Sommer 2010 kinder

Eröffnet am 28. März 2013 um 23:12 Uhr von binchen, bisher 128 Antworten.


Beiträge zu diesem Thema (129 Beiträge)


Snoopy78 schrieb:

Mi, 11. September 2013, 22:46
Hey Melone soooooo guet, das freut mi mega für di!!!!! Wenn hesch de Termin ihr KiWu-Klinik? Wär ja der Hammer wenn denn scho schwanger wärsch:-)) i drücke dir ömu ganz fest Düme:-)

Ja das heißt krabble:-) er wird morn scho Jährig, mir gits fasch öppis wie schnäu das Jahr verbi isch!!!! Umä mau obersentimentali Mama agseit morn;-) ha hüt bache(nid würklich mini Sterki, hmm) u ha probiert Gmüeschips ds mache. Ds Ergebnis: ds ganze Hus stinkt wie Sau nach verbrönntem Oel u servierbari Chips 0......wenigstens der Kuche gseht einigermasse us, hoffe er isch de o genießbar:-)

Der Große gfauts zum Glück sehr guet ir Spiugruppe u sie macht's ou guet. Ha Freud a ihre! Aber we die so witer bastlä de müesse mir gli abaue dasi no aues cha ufhänke:-)) sie chas mängisch chum erwarte bis umä Montag isch, we das so witergeit müesse mir üs überlegä ob mir sie no e zwöite Morge wei schicke...

Wie loufts süsch so bi euch?

melone schrieb:

Do, 12. September 2013, 01:35
hoi snoopy
Schön vo dir zlese!

Jo du da wär würkli hammer! Da wär jo zu schön! Ha de termin am mäntig nomitag, gib den bscheid wa use cho isch!

Happy birthday dim chline! Es goht so schnell.. Chasch dine gfühl freie lauf lo! Bi jo gspannt öb dini chips gschmeckt hend!

So schön wiä dini groß freud het! Da wür sich sicher no lohne si me id spielgruppe zloh!

Mir sind am mäntig serst mol ide logopädie gsi.. Fast 2stund lang.. Si isch total begeisteret gsi vo ihm.. Er seg sehr guet entwicklet, ufmerksam, durchhalte vermögend, intreßiert, intelligent und er denkt immer grad wieter.. Sproch seg au guet, er tuet jo 2spröchig ufwachse.. Und si findets sehr schön zgseh und zgspüre wiä behüetet er ufwachsd! Si isch so am schwärme gsi! Herrlich! Mir händ üs jetzt aber glich druf geinigt paarmol verbi zgo zum sundütliche rede bitz understütze! Au wen si wiä mir de mainig isch das ers au eleige schaffe wür! Bi ganz stolz gsi!

Snoopy78 schrieb:

So, 15. September 2013, 21:59
Hoi melone
Das isch ja super wie das bir Logopädin geloffe isch! Es tuet immer guet ds ghöre das di Chlinä sich guet entwickle und das mitem behütetet ufwachse isch doch es wunderschöns Kompliment!:-)

Merci fürd Glückwünsch! Mir hei e schöne Tag gha mit viu Träne vor Mama:-)) mir geit das eifach ds schnäu, er isch jetzt scho kes Bebe me... Mini Chips hani nid chönne serviere:-( aber wenigstens isch der Kuche einigermasse glunge. Er het nä ömu voller Wonne gässe u gstrahlet wiene Meiekäfer:-)) isch Mega härzig gsi! Eifach d Familie vo min Ma isch spezieu gsi, wie immer... Der Opa isch nid cho wüu er ja nüt vo dä Kind het a däm Tag!?!?( sie ds viu anderi Lüt umä, tssssss) u d Schwester vo mim Ma het am Chline kes Gschänkli bracht, sondern ar Grosse....u das mit der Begründig sie sig Ja schließlich ds Gotti vo ihre u nid vo ihm???? Bini da so fautsch gwicklet oder findsch du das nid ou chli dernäbe? Schließlich het ja er Gerburi gha!?! Naja, isch sich eigentlich gar nid der Wert sich über so Lüt ufdsrege, aber es het mi für mi chli Prinz eifach grad chli möge!

I Drücke dir Düme für morn u bi scho ganz gspannt was de dert usechunnt! Meinsch es wär möglich dass scho ss bisch? Mögt's dir soooo vo härze gönne!!

melone schrieb:

Di, 17. September 2013, 10:23
hallo snoopy

Jo da isch würkli s'schönste kompliment wo mer anere familie mache cha!

