Was tun für MICH?

Hoi zusammen

Ich bin Sekundarlehrerin und habe seit der Geburt meines Sohnes reduziert gearbeitet und seit der Geburt unserer Tochter vor 3 wochen ganz aufgehört. Ich habe mir vorgenommen mind. 1 Schuljahr mit beiden Kids zu Hause zu bleiben. Meine Gründe dafür: 2 Krippenplätze sind mega teuer und mit einem Teilpensum von 40% bin ich unglücklich gewesen, d.h. wenn arbeiten dann mind. 60%, was mir aber dann wieder mit 2 kleinen Kindern zu viel ist.
Ich ertappe mich aber immer wieder dabei die Stelleninserate durchzugehen und habe riesen Lust mich zu bewerben, am liebsten halt 100% als Klassenlehrerin (was total unrealistisch ist zur zeit).
Irgendwie ist es mir trotz 2 kleinen Kindern oft langweilig bzw. mir fehlt die geistige Herausforderung. Wenn ich mit anderen mamis abmache und programm habe (Haushalt, einkaufen...) dann gefällt mir das Hausfrauen-Mami-Dasein sehr gut, aber manchmal möchte ich auch wieder was für MICH tun. Manchmal bilde ich mich selbst etwas weiter, informiere mich über diverse Themen aber so ins Blaue hinaus machts auch nicht immer Spass. Ich nähe auch gerne, aber das geht ja nicht gut wenn ich auf die Kinder schauen muss und ausserdem ist das auch etwas was halt kostet.

Geht es jemandem ähnlich? Was macht ihr so für euch? Fehlt euch eure Arbeit auch?

Hallo Lilli!
Gratuliere zu dine 2 Kind.
Ich bi mit lieb und Seel Mama!
Ich ertapp mich aber mängmal au dasi dänke:
Wär schön wider mal öpis für mich mache.
Bi miär isch der Grund aber ganz eifach min Ma hilft miär sehr wenig.
Organisier mal für ä paar Stunde än Babysitterin und mach öpis für dich.
So wie du verzellsch chunsch du eifach kurz.
Lg

Hallo!
Ich hatte zuerst vor, wieder 100% zu arbeiten, habe dann nach der Geburt meiner Tochter aber schnell gemerkt, dass das für mich nicht (mehr) stimmt. Nach 9 Monaten habe ich nun zu 50% wieder angefangen und das ist gut so. Zuerst dachte ich, ich könnte gut auch sein ohne Arbeit, aber so mit einem Bein im Berufsleben zu stehen, finde ich für mich schon nicht schlecht. Wieso willst du denn nicht Teilzeit arbeiten?

i hätts nie dänkt das ig das mau säge, das ig ume gärn ga go bügle,
ouso 100% nid max 50%, ga jtz aber au 14 tag am samsti go büglä...
aber äs isch scho so, we dir der maa nid würckli hiuft de chunntmä zkurz.
i bi viu 6 täg allei und der sunntig cha ig froh sii, weh är mau geit go wäggäle, das i chli zit für mi ha.
i ha vo letscht gseit, das i ga go bügle das ig frei ha.....
i verstah die.
was büglet de die maa?
hättet dir ä chance das är ei oder zwe tag weniger büglet?
hesch kener omas?
oder kollegine?
wo diner kind chasch gä, wäretem bügle?
aber zandere isch, nach 3 wuche isch chli früech....? der bügu zvermisse, nid?

hoi zämä

caramia: werum ich nit "nur" 40% wetti schaffe, me seit ja immer lehrer sig de optimal job fir teilzit, das stimmt theoretisch scho. aber ds problem isch dass wenni nur so wenig schaffe, de hani kei richtige kontakt zude schüeler, es isch schwirig so en gueti bezieig ufdsbue. usserdem hemmr so vill sitzige und sache usserhalb fum unterricht wo ich denn ja glich sötti teilnä... me isch eifach nit richtig debii und verpasst wichtigi sache. Und es chunt nu dezue dass ich nit so gärn fachlehreri bi sonder lieber klasselehreri.

