Was tun für MICH?

Hoi Lilii

Ja du, mich stresst das mängmal au mit däm Schlah. Ha mich hald au gfragt, vo wo är das hed. Und eigentlich hed är ja nu niä gseh, wiä öpper gschlagä wordä wär ganz geschweige denn das sälber erläbt. Aber dämfall gahts hiä au um d'Reaktionä teschtä... ha ich gar nid gross überleid.

Ich dänk, da mümer jetzt eifach durä und muäss ihm's hald immer wieder erklärä, dass er fiin umz'gha hed mit dä andere... bin darum scho au sehr gspannt, wiä ärs denn mit enämä Gschwüsterli macht. Aber isch schön z'ghörä, dass äs bi diär so guet lauft, und das git miär au Hoffnig

Diä Chlinä sind hald extrem fiinfühlig, da stuun ich immer wieder! Drum verwunderets mich nid, wenn du schriebsch, dass er das wahrschinlich gspührt hed, dass äs en Veränderig git. Aber ich finds hald au spannend und für mich sälber hald au lehrrich, wills mängmal au wiä än Spiägel für mich isch!

Oh ja, das glaub ich, dass das sträng isch. Bin froh gsi, dr Leo hed vo afang ha dä Nuggi gnu und äs hed usgseh, als hät är scho 9 Mönät gnuggeled är hed äs extrems Sugbedürfnis gha, hät also nid gwüsst was ohni Nuggi machä... du armi! Aber um so schöner, wenns jetzt guät lauft. Denn schätzt mä's au, gäll.

Züglä? Gahts wiit? uiuiui, das isch au öppis, wo ich niä gärn gmacht han. Aber siit miär da i üsäm eigene Huus sind hoff ich jetzt, für laaaaangi Ziiit nümä müässä z'züglä. Bisch dänk scho chli am Vorbereitä und diä erschtä Chistä packä?

liäbi Grüessli
Reanda

hoi reanda

Ja mach dr kei sorge wägem schlah. Bis 3 jährig machet Chind so Sache nie um öperem bewusst weh mache. Er cha sich gar nu nit i dem sinn i öper andersch inefühle. Genau, eifach immer nei sägä und sägä er söll fiin sii. (und nit umbedingt en langi erklärig) Bi mim Sohn isches mängisch au extremer gsi wenn villi chind ume gsi sind oder wenn vill los gsi isch. De hani nä mängisch eifach au chli fum Gschehe wäg gnu, damit er chli zur rueh cho isch. Er isch denn we überforderet gsi dass so vill lauft um ihn ume und het drum gschlage will er nit gwüsst het wie schusch reagiere. S brucht eifach vill Geduld aber chasch sicher sii dass er das nit us böswilligkeit macht und wäg dem sicher au kei aggressive Schläger-bueb wird.
Ach ja und usserdem isches für di Sohn au nu schwirig fiin dsi, rein motorisch. Das muss er au ds erscht lernä.

Mier zügglet öpe 15min. autofahrt wäg fu da womr jetzt wohnet. Hend en traumhafti riisigi 5,5 zimmer maisonette wohnig ime nüä familiequartier (mit grossem spilplatz) verusse gfunde. Freu mich drum riisig. Mier züglet mit zügelfirma und hend vil fründe wo hälfet chiste packe. Drum hani gar nu nit agfange. Mier wend so lang we möglich nurmal wohne und denn ratzfatz alles ufs mal ipacke, zügle und uspacke. Bi gspannt we üse sohn das ufnimmt plötzlich ame andere ort ds wohne und es anders zimmer ds ha usw...

So, muss au gli is bett! Schlaf guet!

Hoi Lilii

Dankä für Tipps... ja ich hoffä, dass är das schnäll lernt, aber da müämer hald durä. Hüt hed är mit sim Cousin und mit sinere Cousine gspielt. D'Cousine isch nur äs Jahr älter. Und s'isch scho rächt härzig, wiä är mit ihrä umgaht. Hüt hed är sie au niä gschlagä

Oh wow das tönt doch super, mit derä Wohnig. Cool, das freut mich für dich! Und hend doch rächt, dass iär grad än Zügelfirma engagiärt hend. Äs isch ja scho än riesä büätz, das Züglä.
Cha miär scho vorstellä, dass das am Afang rächt komisch isch für üchä Sohn. Uf de andere Siitä dänk ich immer, diä Chind fühlid sich det wohl und dähäimä, wo au d'Eltärä sind. Sie sind meh Personä- als Ort-Bezogä (wenn mä däm so cha sägä).
Mini Grossmueter isch us Dütschland. Und im Januar simmer alli zämä det gsi. Miär sind inämä Hotel gsi, da d'Wohnig vo minärä Oma sehr chli isch. Trotzdem hed sich üsä Chli so schnäll zrächt gfundä bi ihrä, dass miär da alli gstuunäd hend.
Also ich drück diär doch fescht Duumä, dass sich das denn au alläs zämä schnäll ergit und au är a de neuä Wohnig viel Freud wird ha!

...bi nu am Lasagne machä für morn (so muess ich d'Blätter nid vorchochä, wenns über d'Nacht Flüssigkeit ziäht) - haha, bi chli fuhl mis Gottämeitli isch morn bi miär und das isch ihräs Liäblingsässä... was mä doch nid alläs macht !

Wünsch diär än schönä Abig!

aaaaah, das problem mitem schlah hani au... :-( vermehrt denn, wenn sie uf mich verruckt isch, wenn sie öpis nid dörf... es isch mega astrengend... sie isch jöhrig und macht das jetzt sit öpe 4wuche... :-( und wenn sie mit ihrem cousin spilt... de nimmt ihre u vill spielsache us dr hand und denn laht sie de frust a mir ab... mega doof... aber bald wird sie ihm eis zwicke, wenn sie kei luscht meh het, sich alles us dr hand neh ds lah... dörf sie das denn oder söll me iigriefe? sie isch mis erschte chind und vor derige moment hani bitz bammel, weli ja weiss i dem fall hetti sie recht, aber haue söttme nid... rede chan sie ja nonig und drum isch das vorprogrammiert... hend ihr das gscheh lah oder hend ihr iigriffe?

hoi sterndli

also wenn öperem mim sohn öpis wägnimmt und är würi schlah oder so (was er zum glück nit macht, er bisst denn i gägästand oder riist eifach dra ume), de würi sägä är dörfi nit schlah aber er dörf sägä "nei". Ide Chrabbelgruppe wo mier amig gönd machet das alli so, me muss sich nit alles gfalle la aber schlah und bisse dörf mä anderi nit.

reanda, nimm doch lasagneblätter wome nit muss vorchoche. nime immer die, klappet super.