Ohje do hesch aber au e komischi verwandtschaft! Din schw.vater will wohl selber im mittelpunkt stoh! Schlimm! Min vater isch nöd an geburi cho wil er nöd minere muetter begegne will.. Total kindisch! Dini schwögeri het au en egge ab.. Goht jo gar nöd! Wiso chund si an geburi wen jo si da nüt agoht als tante? Hesch si jo als tante iglade gha.. Nöd als gotte..

Möglich wärs jo scho aber würkli dra glaube tueni nöd! Also i mue jetzt eifach wieder verbi weni dmens gha ha füren us! Ha serophene übercho.. Mol luege wiä lang das goht oder bi de nögste undersüech no use chund..

Händ dini kind au de hundeblick so guet im griff? Weni schimpfe chund er immer, lueget ganz trurig und hebt de kopf uf min buch arm oder bei.. De chan mer eifach nöd lang bös si!

Snoopy78 schrieb:

Do, 19. September 2013, 21:55
Hallo melone

Ohje das isch ou trurig mit dine Eltere! Ja die liebi Verwandschaft chame sich haut nid ussuche, gäu. Sie isch sehr speziel, vorauem het sie mi gfragt ob sie ou dörf cho, ha sie ja eigentlich gar nid iglade gha...naja...

Was isch serophene? Hoffe ganz fest dass du gli positivi Nachrichte hesch!!!

Oh ja das heisi vou im Griff:-)) vorauem die Grossi!!! Wesi mi mit ihrne große dunkle Auge aluegt wirdi sofort weich:-) und hei mi chli Ma louft sit am Di Abe frei:-))) bi ja soooo stouz, isch mega herzig wie er strahlend dür ds Hus stögelet!!!! Mä merkt richtig wie er Freud het dasers cha:-)

melone schrieb:

Fr, 20. September 2013, 00:12
hoi snoopy

Ah si het sich au no selber iglade.. Wird jo immer beßer.. Nögst mol muesch wohl klar stelle das si nume cho cha wen si sich ad regle haltet!

Serophene isch für de eisprung!

Super macht din chline da! Wider e großi entwicklig gschaft! Diä kind wüßed halt scho wiäs üs um de finger wickle chönd.. Bi froh das i nöd di einzig bi wo amel schwach wird..

melone schrieb:

Mo, 30. September 2013, 18:34
hoi snoopy

Wiä gohts eu?

Min sohn isch gest mit mir ide kuchi gstande.. De rüeft er pipi und rennt is badzimmer.. Sitzt uf de hafe.. Het zum erste mol pipi dri gmacht! Nocher isch er umegumped und rüeft selber gmacht.. Mir sind fast platzt vor stolz!

Snoopy78 schrieb:

Mo, 30. September 2013, 23:05
Hei melone soooo guet, gratuliere!!!!!!! Und daser de säuber so Freud het isch ja mega härzig:-) Super!!!

Danke üs geits gut, ha die letschti Wuche Ferienverträtig gmacht und dür das drü Täg gschaffet.... Die Chline si bi mire Mam gsi und so hei mir umä mau 2 Äbe für üs aus Paar gha:-)) isch schön gsi! Der Chli louft wacker dürd Gegend und het e riese Freud:-) aber di Grossi het no nid so ds Gspühri u wirft nä geng umä um....mues grad chli viu schimpfe mit ihre:-( hoffe sie begrift gli das er haut no nid so guets Glichgwicht het. Und jetzt chunnt er haut o überau häre u macht ihre de mängisch ihri Baute kaput u das findet sie gar nid lustig!

U bi dir? Hesch scho ume US gha? Vertreisch das Serophene gut?

melone schrieb:

Mo, 30. September 2013, 23:34
hallo

Hüt obig heter au eimol ufem hafe gmacht und het sich riesig gfreut gha.. Es isch so schön das er de start zum troche werde gfunde het!

Ohje.. Nöd eifach de umgang mit so chline kind.. Bi grad chli erliächteret das au du viel schimpfe muesch.. Mine het dohre uf durzug gstellt.. Zum einte ohr iä zum andere use! Er isch au scho immer sehr wild und haut mir mehrmols am tag öpis ad nase(meistens sin kopf) oder is aug oder en ging in buch(wa isch weni mol schwanger bi?) .. I weiß nöd recht wiä i ihm begriflich mache söl das er ufpaße mue.. Paßiert da dinere große au?

Danke ha tabl guet verträgt.. Letscht fritig hani us gha und gseht super us.. Mue jetzt morn wider zumne us.. Stohne kurz vorem es.. Mue leider de chli mitneh!