Mi Maa hilft mier mega vill, er macht am weekend vill mit de chind und gaht au mal mim sohnemann usem huus so dass ich chli zit fir mich ha. Au am abig hilft er mier immer mit de chind.

ämmitalerin: Mi maa isch au seklehrer.

S ghat ja gar nit darum dass ich 2 täg wetti schaffe und nit chönti, sondenr dass ich mind. 60% wett schaffe, aber nit so vill fude chind wett wäg si. ich bi i dem sinn ime dilemma. Ich bruche eifach chli geistigi herusforderig oder öpis wo mich erfüllt woni au dihäi cha mache.

oder wet de zwärgesprach machsch mit de kind und das no witer usüebsch.
oder dahei schuel gisch? ( macht ä ollegin vo mir)
isch chli schwirig, wetsch scho bau z5i und zweggli...

ich verstah gläb di dialekt nit ämmitalerin . Ja gäll... wett scho chli de 5er und ds weggli

sorry, was versteisch nid?

lerne deinen kinder die zwergesprache und dir selber, macht spass und braucht ein wenig dein kopf. oder gieb zu haus schule, das macht eine kollegin von mir auch.....
ok?

aha zwergensprache! das wort hani irgendwie nit gschnallt.

evt. gibi nachhilf dihäi, das hani mier au scho überleit. wie macht das denn dini kollegin?

kensch zwergensprache?
mini kollegin, erwartet z4te kind und wott ihri kind nid it schuel schicke.... aber dies erste isch ^dönk no zchli, für tschuel gä...???

Und wenn dein Mann ein wenig reduzieren würde, so dass er zwei Tage zuhause wäre? Dann könntest du noch den Mittwochmorgen (mit Grosis oder so), für eine Betreuung organisieren und du könntest somit ein "anständiges" Pensum arbeiten.
Wäre ja eigentlich auch für deinen Mann eine tolle Alternative.
Oder, wie wäre es, wenn du einige Stunden deines Mannes übenehmen würdest und er in dieser Zeit zu Hause wäre? Ich kenne auch Lehrerpaare, die dies so gemacht haben und damit richtig glücklich waren.

Hoi Lilii
Isch Dir dänn langwiilig mit diine zwei? Aso ich cha nid gross us Erfahrig rede, ich ha erscht eis. Aber am Afang isch no so gsi das sie sehr viel gschlofe hät. Momentan bini froh wänn sie mol ä halb Stund oder so schloft währendem Tag. Suscht mues immer öppis laufe. Ich schaff 30%, i därä ziit wird di Chli vom Grosi betreut. Meh chönnti mir nid vorstelle.
Meinsch nid wänn dini Chlii bitz älter und mobiler isch, dass Du dänn au meh gforderet bisch mit beidne? Viellicht bisch dänn froh wännd dihei bisch...
Und suscht chasch viellicht Nochhilf gi, cha mir vorstelle das mä dänn au ehnder chli ä Beziehig zum Schüeler cha ufboue wels immer zur gliiche i d'Nochhilf gönnd...

ach nei, das chämt fir mich niemals in frag mini chind nit id schuel schicke!!

nein, mit meinem mann ein pensum teilen kommt nicht in frage. 1. wollen wir nicht am selben ort arbeiten und 2. ist die schule wo mein mann arbeitet nicht so mein "Ding".
Mein mann möchte nicht reduzieren, ich verstehe seine gründe auch.

Weisst du, am Ende müssen wohl einfach alle selbst entscheiden, ob sie 100, oder 50 oder gar nichts arbeiten wollen neben den Kindern. Okay ist das alles, solange es für die Familie stimmt und die Fremdbetreuung gut geregelt ist mit Grosi, Tagesmami, KITA oder wie auch immer. Obwohl das für mich im Moment nicht stimmen würde, finde ich, du brauchst auch bei 100% kein schlechtes Gewissen zu haben. Du hast ja jetzt noch ein paar Monate Zeit, dann probiers doch einfach mal aus ;)