendi phase.. Viel teubele und brühele(nur bi mim ma) und energie wo füre ganzi fueßballmannschaft lange wür! I hoffe er verstoht den wider wen smami liege tuet wil si schmerze het und nöd immer action mache cha!
Und het dini chli dureghalte zum fürwerk luege? I bi mitem uf de balkon aber er hät sehr schnell wider iä wölle.. Er hät kei angst aber respekt und nöd so viel intreße defür! Hihi.. Da kenni mit ade hand laufe.. Het mine mit 9mönet agfange.. Echt astrengend.. Aber hey bald chan ers au ohni di!

Liebi melone
Wie isch dir gange hūt?? Hoffe isch alles ok und du erhousch di guet!!! Ja das wird sicher nid eifach fūr ihn ds begriffe das ds Mami sōtti liege. Aber es isch guet isch ja der Papi da! Wie lang muesch im Spitau blibe.

Ja sie isch putzmunter gsi u het mega freud gha das gfaut mir het sie die ganz Zyt grūeft sie het sogar zwōi bengalischi Zundhōuzli abbrōnnt. Am nāchste Abe het sie gfragt ob's umā Fūūrwerk gābi, hehe.... U der Chli het grad Mega Fortschritte gemacht, jetzt brucht er scho numeno 1 Hand zum sich hābe bim loufe und am Fritig het er sogar es paar Schrittli allei gmacht isch de aber sooooo erchlūpft u isch ume abgōcklet u het grad afa grānne....jupiiiiii
Ganz gueti Besserig wünschi dir!!!

hallo snoopy
Danke isch alles guet gange und i bi jetzt au wieder de hai.. Mue mi jetzt halt nochli schone und i 4wuche mueni mi ide kiwu klinik go zeige und den luegemer wieter!

Das freut mi! De wünschi ganz gueti Erholig u dass der Chli versteit das ds Mami grad chli Ruh brucht!!!

danke snoopy.. Nöd ganz eifach sich zerhole wen mer so en wildfang de hai het.. Gester hät er mir uf de buch gschlage.. Da het echt weh tue! Astrengend isch er im moment au.. Er seit au selte wa er hät/will und git immer sone jommerets teubele vo sich.. Nöd eifach
Wiä laufts bi dir? Ah jo super fortschritt macht jo din chline!

Ou das gloubi dases nid eifach isch sich so chönne ds erhole!! Und derbi wärs doch sooo wichtig! Hoffe di Ma entlastet di guet. Das kenni mit däm ständige jämmerlä anstadt ds säge was isch, mühsam... Bi mir loufts momentan würklich toll! Der Chli wird immer muetiger und louft am Züg na u macht immer meh Schrittli allei bi richtig Stouz!! So gits mir o umä chli meh Luft weni nid der ganz Tag mit ihm mues umeloufe! Die Grossi het grad e tolli Phase u cha sich grad ziemlich guet beschäftige. Mir hei üs jetzt derzue entschiede sie id Spiugruppe ds gä, am Mäntig geits los bi ja gspannt wies de geit. Sie freut sich sehr, aber i ha ihre müesse verspräche der 1 Tag nid furt ds ga....mir si hüt ga Finkli u Täschli poste i ha jetzt 2 Wuche Ferien, der Ma zwar de erst übernächsti Wuche, aber i gniesses nid müesse ga ds schaffe, bi däm Wetter sowieso! Häb es guets Wucheend lg

wow da tönt den super mit dine kind! Het nöd denkt das no so spot fürd spielgruppe amelde chasch.. Echt super und richtig schön das si sich druf freut.. Wiä häts ihre den jetzt gfalle?
Min ma luegt viel für de chli und da isch ebe s'astrengende.. Bi ihm immer da teubele.. Macht er ebe bi mir gar nöd.. Bezw i sägem ganz klar er cha grad wider demit ufhöre.. Er mue mir au säge wa er will uf da jommere reagier i gar nöd und da klappet bi mir ganz guet..

Schöni ferie wünschi eu! Gnüßes!

Hey liebi Melone
Wie geits dir? Hesch di guet erhout? Hesch scho e Nachkontrolle gha? Mir hei schöne Ferien gha u mi hets grad chli agschnägglet das sie so schnäu düre si süsch loufts o guet bi üs! Der Chli schnagget zwar geng no nid aber jetzt rütscht er ufem Füdli scho ziemlich zackig vorwärts u mit Loufe geits o tiptop, der chli Finger längt ihm jetzt scho führig u mängisch geits sogar chli allei i hätt o nid denkt dasi sä no so knapp cha amäude. Anscheinend hei si meh Plätz wüu das Jahr di 4-jährige wo ja vorher nomau es Jahr id Spiugruppe si jetzt scho i Kindsgi gö! Häb e schöne Tag

hoi snoopy
Ha grad hüt nachkontrolle gha.. Alles guet und mir dörfed loslege! bi gspannt wa den de no vo de kiwu klinik seit..
Guet wiäs din chline scho macht! Schnagge heißt da krabble? Wen jo mine het da au niä gmacht..
Ah super gloffe mite spielgruppe.. Und gfallts ihre?

Schöne obig no